ادعولي حأتطلق ان شاء الله

[شهد الصباح]

السللام عليكم

بنات ادعولي شكله خلاص بنتطلق
ادعولي ربنا ييسر اللي فيه الخير
و يفكني منه على خير
و يعوضني خير

انا عزمت امري وهو اليوم قالي بالحرف الي كنت افكر فيه و الحمد لله
من المطار ان شاء الله على بيت اهلي
و الله يكتب اللي فيه الخير

 

[هايدي]

مادري إيش مشكلتك بالضبط لكن عموما
إذا فيه مجال للتراجع عن موضوع الطلاق أتراجعي لكن في نفس الوقت احتفظي بكرامتك وطالبي بحقوقك بالفم المليان
يعني يا أبيض يا أسود
والله ما ضيعنا إلا الضحية والتنازل
استخيري الله كثير في الطلاق
وثقي أن كل الأمور راح تكون من صالحك سواء تم الطلاق أو لا

لا تخافين من الطلاق وكوني قوية وشجاعة وخليك على يقين تام ما تصير في الآخر إلا شئ الله كاتبه


الله يختار لك ما فيه الخير

 

[أم الوردتين]

كنت متابعه لك بصمت ومارديت مااعرف وش اقول لأن زوجي فيه حالات من زوجك يزعل بدون سبب ويدور الزلة عشان يتخانق وتقريبا مثل زوجك في اغلب الأمور ..الله يربط على قلبكويعوضك خير

 

[شهد الصباح]

جزاكم الله خير يا بنات
ما حيصير الا اللي ربنا كاتبه و انا راضيه و الحمد لله
قراري هذا حفاظا على مستقبلي اللي من يوم ما اتزوجت و انا من ضياع لضياع بسبب هالرجال اللي ما يقدر الحياة الزوجية
اخر التطورات سوالنا مشكلة و عشانه مريض يبغا يسيب كل شي هنا و قعد يقنعني اني ارجع اكمل الطب و اسيب الدراسه هنا علما انه نحن الان نختبر الترم الاول و الترم الجاي المفروض اتخرج
عموما منه لله
و اليوم كان عندي اختبار بس بسبب المشاكل ما زاكرت و ما دخلت لانه خلاص مسافرين في هاليومين ان شاء الله
امس في الليل يقولي مافي تكملة طب طبعا مع انواع السفاهات و الظلم و الظنون السيئة في و في اهلي
قررت اني اسيبه من المطار ان شاء الله
و اليوم لما صحي و جتله الشاهي احطه جنبه يقوم يقولي هش هش
قلتله انت مو منزوج كلبه عشان تقولها هش هش
قام قالي انت ما تصلحيلي و من المطار روحي على بيت اهلك و لا عاد ابغا اشوفك
قلت الحمد لله اصلا انا استخرت امس و اليوم بنفسه قال هالكلام اللي كنت افكر فيه
و رح اتمسك برأي ان شاء الله
ما عندي استعداد اضيع سنين عمري اكثر خصوصا و انه انسان ما يستاهل
ولا ايش رأيكم

 

[واثقة]

الله يكتب لك اللي فيه الخير..

قلبي معك..

 

[عزيزة.نفس]

قام قالي انت ما تصلحيلي و من المطار روحي على بيت اهلك و لا عاد ابغا اشوفك

هذا مو طلاق هذا تعليق
يمكن يخليكي ببيت أهلك لا إنتي زوجة ولا إنتي مطلقة ( إنتبهي لهذه النقطة )
اذا ما تلفظ بلفظ ( إنتي طالق أو تحرمين علي ) فهذا معناه إنه ما طلقك وما تدرين يمكن ناوي يعلقك ( يؤدب ) على قولة الرجال
الله يكتبلك اللي فيه الخير ( أنا من المتابعات لك )

 

[* ليلى *]

الله يعينك يا اختي
اذا انتي يترتاحين بدونه.....الله يعوضك خير عنه
ما ادري وش اقول لك بس كملي دراستك لا تفرطين فيها
الله يوفقك ويسر امورك

 

[شهد الصباح]

بصراحه انا جالسه افكر في نفس الشي
مو مشكلة لا يطلق انا اروح اخلع
لكن ساعه يقولي انا ما ابغا منك شي
و ساعه يقول انا ابغا 100000 تعويض عن عمري اللي ضيعتو معاكي
لا وزود كمان يقولي انا من يوم ما شفت وجهك ما شفت خير و اقولك هي في وجهك
الله ييسر الامور
طلاق خلع
اصلا باقيلنا طلقه وحده يعني انتهىىىىىىىىىىىى من حياتي للابد
اربع سنين من اصعب سنين عمري و فوق هذا كله مافي تقدير ولا احترام
كفايه انو خلا سمعتي و سمعة اهلي في التراب بعد ماكانت زي الذهب
عمركم شفتو رجال يشوه سمعة زوجته لكن ما اقول الا الحمد لله وربنا على الظالم و المفتري و المرض اللي فيه مو من شويه من الظلم و الافترا في خلق الله

انا نفسي عافته يا جماعه و بكيفه يبغا يتمرمط في المحاكم وجلسات الخلع براحته انا مو مستعجله على الزواج كل اللي افكر فيه دحين اني ان شاء الله اخلص السنتين اللي باقيتلي في الطب و ربنا يفرجها من عنده

لو اش يبغا مستعده اعطيه بالرغم من انه اخذ اللي ورايا و اللي قدامي و ما بقالي شي
لكن لا ظالم بخير
و اذا يبغا فلوس عشان يطلق صدقيني لو انها مو حلال له ربنا ما رح يباركله فيها ابدا ابدا ابدا

المهم افتك منه و اعيش حياتي خلاص من جد انا ابغا أعيييييييييييييش

 

[انا بتبع قلبى]

يادكتوره دانا......انتى لك كم متزوجه ودحين انتى بقيلك سنه وتخلصى دراستك بره واذا كملتى ببلدك يحسبولك اللى دراستى .....شوفى الافضل وسوييه ولاتاخذى قرار الا وانتى مفكره فييه تمام......يمكن ضروف مرض زوجك خلته بهالنفسيه او شاف منك عدم مبالاه بوضعك يعنى اهم شى نفسك وبعدين هوا فحزت فى نفسه وقال ماتنفعيلى انتو بوضع متوتر بسبب المرض والغربه واشتياقك لاهلك يااختى لاتخلى الشيطان يضحك علييك يعنى ماصار بينكم شى عشان تطلقوو اتعوذى من الشيطان ودخلو بينكم احد من اهلك واهله والله يصلح مابينكم

 

[شهد الصباح]

أختي ساميه الموضوع ما بدأ من دحين و من مرضه
اذا حتى لما كنت ازوره في المستشفى كان يسبني و يطردني و يقول اني انا صايبته بعيني
تخيلي تعيشي مع انسان كل شوية يقولك انت حاسدتني
احسده على ايه على فلاحته ولا على جماله و مع كده اتوضيت له و اعطيته و الحمد لله لاني حاسدته ولا شي لكن بس يظلمني

تخيلي تعيشي مع انسان يحرمك من اهلك بالشهور و اذا كلمتي اهلك على طول يحط في باله انهم يحرضوكي عليه بالرغم من انهم يوصوكي عليه و يدعولكم بالخير

تخيلي تعيش مع زوج يقول عنك و عن اهلك شرا... و ناس مو طيبين طيب من اول ليش جيت دقيت بابهم و اتزوجت منهم

تخيلي لما تدرسي طب 4 سنين و بعدين تتركيه عشان تطلعي معاه في غربته و ربنا سخرلك و درستي و باقيلك ترم و تتخرجي من جامعة بره و يجبرك انك تقطعي و لما تقوليله ابغا ارجع اكمل طب اللي صاحباتي دحين بيتخرجو و انا اتأخرت سنتين بسببه يقولك لا اقعدي ي البيت
تخيلي 6 سنين و انت تجري ورا شهاده و عند قرب النهاية يقولك لا
و اصلا انا شارطه في عقد الزواج يعني مو من حقه يمنعني

تخيلي انسان معيشك في ملحق و حارمك من كل شي اي بنت تتمناه حتى انك تقبلي والدك او تضميه

اشياء كثير يا ساميه
كنت مفكرة ان المرض ممكن يخليه يعيد حساباته
لكن مافي امل

 

[انا بتبع قلبى]

معليش اختى بسالك سؤال هوا لما تكونو ببلدكم يمنعك من اهلك يعنى وانتى ببلدك يمنعك تزوريهم بالشهور ولييه يسب اهلك هل شاف منهم شى يخليه يقول هالكلام ومنها يمنعك تزوريهم جاوبينى ادا قدرتى معليش كثرت عليييك الاسئله بس عشان ابغى اعرف سبب كرهه لاهلك وبعدها اعطيك رائ يمكن يفيدك.....الله يعينك ويساعدك

 

[شهد الصباح]

أختي سامية نعم من قبل ما نطلع بره كمان كان يمنعني
اذا اردتي ان تعرفي اكثر عن موضوعي تصفحي مواضيعي في المنتدى
شكرا لك اختي و ما قصرتي

 

[بنت البحرين]

صراحة أختي.. تتبعت مواضيعك.. وقرأت عجبا..
أنا ما عندي غير كم كلمة .. زوجك مبين من البداية إن فيه عقد نفسية .. وقاعد يطلعها عليكي.. وأنتي صبرتي وتحملتي علشان دراستك .. حرام تضيعين هذا الترم .. بس إذا حسيتي نفسك ما تقدري تواصلي .. خذي لك فترة راحة .. والدراسة ماراح تروح .. وتقدري تكملي.. أنا ما أعرف عن القوانين في السعودية ... وهل لازم يكون معاكي رجل محرم في السفر أو لا . بس تقدرين تخلين أحد من أهلك أبوكي أو أخوكي.. يعني بس إذا البعثة أصلاً قائمة على وجوده ..وإلا فتستطيعين إكمال الدراسة في بلدك..ولا تفكري بأنكي قد تأخرتي... فإن الله لا يفعل إلا ما هو فيه خير وصلاح.. وانتي تعلمتي الشيء الكثير من خلال هذه التجربة... والله يعوض صبرك خير إن شاء الله...

 

[امرأة لن تنحني]

حبيبتى لا تتسرعى

عندما كنتى تكتبين عنه وهو مريض لامست حبك له وخوفك عليه

تذكرى كلامك وقتها وأنك كنتى نادمة على خلافاتكم وقلتى الدنيا ما تسوى

فكرى قبل الإقدام على الطلاق وأكثرى من صلاة الإستخارة

فأنا أشعر أنك تحبيه وأخاف تندمى عليه بعد الطلاق

يسر الله لك أمرك

 

[شـغـف]

لماذا عزيزتي الخلع.. ستخسرين في الخلع! وهو لا يستحق قرشا واحدا في نظري..

اطلبي الطلاق للضرر..

وبالتأكيد عندك شهود.. صح؟

أتعلمين يا دانة.. منذ أول مشكلة لك.. كنت أقول في نفسي.. لو مكانها بتركه.. خصوصا إن ما عندك أطفال..

وأخبريني عزيزتي.. هل عدم إنجابك منه؟

بإمكان محاميك أخذها لصالحك في المحكمة أيضا..

الله يوفقك لكل خير..

وأكثري من الدعاء بالخير.. والاستخارة..

ورددي..


اللهم إني أسألك الخير كله.. عاجله وآجله.. ما علمت منه ومالم أعلم.. وأعوذ بك من الشر كله عاجله وآجله ما علمت منه ومالم أعلم..


ولا تدرين.. ربما إذا هددته في المحكمة.. صار حملا وديعا..

 

[سنديان]

??

يا دكتوره دانه انا كنت متابعه مواضيعك من يوم كان زوجك مريض وكنت احس انك مهتمه فيه زياده وماقدر هالشي ونصحتك بالطلاق لأن باين ان فيه عقد نفسيه وترسبات من الطفوله واختلاف البيئه والثقافه.والان انا اكرر علك بالطلاق بأسرع فرصه والحمد لله مافيه اطفال يربطونك بواحد مثله .انا حاسه فيك من بيت طيب ومن اهل الحجاز اللي اعتبرهم مثل اعلى بالنسبه لنا يا اهل نجد في الرقه والادب والذوق بس الله يخلف عليك في هالزوج اللي مايستاهلك.ارجعي للبلد وتطلقي او اخلعي وبعدين سوي معادله للمواد اللي درستيها وابدأي مشوارك من جديد.دراسة الطب يبغالها صبر وجو رايق بدون مشاكل ولا وجع رأس ولو كملتي وتخرجتي وانت في ذمته راح يوريك الويل وينغص عليك .قلبي معك وطمنيني عليك والله يوفقك ولا يخيب رجاك

 

[ياليت اني]

الله ييسير امورك ويكتب لك اللي فيه خير لك يارب
والله اني ادعي لك
شكلك طيوبه وحنونه بس الله يعوضك خير ان شاء الله

ويهديه

 

[daydream]

الله يصلح حالك ويكتب لك اللي فيه الخير

 

[أميرة بأخلاقي]

اختـــــــي و حبيبتي داانــــــة



ربي يسخر لج كل من هم حولج و الله يسخر لج زوجج و يهديه لج و يااارب يبين لج الخير و يهديج الى الخير وين ماكان ..





و قولي هذا الدعااء يا حبيبتي الغاليـــــة



يابديع السموات والارض , ياذا الجلال والاكرام يا صريخ المستصرخين , ياغياث المستغيثين , يا كـــــااشف السوء, يا أرحم الراحمـــين يا مجيب دعوة المضطرين, يا اله العالمين , بك انزل حاجتي و انت اعلم بها فأقضــــها ..






و ارجعي صلي استخارة مره ثاانيـــــة يا دانـــه و الله بيقدم لج الي فيه الخير


فأذا كان طلاقج فيه خير فبيعجله الله

و اذا لم يكن فأن الله بيبعد الطلاق و بصير زوجج معاج احسن و ربج بيهديه ..





الله يريحج و الله يريح قلبج و يفتح لج ابواب الخير و الراحه و السعاده ان شاء الله في زواجج او في طلاقج ..







اختج

أمــــــــــيرة بأخــــــــلاقي​

 

[أحلى عسل]

الله يختارلك اللي فيه الخير