ارجوكم ادخلوا وردوا علي كيف اتصرف

[استعدت نفسي]

انا كتبتلكم قبل كذا وقلتلكم عن خيانات زوجي وتعلقه الشديد بالنت والآيفون وجلوسه لساااعااااات طوووييييله عليه وسفره للمغرب ومصر والبحرين المتكرر احيانا بالسنه مرتين ثلاث وكل مااخذ اجازه بدى التوتر وشد الاعصاب حتى لو انا ساكته يكون متوتر وضايق ولايتقبل مني اي كلمه ولايهدا لين يسافر ويرجع من18سنه وانا مستحمله الوضع وكل سنه اقول القادم افضل والحين بتبدا الاجازه ويبي يودينا رحله داخليه لمدة اسبوع من بداية الاجازه واجازته مدتها 45يوم
انااللي مضايقني كل سنه يوديني لاهلي غصب حتى لومابي اروح واذا رفضت صارت بينا مشاكل لها اول مالها آخر ويحاسبني ويقول انتي نكدتي علي بسفرتي ماخليتيني انبسط كنت شايل همكم هو طبعا يبيني اروح من جهه عشان مااحد يلومه ليه راح وخلانا لحالنا ومن جهه عشان مايكون ناقل همنا ويكون باله خالي واذا مارحت وسافر لارجع يضل يزن لين اروح
طبعا لمحلي انه يبي يحجزلي وانار فضت قلت ابي اروح على آخر رمضان مره وحده تنرفز وقال انتي قبل فتره قلتي ابي اروح لاهلي قلت انا قبل فتره اعصابي كانت تعبانه وقلت ابي ارتاح عندهم كم يوم وبناتك معك يعني اروح انا بس
انا ابي اوصله ان روحتي لاهلي بقرار مني انا محد يجبرني عليها ومشكلتي اني من فترة شهرين وانا اعصابي تالفه ومخنوقه من بعد اكتشافي الاخير لخيانته وسفره اللي تعب اعصابي هذا غير صرفه لمبالغ ضخمه في عشر ايام بس من بعدها صرت اذا كلمني انفاسي تطير ودقات قلبي تصير سريعه واحس شي ثقيل على صدري كاتم انفاسي وابكي على طول انا هاديه جدا واكتم واداريه كثير ولا احب ازعله بس خلاص ماعدت استحمل والله اني مخنوقه

 

[جميلة وجذابة]

حبيبة قلبي سلامتك الف سلامة

استعيذي بالله من الشيطان الرحيم

حسبنا الله ونعم الوكيل في هالرجال المستقوين علينا

حسبنا الله ونعم الوكيل

حبيبتي اسمعيني

اتركيه خليييييه يشبع لين ينخبط خبطة من عند ربه

انتي سويتي اللي عليكي وما قصرتي

احتسبي الله فيه

رجال ما بيهمهم الا..... لا حول ولا قوة الا بالله العلي العظيم

لا تطلعين من بيتك واذا اصر تروحين لاهلك روحي ارضاء لله انك اطعتيه لوجه ربك

ركزي على علاقتك بالله ورضاه فقط

تعاملي معاه وكانك تتعاملين مع رب العالمين

خلاص لا تقهرين حالك

صدقيني الدنيا دواااااارة ودوام الحال من المحال

ورح يجيه اليوم اللي حينصدم فيه ويندم على اللي سواه

انتي انتبهي لتصرفاتك وردود فعلك لا تخليه يمسك عليك شي استعيني بالله حبيبتي

قلبي معاكي والله

وحسبنا الله ونعم الوكيل في هالرجال وفي هالساقطات اللي مخربين بيوت الناس

مقهوووووورة والله وزدتيني قهر عليكي

 

[قمر بلامنازع]

الله يكون معااكي,,

رتبي اوراقك ,, وشوفي المداخل الي تقدري تستعيدي زوجك فيهاا ’’
​

 

[استعدت نفسي]

الله يسامحكم بس هذي الردود

 

[غاده 2]

يالغاليه ... خوفيه بالله انه هذا المال من عند الله فاستخدمه يرضي الله وإلا سوف يكون وباال عليك وتجيك عقوبه منه سبحاانه ...
وكيف تعصي الله بنعمه عليك من مال وطاقه وصحه بدنك وجوارحك .. لكل عاصي نهايه في الدنيا قبل الاخره ... فتب الى الله قبل ماتجيك عقوبه منه ... وحببيه بالعمره والصدقه على الفقراء هنااك والصياام أو تفطير الصائمين بالحرم ومع الدعااااااء والاستغفااار ان شاء الله تنفرج عليك ...
كن لله كما يريد يكن لك فوق ما تريد

 

[@تاج السعوديه@]

إنصحيه بالتي هي أحسن,,,,ومع الدعاء والرجوع لله
واصبري بماان عندك اطفال وروحي لاهلك وفكري بحلول كلمي إستشاريين بالمشاكل الأسرية,,,,,,دعواتي لك

 

[حلااميرة الزوق]

اصبرى وادع اللهم ياجامع الناس ليوم لاريب فية انك لاتخلف الميعاد رب الضالة رد على ضالتى

 

[&الدلوعة&]

ياقلبي اهم شي الصحة لا تعبي نفسك بتفكيرواصبري وادعيلة وشوفي ايش الا ناقصة وحاولي تتحوري معة علشان بيتك.....

 

[ولدي اعز ماعندي]

انا مع كلام الاخت<<<جميله وجذابه>>>
وازيد عليه بأنك اتركيه لمعاصيه هو اللي راح يتحاسب
خليه يسوي اللي يبيغاه واستودعي الله في نفسك واولادك وتعايشو كأنه مو موجود في حياتكم
وادعي دائمآ ان الله يهديه ويصلحه ويسخره لكم
لا تنتظري منه الحنان والاهتمام عشان لا تتعبي
حاولي تهتمي بصحتك واولادك فقط
روحي لاهلك واخرجو وتمشو وانبسطو
ولا تفكري فيه ابد
استودعيه الله وربي قادر انه يرده لبيته ولزوجته ويعمي عينه عن الحرام
خلي ثقتك بالله كبيره واحسني الظن في الله انه ان شاءالله الفرج قريب وقادر يهديه
والله يااختي الغاليه البيوت كلها فيها مشاكل وربي عالم بأحوالنا جميعآ وقارد يخلينا كلنا سعداء
لكن ماراح يكون في اجر في صحائفنا نقابل بيها رب العباد
لو ماصبرنا راح نخسر رحمة الله الواسعه لو ماجاهدنا راح ننحرم من النظره في وجه رسولنا الكريم صلى الله عليه وسلم
اصبري وتحملي ولكي اجر عظيم بأذن الله
فرج الله كربك واسفه ع الاطاله
​

 

[باسمممة]

انتي غلطانه لازم تواجهينه وبكره اذا لاسمح الله جاب لك مرض
هل سكوتك راح ينفعك؟

 

[راجية عفوك]

اختي الله يفرج همك ويعينك لكن كثر التنازل تخلي الي ما يخاف الله يتمادى حاولي تغيرين اسلوبك خليك قويه شوي الهدوء والطيبه ما سارت تجيب حق احد انتي وبناتك اولى بوقته وماله واذا اسر على المشي بنفس الطريق عوضي نفسك وبناتك مادينا اطلبو استمتعو لاتحرمون انفسكم شي وطنشيه لاتتعبين نفسك وتركضين ورى شخص يركض لغيرك خلي همك الاول الله سبحانه وبعده نفسك وعيالك كيف تسعدون انفسكم ​

 

[استعدت نفسي]

اشكر كل اللي دخلوا وردوا علي والله يجعلها في ميزان حسناتكم واحب اقولكم يااخواتي والله مافيه شي ماجربته بس تعبت ومليت