اذا سمحتم قولو لي هذا ايش يسمى؟؟

ج

جنان زوجها

New member
إنضم
2011/06/09
المشاركات
10
السلاااام عليكم

ماني عارفه اجمع كلامي بس ببدا

من هاذي الصفات زوجي يقصر على نفسه

ويقصر علي بس طلبات العيال من الاولويات

ماني عارفه ليش كتبت كريمات من رمضان وانا ابغاها والين يومكم

هذا ماشتراها طيب ليش راتبه اربعه الاف والحمدلله ميسورين

هو جنوبي غربي وانا برضه جنوبيه غربيه

تخيلو ملابسه من قبل سنتين ماغيرها ثيابه العيد اخذ ثوبين بس

الملابس الداخليه كل سته شهور اواكثر يروح ياخذ ثلاثه من كل شي تخيلوو

العطور لاخذتلي عطر يشاركني فيه

هو مافيه بخل بس مقصر على نفسه يقول اوفر والله انه مابرصيده ولاريال

والراتب نصرفه عالعيال والمستشفى والاكل والخدامه

تخيلو اخوه عزابي يروح ياخذ من ملابس اخوه ويلبس

اقوله لارحنا السوق خذلك يقول اهم شي انتم

لارحت عند قسم الرجال يسحبني يقول مااشتري من ذا المحل

وبعدبن اروح اخذلي

تعبت لانوينا نطلع نحتار بملابسه ياناس ماعنده لبس سنع

العمل يروح بثيابه المحرووقه من الدخان

حلفت ملابسه كلها تتقطع واحطه عند الامر الواقع عشان يشترليه

شي يحرق مره عمي دقني بالكلام قالي كله منك

لان العيد تخيلوو ماعيد لانه مافصل ثياب

ويوم سالوني وينه قلت مافصل ثياب وعاد عمي قالي منك انتي

قلتله والله هو مقصر بنفسه ايش اسويله

تخيلوو جنزاته مقطعه من كثر الدك واللبس من تحت

وعادي يلبسها جلسنا جلسه مصارحه قال والله اهم شي انتم

طيب خمسمية ريال ماهي ماخذه منك شي اشتريلك

يقول طيب وبعدبم ماشوف شي

تخيلوو بعت ذهبي كله انا خلال اربعه سنين في الاعياد انا اللي اقضي

للعيال ساعات اقول فاتح له بيت ثاني واصرف الفكره من راسي

مايعطيني مصروف شهري يقول اللي تبغينه اطلبيه

ولاطلبت يقول اصبري وبرضه اصبر وماشوف شي

عنده اهم شي العيال مايقصر معاهم بشي

هو حنون طيب شالني على راسه وقت ضيقتي

وقف معاي وقفات مانساها احبه بس قولو لي

ايش سبب تقصيره هذا
 
اخاختي لا تظغطي عليه اشتري انتي له كل شهرين او اكثر بنطلون او قميص اواي شيئ هدية لا تقولي له اشتري بل اشتري انتي بنفسك او جمعي ما استطعتي من مال وقولي له يالله بدنا نروح على السوق نشتري الك ثياب وكثري منها وسيتعلم مع الوقت
 
سبحان الله
عزيزتي يمكن هذا طبع زوجك من زمان من ايام وهو عزابي يعني على حسب البيئة اللي تربى فيها
يا بنت الحلال شو اربع الاف تعمل بهذا الوقت صلي على النبي بس اللهم صلي على محمد
والله اليوم الحياة نار والجمعيات اسعارها غالية اذا بس علشان تشتري شوية اغراض اساسية للبيت
كل اسبوع محتاجة 600 درهم
انا من راي انك انت تتفقي مع وحدة من خواته وتروحي السوق وتشتري له ملابس من كل نوع لبسه
وقولي له هديه مني لك
او انت كل ما حوشتي شوية فلوس اعمليها له مفاجاءة واشتري له لبسه حلوة للطلعة او بيجامة اذا طلعتي مول مع اهلك
هذا احسن حل
لا تكبري الموضوع زوجك يحبك ما شاء الله وعنده احساس بالمسؤولية
الله يحفظه
هو يخاف يقصر عليكم علشان هيك حارم حاله
وانت حاولي اشتغلي وساعديه
يعني ممكن تخيطي في البيت اشياء وتبيعها
او تتعلمي الحلويات وتبيعي
او تعلمي الطبخات اللي مطلوبة وبيعيها
وعليك بالاستغفار خليه على لسانك
ويوميا سورة البقرة
 
او تدرين فكرت لك بحل
ممكن تقترحي على زوجك يعطيكي المصروف وانت صيري دبري امورك ووزعي المصروف على البيت وعلى الاساسيات وعلى الخرجات وحطي مبلغ بسيط كل شهر مثلا 300 درهم خبيهن بدون ما يعرف عنهن شي وبس تنزلي السوق اشتري له ملابس جديدة واعمليها له مفاجأة
 
انا مع رئ الاخت رازيا وزوجي زي زوجك وصرت اشتريلو من فلوسو واقولو هديه من عندي ....
 
