هموم الوقـت
New member
- إنضم
- 2009/11/08
- المشاركات
- 41
السلام عليكم ورحمة الله
شحالكم خوااتي
والله اعذرووني على كثر مشااكلي بس محد اقدر الجأ له بعد الله واستفيد من خبراته الا انتووو
والله المشاكل في حياتي بدت تزييييد
انا ماكملت سنه من تزوجت والحمدلله الحين حامل والمشاكل كل يوم تزيد مادري شصاير والله :sad_1:
الله يسلمكم انا عايشه في بيت اهل زوجي وزوجي دوامه في مدينه ثانيه غير عن المدينه الي احنا ساكنين فيها يعني مايرجع الا الويكند
ومايخليني اروح اغير جو في بيت اهلي وابات عندهم :sad_1: ومادري شالسبب كل ماقول له يقول خلاص انتي متزوجه ومالج الا بيت ريلج ،، انزين اقول له انت محد وخلني اروح بس يوم او يومين ع الاقل اغير الجو الي عايشته في هالبيت مايرضى مايعجبه واسكت ..
المهم في عايلتهم صح هم يقربون لي بس فيهم صفات انا مااااحبهااااااااااااااااااااااااا
مثل النفااق والحش وقسم بالله انا ماكنت اعرف عنهم هالشي صح اعرف انه يحشون بس مادريت انه الام والاب بعد يحشون وكل سوالفهم حش في خلق الله وانا هالصفه ماتعجبني ابد
اول شهر لي بعد الزواج كنت اوكي وياهم ويعني شوي شوي بديت اتسمع لسوالفهم ومادري جاتني حاله صرت مثلهم احش في النااس
عقب تنبهت على نفسي وغيرت من طبعي قبل لا تكبر هالصفه السيئه فيني !!
ومن تغيرت انا مابديت احش في الناس وكله سااكته وياهم واذا تكلمو انا اسكت ماحب اتكلم ومرات ادخل عنهم في حجرتي هم ماعجبهم الوضع قلت لهم ماحب حد يحش بس محد يسمعني !! المهم تميت كله متااضيه مليت من الروتين اللي هم فيه كله يتنقدون ع الناس ويتكلمون من وراهم وقسم بالله والله انا لااحظت عليهم فيهم نفااق بدرجه فضييعه يعني نروح مع ناس يقربون لنا واكثر شي يقربون لهم هم المهم تقعد عمتي ام ريلي تمدح فيهم قدامهم ومادري كيف وعقب يوم نرد البيت كله حش فيهم وتذمهم !!
والله هالصفه ماتعجبني واتضيق منها وصرت كله مكتأبه من حركاتهم ومن نغزاتهم
لدرجة انه بنتهم الي اصغر مني تقريبا بعشر سنين تقعد تهين الناس وتستهزأ فيهم كأنه فيهم غيره مادري .. وكله تحش في الخلق وعقب طاحو فيني انا يعقون علي نغزات وعلى بالهم انا ماعرف لهم بس والله افهم نغزااتهم
يسموني النكديه والغبيه وفيني مرض التوحد وكله ضحك من وراي ويستعبطون علي << هذا لاني سااكته وماحب اتكلم في حد خلاص مليت من الحاله اللي هم عايشينها والله طفشت :sad_1: واستنتجت منهم انه اللي ينافق ويحش بيعيش معاهم وبيرتاحون له وبيكلموه واللي ساكت عن هالسوالف مايدانونه
المهم مرت ايام والله اللي استنتجته انا سمعته من ناس ثانيين ومن اقرب الناس لهم بعد يعني صير لهم قريبه وايد منهم تقول نفس كلامي وانا ماقلت لها شي عنهم وتأكدت من هالمعلومه قالت لي تحذري منهم ترا فيهم نفاق ويحبون يتكلمون ع الناس مع انهم يدخلون مراكز تحفيظ القران بس فيهم طبع شين.. قلت في خاطري تراني عاارفه بدون ماتقولين ومره ثانيه سمعت هالكلام من وحده من اهلي انا قالت ترا انا اعرفهم عدل هذيل تحذري منهم وطنشيهم ومادري كيف نفس الشي الي انا احسه فيهم هم يعرفون انه هالطبع فيهم ويحذرووني منه !!
المهم قبل يومين كنا طالعين كلنا في سياره وحده يعني انا وزوجي وعمي وعمتي وخوات زوجي واخو زوجي .. مارتحت في الطلعه كله ساكته وبنتهم هاي الصغيره كله تعق نغزات وهي على بالها انا مب فاهمتها وعمتي تضحك عليها ويأشرون علي ويحسبوني ماشوفهم وكله حش من وراي !! ويقولن فيه ناس يبيلهم نوديهم عند مرضى التوحد !! بالله عليكم هذا كلام ينقال :tears: تضيقت بس تميت ساكته مطنشه حشمه في عمي !!
المهم نزلنا من عندهم عقب قلت حق ريلي نطلع نتمشى لاني احس بضييق ابي شوي اطلع اتمشى هو ماقصر يحليله طلع يمشيني عقب رحنا مطعم وكله سوالف وضحك وفجأه هو مادري شو ياه علي يقول لي فيج حركات يهال مادري متى بتكبرين !! قلت له مثل شوو ترا انا بطبعي يوم اكل مادري جيه اكل بدفاشه شوي ههه :sad_1: ومرات يطيح الاكل قال لي هذا طبع اليهال ،، وعقب مادري شو قال بس والله مايخصه في اليهال وايد حريم فيهم نفس طبعي مادري ليش هو جيه قال لي
عقب تم يقول لي غبيه انتي ومادري وشو انا استغبرت عقب سكت وردت لي الضيقه وتم يرددها ياغبيه ياغبيه وانا هنيه تضيقت اكثر :tears: ومسكت نفسي وكانت شوي والدمعه بتنزل بس حاولت امسكها .. وعقب مادري شو صار ونزلت دموعي حتى ماكملنا عشى وانا اصيح كله بسبب مضايقاته هو واهله وعلى فكره ترا امه نفس الشي تقول لي هالكلمه بس بطريقه غير مباشره !! بس انا افهمها والله .. واحس انه فيه طباع وايد من امه
المهم وانا واصيح في المطعم قال لي خلاص قومي نرد وردينا واحنا في الطريق يسألني شفيج وشو الي مضيقبج ماقلت له لانه بيتم يعايرني بعد وانا مايعجبني حد يقول لي غبيه شو شايفيني :tears:
المهم بعد ماهديت شوي قال ادري باللي فيج انتي متضايقه من اهلي ومب عاجبج بيتنا سكت انا وقال كلام وايد قال لي عقب لين متى بتمين حاقده على اهلي قلت له لاتقول هالكلمه انا مافيني حقد قال مبلا فيج المهم سكت عنه وطنشته خليته يتكلم لاني لو ناقشته بتكبر السالفه .. ردينا البيت وانا متضاايقه وعقب دخلت بدلت ملابسي وغسلت ويهي وطلعت ولا كانه شي صاير طلعت مع امه وابوه ويلست اسولف وغيرت الموضوع ولاكنه شي صاير كل هذا بس عشان هو مايتضايق
في اليوم الثاني رحنا بيت اهلي .. واحنا رايحين كان يقول لي لاتسوين نفسج نكديه وكله ساكته ولاتسولفين قلت له انا هذا طبعي من قبل ماتاخذني قال لي هالطبع لازم تغيرينه وكم مره بقولج غيريه قلت ليش شو تبيني اسوي يعني شو اقول يوم وقت السوالف اسوولف شوي واقول باللي عندي المهم عقب قال ترا امج اتصلت في امي وتسأل عنج وتقول بلاها ليش مضايقيبها عقب حرمة اخوج اتصلت ونفس الشي انا هنيه استغربت ليش حرمة اخوي تتصل في امه وتساله عني بالعاده تتصل فيني وتسالني انا اذا متضايقه والا شي ..
عصبت قلت له ماعليه انا برمسها حرمة اخوي وهو سكت يوم وصلنا بيت اهلي لقيت حرمة اخوي وسالتها قالت والله انها ماتصلت ولا شي ... وحلفت لي !! ،، عقب انا مادري شو ياني يوم ردينا البيت قلت له حرمة اخوي ماقالت شي << وقسم بالله تندمت ع هالكلام الي قلته كلني بقشووري وليش تخبرين وشو قلت لج انا ومادري وشو قلت له تراني قلت لك بخبر حرمة اخوي وانت سمعتني قال ماقلتي قلت له والله العظيم قلت بس انت يمكن ماسمعتني وعصب علي ومادري كيف قلت له خلاص انزين ان شاء الله مابيصير شي ولاتتضايق وانا اسفه عقب سكت وبعدين رد فتح سالفة ثانيه قال انتي في قلبج حقد وحاقده على اهلي قلت له مب حاقده انا اول مره حد في حياتي يقولي هالكلام بس من دخلت بيتكم اهل بيتكم الا يقولون لي حاقده وغبيه .. قال مبلا الناس مايعرفونج محد يعرفج قلت له اهلي يعرفوني عدل ومستحيل يقولون عني جيه لاني مب حاقده وتم يعايرني ومادري كيف لين مانفجرت فيه خلاص ماقدرت استحمل وصحت قلت له خلاص اذا ماتبيني طلقني اذا مب عاجبتك طلقني لاتقعد تعايرني وتعاملني جيه !! وقف من السواقه فجأه ومسكني من رقبتي وتم يصرخ فيني صرااخ قال هيي انتي شو هالكلام الي تقولينه وثمني كلامج ومادري كيف عصب علي والله بغيت انفجر خلاص تمنييت المووت ولا حد يعاملني هالمعامله عقب وصلنا البيت شل اغراضه وراح المدينه الي يشتغل فيها ع طول قلت له اصبر تميت اترجاه يقعد شوي مابيه يطلع وهو معصب قلت اصبر لين تهدا هو ماعطاني ويه وطلع مسرع من البيت رسلت له مسجات واتصله مايرد علي ..
برايكم شالحل لاتبخلوون علي بالردووود
شحالكم خوااتي
والله اعذرووني على كثر مشااكلي بس محد اقدر الجأ له بعد الله واستفيد من خبراته الا انتووو
والله المشاكل في حياتي بدت تزييييد
انا ماكملت سنه من تزوجت والحمدلله الحين حامل والمشاكل كل يوم تزيد مادري شصاير والله :sad_1:
الله يسلمكم انا عايشه في بيت اهل زوجي وزوجي دوامه في مدينه ثانيه غير عن المدينه الي احنا ساكنين فيها يعني مايرجع الا الويكند
ومايخليني اروح اغير جو في بيت اهلي وابات عندهم :sad_1: ومادري شالسبب كل ماقول له يقول خلاص انتي متزوجه ومالج الا بيت ريلج ،، انزين اقول له انت محد وخلني اروح بس يوم او يومين ع الاقل اغير الجو الي عايشته في هالبيت مايرضى مايعجبه واسكت ..
المهم في عايلتهم صح هم يقربون لي بس فيهم صفات انا مااااحبهااااااااااااااااااااااااا
مثل النفااق والحش وقسم بالله انا ماكنت اعرف عنهم هالشي صح اعرف انه يحشون بس مادريت انه الام والاب بعد يحشون وكل سوالفهم حش في خلق الله وانا هالصفه ماتعجبني ابد
اول شهر لي بعد الزواج كنت اوكي وياهم ويعني شوي شوي بديت اتسمع لسوالفهم ومادري جاتني حاله صرت مثلهم احش في النااس
عقب تنبهت على نفسي وغيرت من طبعي قبل لا تكبر هالصفه السيئه فيني !!ومن تغيرت انا مابديت احش في الناس وكله سااكته وياهم واذا تكلمو انا اسكت ماحب اتكلم ومرات ادخل عنهم في حجرتي هم ماعجبهم الوضع قلت لهم ماحب حد يحش بس محد يسمعني !! المهم تميت كله متااضيه مليت من الروتين اللي هم فيه كله يتنقدون ع الناس ويتكلمون من وراهم وقسم بالله والله انا لااحظت عليهم فيهم نفااق بدرجه فضييعه يعني نروح مع ناس يقربون لنا واكثر شي يقربون لهم هم المهم تقعد عمتي ام ريلي تمدح فيهم قدامهم ومادري كيف وعقب يوم نرد البيت كله حش فيهم وتذمهم !!
