اذا ما عندك وقت للأستشوار تعالي معي

[بدون جراح]

انا طبعا دايما امر بهالمشكله ,, اني مالقى وقت اني استشور شعري وخصوصا الصباح لمن ابي اروح المدرسه ,, اتروش واخاف اتاخر عشان كذا اروح منغير استشوار ..



هذي الطريقه ,,,

اذا خلصتي تروشتي ,,, مالك الا انك تنزلين راسك على تحت ,,

وتقلبين شعرك ,, بالمنشفه نشفيه وانتي منزله راسك ,, منغير ماتمشطينه ولاااااااا شي ,, بس اقلبيه

وحركي بالمنشفه ,, بعدين وخري المنشفه وانتي منزله راسك ,, واجمعي شعرك بشكل عشوائي ,,

بحيث يصير كله متجمع عند اعلى الجبهه وحطي شباصه ,,

الحين تقدرين تدهنين جسمك وتلبسين وتتعطرين .. بعد ماتخلصين فكي الشباصه

يكون شعرك رطب شوي ,, حركييه بأصابعك بشكل عشوائي مع نفش ....... هنا اذا كان شعرك ناعم خلاص انتهت العمليه تقدرين تطلعين وهو كذا ,, يعطيك منظر طبيعي راااااائع

اما اذا كان شعرك جاف تقدرين تحطين اي كريم مرطب ,, اذا جيتي تحركين باصابعك بشكل عشوائي تحطين الكريم ..

اما اذا كانت عندك من قدام قصه قصيره مره ؟؟

تقدرين انك تستشورينها بس هي لحالها والباقي تخلينه مموج ,,,


للمعلوميه ,, ترا هذي الحركه تخلي الشعر يتنفس من الجذور وتوخر القشره ,,

وسلااااااااااامتكم ..
​

 

[رحيق الإبداع]

ساجربها لكن هل تصلح للشعر الطويل

 

[مساء الحب]

يعطيك العافيه حبيبتي

 

[مرهفة الاحساس]

يعطيك العافيه

 

[وله المشااااعر]

مشكوره حبيبتي

 

[&SooSoo&]

انا جربت ذا الطريقة

ولا انفعت معي

يمكن تنفع مع غيري

اشكرك حبيبتي مليون شكر


وتسلمين

.
.
.
.

 

[بدون جراح]

مشكورين على المرور العطر جميعا


بالفعل اختي مو كل طريقه تنفع لجميع انواع الشعر بس تجرب الوحده على شان تعرف تنفع لها ولا لا

 

[أميـ الورد ـرة]

مشكوووره خيتو ..

وممكن إذا الوحده تبي شعر مموج وهي شعرها أصلا ينفش ..

تسوي حركتك ..لكن تحط كريم على شعرها ..

زي بانتين بديل الزيت ..

ويطلع واااااااااااااااو..

 

[*السهم الجريح*]

شكرآ حبيبتي...انا معقده من سالفه التأخير ايام المدرسه...هذي طريقه سريعه ورائعه.....سلمتي

 

[سأبقى أنثى]

الله يعطيك العافيه راح اجربها