ادري غلطانه .. ضربت زوجي كف وحابسني في البيت بدمي 4 ايام ماسأل عني (2)

  • بادئ الموضوع بادئ الموضوع lolaty
  • تاريخ البدء تاريخ البدء
الحالة
مغلق و غير مفتوح للمزيد من الردود.
تبين رايي وبصراحه !!

العيب فيك انتي .. ايه انتي مو اي احد ثاني .. لانك انتي اللي طالبه الاستشاره وبقولك الشي اللي يخصك .. شخصيتك شخصيه حبوبه بمعنى الكلمه .. ولو بتستمرين بهالشخصيه .. اسمحيلي على حياتك السلام !!

واللي استفزني اكثر اخر جمله كتبتيها ..

فكرت اني اكلم بابا واخليه يمنعه وبنفس الوقت خايفه اخويا يزعل مني لأنه نبهني ما اجيب سيره لأحد انه قابل زوجي مدري على ايش ناوي .. ياريتني ما دخلته
أنقر للتوسيع...

سؤال صريح من متى الاخوان يفكرون باخواتهم .. من متى؟!!
الموضوع ما يتحمل اي تصرف عشوائي من ناحتك .. زوجك واخوك ناس متسلطه .. وربي لا يقلبون السالفه عليك وتصير فضيحتك بجلاجل في العايله

دخلي ابوك في الموضوع.. لازم يااختي لازم.. وكلميه بهدوء والاب مهما كان ما بيرضى على بنته بس الاهم اسلوبك معى ابوك .. بيزعل اخوك شي معروف ... بس بعد فتره بيرضى وانتي راضيه

لا تتنازلين عن المستشفى لو مهما يصير .. ولو تنازلتي والله ثم والله انك راح تتنازلين عن شي اكبر .. اقعدي مع ابووك وقوليله كل اللي صار وعلميه عن كل اللي قاله اخوك لك من زوجك وعن قراراته اللي بانه يدخل ولد خالتك بالموضوع .. وياليت تختمين كلامك مع ابوك بهالجمله ..يبه وربي لو محتاجتك توقف بجنبي اكثر من اي وقت كان ما نكدت عليك وضايقتك وصبرت بس خفت يصير شي يحرجني ويحرجك انت لانك انت الاساس وانا في الاخير بنتك وركزي على محتاجتك ذي ضروري ..

اختي لو مادخلتي ابوك بالقصه الحين يمكن بعدين تجيه السالفه من غيرك ويقلب عليك والمساله فيها شرف انتبهي



هذا من ناحية تصرفك لهاليوم .. لكن انتي محتاجه اشياء كثيره منها تقوين شخصيتك وتتخلصين من هالحبوبه داخلك .. وزوجك شخص متسلط ولئيم اسمحيلي والغربي دائما صاحب حيل وتعبيري من الطراز الاول يعني اسلوبه في الكلام جدا مقنع ومحد راح يصدقك

اشياء كثيره بس مااتوقع انو الوقت لها الحين انتي محتاجه برنامج كامل لنفسك ولتعاملك مع زوجك وخصوصا انه مستخف فيك وترضين اقل شي بسفره .. انا مااقولك لا ترضين في شي اسمه خطوط حمراء لازم تكون لكل انسانه وهذي مو نصيحتي نصيحة استشاريه اسمها نوره الصفيري

واذا ماكان الشرف وكرامتك هم خطوطك الحمراء اجل ايش ؟!!

والله كلام كثير لازم تعرفينه وتبدين تطبقينه لكن انا افكاري مشتته وانتي كمان في وقت مو محتاجه احد يوترك .. اختي تصرفي زي ما قلت لك .. واستخيري واستغفري .. والله يفرج همك وهم كل مسلم يارب
 
لحظه لحظه لحظه ورررررررررررررررربي كلام جنون حلم يوزن ذهب انتي اول شي خذي راي اختي جنون حلم وبعدين سوي للي قالتلكي عليه الان لو ترى ابوكي رررررررررررراح يسوي سالفه وقولي الاخوكي مرح اتكلم ل عند بابا واذا جاء زوجك وابوكي سوي للي قالتلكي عليه وبكذا كسبتي ابوكي وكسبتي ثقتله وبتالي رررررررراح يوقف معكي ومايخللي زوجك واخونك لهم هق يسون فيكي كذا
 
انا من متابعين قصتك الله يعينك
اخوك رح يفضحك لو كلم ولد خالتك وتصير مصيبتك مصايب يعني لو تطلقتي وش رح يقولون الناس اكيد فيه شيء بينها وبين ولد خالتها
يعني ولد خالتك ماله دخل بالموضوع لامن قريب ولا من بعيد
العله في خيلات زوجك وغيرته وشكه اللي صار مرض مستعصي
من قوة شكه يربط كل مشاعرك وكل كلامك وكل حركاتك بولد خالتك وربي يقهر عمرها ماصارت غيره
أنا صح ماعندي حلول بس دخلت
اقولك لاتخلين اخوك يدخل ولد خالتك في الموضوع
وعلى زوجك خلي ابوك يتفاهم معاه مو أخوانك لأنهم مايبغون أختهم تتطلق عشان كذا يحطون الحق عليها وأكيد زوجك يلحس مخهم بالكلام ويطلع نفسوا مظلوم وبريء وإنتي السبب ...
نصيحه أتركي أخوانك وكلمي أبوك وبس
ونفسي أعرف الاخوان ليش يدورون على اسباب ضربه لك ..المفروض مايسألونه عن السبب المفروض يأدبونه على مدة إيده ...لان ماله حق يضربك نهائيا وهذي مو أول مره يمد يده...وكمان اسبابه كلها تخيلات
الله يصبرك ويعينك على زوج زي كذا الشك عامي عيونه ....
قلبي معك طمنينا عنك وإن شاء الله البنات يفيدونك...
 
الله يفرجها عليك

ووصيك بقراءة الفاتحة

والاستخارة قبل كل خطوة تخطينها
 

لا حول ولا قوة

كنت بمصيبة زوجك و صرتبي بمصيبة اخوك

صحيح زوجك فيه صفات حلوة

ولكن للاسف شفت من ردك الاخير ان تفكيرة غير ناضج ...تفكير صبياني

وللاسف اخوك اللي كنت مفكرته عقل كبير وراحج ...طلع نفس تفكيرة ..بدليل انه المفروض بعد ما سمع الكلام اللي قاله زوجك ...انه يكسر عظامة ...مو يجي يلومك ..وكأنه صدق كل كلام زوجك

كيف اخوك يقبل من زوجك هذا الكلام اللي يمس الشرف... يمس شرفك وشرف اهلك كلهم !!!!!!!!!!

ما لك غير ابوك...فعلا كلام ابوك سليم...لازم تعطوا الموضوع حقة من التفكير والوقت

روحي قولي لابوك ولا تسكتي

وربي يعينك
 
لولوتي اتمنى ان تكوني قرات ردي السابق حولي مع اخوكي بالرفق انه مايدخل ابن خالتك بالموضوع لان الموضوع بينتشر بين الناس والناس تكبر الموضيع وتتاثر سمعتك واذا اصر اخوكي ماعندك الا الدعاء ولا تدري اين يكون الخير اختي الغاليه اعتقد اننا نتشابه في العادات والتقاليد والاعراف
اختي ابوكي يريد ان يثقل على زوجك حتى ياتي هو وبعدين لكل حدث حديث فمجرد ان ياتي هو اليكم هذا الشي يرفع من قدرك وهذه حكمة ابوكي الانسان العاقل الرزين0اما اخوكي فهو الشاب الغاضب على اخته والذي لايفكر الا بااخته الحزينه التي ضربها زوجها فهو يريد ان ينتقم لكي فلم يستطع ان ينتظر حتى ياتي زوجك بنفسه فاستدعاه فجزاه الله خير الجزاء ولا تخسريه فالزوج يحترم المراه التي وراه رجال يغضبون لها0اما بالنسبه لزوجك فهو بالغ في اشياء كثيره حتى يلتمس لنفسه العذر ويعيدونك اهلك له فلو كان لا يريدك ماكان يحتاج ان يبرر لاخوكي ولو بالكذب0 بالنسبه لابن خالتك فعليكي ان تكوني ذكيه جدا مع هذه النقطه الحساسه فلا تمدحيه ابدا ولا تذميه ابدا وحاولي ان لاتتكلمي عنه اطلاقا فهو نقطة ضعف زوجك والزوج يزداد حبا في زوجته اذا احس انها مازالت مرغوبه فهو الذي يزيدك حبا عند زوجك فانظري كيف حاول ابعادك عن العرس بطريقه يحاول فيها اسعادك ويتودد لكي 0 ولكن المشكله ان زوجك يشك في حبك انتي لابن خالتكي وهذا هو الخطاء في الموضوع اقصد اذا اعتقد زوجك ان ابن خالتكي مازال يفكر فيكي فهذا خير ولكن اذا اعتقد انكي تفكرين فيه فهنا هي المصيبه0( هذه تحليلي لما حدث من خلال معرفتي البسيطه بعلم النفس)الان ماعليكي الا الدعاء وقراة سورة البقره والقيام في الثلث الاخير من الليل0 اكرر لاتخسري اخوكي واثقلي فلا تنسي انه ارتكب خطاء عندما ضربك وان لم يتادب هذه المره فلن يتادب بعدها وان حللتي المشكله بحكمه ان شاء الله لن تتكرر0 ومع وجود ابن خالتك زوجك لن يتركك ابدا0 دمتي بخير وطمنيني عليكي
 
لاحول ولاقوه الا بالله
كل ماقلنا هانت زادت ؛؛؛ ماتوقعت حيزيد البركان لاني تفاءلت ؛؛؛ لاحول ولاقوه الا بالله ؛؛؛


يابنت الحلال الحين المصيبه والدعاء فيما معنى القصه يتصارعان بين السماء والارض والدعاء يغلب على المصيبه اذا اكثرتي من الدعاء وربي ينجيك فاادعيه ؛؛؛ ​
 

بالفعـل ولا تزعلين منّي يا أختي لولاتي ، كنت بقولهـا لك من أوّل وجبتهـا بطريقة انو نمطك
ما أثّر عليك بس ما فهمتيني ـ والوضع مايستحمل أنتي تفكيرك غير نآضج "< وماني متخيلة وحدة بعمرك ما تقدر توزن الأمور !!!
" شوي تبينة وشوي ماتبينة وحاطة نفسك بدراما من تأليفك وتمثيلك وإخراجك !! "
مادري لية إحسآسي يقول عآجبك الوضع ومستمتعة بدور الضحيّة ، بتتعبيييييين والله بتتعبين وأنتي الخسرآنة بالآخر !!
أو وزي ماقالت الأخت جنون حلم " حبوبه " وهالشئ صدقيييني مو لصآلحك ، وترا مو شرط يكون زوجك
شمآلي ، يمكن جنوبي ( أقرأي قصة برود ومطر ) وكبري عقلك حبيبتي والله مانبي غير مصلحتك
حتى وإن قسينـا عليك بالكلام من حرّ قلوبنا عليك ، واجهي نفسك شوي أنتي وش تبين من هالدنيا فكري بعد 10 سنين وين رح توصلين ؟ ووش بيكون وضعك ؟
أنتبهي لحيآتك واحتوووي مشآآكلك من جميع الأطراف وأوّل شئ أحتوية زوجك يبدو لي طفولتة سيئة ؟!
لأن غيرتة مرض" وسواس " هو يتوّهم أمور مو موجودة بالوآقع وانتي مو عارفة تتعاملين مع وسواسة
أنتبهي تثيرين غيرتة أو شكوكة وأوعّي لنفسك ، وأفهمية من رسآلتة اللي كتبهـا لك قال لك هو وش مشكلتة معك انتي مو فآهمتة "
واخوك لو واجههم ببعض بتزيد المشاكل أكبر واكثر ولد خالتك موستحيل يعدّي الموقف كذا !!
ووالله بتركب برآسة وماراح يخلي الأمور تمشي عادي ..."

دخلي والدك بالموضوع وأحسمي الموقف والله حيآتك بإيدك أنتي وبس بإيدك تخربيهـا وبإيدك تعمريها "
وماراح ينفعك أحد وأنتي قلتيهـا بلسآنك فقدتة وفقدت إهتمامة !! ، وإحنـا نشوفة يحبّك ويمووت فيك بعد !!
بس يآحرام هو مريض وانتي مو فآهمتة ..
اوعي لحالك يآلغآلية ، وربي ياكريم تقرجهـا على أختنـا في الله وماينتهي هاليوم المبآرك إلا تأتينا بخبر الفرج "


موفقة "


​
 
نصيحه لك اختي ومن الاخر اقطعي عرق وسيحي دمه
الرجال مارح ينصلح حاله لانه مريض
وانتي كرامتك اعتقد اهم منه و اليوم ضربك بكرى يذبحك
اخوك مارح ينفعك خوذيها نصيحه خلي الموضوع بيد ابوكي لانه هو ولي امرك وهو الي زوجك
عيلتك اهم وولد خالتك رحم لازم تستري عليه و توقفي مهزله اخوك
خلاص اطلبي الطلاق و اصري على طلب التقرير الطبي..
الله يوفقك و يحرسك
 
حبيبتي
إنت أول احسمي موضوعك
قرري تبينه أو لا؟!!!
حاسه إن مشكلتك الأساسية حتى مع زوجك إنك متذبذبه ومترددة واستضعفوك
وموضوع التقرير أرعبه والدليل خاف وقاعد يثنيك عن قرارك
والله إن التقرير الورقه الرابحة بيدك
أقلها بكرة لابغى يمد يده يحطلك ألففففف حساب
يممممممممممممه 32 وانت ياقلبي 21 بعذره يكفخ فيك عالطالعة والنازله
وانت بس تبكين
والله إنك قاهرتني من أول مرة ضربك وعديتيها له
لأن الرجال زي الأطفال لما يعملو شغلة غلط وماحد ينهاه يعيدها
وكل مرة أزود من المره إللي قبلها
ماااااااااااعلينا هذا موضوع وانتهى
ممممممم برتب كلامي
1/ لازم التقرير
2/ لايكلم ولد خالتك والله ياهالإنسان ماله دخل زي الغافل وبيتجرجر للسالفة وبتكبر
زي النايم إللي يصحوه ويقولون له(لييييش؟)
3/ أبوك متفهم كلميه ولاعاد أحد من أخوانك يتدخل بالموضوع ياأبوك يالموضوع واقف أحسن
اسمحيلي أخوانك لامن خيرهم ولامن كفاية شرهم بغيناهم عون طلعوا فرعون
4/ خليك واثقة ولاتبكي ولو رجعت لزوجك ارجعي بشروطك
والله يكون في عونك على زوجك أولا" وعلى بربرتي الواجد ثانيا"
وعندي أمنية أخيره:
لو أعرف طريق بيت زوجك كان أرسلت من يكفخه ويكسر عظامه وأشوف بيتحمل الجبان ولا لا
لأن مايمد يده على حرمه إلا الجبان ما أدري وش فيه زين
وبعد لحظه لحظه
ودي أبنشر كفرات سيارته
وسلامتك حبيبتي
والله يطمنا عليك​
 
عزيزتي لقد تذكرتك امس بصلاة الفجر ودعيت الله انه يفرج كربتك

بالنسبة للتطورات من جد عيب على زوجك يتكلم كذا مع اخوك مره عيب عليه

وهذا تدل على وساخة عقله معناه كل ماقرب منك وشافك تبينه شك فيك وشو هذا

الشك مزروع في راسه قد ماتسوين بيشك فيك استخيري ربك كثير وادعي والله يختار لك الخيرة

لاتخسري اهلك ولا اخوانك هم اللي باقين لك وابوك صادق المفروض زوجك هو اللي يجي

شكل زوجك خاف من اخوك ودور له اعذار تمس الشرف عشان يسكته وهذي طبيعة النمط الغربي الهروب من المشاكل
بس صراحة طاح من عيني عيب عليه يشكك اخوك فيك حسبي الله ونعم الوكيل

خلي الموضوع بيد ابوك وخلي ابوك هو اللي يقرر انتي متذبذه منتي عارفه وش تبين

الله يفرج كربتك ويختار لك الخيرة​
 
اختي الغلط ان اخوك راح كلم زوجك المفروض مايكلمه ابدا زي ماقال ابوك تطنيش لمن يجي هو بنفسه بهذي الطريقه اللي سواها اخوك زوجك بيتمادى اكثر بس اذا طنشتوه بالعكس يمكن يعقل والله اخوك خرب عليك الله يهديه
وزوجك قال كلام ماينقال على الاقل كان استحى من اخوك قولي لاخوك او خلاص لاتقولين لاخوك قولي لابوك ماني راجعه الا لمن يتعالج عند طبيب نفسي ولا توافقين ان زوجك وولد خالتك يتقابلون لان ابوك لو عرف والله بيزعل منك وبعدين اخوك بعقله يقابلهم مع بعض ايش بيقول لولد خالتك فكري فيها والله فضيحه اقولك استخيري احسن وربي يكتب لك الخير
 
والله أنارأيي ماتقول لالأبوكي ولالامك قولي لأخوكي لاتجمعه مع ابن خالتك اجمعني أنا مع زوجي وأول ماتشوفيه ضربي كف تاني وقوليلوا ياحين الحب يلي حبيتك ياه لأنك مابتستاهل وفشرت تشكك فيني وتحكي عن أخلاقي أنا أشرف مني الله ماخلق وماحدا بيقدر يغبر على صرمايتي طلقني وريحني منك ومن شكك لأنك واحد مجنون وغبي مابتصدق غير حالك لاتخافي يضربك ما رح يساويها لأن جرب وماطلع منها شي ولا تتنازلي أبدا اطلبي الطلاق مرتين وتلاتة وعشرة ومع كل مرة أكديلو انك حبيتيه بس طلع مابيستاهل والله يخترلك الخير ويفرج همك
 
حبيبتي الله يكون في عونك
ويكتب لك الخير والسعادة
بالنسبة لكلام زوجج مع أخوج على سلبياته وحساسيته
إنه يتكلم مع أخوج في مواضيع حساسة وعميقة
وما تكون إلا بين الزوجين
إلا إن هالموضوع له إيجابية إن إنت عرفتي عوق ريلج
وإنت لازم تعرفين إنه ما كان راح يتكلم إلا جدام أخوج
ومو قصده التشهير فيك ،، بس هذي حاجات كانت تقرقع بقلبه
زوجج مريض نفسي بالمقام الأول
كل موقف يصير لك معاه ،، يترجم على هواه
وباللي يناسبه
إنت لازم تدرسين نمط زوجج وتعرفين كيف تتصرفين معاه بالمقام الاول
وبعدين تحاولين تطورين من شخصيتج
الأشياء إللي قالها لأخوج حطيها حلق بإذنج
حاولي تبعدين كل البعد عن أي موضوع يخص ولد خالتج
الله يهديه يارب ويصلح من حاله
ومثل ما قلت لج
مو قصده إنه يتبلى عليك جدام أخوج
هذي أشيا موجودة بقلبه وتقرقع فيه
وكان لازم يطلعها




 
الله يكون بعونك غاليتي
بس لا تحزنين ما ضاقت إلا لتفرج
شوفي عزيزتي أخوكي ما كان لازم يروح و يحاكيه و بما أنه عملها خلاص لا تخليه يعمل اللي براسه و يلاقي زوجك بولد خالتك صدقيني هاد الشيئ راح يزيد الطين بلة و تتعقد الأمور أكثر
حاولي تمنعيه و لو ما اقتنع خبري والدك هو يمنعه حتى لو أخوكي زعل
والله يكتبلك اللي فيه الخير و يريح بالك
طمنينا عنك أول بأول حبيبتي
 
لولاتي مدري اش اقلك الامور كل شوي وتتعكس وتاخذ مسار ثاني

مشكلتك با العقول المتحجره وحرقان الي حولك لانثى بشكل عام

اقصد فيها اخوانك وزوجك

اخوانك تسلط وعصبيه ولا يحلون المشاكل بعقلانيه ابدا
وزوجك مريض بشك والغيره ومتسلط وفاهم القوامه غلط


تدرين الحل استخيري على موقف اخوك يا تواجهون او لا اذا مو خير تتعرقل اتوقع زوجك يرفض المواجهه لانه مع الناس اخلاق ولانه عارف حتى لو انكر قدامكم انها ضنون

مالك غير القوي الي مايضاهي قوته احد ادعي وصلي واتركي اهلك واخوانك وحلولهم الغلط على جنب ولاتفارقين سجادتك الحل بيجيك باذن الله الله ينصرك
 
اليوم بعد صلاة الجمه استنيت اخويا واول ما وصل سألته اتصرفت في الموضوع شي ؟ .. قالي كلمت زوجك بس باقي الزفت الثاني .. قلتله انا عارفه انك حاب تصلح الأمور وخايف على مصلحتي وعشان كذا دايما اول ما احتاج شي ما افكر الا فيك .. بس هاذي المره غير وماراح نستفيد من اللي راح تسويه الا الفضايح وانت ايش متوقع بتطلع من هاذي الحركه زوجي وقالك عاللي في نفسه اما ولد خالتي اكيد بيدافع عن نفسه .. قالي انتي من ايش خايفه مو تقولي انك واثقه من نفسك وحلفتيلي ان نيتك سليمه .. قلتله انا ماني محتاجه اني احلفلك وانت الوحيد اللي داري عن سبب انفصالي عن ولد خالتي الكل كان مفكر اني اتبليت عليه وقلت محشش بس انت اللي من البدايه كنت عارف وساعدتني .. وبعد ماربي عوضني باللي احسن منه تتخيل اني افكر فيه .. قالي انا ماقلت انك تفكري فيه .. قلتله الا قلت ولا ما كان جيت وحلفتني ومسويلي فيها محتار ومو عارف الحقيقه وعشان تريح بالك بتواجه الإثنين .. اقل شي كان المفروض انك تسويه امس انك تدافع عني قدامه ومدام انك عارف كل شي من قبل البدايه ليش ما وضحتله وحطيته بالصوره .. قالي والله يا اختي هاذي مو شغلتي اني اوضح انتي كم سنه ايش جالسه تسوي معاه خلاص اذا انتي فاهمه وعاقله زي مانتي متخيله ليش دخلتيني في الموضوع قلتله انا ما دخلتك بس حبيت اني اتسند عليك لحد ما اهدى قالي هذ رأيك فيا ؟ قلتله لا تفهمها غلط بس اانا عارفه من حرقتك علي كلمت زوجي وكل الموضوع كان موضوع مسج بس لهنا وكفايه لا عاد تتعب نفسك وتصلح شي خلاص انا ماني راجعتله ولا تناقشني في الموضوع .. قالي سوي اللي يريحك موضوع يخصك بس بعدها لا تجي تبكي على كتفي وتقوليلي ساعدني وتركني وطلع ​



انا من امس ما نمت من التفكير ماني متخيله ايش اللي بيصير وانا خلاص ماعاد ماني مستشيره احد ولا ابغى حلول اول وقت ما مد ايده والتجأت لأهلي وطلبتكم كان جرحي ذابحني .. والذنب كان قاتلني قلت غلطتي انا اللي ولعتها وضايقت كل الناس مني وكل ماتذكر زوجي كنت اتذكر زوجة ولد خالتي وكيف اني ضايقتها وضايقت الكل .. وهذا اللي خلاني افكر اني السبب وهزني شوقي لبيتي وقلت ارجع اجرب اصلح من نفسي .. بس بعد اللي سمعته امس خلاص نفسي عافته واتأكدت من انه هو كذا طبعه شكاك ايش ما سويت بيروح تعبي معاه ع الفاضي .. قولولي لو رجعت ايش بسوي ؟ ايش ما سويت ماراح يقتنع ولا راح يتغير .. يا امي كيف راح اقدر البسله ولا امدحه وانا عارفه نظرته لي يعني ابطل البس واتزين وادفن نفسي عشان اراعي شعوره ولا انتظر رحمته لي لين ماهو يقرر اذا كنت انفع ولا لاء .. لحد يقولي المشكله فيكي وفي ولد خالتك ماهي هنا المشكله يمكن الكلام وسير الأحداث اللي حشرته حشر بآخر مشكله بس هو يغار من صوره في الشارع يشك لنظرتي لأي رجال ع التلفزيون .. واذا اتكلمت في السوق وناقشت الرجال تترجمله حركاتي اغراء .. خليه مع نفسه يفكر اللي يفكر فيه انا ماني مضطره اعيش حياتي كلها ابررله موقفي ولا مضطره اني آخذ منه اذن ملكي عشان ادرس اللي يريحني انااللي بتعب وانا اللي بذاكر وانا اللي انحرق كل امتحان بين نارين احتار كيف اوفق بينه وبين دراستي عشان لا حضرته يحس بفرق ويتضايق من جامعتي كنت اتحمل كل شي لأني بسوي شي انا احبه ومقتنعه فيه بس اذا دخلت شي انا كارهته مجامله عشان امي حلفت ولا عشان حضرته اصر من فين تجيني القوه اني اكمل ​



تقولولي انتي متذبذبه ومانتي عارفه ايش تبغي .. لا انا عارفه ايش ابغى .. ولمتوني لإعترافي اني اتغيرت عادي لموني محد عايش معايا عشان يعرف انا ليش اتغيرت ولو يرجعلي الزمن بعيد نفس اللي سويته ادري اني جننته بس اقلها حسيت بكياني وعرفت آخذ شي من حقوقي .. لحد يفكر اني كنت عايشه قبل لا تغير ملكه ولا انه كان مدلعني و ما كان شايف غيري ولا شايفه غيره وانا السبب اني ضحيت بحبه لي لا ما كان كذا الوضع ابدا .. انا اللي جلست احارب وضارب عليه طول عمري واللي اقول عنه حقوق عارفين ايش هو ؟ اشوف اهلي مره بالأسبوع ولا كل اسبوعين .. يكون عندي تلفون في البيت اقدر اكلم فيه جدي اذا مرض يوم ولا ابارك للناس واكون معاهم في الواجب مو اكثر .. ماقدر اكلم احد الا اذا رجع البيت واعطاني جواله وفوقها عينه علي رمشه ما يرف لحد يسمع ايش اقول .. هذا اللي بعد 3 سنين قدرت آخذه لأني اتغيرت غيره ايش اخذت ؟ بنتي لليوم مالي كلمه عليها ولا اقدر اقولها عالغط غلط الا اذا هو قرر انه غلط وبعد مايقرر هو اللي يتصرف معاها انا ممنوع اني ارفع صوتي عليها ولا ازعلها بكلمه .. واذا طنشته اخذها عند اهله باليوم واليومين ما اشوفها ​


وع اللبس انا ما سويت شي غلط ولا عيب وحرام انا قبل كل شي رايحه جامعه لو ان في لبسي 1 في الميه شي غلط أأكدلكم اني ما كنت دخلت من البوابه .. وعاللبس اللي مفكرين اني شطحت ونطحت فيه كان عباره عن حزام ولا عقد طويل ماتعود على منظره ولا طاقيه او طوق حطيته على راسي .. واذا ضيقت شي ولا غيرت من الواني هذا شي في نظري اقل من عادي وفي الووضع السليم محد له حق يلموني فيه.. انا في العشرين والله مادخلت الخمسين حتى اغوص جوة ملابسي ولا اختار الوان كئيبه​



احترت بنفسي قلتوا من واجب الزوجه تطيع زوجها وتسايره بالحكي هذا دينك قلت وجب ومقتنعه فيها .. لما امشي على هذا النظام جاني اللي يقول انتي سلبيه ومالك كلمه لازم ماتتنازلي عن حقك وتناقشيه ! ياناس مايعرف يتناقش كل شي عنده صريخ انا رأيي كذا عجبك عجبك ماعجبك انطقي في البيت مانتي شايفه احد ويسويها .. فصرت اسوي كل شي وانا ساكته ولا حتى لي نيه اني اناقشه وقررت اني اصر على اني آخذ اقل شي من اللي تسموه حقوق وماسكت على أي كلمة تجريح وجهها لي ما رفعت صوتي عليه بس ما مشيتها ولا رجعت اضحك وآخذ واعطي معاه مثل اول حتى يعتذر ماعجبه شي راجعله انا ما طلبت المستحيل يكلمني زي العالم ولا يحرمني من اهلي ما ابغى شي والله هذا كل اللي اتمناه بدنيتي واي شي ثاني ماني محتاجته الحمدلله ما قصر معايا لا بأكل ولا لبس بس الشغله ماهي شغلة فلوس في اشياء نفسيه مايعرف يعطيها واذا بادرت فيها قالي مين علمك .. ولعلمكم مد ايده علي 5 مرات يعني مع كل مناقشه ضربه وهو اللي يجر الكلام جر يستناني اسكت عشان يمشي كلامه واذا ناقشته قالي هذا اللي فيه واراعيه واساير قد ما اقدر بس في قرارات لازم الواحد يوقفلها ولما اوقف في وجهه يمد ايده علي قلتوا هذا ذنبك انك عاندتيه ومشيتي ورا كلام الناس انا ما مشيت ورا كلام احد .. جيبولي اي وحده في الإبتدائي في هذا الزمن ماعندها جوال ولا ترضى احد يلبسها على كيفه هذا شي فطري ما يبغالها ذكاء حتى استنى احد يملي علي حقوقي .. ماني فاهمه يعني ايش مالي قرار ؟ قلتلكم قراري اني اتطلق وقلت استنى فتره حتى اهدى وماهو عيب اني اراجع نفسي ما ابغى اتهور انا لو بيني وبين نفسي ابغى الطلاق كان من اول مره اتطلقت بس والله احبه ولا ما كان صبرت كل هاذي السنين عليه وصبر علي.. بس هاذي المره غيـــر قويه وتجرح .. واللي علي سويته من زمان واعترف اني ماقدرت اسوي لنفسي شي وسلمت قراري لأهلي ماهو قرار طلاقي بس قرار تأديبه وجرحه لي .. محد فتح معايا موضوع الطلاق محد له حق انه يقرر غيري وهما فاهمينها بس بابا اللي حب يتفاهم معاه عاللي سواه معايا من غير عصبيه وحزازيات ​



انا من لهفتي ودمعتي على بنتي .. حاولت ادور شي غلطت فيه عشان لا رجعتله الاقي معايا حجتي بيني وبين نفسي يوم ما يجيني يوم و الوم نفسي اني رجعتله .. بس انا بقولها والله يثبتلي عاللي اقوله اذا عالبنت عايشه بي ولا من غيري .. وبحاول آخذها منه بالقانون ولا من غيره .. واذا ما اخذتها آخرتها بتتزوج وترجعلي ... ما عاد ابغااااااااااااااااااااااه خلاص انتهى من حياتي ​
 
إنت تجوفين إنج ما طايقة الحياة معاه ،،،، وتجوفين إنج تقدرين تستمرين من دونه ،،،،وبتدرسين وتنجحين وتتوظفين وبكون لج مستقبل زاهر وبتتزوجين باللي أحسن منه يحترمج ويحبج ويقدر انسانيتج ويعاملج من دون ضرب

خلاص إذا قررت

استخيري 4 مرات

وتوكلي على الله في الي تحسين فيه

وقلوبنا معاك
 
الحالة
مغلق و غير مفتوح للمزيد من الردود.
عودة
أعلى أسفل