والله هالصفه ماتعجبني واتضيق منها وصرت كله مكتأبه من حركاتهم ومن نغزاتهم
لدرجة انه بنتهم الي اصغر مني تقريبا بعشر سنين تقعد تهين الناس وتستهزأ فيهم كأنه فيهم غيره مادري .. وكله تحش في الخلق وعقب طاحو فيني انا يعقون علي نغزات وعلى بالهم انا ماعرف لهم بس والله افهم نغزااتهم
يسموني النكديه والغبيه وفيني مرض التوحد وكله ضحك من وراي ويستعبطون علي << هذا لاني سااكته وماحب اتكلم في حد خلاص مليت من الحاله اللي هم عايشينها والله طفشت :sad_1: واستنتجت منهم انه اللي ينافق ويحش بيعيش معاهم وبيرتاحون له وبيكلموه واللي ساكت عن هالسوالف مايدانونه
المهم مرت ايام والله اللي استنتجته انا سمعته من ناس ثانيين ومن اقرب الناس لهم بعد يعني صير لهم قريبه وايد منهم تقول نفس كلامي وانا ماقلت لها شي عنهم وتأكدت من هالمعلومه قالت لي تحذري منهم ترا فيهم نفاق ويحبون يتكلمون ع الناس مع انهم يدخلون مراكز تحفيظ القران بس فيهم طبع شين.. قلت في خاطري تراني عاارفه بدون ماتقولين ومره ثانيه سمعت هالكلام من وحده من اهلي انا قالت ترا انا اعرفهم عدل هذيل تحذري منهم وطنشيهم ومادري كيف نفس الشي الي انا احسه فيهم هم يعرفون انه هالطبع فيهم ويحذرووني منه !!
المهم قبل يومين كنا طالعين كلنا في سياره وحده يعني انا وزوجي وعمي وعمتي وخوات زوجي واخو زوجي .. مارتحت في الطلعه كله ساكته وبنتهم هاي الصغيره كله تعق نغزات وهي على بالها انا مب فاهمتها وعمتي تضحك عليها ويأشرون علي ويحسبوني ماشوفهم وكله حش من وراي !! ويقولن فيه ناس يبيلهم نوديهم عند مرضى التوحد !! بالله عليكم هذا كلام ينقال :tears: تضيقت بس تميت ساكته مطنشه حشمه في عمي !!
المهم نزلنا من عندهم عقب قلت حق ريلي نطلع نتمشى لاني احس بضييق ابي شوي اطلع اتمشى هو ماقصر يحليله طلع يمشيني عقب رحنا مطعم وكله سوالف وضحك وفجأه هو مادري شو ياه علي يقول لي فيج حركات يهال مادري متى بتكبرين !! قلت له مثل شوو ترا انا بطبعي يوم اكل مادري جيه اكل بدفاشه شوي ههه :sad_1: ومرات يطيح الاكل قال لي هذا طبع اليهال ،، وعقب مادري شو قال بس والله مايخصه في اليهال وايد حريم فيهم نفس طبعي مادري ليش هو جيه قال لي
عقب تم يقول لي غبيه انتي ومادري وشو انا استغبرت عقب سكت وردت لي الضيقه وتم يرددها ياغبيه ياغبيه وانا هنيه تضيقت اكثر :tears: ومسكت نفسي وكانت شوي والدمعه بتنزل بس حاولت امسكها .. وعقب مادري شو صار ونزلت دموعي حتى ماكملنا عشى وانا اصيح كله بسبب مضايقاته هو واهله وعلى فكره ترا امه نفس الشي تقول لي هالكلمه بس بطريقه غير مباشره !! بس انا افهمها والله .. واحس انه فيه طباع وايد من امه
المهم وانا واصيح في المطعم قال لي خلاص قومي نرد وردينا واحنا في الطريق يسألني شفيج وشو الي مضيقبج ماقلت له لانه بيتم يعايرني بعد وانا مايعجبني حد يقول لي غبيه شو شايفيني :tears:
المهم بعد ماهديت شوي قال ادري باللي فيج انتي متضايقه من اهلي ومب عاجبج بيتنا سكت انا وقال كلام وايد قال لي عقب لين متى بتمين حاقده على اهلي قلت له لاتقول هالكلمه انا مافيني حقد قال مبلا فيج المهم سكت عنه وطنشته خليته يتكلم لاني لو ناقشته بتكبر السالفه .. ردينا البيت وانا متضاايقه وعقب دخلت بدلت ملابسي وغسلت ويهي وطلعت ولا كانه شي صاير طلعت مع امه وابوه ويلست اسولف وغيرت الموضوع ولاكنه شي صاير كل هذا بس عشان هو مايتضايق
في اليوم الثاني رحنا بيت اهلي .. واحنا رايحين كان يقول لي لاتسوين نفسج نكديه وكله ساكته ولاتسولفين قلت له انا هذا طبعي من قبل ماتاخذني قال لي هالطبع لازم تغيرينه وكم مره بقولج غيريه قلت ليش شو تبيني اسوي يعني شو اقول يوم وقت السوالف اسوولف شوي واقول باللي عندي المهم عقب قال ترا امج اتصلت في امي وتسأل عنج وتقول بلاها ليش مضايقيبها عقب حرمة اخوج اتصلت ونفس الشي انا هنيه استغربت ليش حرمة اخوي تتصل في امه وتساله عني بالعاده تتصل فيني وتسالني انا اذا متضايقه والا شي ..
عصبت قلت له ماعليه انا برمسها حرمة اخوي وهو سكت يوم وصلنا بيت اهلي لقيت حرمة اخوي وسالتها قالت والله انها ماتصلت ولا شي ... وحلفت لي !! ،، عقب انا مادري شو ياني يوم ردينا البيت قلت له حرمة اخوي ماقالت شي << وقسم بالله تندمت ع هالكلام الي قلته كلني بقشووري وليش تخبرين وشو قلت لج انا ومادري وشو قلت له تراني قلت لك بخبر حرمة اخوي وانت سمعتني قال ماقلتي قلت له والله العظيم قلت بس انت يمكن ماسمعتني وعصب علي ومادري كيف قلت له خلاص انزين ان شاء الله مابيصير شي ولاتتضايق وانا اسفه عقب سكت وبعدين رد فتح سالفة ثانيه قال انتي في قلبج حقد وحاقده على اهلي قلت له مب حاقده انا اول مره حد في حياتي يقولي هالكلام بس من دخلت بيتكم اهل بيتكم الا يقولون لي حاقده وغبيه .. قال مبلا الناس مايعرفونج محد يعرفج قلت له اهلي يعرفوني عدل ومستحيل يقولون عني جيه لاني مب حاقده وتم يعايرني ومادري كيف لين مانفجرت فيه خلاص ماقدرت استحمل وصحت قلت له خلاص اذا ماتبيني طلقني اذا مب عاجبتك طلقني لاتقعد تعايرني وتعاملني جيه !! وقف من السواقه فجأه ومسكني من رقبتي وتم يصرخ فيني صرااخ قال هيي انتي شو هالكلام الي تقولينه وثمني كلامج ومادري كيف عصب علي والله بغيت انفجر خلاص تمنييت المووت ولا حد يعاملني هالمعامله عقب وصلنا البيت شل اغراضه وراح المدينه الي يشتغل فيها ع طول قلت له اصبر تميت اترجاه يقعد شوي مابيه يطلع وهو معصب قلت اصبر لين تهدا هو ماعطاني ويه وطلع مسرع من البيت
رسلت له مسجات واتصله مايرد علي ..برايكم شالحل لاتبخلوون علي بالردووود