الله يسعدكم وينور بصيرتكم ويحرم وجيهكم النار كل من ردت علي
رازيا كلامك عين العقل بحاول اجمع من مصروف البيت
بصراحه شي ماينسكت عنه احس مظهره بوجهي
اما ان الراتب بيدي ماراح يوافق طرحت هالموضوع عليه
بس ماوافق يقول انا الرجال وين رحت
تخيلي اهلي ناس اغنياء ماقيد حسيت انه يفرق عنهم
بس يوم شفت السالفه زادت حسيت بقهر ماحب احد يتكلم عليه
خصوصاً انه يشتغل في شركة ابوي
وسالفة اني ابيع لااا ابد مايصير صح انه موعيب بس ابوي
مايرضاها علي ابوي ماهو مقصر بس ابوي يقول مابغاه يتعود
انك تاخذين من عندي
بس ان شاء الله اجمع واخذله كل شوي حاجه
الله يجزاك الجنه ويطرح فيك البركه وينور دربك ويبعد عنك السوء
ويقدم لك الخير ويبلغك ماتتمنينه يارب
 
والله أنا لي صديقة كانت شذي كلللل فلوسها و راتبها لأولادها و تحب تشتري لزوجها كثير ...مو تقشف لدرجة زوجك بس كانت تدهشني جدا فالزوجها من كلامها مو بمقصر و رجل أعمال

مع الوقت و العشرة أكتشفت أنه رغم أنه والدها كان موظف مرموق من عائلة كبيرة الأ أن أمها كانت جت من عائلة فقيرة فاكان أكبر هم أمها عندما تزوجت أنه تعوض الي فات في بيت أبوها فالبرغم من أنها لم تقصر عليهم بالتربية كان معظم مصروف البيت للبسها و أحتياجاتها و كشختها و في المجتمع الخليج هذا ما ينفع( مع كل المجالس و الأعراس) .... فكانت رفيقتي تحس بالحسرة و الدونية بين صديقاتها فكبرت و أصبح عندها عقدة أنه هذا يصير بأولادها ....
طبعا الناس اشكال و أنواع زوجك غير عن صديقتي .... بس أنت تعرفين بيت أهل زوجك ممكن زوجكتربى عنده نفس الشعور بالذنب فحاولي تشعريه كم هو كافي و موفي

و بسبب طبعه الجنوبي أظن تأجيله لتلبية طلاباتك هو تكاسل و تأ جيل منه أكثر ما هو بخل .... أنتي أيضا بطبعك الجنوبي ما أظن تذكّري أكثر من مرة بالسالفة ...
أنا مع رأي البنات 4000 هالأيام ما تكفي ... ترأسي الموضوع و صيري لبسي على ذوقك من عندك

الله يديم قلبه حنون و محب لك يا رب
و نظل نسمع مشاكل خفيفة شذي في المنتدى بس!! ههه
 
باين ان عقلك مشوش انتي قلتي مايقصر على العيال وبعدين قلتي ابيع ذهبي واشتري للعيال (تناقض) آسفه
شوفي ياروحي حاولي تتعرفين على مشكلتك الاساسيه تقصير زوجك اوتدخينه اوتاجيله اولامبالاته: مايروح للعيد بحجة انه مافصل ثياب .
برايي حاولي تجلسين لوحدك تحددين مشكلتك ومن ثم تعملين على معالجتها بالاساليب المنطقيه وهذا محتاج صبر ومثابره كثير زوجات عندهم نفس المعانات
وقدروا يغيرون ازواجهم
استعبني بالله الحل بيدك وزوجك لو تنصحينه من اليوم لبكره ماراح يفهم انتي بادري موشرط يروح معكم للسوق خذي المصروف وقضيله والقديم الزباله تكرمين اولى به
على شوي شوي راح يتعود على انه مايلبس الا الزين ويقتنع ويروح هو من نفسه يقضي لنفسه وانتي ايضا لاتهملين نفسك وعيالك خليك مثل النحله ماتكل ولاتمل
ولا تنسي الاستغفار وسورة البقره
وفقك الله ويس أمرك....
 
عزيزتي كم طفل عندك
وهل البيت ملك او ايجار
 
عندي طفلين والبيت ملك
هو طوال السنه مايقصر على عياله نروح كل شهرين نشتريلهم
ملابس والمستشفى بعد لو يكون بعمله وواحد منهم تعب يطلع
ويوديه الا بعيد الفطر لانه مقاضي رمضان تهلك الواحد
وتهلك الراتب وعمله مايعطونه الراتب الا قبل العيد بيوم اويومين
وانا مااصبر اروح ابيع من ذهبي واخذ للعيال
هو يهاوش ومايرضى بس انا اقنعه واقوله
اذا ربي وسعها علينا ترجعه لي
مااحب اشوف نظرة الانكسار بعينه
هو يتيم الاب وكانت حالتهم صعبه من اول اقصد اهله
احس اللي عاشه مايبي يعيشه عياله
احسه يقسى على نفسه بس عشان يشوف
الضحكه على الاولاد
احس انه حاط فباله احنا الوالدين نصبر ونحرم انفسنا
بس الاولاد يعيشون زي باقي العيال
 
ياروحي عليك 4000 الاف ريال هاذا تسميه راتب والله مايعمل حاجه في هذا الزمن لكن الله يعين زوجك والله ماتوفي مصاريف لاخر الشهر الحمدلله انه مايقصر علي اولاده انا زوجي غير مهتم بالشياكه والبس لكن اشتري له ملابس كهديه اوعطور لازم مثل ماقالوا الاخوات انت اشتري له واهديه فصلي له ثياب وعطور اعانكم الله ورزقكم من حيث لاتحتسبون
 
أنت قلتيها يا خيتي .... ما يريد يحسس أولاده النقص الذي عاشه
أولا أهنئك على زوج قلبه عطوف هكذا ...
ثانيا أعتبري هذه نقطة ضعفه.... فحاولي أن تغذيها بشكره دائما و اظهار فخرك به كأب و نقل سرور و حب أولاده له كما أنه عليكي بتشجيع أولادك على إظهار سرورهم وشكرهم و شعورهم بالرضا لما يوفر لهم والدهم من وسائل الراحة ...فذلك سيعزز و ينمي شعوره بالرضا عن النفس و تحقيق الذات....فأكبر أهدافه بعينه قد أنجزها و أن شاء الله سيتفرغ لنفسه أناذاك :)
الله يهدي سركم يياااا رب
 
اذا راتبه 4000 وش تسسسسسسسسسسسسوي حرام عليك والله ماألومه مايشتري لنفسه انا اشوف راتبي كيف يطير على الاساسيات واجلس بالشهور ماقدر اشتري لبس واحد
الدنيا غاليه
 
تقدري تاخذي من عنده وتوفري وبعدين تشتري له اغرض مندون ما يدري
 
انا مع افكار الاخت رازيا ما قصرت ما شاء الله
4000 ريال مصاريف بيت ولا فواتير ولا شغاله ولا علاجات مقاضي .ز........ يا دوب يكفي الراتب ومتل ما قالت رازيا انتي اشتريله وقدميها هدية
 
انا ما احبطك بس ترا 4000 في الزمان هذا والله صعبه مع طلابات الحياه و الصراحه ما شاء الله عليه الي ماهو مقصر عليكم غاليتي اذا على زوجك انتي جيبي له حتى الثياب ما يمنع تاخذي ثوب له و تروحي الخياط و تفصلي له او اعطي وحد من اخونك ووصيه والله انا قذا سويت كذا مع زوجي
الله يسخره لك و يبارك لكم في رزقكم و يوسع عليكم
 
ماشاءالله عليه والله في ناس رواتبهم --20 الف-- ومنقصين على عيالهم حتى مقاضي الاكل ولايهتمون بشي غير انهم يجمعون فلوسهم يااختي احمدي ربك صباح مساء حتى يزيدك من فضله ولايحرمك هالنعمه و4000الاف وش تسوي بهالزمان الله يرزقكم والمسلمين اجمعين
 
حبيبتي....الفلوس ال تاخديها من زوجك ارضي بيها ....وحسسيه انك اخذتي مليون ريال....
ليه تستعجلي وتبيعي من ذهبك...عشان الملابس....وجه نظره انك مو حاسبه راجل....وما تعوديه انك تاخدي من ابوك....لانه لو يوم طلبتي شىء وقاللك خدي من ابوك...انتي ما هيعجك الكلام.....
اشتري على قد فلوسه ....واشكريه وامدحيه....وقولي ماشاء الله انو يبدي اولاده على نفسه....

وان كان على مظهره...زي الاخوات ما قالو....اشتري انتي ...كل فترة حاجة...ابدي باللبس الخارجي...ومو تهديه وتقولي شان مظهرك...غلط تحسسيه انك غير فخورة بمظهره....قولي عجبني واشتريته...انت تستاهل ...ماتقصر......احس شكلك فيه.....حفظكما الله ... ادام السعادة...ورزقك سعادة الدارين
 
الحمد لله انه بيتك ملك
 
زوجك انسان طبيعي تماما بالعكس يستحق التقدير على تضحيته
راتب 4000 الاف مايكفي شي بالزمن هذا
وتضحية زوجك وايثاره لكم على نفسه درجة عالية من درجات تحمل المسؤولية
ومثل ماقالو البنات اقتطعي جزء من الراتب كل اول شهر وخلي شهر لك ولاحتياجاتك مهما كانت بسيطة
والشهر الثاني لزوجك واحتياجاته
وانصحك بخصوص الملابس الداخلية الرجالية خذيها من محلات الجملة خذي 12 من كل نوع
ولا تخليها كلها تحت يد زوجك طلعي 6 وبعد شهرين طلعي 6 ثانية
حتى الكبكات خذيها بالجملة في اشياء مرره فاخرة وحلوه وسعرها حلو جدا تلقيها بالسوق بالمفرد الحبة ب30 الى 50 ريال
وبالجملة تصير ب12 بس
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل