ادري انكم صاحبات علم وخبره ابي تفيدوني والي تدخل بس تقرا ولا ترد والله لازعل عليها

الله يسخره لك ويسخرك له استغفرالله والحمدلله والله اكبر وسبحان الله
 
من رايي ان الامر يعود اليك اختي فان كنت تحبينه فعليك ان تتحملي و بيني وبينك لا تحلمي ان تجدي الامور تسري وفق ماترغبين فما من شي كامل لابدّ دائما ان تجدي شيء سلبي، انظري الى الجانب الايجابي فحسبما لاحظت ان زوجك ليس من النوع العنيد وانويسمع الكلام فسياتي اليوم وتكوني لوحدك معه ولك ان تطلبي ماشئت طبعا بعد صبر وتخطيط اما ام زوجك فابقي علاقتك رسمية بها واظهري لزوجك مدى حبك لها وشيئا فشيئا ستتغير الامور فقط تحلي بالصبر.تحياتي.
 
الله يسخره لك ويسخرك له استغفرالله والحمدلله والله اكبر وسبحان الله
 
توكلي على الله وافهمي وضعك زين وحليه وهذي افكار العجايز كذا يخافو على اولادهم والله اختي نفس حالتك لما تزوجت طقم غرفتها حتى تسريحه ماشي فيه وبعد شهر غيرت غرفتها كلها لانها عرفت كيف تعامل زوجها وزوجك على ماعودتيه يعني لازم تفهمي زوجك بالي تريديه باسلوب والي كاتبه الله لكي راح تاخذيه وراحت تمدح في ام زوجها وتسوي لها حاجات وتشتري لها انتي استخيري الله وربي يوفقك
 
~أغلى الغاليات~ قال:
بنات شسالفتكم..شخصيته ضعيفه وبتتزوجين امه ..حرام عليكم ..ليش تعقدون المشكله ..الحين تبون تقنوعوني ان ازواجكم ما اسمعو لاهلهم ولامهاتهم طول زواجكم.؟..؟؟ اسمحولي كلكم مريتو بظرف او اكثر اهل ازواجكم تدخلو في حياتكم وفي ناس طول حياتها الزوجيه فيها تدخلات من اهل الزوج..اعقلو وعقلو البنت ..
حبيبتي لما اقولج جنوبي قصدي شخصيته جنوبيه وبتعرفينها من موضوع البوصله الشخصيه الموضوع ماله علاقه باهل الجنوب والشمال في بلدكم..هي صفات الانسان وعلى اساسها تعرفين تتعاملين معاه..حبيبتي ..اخذي جهازج كله ومتعي زوجج ومتعي نفسج به ..ابعدي عن الطلاق اذا ما قدرتي تخلينه يحبج ويعشقج وما كانت عندج اراده تنجحين هالزواج ما راح تكون عندج اراده حتى لو تزوجتي مره ثانيه..حبيبتي الحياه الزوجيه مو كلها حب وغزل وزوج مضحي بكل شي عشانج..هذا بس في الافلام..ركزي معاي شوي وسوي اللي قلت لج عليه ..زوجج متعلق باهله ولا هو اول ولا اخر واحد..وتقريبا كل الازواج نفسه يسمعون كلام اهلهم لانهم يحسون بالبر من ناحيتهم واللي ما فيه خير في اهله ما في خير في الناس..واحد من اهلنا طلق بنت عمه لانها كانت حاطه راسها براس اهله وهو بنفسه قال والله اني كنت اسمع كلام اهلي واعاندها لانها كانت ما تحبهم وتبي تمشيني على كيفها للاسف تفكير الزوج ان الزوجه لما تطالب باستقلاليتها في بدايه الزواج يعني عناد وما تحب اهله..ولعلمج كان ما يطلعها من البيت الا بشور اهله حتى الجمعيه امه تقول ما توديها معاك وما يوديها..والحين تعالي شوفيه ..تزوج مره ثانيه ومرته صبرت على تدخلات اهله في بدايه زواجهم وكانت دوم تهديهم وتعاملهم كانهم اهلها وشوي شوي انفصل عنهم حتى هم يقولون انت توقف معاها ضدنا لان بكل بساطه عرف ان هي طيبه وتحب لهم الخير ولو اهله حاولو يغيرون من نظرته يعني الغلط منهم والحين شوفيهم مرتاحين واهله اقتنعو ان ما يتدخلون في حياتهم لانه حط حواجز..الموضوع بس يبي له صبر وطووووله بال..والجنوبي نفس حالة زوجج المتعلق باهله اذا قدرتي تعلقينه فيج بتعيشين احلا حب ..بس ركزي وخلي نظرتج لبعيد..
أنقر للتوسيع...


صح كلامك والله يساعدني واحل مشكتي واشكرك على كلامك الرائع
 
اشكر كل من ردت علي ياعل عمرها طويل ويسخر قلب زوجها لها والي مو متزوجه الله يرزقها بالزوج الصالح
راح اسوي ماقلتو لي عليه وخلاص باخذ اغراضي واعطيه الهدايا الي جبتها صح كذا انتم قلتولي
ياحبي لكم وياحبي للمنتدى الي احسه اقرب من نفسي لي امووووووووووووووووت فيكم
 
غاليتي .... عيشي حياتك ياقلبي ولا تشيلي هم امه وحاولي تكسبي قلبها ورضها عشان ترتحي ولا تعلني الحرب عليها من الان حتي يزين لك الشيطان السوء وخطبي نفسك انها ام وتحب ابنها وتحب مصلحته يعني خديها على محمل حسن عشان لا تتضيقي أكتر وأكتر وانتي مقبله على حياه سعيده ان شاء الله ...وليش ياقلبي تقولي ما تاخدي الأغراض يلي شريتها بالنسبه للمفرش يلي مستخسرها على الطقم يلي مو حلوو على الاقل راح يحلي الطقم ويعطيه شكل افضل واحمدي ربك انه عندك طقم غيرك ما عنده يعني الرسول علمنا ننظر الي من هو اقل منا فذالك يهون على ما في نفسك والبسي وتكشخي قدام زوجك وابسطي نفسك وامدحي اهله وراح يكون خاتم بأصبعك ان شاء الله...المهم لا تضيقي نفسك واستغفري ربك...
 
الله يسعدكم بسمع بنصائحكم مع اني ماقدر اتحمل امه لانها للأسف انسانه ماتطاق والعيشه معاها صعبه حتى ولدها يقول امه انسانه صعبه جدا جدا
 
الأميره الحزينه قال:
...وليش ياقلبي تقولي ما تاخدي الأغراض يلي شريتها بالنسبه للمفرش يلي مستخسرها على الطقم يلي مو حلوو على الاقل راح يحلي الطقم ويعطيه شكل افضل واحمدي ربك انه عندك طقم غيرك ما عنده يعني الرسول علمنا ننظر الي من هو اقل منا فذالك يهون على ما في نفسك والبسي وتكشخي قدام زوجك وابسطي نفسك وامدحي اهله وراح يكون خاتم بأصبعك ان شاء الله...المهم لا تضيقي نفسك واستغفري ربك...
أنقر للتوسيع...


وانا بسوي زي ماقلتي والله يوفقك ويعطيك لين يرضيك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل