ادري انه مافيه حل لكني ودي افضفض تعبت من خيانة لخيانة انقصم ظهري

  • بادئ الموضوع بادئ الموضوع مليار
  • تاريخ البدء تاريخ البدء
ياحياااااااااااااااااااااااااااااااااااااااتي

حطي ببطنك بطيخه صيفي ومن الان وطالع خلي همك كيف ترضين ربك وبس
واسألي الله عنك الرضا واذا ربي رضي عليك بيرضيك

صدقيني انا عايشه بوضع غريب عجيب ماني عارفه وش هي مكانتي عند زوجي ودايما محسسني اني غلطه بحياته ووهقه بعد خخخ
بس كل مره اقول لنفسي : وش علي منه؟
لاقيتن واحد يوديني ويجيبني وانا قايمه بشؤنه بالبيت واربي بناتي
اهم شي اصلي فرضي وطايعة ربي
واهتم بنفسي

شهريا اجيب وحده تحف لي ايدي ورجولي (الباقي انا)
اتكشخ واتعطر والبس حتى لو مايطالعني ولايقعد بالبيت
بس عززي ثقتك بنفسك عزيزتي
انتي حلوه انتي قمررر انتي مامثلك بشر
انسانه خلوقه ومؤدبه ماتجرين وراء شهوتك مثل هالرجل
انتي راقيه همك اخرتك وتربية اطفالك احسن تربيه
وادعي له بالهدايه وان الله ينور قلبه بنور الايمان
وهذا هو الحب الحقيقي اللي يخليك تدعين له بالبعد عن المعصيه

الله يوفقك
 
اختي كوني ذكيه ولاتتهورين .. يعني فكري كيف تتخبصين منها دون ان يشعر زوجك .. يعني في البيت ومع زوجك خليك عاديه تكشخي وإلبسي وكوني انيق وكاشخه على الآخر واحلبيه حلاب ، في الفلوس وفي الفراش ..
وبعدين العبي اللعبه صح حاولي تتجسسين عليه وتراقبينه وحاولي الحصول على اسم هذه المرأة ورقم زوجها ضروري ، وخلي احد من اهلك او اخوك او احد اقاربك تثقين فيه يتصل على زوجها وينبهه ان زوجته " المرأة اللي تعرف زوجك " لها علاقه خاصه وغير شريفه مع رجل آخر " اللي هو زوجك " بس بدون ذكر اسم زوجك ، حتى لايشك فيك زوجك ، ساعتها زوج هذه المرأة المفروض انه مايسكت ويوقفها عند حدها انشاالله .
 
اللهم إني أسأللك أن تجعل لها من كل هماً فرجاً ومن كل ضيق مخرجاً اللهم سخر لها زوجها ، اللهم باعد بين زوجها وبين بنات السوء كما باعدت بين المشرق والمغرب
 
الله يفرج همك يارب

لاتخافي نزوة وتعدي خليه براحته صدقيني راح يمل

اهم شي اديه طناش من ناحية هذا الموضوع وحلي المشكلة من تحت لتحت من غير مايدري ابدا

خليك غامضة واعطيه الامان

اهتمي بنفسك ياعمري اكثر واكثر ولاترمي نفسك عليه يعني خليك تقيلة وخلي تعاملك معه عادي جدا

بس دللي نفسك عشان هو يدلعك

مايحتاج اكتبلك المنتدى مليء نصايح وطرق لجذب الرجل من غير مايدري انك رامية نفسك عليه

زوجك ماهي عجبته شخصيتك معاه اقصد تعاملك غير تعاملك من غير مايحس بالتدريج

يعني لو كنت ضعيفة خليك قوية بس بدلع وغموض

واهم شي يكون لك لاب توب خاص عشان لايقراء وراك

او امسحي المحفوضات عشان لايطلع على امورك الخاصة

ضروري ياقلبي تتغيري شوي

واهم شي الدعاء وترك الذنوب لان ذنوبنا احيانا تكون سبب مشاكلنا واحيانا ابتلاء من الله

وهذا اختبار من الله حاولي تنجحي فيه وتقربي الى الله اكثر

الله يسهل امرك

احببتك في الله واتمنى ان تطمنينا عليك عزيزتي
 
ربي يفرج همك ... ويقويك ويعينك

ويعقل زوجك ... ويبرد على قلبك

تحيـــ تي ــــا
 
البشاير قال:
وعليكم السلام ورحمة الله وبركاتهـ

مليار حبيبتي ما في مشكلة مالها حل ...

