ادعو لي

الله يشفيه
ويعافيه
مما فيه
يارب العالمين
ويسخره لك
يااارب
 
الله يشفيه يارب ويسخره لك يارب ويفك كربكم ويفرج همكم يارب
 
مشكورات حبيباتي على تفاعلكم معي
بالنسبة لسؤال الاخت انا تزوجته وانا بنت ولانسبة للتأكد من صحة سحر زوجته الاولى له انا جاني خبر انه قايل لاخوه ان زوجتي الاولى حاطة سحر في الاكل وسألت شيخ عشان ماأتهمها عن الاعراض اللي شفتها فيه وأكد لي انه مسحور وكان قايل اول زواجي ان فلانه مالها دخل عشان ماتهمها مع اي ماجبت طاريها بشي ولاجا على بالي ومادريت الابعد سنوات من رجوعي له
وبالنسبة للقراءة عند الشيخ هو رافض وحاولت المستحيل لدرجة جبت لي رقم جوال وارسلت له رسايل انصحه ان يقرأ عند شيخ وكل يوم احجز له ولا يروح المشكلة ان اخوانه مايدرون عن معاناته الا واحد اللي اخبره زوجي عن سحره لكنه رفض يقنع اخوه انه يروح للشيخ لانه اخوه الكبير ومايبي يخسره او يجرحه والى الان زوجي مايدري ان اخوه داري عن رجعتي له لان صديقتي قريبة لزوجة اخوه وقالت لها ان اخو زوجك رجع زوجته تقصد انا بس لاتعلمون أحد وصار صعب على زوجها انه يقول لاخوه- زوجي-انه داري عن رجعتي له ورح اقرأ لانه مايبي مشاكل مع اخوه
الله يعافيكم بس ابي منكم الدعاء له بالهدايه والثبات وان تستقر امورنا على خير بدون مشاكل مع الاولى وان الله يصلحها ويكفينا شرها وكل من فيه شر آمين وكل مسلم
حسبنا الله ونعم الوكيل
 
الجروح قال:
الله يهديه ويشفيه ويفك عنه السحر ..

التزمي اختي بقراءة سورة البقرة يوميا

وانفثي في ماء وزيت زيتون وخليه يشرب الماء وادهنيه بالزيت

حتى من غير ما يدري

ولو وضعتي 7 ورقات سدر في الماء واغتسل وشرب منه أفضل

وربي ييسر أموركم للخير
أنقر للتوسيع...
نفس الراي:32:
 
حبيبتي
انا مافهمت بعض التفاصيل لكن لي عوده عشان اتفضى لمشكلتك وافهمها زين
روقي انتي بس وان شاء الله تنحل امورك يارب
 
الله يفرج عليك

انصحك بقراءة سورة البقرة يوميا انت وزوجك فانها لاتستطعيها البطلة والله ثم والله اني كنت اعمل بمكنان كل اللي فيه يسون اسحار وكنت اشوف احلام توضح لي انهم ناويني بالسحر بس اني الحمدلله محصنه والله من الاذكار وقراءة سورة البقرة كل يوم

وبعدين اذا هي حاضه له السحر بالاكل خليه كل يوم اول مايصحى ياخذ سبع عجوات بس بدون ماتدري زوجته عشام ماتغير طريقتها بالسحر وادعي الله انه يبطل السحر

وفي خلطه لابن الرومي تلقينها عند العطار عبارة عن ملح وشبه وسدر بس بمقادير معلومه خليه يتروش فيها 7 ايام ويشرب زمزم وانتبهي لنفسك لاتسوي لك شي ماتحملين حصنيها بسورة البقرة الله يفرج كربتك اختي
 
الله يفرج لكم جميعا ويسخر لكم يارب ومثل ماقلت لكم زوجي موعندي كل يوم يعني ماشوفه الا كل اسبوعين كأقل شي
وهذا يمنعني اعطيه ماء اوسدر او عجوة واذا جا حاولت اعطيه كاس ما مقري فيه والله ينفع به آمين
حسبنا الله ونعم الوكيل
اللهم لا شكوى الا اليك
 
يسعد أوقاتك ياحلوه
أولاً: أشكرك على دعوتك لي للمشاركة في موضوعك ... وأتمنى أكون عند حسن ظنك
ثانياً: مشكلتك ما تحتاج رأي مثقفات قد ما تحتاج إجابة من خبيرات في الحياة
.
.
عندي بعض الاستفهامات
قلتي انك ما وافقتي تتزوجين الا لما جت زوجته الاولى تخطبك
وبعدها قلتي انها رفضت رجوعك له واختلقت مشاكل وطلعت من البيت
ياترى ... ما سررر تغير موقفها ؟؟؟؟
.
.
سؤال آخر : ايش اللي يخليك متعلقة فيه وتوافقين ترجعين له
مع انه الوضع كما ذكرتي وما بينكم عيال
وعلى كلامك انه جاك خطاب لما تطلقتي
هل فيك عيوب- وكلنا لايخلو-كبيرة تجبرك على التنازل؟
هل هو الحب؟
أم الخوف من لقب مطلقة؟

 
حبيبتي ريماريمو اشكرك على قبول دعوتي وهذا لاني لمست من خلال مواضيعك ومشاركاتك انك تتفهمي الحياة باسلوب العقل والتروي قبل اصدار القرار لا اسلوب الانفعال والهجوم
وبالنسبة لتساؤلك عن رفض الزوجة الاولى روجعي بعد ان كانت هي من اصرت على زواجه مني فهذا ما استغربنا منه انا وهو وأهلي
هي تقول ان اهلها سبوها واتهموها بالغباء لانها خطبت لزوجها
وبالنسبةلعيوبي ما فيه أحد خالي من العيوب لكن موهذا السبب اللي تخليني اتمسك فيه واخاف ما الاقي أحد يرضى فيني لان الامر كله بيد الله فياما بنات الكل يتمناهم ولا يتزوجون وبنات"......".تزوجو من خيرة الشباب وحياتهم مستقرة ومراكزهم عالية ومادام ربي اختاره لي وانا موراضيه اكيد خير لي حتى لو كان ظاهرة عكس وكثير حياتهم بدت بمشاكل اعظم مني واستقرت في الاخير وناس حياتهم بدت باستقرار وانتهت بالطلاق حفظنا الله واياكم بس اهم شي الرضى بالقسمة والنصيب والصبر وانا تمسكي به لله ليس لدافع الحب اوالتعلق به لانه ماله ذنب اتخلى عنه في محنته وهو بحاجة من يوقف معه وانا اتخيل نفسي لو انا مكانه ومسحورة او مريضة لقدر الله وتخلى عني وش بتكون نفسيتي اكيد عدم وباكرهه وانا عندي قناعة ان البيوت مليانة مشاكل صغيره كانت او كبيرة ويمكن لو تخليت عنه الاقي حياة اردى عشان كذا توكلت على الله والى الان وانا استخير ومثل ماتعرفون لا يجوز لامرأة طلب الطلاق بدون سبب وانا والله وبإذن الله عندي أمل ان الله بيعوض صبرنا خير وانا مابي من الجميع الا الدعاء لي بالثبات والاستمرار على الصبر وان الله يهديه ويكفينا شرها وكل من فيه شر وينصرنا وكل مظلوم
آسفة على الازعاج لكن والله عمري ماكتبت في منتدى عن معاناتي الا هنا لاني لمست منكم روح التعاون وخير استشارة
حسبنا الله ونعم الوكيل
لطفا حتى لو غلطت الزوجة علي انا ما احلل أحد ان يدعو عليها بل يكتفي بالدعاء لنا ان الله يكفينا شرها ويرد لنا حقوقنا وترضى بوجودي وتستقر حياتنا على هداية وخير وصحة وعافية بدون مشاكل مع أحد
 
اختي السحر سحر مافي شي اسمه يتزوجك بالسر عشان زوجته ماتدري ويرجع السحر .. لو مسويه له سحر بيتم موجود وكارهج سواء معاج ولا بالسر ولا مطلقج هاي لو سحر .. اسمحي لي زوجج خلاج مسيار له وبيجي اليوم اللي بتعرفين انج كنتي لعبه يتسلى فيها الأخ بعذر زوجته الأولى ..
 
شكرا للجميع على الردود والدعاء
اختي قطريه شكرا لك على كلامك واسمحي لي اقول لك الله لا يحدك ولا يجيك مثل ماجاه ولا تعانين معاناته
كلام السحر مو كلامي هذا كلام الشيخ
واعتقد اني وحدة عاقلة وراشدة واميز بين الصح والغلط
 
على العموم عشبة الروند شويه منها قليل جدا على كاس عصير وتشرب في اي وقت تسبب اسهال شديد او استفراغ لفك السحر الماكول طبعا من العطار الله معاكي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل