ارجوكم ردوا علي....زوجي طيب لكنه يحب النكد

الله يعينك ويفرج همك

والطلاااااق مو حل ..
 
غاليتي

زوجك شرقي متسلط

بمعنى يبحث عن الحب بقووووة منك ...


يريدك مبسوطة مستانسة محبة عاشقة ... فنانه في الجنس .

يعشق وجودك بجوارة فهو يحبك حب كبيرررررررررررررررررررررررر للغاية امبر مماتتصورين ...


انظري الحب الذي يريده وقدمية له بكل فن وذوووق ...
​
 
عزيزتي

استغلي وجودك ببيت اهلك حتى لو كان زعلان وارسلي له رسائل خاصه وحلوه


ولازم تتقبلي زوجك مثل ماهووو

مثل مااحنا متقبلين ازواجنا ومافي احد كامل


ومافي اسهل منها انو يدور له حب جديد وينساك لو ماتحركتي وعدلتي تصرفاتك معاه


بحبه لك تقدري تاخذي منه الاذن بانو تروحي لاهلك ولجيرانك


واتعلمي فنون الرقص وغيره اذا هذا اللي يعجب زوجك


ولاتطولي عند اهلك الوقت مو من صالحك


موفقه
 
الحل الوحيد خليه يتزوج حرمه تهتم فيه وانتي يدخل عليك ويطلع بدل الطلاق وتفرق الاسره وتباعدها اذا كنتي ماتقدرين ترضينه
 
انتبهي يآآقلبي الله يهدييييك لآآ تهدمييين بييتك بنفسك

والله العضيييم لي بس سنه متزوووجه اقسم بالله من يووووم تزوووجته الى اليووم قربت السنتييين وانا اترجآآه واطآآرده يجلس معآآي بس يوووووم واااحد لآلآلآلآ مو يووم ابغى على الاقل وقت نطآآلع فلم سوا للآخر
لكن للاسف يكره جلسة البيت واستسلمت واقتنعت وتعووودت وبيالعكس صااار وجوده يووترني ويربكني
احمد ربك
 
لا تعرضين عليه الزواج بيزعل ويقول ما تحبيني
و الله حاسه فيك
من كثر زعله و سخطه تحسين بالذنب وإنك مستحيل ترضينه
لو تسوين مليون شغله حلوه بيدور على النقص ويعلق عليه
قليل ما يشكر أو يمدح ومستحيل يرضى
من شعوري بالذنب مع زوجي الشرقي قلت له من جد إذا أنا ما أحصنك ولا أرضيك تزوج أنا ما أبي أضيع آخرتي
وأنا جااااده مالقينا تقدير بالدنيا وياخوفي سخطهم يدخلنا النار بالآخره
بس هو زعل وللحين يكرر السالفه كل شوي من قهره
يقول الحين أمي عجوز وإذا جاء طاري التعدد إنهبلت وأنتي تقولين تزوج ؟!
بس صدقا الشرقي بقد ماهو إنسان مثالي بقد ما هو مزعج و صعب الإرضاء
وأي وحده من اللي إنتقدوك ما راح تحس بصعوبة حياتك لين تجربها
صعب تعيشين مع عدم التقدير والسخط والتملك والإنتقاد 24 ساعه
وليت فيك شئ ينتقد أصلا << أموت ع الثقه :10:
بس الطلاق موب حل اللي صبرك 18 سنه يصبرك الباقي
إصبري و إحتسبي
صار عندي يقين إنهم بداخلهم راضين بس عندهم هواية الإنتقاد والتملك خلي بالك وسييييع
إذا عصبتي حطي بأذانك قطن
و إديلوا الطرشى << يعني طنشييي
 