عندي رسالة دائماً أحب أقرئها ...إذا يأست من وضعي :sadwalk:

( توقع المشاكل كـ جزء من حياتك ...
لا يمكن الفرار منه ...
وعندما تاتي ارفع راسك عالياً ..و واجهها وقل :
سأكون أكبر منك ولن يمكنك هزيمتي ...) :thumbdown:

ما حبيت نظرة اليأس بكلامك... وتشائمك من زوجك...

مع إنه مشكلتك جداً سهله ... رسايل لا راحت ولا جات ...
مجرد تسلية لا أكثر... :blow:

وإن شاء الله ما يكون وقع في الحرام ...

طالما إنتي دارية بظروف أهلك وعيشتك الصعبة إذا تطلقتي ...
لا تفكري فيه نهائياً ..

وشايفة ظرفك ما يحوج للطلاق ....

بس إش المهم ..!!

إنه زوجك ما يدري إنه أهلك ما يقدرو يستقبلوكي..
ولا تحسسيه دا الاحساس ...

بيذلك بالطالع والنازل ...عشان تصيري إنتي إلي متشبتة فيه ...

بس إنتي اتفائلي إن الموضوع سحابة صيف ...:fish:
والمشكلة لها حل ...
وزوجك طيب ...يستاهل إنك تعملي المستحيل عشانه ...

واتوكلي على ربك ...واخلصي النيه له ...

وراح تنفتح لك كل أبواب الخير إن شاء الله ...

وإن شاء الله الصبايا يعطوكي حل جذري مع الرسايل ...

الله يفرج همك ويريح قلبك يارب ...




اضحك للدونيا يا حبيبي الدونيا بتضحك لك :msn-wink:
أنقر للتوسيع...

بصراحه إختي البشاير كفيتي وفي وكلامج طيب وبصراحه انا راي من رايج والله يوفق الجميع
 
يا ربي يسعدكن يا اخواتي كلكن و يفرج همومكم
اثلجتوا صدري
 
لاتتطلقى ولاشى اقعدى فى بيتك مع اولادك معززة مكرمة واتركيه يفعل مايشاء فقط لاتنقصين عليه شىء من الواجبات ولاتحرقى دمك لانو الرجل ازا اراد فعل شىء لن توقفه دموعك ولازعلك ولاطلبك الطلاق وستحرقين جسمك واعصابك وبتروح عليكى انتى فقط وهو لن يهمه شىء مهما فعلتى
 
