ارجوكم رجعوا لييي عقل زوجي

[مشاعر بريئه]

:tears:مرحبا .....مشكلتي في زوجي اللي قاهرني ولا هو راضي يفهمني .... غير كذا في صفه قبيحه اكرهها ومو عارفه كيف اغيرها دايم يحرجني قدام اهلي واهله ويستعرض عضلاته علييي قدامهم والله اني مقهوره وجدا محررررجه من هالتصرف ارجوكم ساعدوني تراني ملييييييت هذا غير اهماله ليي ......ودمتم بصحه وسعااااده

 

[غلاء 2008]

الله يعينك اختي
وحاولي تقوليله ان الشي هذا يضايقك

 

["أميرة بكلمتي "]

هلا اختي ما فهمت كيف يستعرض عضلاته قدام اهلك واهله وكيف يحرجك....
نصيحتي انك تحددين اكثر شي يزعلك منه في نقاط وبدي حبه حبه مثلا
يحرجك قدام احد .. وانت عارفه طبعه وانه راح يسويها اطلعي من البيت مبسوطه وامدحي فيه واشكري فيه ودلعيه اخر دلع ..واول ما يحرجك اقلبيها علا راسه طبعا بدون ما يحسون الناس وارسلي له مسجات عتب وارجعي البيت زعلانه ولا تعديها وخليها علام له ما يكرر غلطه ..
لان شكلك تزعلين وتكبتيها في نفسك وما تحسسيه بغلطه عليك في وقتها
وجلسات المصارحه مفيده خصوصا اذا احسنت اختيار الوقت والكلاااااااااااااااااااااااااااااااااااااااااااااااااام المناسب

ولا تدققين في صغائر الامور .....حبيبتي هونيها وهي تهون ..

 

[latulipe]

انا فهمت كيف يستعرض
يعني يعمل نفسه مافيه زيه اي حد ولما تعمل اي شي يطلعها غبية ومو فاهمة ويبدا يهزا فيها قدام الأهل
الاشكال هادي كثيييييييييييييييييييييييييييييير
اولا انصحك لما تكوني في مكان عام ما تتناقشي معاه لأنه معليش ( وقح)
ولما تكوني في بيت اهله او اهلك تجنبيه قدر الامكان
يعني لما تكونو جالسين مع بعض وهو معاكم اسكتي ولا تتكلمين وما تتدخلي في ولا موضوع لأنه طبعه كذا لو قلتي اي كلمة يعقب عليها
ولو احرجك ما تتكلمين قدام الناس اضبطي اعصابك واسكتي ولما ترجعوا للبيت فهميه على غلطته وبكل هدووووووووووووء مو بالصياح

 

[بنــ الغلا ـت]

تجنبي الجلوس في نفس المكان
لا تعلقين على موضوع اهو قاله
اذا ضايقك بالكلام قدام اهله او اهلك قومي فورا من المكان الي انتي فيه بدون تعليق
واكيد الكل بيحس انك تضايقتي واولهم زوجك
وان شالله تتغير معاماته لك

 

[*زهرة الرمان*]

صباح الخير و السعادة الك حبيبتي المشاعر االبريئة...

انا فهمت من خلال كتابتك ان مشكلتك الاساسية هوه عدم احترام زوجك الك في الاماكن العامة....انا برأيي ان هذا التصرف نابع من عدم احترامه الك عامة في حياتكم ...

يعني انت لازم تكسبين احترامه الك في قلبه...خليه يشعر من اعماق قلبه انك انسانة محترمة...جذي مستحيل يهينك امام احد...طبعا في نقطة ازم تجاوبين عليها ...هل هوه مع كل الناس جذي لو بس معاك...لانو لوكان مع الكل فمعناتو انهذا الشي في شخصيته ...و راح يتطلب منك جهد كبير...اما اذا كان معك انت بس... بيكون في احتمالين:

انو متضايق منك في شي و هوه قاعد يفرغ شحنات غضبه عن هذا الطريق..و هنا لازم تسعسن لفتح باب الحوار معكم،،و تناقشون في الامور اللي تضايقكم ....و تحلونها حتى لا تتراكم و تفرغ عن طريق الاهانةامام الناس...

الاحتمال التاني: انو يشوفك انسانة غير مثقفة غير محترمة((طبعا هاي نظرنه هوه ،،،و انتي ان شاء الله عكس هذا محترمة و مثقفة و عسولة كمان)) و هو يحب المراة الواعية...فالحل هنا بسيط....انك تثبتي لو احترامك و ثقافتك...و تخليه يشعر بهذا الشي من اعماق قلبه...


تمنياتي لك بالسعادة

 

[ناناسي]

الله يهديه لك

 

[زخـــــات المطر]

انا كان كذا

ولما طلب مني مره اروح معه لاهله رفضت وقلت مستحيل بعد الموقف اللي حطيتني فيه هذيك المره تتعمد تحرجني وتضحكهم علي وجلست اصيح

ومن بعدها تغير ولله الحمد

 

[اعلامية طموحة]

انا كان كذا

ولما طلب مني مره اروح معه لاهله رفضت وقلت مستحيل بعد الموقف اللي حطيتني فيه هذيك المره تتعمد تحرجني وتضحكهم علي وجلست اصيح

ومن بعدها تغير ولله الحمد

هذا الكلام اللي يعبي الراس

مع احترامي لكل الأخوات بس مب معقوله اسكي طول الجلسه ولا اطلع زعلانه لاااا .. زوجها يا أما انه مايحترمها أو انه يحب يهرج ويتمصخر على الناس

أما اذا كان من النوع الأول (مايحترمج) فهذا احرجيه جدام الناس وأكيد بيعصب وبيزعل بس قوليله وحده بوحده .. بعين قويه .. ولاتضعفي واذا حسيتي انك تريدي تبكي طلعي ابكي بس موب قدامه

أما اذا كان من النوع الثاني يحب يتمصخر على الناس كنوع من الفكاهة .. فأول ماترجعي البيت ابكي جدامه وقوليله معقوله تهيني كذا صبرت عليك كثير بس طفح الكيل يا فلان وابكي بحرقه حتى لو تمثيل وبعدها اعمليها زعله كبيره وبيرجع يراضيج