ارجوكم سااااااعدوني

[مملكة عشقي]

السلام عليكم ياااااااااااااا احلى امهات ​

بدخل في موضوعي على طول """"""""""" :8:
بنتي عمرها 3 شهور وذبحها الامسااااااااااااك تجلس بعض الاحيان 10 ايام ماتبرز
الله يكرمكم """ الا لما اعطيها تحاميل جلسرين
وعلى هذا الحال وديتها المستشفى قالي بعد كل 48 ساعه اعطيها تحميله
وكتبلي حليب بيبيلاك ومانفع الامساك مازال كنت اعطيها حليب سيميلاك
وجربت بلميل مانسبها جبلها مغص واستفراغ
انا ارضعها طبيعي بس ما يكفيها صدري
واعطيها نعناع ويانسون وكمان جربت التمر مافي فايده
اخاف تتعودعلى التحاميل
تكفووووووووووووووون لاتطنشوني
والله جبتها بعد تعب الحمد الله داااااااااااام 3 سنوات
اعطوني حلولكم يااخواتي :20:​

 

[نووورهـ]

الله يشفيها .
أقري عليها الاذكا يوميا . أعطيها عسل .دهنيها بـ زيت زيتون .
ياعمري احنا الكبار نتعذب لما يجينا ..! من اول ماتزوجت وعندي هالمشكله .
الله يفرج عن الجمييع

 

[بداية قصتي ضحكه]

عادي عزيزتي طبيعي يجيها امساك بس انتي خففي مكيال الحليب اذا اربع ملاعق خليهاا ثنتين واذا خمس كمان ثنتين وما عليهاااااااااااااا الا العافيه

 

[ام مصعب]

ماينفع العسل الابعدالسنه

 

[مملكة عشقي]

يعطيكم الف عافيه
واشكر كل من رد علي
الصراحه يقول الدكتور مو طبيعي لازم تبرز في اليوم اقل شي مره
وذحين ماشيه معاها بتحاميل
الله يعين ويساعد
ولاتحرموني من مشورتكم
تحياتي

 

[يايايا]

دهنيلها فتحه الشرج بفازلين---وشربيها مي دافيه لحالها بدون شي --- وشربيه شمر ممتاز للا مساك--الله يشفيها

 

[صمتي يقويني]

انا انصحك التحاميل كثرتها مو طيب
بس في طريقه افضل انا صراحه كنت اسويها لولدي لمن كان يعاني من امساك في الشهور الاولى كنت كل يومين اجيب عود قطن الاذاني واغمسه بلفازلين وادخلها عند فتحة الدبر عشان تسهله خروج البراز بس انتبهي لا تدخليها كل بس عل الطرف في كمان موية غريب خذيها من صيدلية النهدي تمشي البطن وتهدي مغص الامساك
الله يشفيها

 

[رقة المشاعر]

الله يحميها لك

حبيبتي دهنيها بزيت زيتون دافي
وشربيها يانسون وقللي الحليب يعني 2 ملعقتين اذا رضاعتها 120
واذا كانت الرضاعه الصغيره يكون ملعقه
يمكن من الحليب
جربي اس 26 مررررررررررررره روعه هالحليب
دامك ترضعينها من صدرك لاتكثرين لها الصناعي

وعطيها مويه حتى يمشي بطنها

والله يحفظها ويشفيها

 

[مملكة عشقي]

اشكر كل من رد علي ويعطيكم العافيه
ياليت تزودوني بخبراتكم كمان
ومشكورين

 

[كــبرياء أنثى]

حبيبتي انتبهي لازم تعرفين ايش المشكله بالضبط ،
انا عندي ولدين الكبيراللحين 6 سنوات ونص والصغير 3 سنوات الله يحفظهم ، المهم ولدي الكبير كان نفس حالت بنتك يوم كان في عمرها وتعبت معه امساك ومايقدر يتبرز يعني يتشنج وقت البراز وانتي بكرامه ،
كنت اشربه عصير برتقال ومايفيد ، تصدقين غيرت حليبه 5 مراات ، ونفس الحاله معه الى ان وصل عمره سنه قلت باوديه المستشفى اشوف ايشالمشكله ووديته اكثر من مستشفى كان يقولون عادي طبيعي وعلى طول يوصفون لنا مسهلات وتحاميل ومافادت معه ، انا اهلي في الرياض وانا في مدينه ثانيه يعني مدينه صغيره مو كبيره ، واول ماجتني فرصه ورحت عند اهلي في الرياض وعلى طول على مستشفيات خاصه لان امي لماشافته قالت حالته مو طبيعيه حتى مامشى ولا حتى وقف ولا جلس حتى مع ان عمره سنه .
المهم يوم وديته مستشفى خاص قال الدكتور اول شئ يستخدم المسهلات لمدة اسبوع وبعدها نشوف، طبعا المسهلات مافادت معه وسوا له اشعه بعدها وطلع عنده القولون الهضمي والولد له سنه يتعذب ولا عرفت مشكلته،
قال الدكتور لازم تشوفون له جراح اطفال ويالله يالله لقيت جراح اطفال لانه وقت صيفيه واكثر الناس اجازات ،
ولقيت جراح اطفال بعد عناااء وتعب والله العظيم مابقيت مستشفى خاص في الرياض الا رحت له وسالت ،
بعد ما وديته لجراح اطفال الحمد لله مشى معه على برنامج لمدة شهرين كامله ، والحمد لله خفت حالته .
وبعدها بفتره تعب ووديته مستشفى وسوا له عمليه اخذوا عينه من الامعاء لانه اذا كان في الامعاء اعصاب ما يقدرون يستأصلون القولون الهضمي ، اما اذا ماكان فيها اعصاب مايقدرون يستأصلونه ، المهم الامعاء طلع فيها اعصاب .
و على فكره ترى القولون الهضمي اذا كان مع الواحد من الصغر مايروح اذا كبر يعني لازم له برنامج غذائي خاص وانواع اكل ممنوع منها ، الى الان وانا انتبه لاكله وحاجات مااخليه ياكلها وطبعا بين فتره وثانيه يتعب واضطر اني اعطيه حقنه شرجيه مع انه خلاص صار يفهم بس ايش اسوي ،الحمد لله على كل حال .
وان شاء الله ان اللي عند بنتك امساك عادي والله يخليها لك .

 

[*وحده من الناس*]

انا بنتي كانت زي بنتك شربيها مويه كثير واعصري لها عصير برتقال وادهني بطنها بزيت زيتون دافي وامحي واقري عليها وان شاء الله ربي يشفيها لك