يا اختي العزيزه اسمعي كلماتي وياليت تردين عليها انا قصتي نفس قصتك بالضبط ما تفرق عنها في شيء سوى انها اسوء منها شوي ..حيث ان زوجي بعد كل خياناته على مدى عشرين عام تزوج علي عشان على حد قوله يتحصن عن الحرام...وراح ازوج زواج تقليدي وحده عافانا الله عانس وقصيره ومليانه لدرجة انها لوجلست في مكانها ماتقدر تقوم منه...وانا والله العظيم وبشهادة الجميع وبشهادته اهو قالي ( انا اليوم اخذت اجمل بنت في مدينتنا) هذا ايام كان زواجنا توه...وبعدها بشهر بدت الخيانات قوليلي شو كان بأيدي اسوي صبرت وراح شبابي وراح جمالي من كثر الحزن والهم واخرها جزاني بضره وانا في الخامسه والثلاثين وياليتها جميله بعد .. واخرها قال هذي بعد ما عجبتني بدور ثالثه تكون على اختياري لان مو هوه اللي اختار الزوجه الجديده ..واخيرا قلت لنفسي انا ليش دافنه نفسي شو منتظره منه ..يوم ما اكتشف انه غلط في الزواج الثاني ما قرر يصلح غلطة ويرد لبيته وزوجته وعيالة ..لا قرر على زواج ثالث ..فكر في نفسه وبس بكل انانيه ..ومافكر في الزوجه اللي راحت رموش عينها من كثر البكى عليه ثلاث سنين وانا كل ليله ابكي مايعلم بي الاعلام الغيوب ..بعدها قلت لنفسي اهو جالس يتخير وانت حيه وين لومتي ..زين لو انزلت دمعه من عينه علي..تركته لنفسه وقلت الله فوقه اقوى منه وصار وجوده كعدمه في حياتي ..انا وعيالي وبس صار شيء هامشي في حياتي ..كل الحب اللي كنت احبه له صار كره ..والدموع اللي اذرفت من عيني عليه قست قلبي عليه لين صار حجر ..وماعاد احس بوجوده .. وتعرفين الكلمة اللي كرهتني فيه لما راح يتزوج قالوله زوجتك اذا عرفت بتزعل وبتترك البيت وكانهم يتشمتون قالهم ..جزاه الله خير ..وعلى الملا وامام ناس غرب وحريم اخوانه ..(عادي لو راحت عند اهلها بتموت من الجوع وبترجعلي ) وكانه يعايرني بفقر اهلي ..نسي من اللي افقرهم واغناه..لكن لنا رب ما بينسانا انشالله.. طولت عليج يا اختي بسحبيت اصبرج على همج
 
شوفي حبيبتي فحالتك مافيه غير حل واحة وهو الانفصال بتقولين لي كيف
شوفي قوليله انا يا حبيب قلبي احبك وشاريتك وانا وانت في مركب واحد من اليوم الي عقدت علي فيه ولا تفكر انه بيجي يوم واتخلى عنك او اطلب طلاقي لاني اعرف ان مرد الطير مهما بعد لعشه انتا الان عايش في نزوة خليك فيها بس انا رح انتقل لغرفه لوحدي وبكون فحالي اربي عيالي وبس وانتا اي شي تبيه حقك وما اقدر اردك بس لا تطالبني بعاطفه ما اقدر اعطيها لشخص عواطفه واهتمامه لغيري متى ما صحيت من الي انت فيه وقررت ترجع لعقلك انا موجودة جمبك وحواليك واذا قلبك طاوعك فيني انا قلبي ما يطيعني فيك
 
يا حبيبتي،
صدق اللي يشوف بلاوي الناس تهون عليه بلوته
انت في نعمة لانها مجرد رسايل و عادية
الحسرة ع اللي طايحين فيها بالفعل

انا بدعيلك الله يفرج عنك همك، و يصرفه عنها و عن غيرها
و يسخرلج اياه

اعرف الم الخيانة، بس لازم انت تصيطري على مشاعرج شوي
مدام الطلاق مو وارد، دايما فكري باي لحظة تحسين فيها بطعنة الخيانة
ان تقارني بين صبرك و تحملك و تعاليك على نفسك شوي و بين مر الطلاق و مشاكلة اللي ما تنتهي!!

و لا تنسي تحتسبي اجرك عند الله، عسى الله يدخلك مع الصابرين يا رب

و من خبررررتي المرة اقولك، لا تواجهي، ما رح تستفيدي
و حسب شخصية زوجك احيانا تحسين اذا ممكن تمررين له لفته انك تعرفين...
مجرد لمحة ، بهدوء و بدون مشاكل، و بدون تفاصيل، مثل ملاحظة او حركة صغيرة

يمكن هذي تأثر فيه!!!

و ما لك غير الله، اشكيله و ارمي عليه همك، يفرج عنك ان شاء الله

و ما تنسي سورة البقرة دايما
و قولي: اللهم اجعل لنا من ازواجنا و ذرياتنا قرة اعين و اجعلنا للمتقين اماما

و انت بعد ادعيلي الله يفرج عني، عاد انا مشاكلي مستعصية!!
الحمد لله على كل حال
كل شي من الله خير
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل