***ارجوان*** شجعتيني!!!!!!!

[vdhq]

الله يعينك
وبالنسبة للسن .. عمر الثلاثين احسن عمر تزيد فيه الطااااااقة الجنسية

أكيد عنده مشكلة نفسية

 

[واثقة]

البحر غدار والبنات اللي شغالين على التشكيك خااااااااااااااافوا من ربكم..

حرام ترمون الكلمه وتتركون البنت حياتها تنحاس...



حبيبتي صاحبة المشكله وضع زوجك طبيعي .. بسبب التوقف السابق عن الجماع.. كأنه اعطى لعقله رساله ان الجماع مضر.. يحتاج لفتره حتى يرجع لطبيعته...


ولا تنسي ان للظروف النفسيه التي يمر بها دور....

وكلنا نحس بهذا اذ تضايق الرجل او انشغل قلت رغبته في العلاقه الجنسيه



دعواتي لك...

 

[تصبيره]

{{vdhg شكرا حبيبتي على مرورج
واثقه يا عزيزتي اشكرج من كل قلبي الله يكثر من امثالكم يا خواتي

 

[أم يوسف 6]

مامن مشكلة هذة حالة طبيعية لان ابتعد عن الجنس فترة طويلة فيفتر ويبقى فترة اطول ويسترجع رغبتة وقوتة\ اكبر غلط ان الرجال يمنع من الممارسة تقريبا مريت بلحالة هذة لكن امى عافاها اللة واطال بعمرها نهتنى وقالت راح يبرد الزوج ويفتر ديرى بالك ومرت عوارض ولحقت علية وكنت استعد لة وانا قمة التعب فاذن اختى انشاللة مافى الا الخير والامر يبى طولت صبر واللة يوفقك

 

[نونو بغداديه]

الله يهون عليج يا اختي بس انا شايفة الوضع طبيعي انا متزوجة من 7 سنين مره بالاسبوع او مرتين اقصى شي ويمكن مرات بالشهر مره ماف داعي للخوف والشك امور الحياة تشغل الواحد خذي الامور ببساطة اكثر والله يوفقج ويوفقنا معاج .

 

[تصبيره]

السلام عليكم ورحمة الله وبركاته
خواتي عزيزاتي راح اخبركم بالتطورات اللي حصلت معي من كتبت لكم المشكله الى الان
قلت في نفسي احاول معاه ما بخسر شي واذا فشلني عادي احنا لحالنا اولشي دزيت له مسج يعبر عن شوقي له ولهفتي علي و عتاب صغير مني رد علي بمسج كلمه وحده بس احبج وعلى طول رحت اكشخ والبس الا وهو جاي ومعه عصير شربنا وخلصنا وراح للغرفه الثانيه وناداني ووووووراضاني بطريقته طبعا وفرحت كثير حسيت اني اذكى منه ما دري ليش المهم استانسنا ومن ذاك اليوم ما رجع نام معي الا مره وبسرعه لانه كان بيسافر ورجعت للضيق والقهر يعني خواتي انا ابالغ واكبر الموضوع والا هو شي عادي واسكت وخليها للضروف متى ما احتاجني جاني وانا اعرف نفسي اذا بغيت منه شي باخذه باخذه حتى لو كان ما يبي بس فيها مذله لي شرايكم اعدي المشكله واسكر عليها خصوصا انه مو مقصر معاي بشي الله يسخره لي
ردو علي جزاكم الله خير

 

[ذكريات الطفوله]

ياقلبي مبروووووووووك البيبي يتربى في عزكم ان شاء الله
وربي يسخر لك زوجك ويبعده عن الحرام يارب
لاتشكين فيه واحسني الظن لاتهدمين بيتك بيدك

 

[واثقة]

حبيبتي طول ما نتي تركضين وراه بيهرب منك..

طولي بالك معه..

 

[أرجوان]

و الله حبيبتي احمدي ربج على هالشئ انع يجامعج مرة انا ريلي متزوجة 3 سنين و للحين بكر ماا دخل علي و لا شئ انا عمري 23 و هو 40 ووللحين اكشخ و اطلب منه انه يجامعني يقولي لا ماتعبان قولت خله يولي ما عليه منه انا ابغى اكتب قصتي بس مترددة اقول هما ناقصين ازيدهم اانا بعد بمشكلتي ده غير الازمات الي شوفتها و سمعتها بس الحمد لله على كل حال

^
^
^
^
^
طيب اختي وشو الاسبااااب ...احس وضعك صعب ...

والمفروض تتناقشين معه مو تسكتين لان سكوتك راح يزيد الوضع سوء أكثر ...

وياقلبي اتكلمي عشان ترتاحين مافيها شي ...أنا قبلك كنت خايفة اتكلم ... بس احين خلاص ماقدر اسكت ...

الله يهون عليك ...

 

[عيون بو سلطان]

أختي الله يسخر لج ريلج إن شاء الله ويسعدكم وإن شاء الله تنحل مشكلتج
أنا مستغربه من البنات اللي يشككونج في ريلج!!!!!!!!!!!!

ليش لازم تكون في وحده ثانيه في حياته؟؟؟؟؟؟!!!!!!!!!!!!!

أنا ريلي صغير في السن ساعات يجامعني كل يوم وساعات في الأسبوع مره
وأكيد هالشي يعتمد على نفسيته ولا تنسون إن الريال إذا كان مهموم أو مضايج مايقدر يسوي هالشي حتى لو يموت في زوجته!!!!!!!!

أختي ماعليج من كلامهم وإذا في وحده ثانيه في حياة ريلج انتي بتحسين بهالشي بدون محد يقولج
والله يصلح أحوالكم إن شاء الله

 

[هند بنت عتبة]

هلا الغالية

الله يكون بعونك حبيبتي
انا اشوف ان الامر طبيعي انا زوجي بعمر زوجك وهو يجامعني عادي ساعات يومي وساعات بالاسبوع مرة وما اتوقع ان العمر ياثر ...

بس ياحبيبتي اذا زوجك ملتزم وخلوق < الله لا يغير عليه > فلا تشككين فاخلاقه وتهدمين الي بينكم
انا اشوف ان زوجك مهموم وهذا الامر مو مخلي يفكر بالجماااع وعلى فكرة انا يوم ابني استمرض وترقد فالعناي شهر او اكثر .... كان زوجي ما يفكر بالجمااااع ابد لانه كان عقلنا مشغووول وهذا امر طبيعي ان الانسان اذا مهموم وفكره مششغول ما يفكر بالامور هذي .....
فلا تعطين الامر اهمية كبيرة بس اهم شي انج تتكشخين وتدلعين عليه وتوسين له حركات حلوة تشجعه .... وحاولي انج تشاركينه همه و تشيلينه معه لو ان ما تحلين الامر بس على الاقل تشلين همه


الله يوفقج

 

[أحلى فراشه]

حبيبتي من طريقة كتابتك للمشكله ووصفك له مبين انه يحبك مووووووووت

بس عقله مشغول ونفسيته تعبانه من جهة العمل وتأمين حياتكم حسب مافهمت منك وشيعادي انه مايفكر بالجنس لان باله مشغول ومهموم

فوسعي صدرك بقووه واحتويه خليه اذا رجع يشوف الجنه ويشم ورد ويشوف ملاك مبتسم قدامه يرمي نفسه عليه

ومايدور حد ثاني يشكي له او مكان ثاني يرتاح فيه

ومبين عليكي تفكيرك واعي وذكيه لان المرحله اللي وصلتي لها معاه روعه وانجاز كبير

لاتتعبين وخلك معاه بس لاتخنقينه انتبهي

والله يخليكم لبعض ويدوم المحبه بينكم ويسخره لك ولعيالك ويبعد عنكم الشر واهله

وطمنينا عليكي ياقلبي

تحياتي

 

[تصبيره]

السلام عليكم ورحمة الله وبركاته مرحبا اخواتي العزيزات
تصدقون عاااااد اللي يلاقي خواااات مثلكم ما اظن يصيبه ضيق مره ثانيه الله يجزيكن عني كل خير
ام يوسف جزاكي الله خير وكلامك صحيح 100%
نونو بغداديه شكرا حبيبتي يكفي وجودكم بسط لي المشكله كلها جزاك الله خير
ذكريات الطفوله تسلمين اختي والله يبارك فيكي ولااااااااااااااا تنسيني في دعاااااااااائج
واثقه صدقتي اخيتي وعرفت هالشي متاخر بعدها اظهرت عدم اهتمامي بالوضوع وابتعدت عنه فسبحان الله هو من اتاني يطلب متعته جزاك الله خيرا
ارجوان شكرا حبيبتي لمتابعتك موضوعي وجزاك الله خيرا
عيون ابو سلطان الله يجزيك خير اختي ومثل ما قلتي لو كان في ثانيه الله لا يقول كنت عرفت
هند بنت عتبه هلا اختي وسلامة ابنك الف سلامه وكل اللي قلتيه انا اسويه هذا طبعي اكشخ لنفسي اولا ولزوجي ثانيا واحاول ما احسسه بضيقي منه
احلى فراشه يا حبيبتي رفعتي من معنوياتي كثيييييييييير اعرف انه يحبني بس يمووووووووووت فيني مو متاكده صراحه انشاءالله يكون تخمينك في محله!!!
اخواااااااااااااااااااااااااااااااااااااااتي
احاول اوقف معه واشاركه همومه واحتويه بس عشان هو تعبان نفسيا انااااااااااااااااااا تعبت نفسيتي اكثر منه ولكن بظل احااااااااااول واحاااااااول والله المستعان
اكرر شكري لكم على اهتمامكم بموضوعي ومتابعتكم لي وااااااااااسفه على الاطاله

 

[shaden333]

اسمعيني حبيبتي خذي كلامي كاخت

اقول انسي موضوعك هذا ولاترجعين له المشكله اذا حدثتي بها كبرت

خلاص كتبتي الموضوع وانا مع الي يقولون انو لاااااااااااااااااااااااااااااااااتشكين بزوجك
بس والله انو ترك دوامه مو شيء سهل على الرجال والعمل الحر مو مضمون مثل الرسمي كل شهر يعرف ايش بيجيه من المال


فاحمدي ربك انتي ماعندك مشكله بس لان الوضع المادي تغير تغيرت نفسيته ووضعه للجمااع

عسى ربي يولف مابينكم ويبعد عنك الوساويس الشيطان
دعواتك لي بصلاح حالي مع زوجي وان ربي يكتب لي الخيرة...