ادمان زوجي سبب همي...............ساعدوني

[بقايا حطام زوجه]

اختي الغاليه لابد من احد يوقف معك بهذه المحنه اما اخوه او اخوكي اعطيه خبر وهو يقدر يساعدك قبل مايوصل مرحله اكبر طالما مكيده من اصحابه ممكن يحاولو يوصلونه لاكثر مما هو فيه فلا بد من طلب العون من الله اولا ثم من اخوه وهو راح يستر اكيد على اخوه ويحل المشكله او يسعى في الاصلاح والله يهدي لك زوجك ويحفظه ويحفظ لك عيالك من كل شر

الحمدلله انا الحين اشوف انه شوي خف قبل ما اكتشفه كان تقريبا يوميا ....او يوم وترك.....وكان ايامها معيشني ملكه ...بس اثاري عشان تانيب الضمير او عشان ما اشك بشي
الحمدلله الحين غير مره بالشهر او مرتين ....واذا شفت انه رد اكيد راح استعين باحد بعد رب العالمين

 

[بقايا حطام زوجه]

الله يفرج همك... ويهدي زوجك

حاولى في اصلاحه لا تهملين الموضوع
كلمي واحد من اخوانه يكون عاقل ومتفهم
ادعيله كثير واكثري الأستغفار وقومي الليل بادعاء ... الله معاك حبيبتي

الله يجزاكي الف خير.........وهذا ماسوف اتبعه بس بعد ما اشوف انه راح يستمر ........ يمكن الي مساعدني ان زوجي ماديته مو شي ...فعشان جذيه احتمال يتوقف وهم لانه عارف شنو يعني حشيش بس سبحان الله كان يكلمهم جدامي وينصحهم ((قصدي الي كان مسؤول عن مراقبتهم بدوامه السابق وهم كانوا مدمنين وافرجوا عنهم))كان يقولهم ليش ماتفكرون بزوجاتكم وعيالكم.....وكان دايم يحكيلي عن اهالي المدمنين ..والحين نساني ونسى عياله.....بس الله كريم

 

[بقايا حطام زوجه]

اللهم فرج كربتها يارب واهدي لها زوجها واصلحه وانصحك انك تخبري اخوه عشان هم الي يتعاملو معاه بلي يشفوه مناسب ان كان علاج ولا نصائح والله يوفقك

الله يجزاكي كل خير.........
((لايضيع من كان له اب....فكيف يضيع من كان له رب))

 

[روبينا1]

نصحك تقولي لأخو زوجك وخليه يتكلم معاه على انه سمع من الناس وانتي اطلعي من الموضوع وكأنك مالك علاقه

لازم يبعد عن شلة الفاسدين

اللهم اهدي زوجي وأزواج اخواتي وحبب الطاعة لقلوب رجالنا وكره المعصية لهم

رمضان ع الأبواب خلونا نفتكر بعض بدعوة حلوه كل ليلة انو ربنا يهدي ازواجنا ويسخر لهم الرفقه الصالحه

ويكفيهم شر الحرام

 

[بقايا حطام زوجه]

نصحك تقولي لأخو زوجك وخليه يتكلم معاه على انه سمع من الناس وانتي اطلعي من الموضوع وكأنك مالك علاقه

لازم يبعد عن شلة الفاسدين

اللهم اهدي زوجي وأزواج اخواتي وحبب الطاعة لقلوب رجالنا وكره المعصية لهم

رمضان ع الأبواب خلونا نفتكر بعض بدعوة حلوه كل ليلة انو ربنا يهدي ازواجنا ويسخر لهم الرفقه الصالحه

ويكفيهم شر الحرام

والله اتوقع هذا الي بيصير .........بس مابي اتهور ابي اترك له مجال شوي

ابي اجمع ادله عليه.....انا ما ادري خاف اخوه ينكر ويجذبني انا ما ادري شنو بيصير

انا استخرت رب العالمين اكثر من مره اني اقول حق اخوه بس للحين ما ارتحت .....

الله يهديني انشالله الي الطريق الصحيح الي من خلاله اقدر اسحبه من صحبة السوء

الله يهدي ازواجنا جميعا باذن رب العالمين

 

[يامثبت القلوب]

اهنيك صراحه احسك صابره وانا متأكده انك بتكوني جنبه في مصيبته

نصيحتي لك لاتخبري اخوه لان بعدها بطيح من عيونهم انتي خليك وراه

يــارب ياكريم تبعد زوجك من اصحاب السوء ويارب تهديه ..امين

 

[بقايا حطام زوجه]

اهنيك صراحه احسك صابره وانا متأكده انك بتكوني جنبه في مصيبته

نصيحتي لك لاتخبري اخوه لان بعدها بطيح من عيونهم انتي خليك وراه

يــارب ياكريم تبعد زوجك من اصحاب السوء ويارب تهديه ..امين

اشكر لك مرورك والحمدلله علي نعمت الصبر وانشالله اني اقدر انتشله من الضياع

امين يارب العالمين

 

[ديم1]

يالله انك تهدي زوجها وتسخره لها

 

[الصمت أكرم لي]

أستخيري ياقلبي بأنك تخبري أخوه الكبير .... فأنا ماأيدك أنك تخبري لأنه أحتمال يقطع العلاقه !!!
فالمدمن عند أغلبيه من الناس إنسان مخيف مجرم،،
وهو في الحقيقه حساس رقيق المشاعر طيب ليس بمجرب ،ولكن من قسوة الدنيا كما يضن والعالم لاتحبه أتجه إلى هذه المحرمات حتى يحس بالنشوه والأماااااان والحنااان المفقود ...
عزيزتي أخبريه بأنك تحبينه في كل وقت أشبعيه حنان لاتحرمينه زوجي يقول لي أنا محتاج حنان فاقده....
تدرين يقول كانت أمي تضربني عند الناس وفي الشارع وتقفل علي الغرفه!!!!
أمه أنسانه طيبه لكن قست عليها الدنيا فماذا تفعل ؟ أشبعيه حنان الأب والأم والأخ قولي محتاجينك قريب لاتطول بغيابك تلاحظي عليه يقعد برا بالساعات صح لأنه بعد ما يتعاطاه يحس بالنشوه يغيب ساعتين
تصدقين صرت خبيره لأني أدخل منتدايات للمدمنين أدور حل لقيت حله بيد زوجي وبس يعني متى ماوبأي لحظهيترك الخبيث...اللهم فرج هم أختي وأرجع لها زوجها الغالي إلى قلبها ولون لها أيامها بالمسرات آمين وقوي عزيمت من أبتلي بهذا المرض بأن يحاربه آمييييييييييييين

 

[ام على +]

حبيببتى الحال من بعضه ............................ بس اكتشفت من خبرتى معاه ان طول ما جيبه فيه دراهم فهو بعالم ثانى يعنى الدراهم حاولى تاخذين من عنده وقولي عندك فلوس ضيقي عليه اهو ما يفكر بالبيت علشان ما يصرف عليكم يصرف على دماره ...................... حل بايدنا بس قوة صبر وايمان والفرج من الله لا تتركينه عديه ولدج مريض بتتركينه ........

 

[ام على +]

على فكره اخوه يدرى مو غشيم الرجاجيل يعرفون اكثر منا.........