ايييييييييييه
وإذا بغيتيه يطلع قولي لا تطلع
وإذا بغيتيه يهج بيني نفسك لزقه
وإذا بغيتيه يبعد عنك في مكان الجلسه التصقي فيه دقيقتين
وإذا بغيتيه يفك خناقك كم يوم إخنقيه كم يوم
إذا بترسلينله مسج يرضيه كرري كلامه اللي هو يقوله ولا تبتكرين ما راح يرضيه كلامك
والله يعينك
 
اصغرزوجة قال:
خليك معاه وين ماكان مافي احلى من الجلوس مع الزوج والعيال

والي زوجك بيطلبه مو عيب ولا حرام مواحسن مايجيك واحد يخليك بروحك ويخرج

ارجعي بيتك وقولي لزوجك ماني قادره انام اليل الا وانت جبمبي نايم

اختي هذي مو مشكله
أنقر للتوسيع...

بارك الله فيك وشورك

والله اشوف ماشاءالله تبارك الله مافيه عيوب حليل وطيب

بس واضح مافي تنازلات منك انتي شايله هم العيال والبيت وراكنته

لانك ضامنته

تعرفين لو حسيتي بس احساس انه لف ودار وشاف غيرك وشالك من راسه

تنقلب موازينك عشان كذا اكثري حمد وشكر عالنعه هذي

وانتبهي ترا النعمه اذا ماداريتيها بالحمد والشكر تزول(الله لايكتب لها زوال )

حبيه وحبي استقامته وبالاخير كل عيوبه صغار وتنبلع انتبهي تراه بسن الاربعين يعني يمكن يشاور نفسه الحين بلحاله ويوسوس له الشيطان ويطلعك كلك عيوب تداركي الموقف الله يسخرك له ويسخره لك

واقري قصص غيرك من القسم وتشوفين

ومابيجيك من جمعه الناس والجيران الا مشاكل وحسد (ماعمم ) بس

اذا كانوا مره ناس رائعين لاتخلوا مجالسهم من الذنوب

قعدتك مع عيالك وابوهم والله ابرك لك


الله يصلح مابينكم ويجعل بيكم موده ورحمه
 
استخيري الله فهو المختار
وحاولي ولا تياسي
والله مايستاهل عشان مطالب دنيوية ولاجل الناس تهدمين حياتك
اعيدي النظر في الامر
ان كان زوجك راعي مسؤولية يصرف على البيت ويوديك مشوايرك اللازمة من مدارس ومستشفى وسوق ويسمح لك بالزيارات
وان كان اخلاقه وتصرفاته زينة مصلي ويخاف ربه فاحمدي الله تعالى
وابحثي عن الخلل وادرسي حالتك بالتفصيل واكتبي الايجابيات والسلبيات
وماتريدي منه وما لاتريدي منه
وانظري لمن هو دونك في المشاكل والسلبيات
واعيدي ترميم وتجديد حياتك وتغاضي عن البعض
كبري الايجابيات وصغري السلبيات التي ليس منها ضرر
وتفهمي طبيعة علم نفس الرجل والمراة
وكثير من المواضيع العلمية المفيدة لك
وكوني مع الله صلاة الليل لاتفكينها مع الدعاء له بالهداية وصلاح الحال ...وبما تريدي ان يكون عليه
فالله قريب مجيب يحب من عبده ان يساله فيعطيه
اضغطي هنا
من رضا الله ارضى عليه العباد بيده ملكوووت القلوب والسماوات والارض

 
اعتقد انه جنوبي بس شوفي رابط الانماط وتعرفي شوفي قسم الصحه النفسيه في موضوع للاخت المهاجره
وعشره ١٨ سنه مو شوي فكري بنفسج وعيالج في مرحله محرجه شوي وهي المراهقه بتاثر عليهم سالفه الطلاق
واذا يبيج تصيرين رومانسيه مافي احلى من الرومانسيه عيشي حياتج معاه وخصوصا سن الاربعين تكثر النزوات حاولي تشبعينه بكل طريقه وسالفه الرقص دخلي يوتيوب وحطي رقص شرقي وتعلمي مو عيب ترقصين لريلج والله يوفقج
 
بعد 18 سنه تعبتي ؟؟ من وشو ؟ شو الجديد اللي صار ؟
من زوج يحبك ويحب الجلوس معاج ؟ من زوج ما يطلع برا البيت ومافي بحياته الا انتي ؟ من زوج انتي الملكة فيه وللأسف انتي كارهه انه يكون الأمير فيه ؟
يا بختج بزوج مثل هاي ..
اقعدي معاه وسولفي وياه ومن وقت للثاني انتي دبري طلعه معاه ومع العايلة اللي يقدر يطلع فيها معاهم .. او ادعي العايله عندج في البيت .. لا تكبرين الموضوع .. انا معاج اننا مرات نحس بالاختناق .. لكن لا تنسين ان الزوج هو جنتك ونارك وهو ماقصر معاج ..
 
يااختي حرام عليك الله يهديك هذا زوج تحفة المفروض ينحط ببرواز مايعيش ع الارض لان اللي مثلة انقرضو,,,
المفروض تحمدين ربك ع الاهتمام هذا,,,
فية وحدة عندها رجال مثل كذا (ماشاء الله لاقوة الابالله) وترفس النعمة برجولها,,,
انتبهي تتطلقين وتنرزقين بواحد يندمك زوجك العمر كلة,,
يااختي كلنا مطلوب مننا التغيير والاهتمام بازواجنا,,
كل حرمة زوجها بيطلبها لين يستنزف طاقاتها,,,
بس ايش التعويض؟؟؟(الجنة)
والجنة دخولها مو بالساهل الله يهديك,,
واحمدي ربك انة قالة لك مو جاب وحدة واتزوجها ودق عينك قدام اهلك ومعارفك كلهم,,
انتبهي من قهر الرجال,,, اليوم قالك هي كلام ماتدرين بكرة كيف يطلبها,,
الله يجمع بينك وبين زوجك بكل خير ووفقك الله لما يحبة ويرضاة,,
 
هلا أختي ندوي

الطلاق يا أخواتي ليس كلمة سهلة ننطقها و ينتهي الأمر
بل هو شيء قاصم للحياة أشبة ما يكون بالموت
إنه المفرق هادم البيوت مشتت الأطفال
الحذر ثم الحذر أخواتي من تكرار هذا الطلب أو التفكير فيه
قال رسول الله صلى الله عليه وسلم قال: "لا تسأل المرأة زوجها طلاقها من غير كنهه فتجد ريح الجنة".
أي أن هذا الطلب بلا سبب مقنع دينيا يطرد المرأة من رحمة الله
أختي ندى زوجكي قد و صل الــ 40 و لتعلمي بان الرجل كلما تعدى هذا السن كلما زاد تعلقا ببيته و زوجته و أولاده
قرار الطلاق لم يعد أمرا يخصكي وحدكي فهو ملك لجميع أطفالكي .... فهل لكي القدرة على فتح بيت و أن تكوني في مقام الأب و الأم لأولادكي هل فكرتي جديا في أن تقومي بكل ما يقوم به زوجكي الأن ؟؟؟ هل لكي طاقة على ذلك ؟؟؟
هل تخيلتي أن يكونوا أولادكي لاب و أم مطلقين ؟؟؟

أما طباع زوجكي البيتوتيه فتأكدي بأنها نعمة من الله و إسألي نساء المنتدى
نسقي و قتكي ما بين زوجكي و بين متطلباتك
لا تعنفيه يأختي و لا تولدين له شعور بالنقض فهذا حرام
إنه يحبكي و متعلق بكي فل تقدري معنى ذلك
و تأكدي بان هذا الرجل الذي الأن لا ترين منه إلا السلبيات
فهناك نساء اخريات يتمنينه زوجا فالحذر
لا تجني على نفسكي و أسرتكي رعاكي الله وهداكي لما يحب و يرضى عودي لبيتكي ربي يحفظج .
​
 
انا اشوف ان الطلاق ماله داعي وبعدين عندج اعيال اكبار
و يعني مشكلتج توج تنتبيهين ان عندج مشكله
غاليتي اصبري شوي وان شاء الله يكون الله في عونج
وان شاء الله حياتج تكون وناسه وسعاده
بين اعيالج وزوجج...
تقبلي تحيتي​
 
اختي زوجك يبدو انه جنوبي شرقي

وهالنوع من الرجال مايخربه الا حساسيته الزايده

والا هو طيب بكل شي

صدقين اختي زوجك ماينوجد وسهل تتعاملين معاه لانه طيب

ويسهل اقناعه ولا فيه مشكله تستاهل الطلاق

الله يفرج لك...
 
ساحرة بس شاطرة قال:
هلا حبيبتي​


يسعدني ثقتك بي و اختياري لاعطيك رأي في مشكلتك​

عزيزتي​

من الواضح لي انك انسانه واقعيه في الحياة وهو مازال يريد وكأنكم حديثي الزواج متفرغين تماما لبعضكم​

هذا جميل لكن ليس بهذه الطريقه التي يريدها كما وضحتي​

المشكله من وجهة نظري لا ستحق الطلاق وانظري الى الجانب الايجابي من الموضوع>>انه يريدك​

حتى لوكان بخارج نطاق السيطره فأخريات يشتكين من نفور ازواجهن وخانتهم لهن​

عزيزتي ولا يستحق ان تذهبي لبيت اهلك صدقيني قد يحسدك البعض على ذلك​

كل ما في الامر ان تعيدي ترتيب حياتك وروتينك​

وبما انك ربة منزل قد يسهل ذلك عليك كثيرا​

لماذا لا تتغزلين به وترسلي له مسجات الحب وان لم يكن يبادرك علميه ذلك​

ارسلي له كذا مره ثم توقفي واذا سألك عن سبب توقفك وقولي هل بدلع اللي يرسلي ارسله​

وابتمي وعطيه بوسه واذهبي ودعيه يفكر يكلامك >>>وعيدي الموقف بنفس الطريقه بدلع دون عتاب​

رتبي يومك بحيث ان تكوني معه واذا كان ينام في العصر هذه الوقت خصصيه لاولادك وامور المنزل وغيره من الاهتمام​

ارقصي له تعلمي>>>وصدقيني ليس هناك ما يدعوك للتعلم بمجرد ما تتحركي اي حركتين عواشوائتين​

سيثار وصديقيني الرجل لن يرقى هل رقصك جميل او لا فهو ليس بأمرأة ليعرف فنون الرقص​

كل ما يهمه ان يرا جسمك يتمايل يمينا ويسارا فقط​

ويجب ان تتحدثي معه وتفهميه ان يوم بالاسبوع هو يوم للعائله لنخرج ونرفه عن انفسنا في اي مكان​

ويوم اخر بالاسبوع يكون لك تذهبي اين ما تريدن عزيمه / عند اختك/ عند جارتك >>>لا يهم المهم هو لك​

ويوم بالاسبوع اخر لزيارة عائلته اذا حب ذلك​

وكل شئ عزيزتي يأخذ من الرجل بصبر ولسان معسول​

وصدقيني >>>>( كوني له أمة يكن لك عبدا)>>>>>من تجربه شخصيه​

قومي بالتسوق من الجمعيه معه فقط دون الاطفال​

قومي بالتسوق لملابسك الخاصه معه ايضا واذا كان للاطفال اصطحبيهم معكم​

اجعليه يساعدك في البيت دون ضغط منك عليه​

مثلا تشتكين انت من ان اولادك قد يشغلونك ولا يمكنك الجلوس معه طوال الوقت​

اذا اجلسي عنده وتكلمي معه واضحكي وجهزي القهوه والحلا واجتمعي انت واولاد معه مثلا المغرب​

وبعد ذلك ليذهب الاطفال الى اعمالهم او عند التلفاز وابقي معه ومعكم الرضيع​

واذا احتجتي القيام من عنده قولي>>>حبيبي امسك الصغنطوط شوي ابروح وابرجع واغمزي بعينك له​

واذا رجعتي اعطيه بوسه جميله مع نظره وقولي شكرا حبيبي​

جهزي غرفتك بين فترة واخرى بمفرش سرير وشموع وعصير وفواكه او شكولاته ولتكن ليله جميله لكسر الروتين وارقصي له​

وهناك مواضيع كثبرة بالمنتدى لطرق الجماع واوضاعه وحركات جميله جدا لكسر روتين الجماع​

وبالنسبه للخروج مع العائله بالرحلات لابأس اذا خرجت معه حتى دون التقائكم فهي فرصه لترفهي عن نفسك ونفسك اولادك​


عزيزتي دامك استموتي بالعيش معه 18 سنه ماشاءالله​

فلا بد ان هناك شئ جميل جدا تعيشينه معه جعلك تبيقين كل هذه المده وصبرك​

لا تنظري الجزء الخالي من كوب الماء بل انظري الى الجزء الممتلئ بالماء​

والخالي املئيه انت بهائك >>> ان كيدهن عظيم​

وانصحك بمشاهده مواضيع المراقبه رين فدليها مواضيع جميله جدا قد تساعدك في تخطي محنتك​



.............تحياتي​
أنقر للتوسيع...
اهلين غاليتي سعيده باختياري لاعطيك رأي في مشكلتك
وانا مع الاخت ساحرة بس شاطرة يسلم فمه ويديها على هذى
الاسلوب الاكثر من رائع واتبعي نصائحها فليس بعد هذى الكلام
شي اعتقد انها كفت ووفت واذا حابه اساعدك بليلي انا مستعده
ورسليني على الخاااص
موفقه عزيزتي
 
احمدي ربك على النعمة اللي انتي فيها واحشمي زوجك
وصلحي الامور اللي يبيها ،،واللي انتي تبينه يكون بالتفاهم والتودد والدلع مثل زيارات الاهل وكذا
وحاولي تطلعين انتي واياه والاولاد اماكن تنزه تغيرون جو
يعني حاولي تغيرين من الروتين اليومي بالتفاهم
وبصرااحه زوجك مااشوف فيه مشكلة بس انتي شكلك مطنشته وماله منه ،،يمكن لو انه تاركك ومدور على وحده غيرك كان قمتي تلاحقينه وتتمنين انه يبيك دائما جنبة
بس احمدي ربك واعرفي كيف تتعاملي معه بالتفاهم والحوار وتغيير الجو بالطلعات العائلية والسفر انتي واياه والاولاد
الله يوفقكم ويسعدكم ويسخركم لبعض وجميع المسلمين
 
حبيبتي ما عندك سبب مقنع للطلاق
وتذكري ان ابغض الحلال عند الله الطلاق هو بس يبي تهتمين فيه بزياده دلعيه وانتبهي لا تخسرينه
ارجعي لبيتك وتعوذي من الشيطان
بالتوفيق يا الغاليه
 
أسأل الله ان يلهمك طريق الصواب ..

إلجئي إلى الله وأطلبي منه ان يعينك على تلبية رغبات زوجك ..

وأسأليه إصلاح الحال ((ربنا إصلح ذات بيننا ))كرريها في سجودك ..

والأخوات ماقصرووا كل وحده كتبت لك نصيحه توزن بذهب ..

استغلي وجودك ببيت اهلك واسترخي وفكري بالأمور بجديه ..

دمتي بحفظ الله ورعاينه ...
 
خليك وياه احمدي الله على انه بيتوتي ورومانسي ولا تسكتي عليه في اشياء وقسمي وقتك بين زوجك وعيالك واحمدي الله السعاده اللي انتي فيها يبغى الشيطان يسلبها منك لاتخلي للشيطان سبيل
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل