اذا زوجك يحب قريبته شتسوين ؟؟؟

على فكره لو منك وتبي تحافظي على بيتك وزوجك كلمي امها بس يكون معك دليل افضحيها وربيها......قلة حيااا
 
حاولي تنسي وتعيشي حياتك هو الحين زوجك والله يقدرك تنسيه وحاولي تشغلي فكره وتملي عليه حياته عشان ينساها
 
املكي قلبه وبينساها

وبعد بغير لوحة سيارته
 
ياناس انتم عاقلين الحب من الله ينساها غصب عااادي كانك ماشفتي شي اذ هو مانسيها باقتناع مارح ينساها ومحينساه في يوم هو مو زر يدقه وخلاص انتظر علي شوي سنة اقل شي وحكمي بعدها علي نفسك وشلون تعلق فيك نسيتوا مسلسل نور ومهند
 
والله ياعمري اناشايفه انك تطنشي الموضوع خليه يختاري بغيه اسمها لونها اواي يشي تعلق فيها لاتهتمي بس انتي خلي تفكير كيف تخلينه يحبك ويتمسك فيك وبعدين اهي مالها ذنب الذنب ذنب زوجك اهولي لساته متعلق فيها تعرفين ليش لان الرجال عكس الحرمه الرجال الحرمه لي ترفضه ماينساها تظل في باله من شان كذا اهو متيم فيها
 
يا خت جميله لازم انتي تنسي هالحرمه علشان تقدري اتنسي زوجك ولا تجيبي سيرتها لابخير ولا بشر ومثل ما قلتي انها متزوجه يعني ما في امل انه يرجع يتقدم ليها ثاني وحاولي اذا راح يزور عمته انك اترروحي معه بحجة انك انتي بعد تبين اتسلمين على عمته علشان خاطره وصدقيني انك تقدري بامكانياتك انك اتنسيه هالحب
 
اطنش ماااااااااااضي ورااااااااح

ليه اروح ارجع وجع الرااااااااااااااس
 
اخواتي الغاليات

اذا كلمت امها خصوصا اني مو من جنسيتهم ولا مجتمعهم

رح اطلع وحدة غيرانة وتنتشر في كل العيلة

واطلع وحدة غزالة غيرانة من جردانة

لا حول ولا قوة الا بالله العلي العظيم
 
حبايبي هي مووووو متزوجة بعد

عشان هالشي اخونا كل مرة في العطلة يروح عندهم تا يشوفها

انا ماني مجبوووورة اتحمل واحد متعلق بغيري

والله ماهي بحياة

انا بالخطوبة طالبته بكل ادب يمحي كل شي اسمه ماضي واني ما اقبل اشوف ولو ذرة ماضي بحاضري ولا مستقبلي

لان الاثنين ملكي والماضي ما له خص

لكن الماضي بيطلع بخلقتي كل مرة تعبت والله

شوفوا مثلا لوحة السيارة ولا هامه

ياعيني ع الاخلاص

والله انهم ما يستحون يحبون اللي تذلهم وتتكبر عليهم

حسبنا الله ونعم الوكيل اجرنا على الله

ادعوا لي اخواتي بالفرج وان الله يكتب لي الخير
 
اللهم امييييييييييييييييييييييييييييييييييييييين ياااا رب اختي الحبيبة لصبري حدود

اسمك لابق على حالتي
 
كان يحبها وخلاص انتي الحين حرمته حلاله زوجته ام عياله وهي ماضي وراح
ولوحة السيارة انتي قلتيها لوحة يعني جماد يعني شيء مافيه روح
كبري عقلج ولاتفتحي على عمرج ابواب
وانسي السالفه ولاتلمحيله انج عارفه
 
بصراحة اقعد اتاملها واشوف ايش الي انقال عنها عنده او شافه فيها واعجبه الين ما حبها واحاول اتصف فيه
 
اصبرررررررررررري حبيبتي واحتسبي
لكن اقعدي في حلقه داااااااااااايما وفتحي عيونك عليه علشان لاتزوغ عيونها عليه مره تانيه

وانتي بحكمتك وسياستك
لاتخليه يسافر لوحده

واقعديله في الروحه والجيه يعني فتحي عيونك عليه

ولو تقدري تركبي عيون خلفيه ركبيها
المهم انك تحافظي على بيتك وزوجك
 
شوفي حبيبتي
انا اخوي الكبير تزوج بنت عمي وهو مجبور مايبيها بس عشان خاطر ابوي
وكان يحب بنت خالتي ويموت فيها
في بداية الزواج كان اخوي يطردها من البيت ويهاوشها قدامنا بس هي ذكيه كانت تروح لغرفتها وتسكر على حالها وبصبرها وحكمتها وحنكتها وذكائها جابت راسه
صار اخوي اللحين مايطالع الا هي وصارت حياته وعمره وينفذ كل اوامرها

اتمنى تستفيدين منها
​
 
محبة الابتسام ومزايا انسانة

على راسي نصايحكم يا غاليات

الله يوفقني ويعينني يا رب
 
حبيبتي عطر الانوثة

فهمت قصدك زيييين

طبعا بتفيدني انا بحاجة لكل هالنصايح والتوجيهات

تا ما اضعف او انقهر

مشكووورة غلاتي
 
اي لكان غزاله غيرانه من جردانه ههههههههههه شو هالمثل حبيبتي دامك واثقه من نفسك هيك لشو وجع الراس يا غزالـــــــــــــــــــــه
 
أهم حاااااااااااااااجه أنه ماايدري أنك تدرييين عن هالقصه وعيشي حياااااتك ...​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل