ادخلي وشوفي ايش لقيت في اللاب حق زوجي(والي تعرف للاب ياليت تدخل)

[مرافي الصمت]

صباح الخير






انا يابنات بقولكم لكم قصتي مع زوجي والافلام الاباحيه كم مره وانا اشوف في اللاب حقه افلام وواجهته ويقول انا عارف اني انا غلطان ويعتذر لي ويقول انا اسف وماراح اكررها لكن يكذب ودايم القى افلام وصور وغيره
والمره هذي لقيت برنامج بجهازه اسمهARES وانا صراحه انا مااعرف للكمبيوتر ولقيت على نفس هذا البرنامج زي المسنجر بس بالانقليزي وناس يكتبون وصور الله يوركم كيف وصخه وهو له عضويه ويرسلون له روابط لما افتحها تطلع صور بنات
قولو لي وش اسوي معاه هل اوجهه والي اسكت وامسحها والي تعرف اللاب تقولي وش هذا البرنامج

 

[مَلآمِحْ حُلمْ]

الله يصلحه و يهديه طريق الصواااب
ياليت البنات يفيدوك و ممكن تسألي مشرفات القسم التقني
بإذن الله عندهم حل ..

 

[امدحك ولا اجرحك]

فديتس هذا برنامج تحميل ملفات من النت


بساعدس بشي خطيررر وابي دعواتس

بعطيس برنامج يحظر المواقع الاباحيه
بس عندي سوال زوجس يعرف للكمبيوتر ووواجد ولا عادي

 

[مرافي الصمت]

مشكوره اختي ماقصرتي وزوجي يعرف للكمبيوتر مره بس قول لي وش اسوي يمكن ينفع معه

 

[رازيا]

زوجك يغازل .. خانك .. معه بنات في الماسنجر .. تعالي عندي الحل بس كوني قدها



أخواتي أقروا كل كلمه بتمعن
والله راح ترتاحين نوعا ما
عجبني الموضوع ونقلتـــــه لكم
قريته أكثر من مره

مساء الخير على جميع المحروقات المجروحات
إللي بداخلهم براكين لاتخمد
غضب و ألــــــــــم و حسره
أسئلة تحتاج لإجابات و إجابات
ليه تخون ؟
ليه تغازل ؟
ليه تكلم غيري ؟
أنا قايمة بكل واجباتك
أنا أعمل كل شي عشان أرضيك
أنا جميله ودلوعه
باطلع عنه أربيه
باطلب الطلاق
بابلغ أهلي
بابلغ الهيئــــه
باكلم البنات إللي يكلمهم
باتابع الأرقام إللي يتصل فيها
وبعدين ؟
بتنحل الأمور
لأ
لأ
حاسه بكل لحظة ألم تمــــــرون فيها
الغصه إللي تحرق حناجركم بالدموع
إللي تشهد عليها سجاداتكم و وسايدكم
بس خلونا نحكي بشوية عقل
كل وحده مجروحه تترك قلبها على جنب
وتحكم عقلها الزواج ماحيستمر وأنتي تتبعين مشاعرك وقلبك فقط
الزواج يحتاج لعقلك و ذكاءك و حكمتك
وأهم شي (( صــــــــــبرك ))
ولاتنسين قربك من الله
هو إللي يسمع نجوانا و يجيب دعوانا

أكتشفتي إن زوجك يلعب بذيله
أوكيه وش الجديد ؟
ليه الصدمه ؟
أغلب الرجال حالياً بهالشكل
نخرب على أنفسنا و لانحافظ على بيوتــــنا
ليه مخلين حياتكم الزوجية لعبة قط و فار
وسجين وسجان ؟
باصيده
باراقبه
باتابعه
بالعكس
الغباء نعمه في أحيان كثيره
أستغبي ماحتندمي إطلاقاً
لأن الرجل يكره المرأة إللي تتابعه
وتراقبه و تنتبه لكل شي
أنا لاحظت زوجي يرتاع لمايلاحظ مدى دقتي و نباهتي
فأصبحت أستغبي
لقيت أسهمي أرتفعت أكثر و أكثر
هذي هي طبيعة أغلب الرجال
يحبونــــك أضعف و أغبى منهم
وينفرون من ذكاءك
لأنه يحسسهم بالضعف
والرجل يكره هالخصله أمام زوجته
صدتيه يغازل
أعلنتي حالة الطواريء و الإستنفار
كنك ماصدقتي لقيتي عليه شي؟؟؟
وبديتي التخطيط للإنتقام
وجلستي عاد تجمعين الجديد
والقديم بتطلعينه على راسه
ولقى الشيطان مدخله لك
بدأ يثيرك و يستفزك أكثر
ويفتح لك أبواب شر لها أول مالها آخر
والنتيجه إنتي الخسرااااااااااااااانه صدقيني

الحلول ماحاطول عليكم
لأني حاسه بالبراكين القابله للإنفجار بأي لحظه
وهالكلام ماقلته إلا من تجربه شخصيه بحته
مايهمكم تعرفون مين صاحبتها
الأهم تعرفون النتائج
وإيش النتائج

الزوج مايكلم بنات نهائياً
جواله طول الوقت قدام زوجته
أي إتصال من بنت
أو رساله يوريها هي بنفس سامحه ومبتسم
تسوى عيونه
شايلها من عالأرض شيل
كل وقت و كل لحظه
يقول لها ماشفت أحد بحكمتك وروعتك
لوضعف بأي لحظه رمى الجوال عندها
أوقال لها كلمتني بنت اليوم
الماسنجر لماتجيه إضافه يبلغها و تضحك معه ويلغي الإضافه
لأن أحياناً ياخذون الإيميل من بعض مواضيعه
يحكي لها أي موقف يمر عليه ولوبالشارع أو بالسفر
صايرين مثل الأصدقاء مافيه حواجز أو أسرار أوغموض
هاه وش رايكم بالنتـــــــــــــايج ؟

بس ماجت إلا بعد صبر سنوات
وكفاح من هالزوجه و لحظات ألم مريرة جداً جداً كتمتها قدامه
ياما أستغبت
تعرف إنه يكلم بنت وتروح عنه
حتى ماينتبه إنها صادته
تجلس تلف تلف حوالين نفسها
وسكاكين تقطع قلبها
تنهار
تبكي
تروح لسجادتها وتناجي ربها

بس كانت تقرب من زوجها أكثر و أكثر تحاول تشغله
تشاركه بالنت
حتى يتعود يشاركها
تقول له شفت واحد طلب
إضافتي و أضفته طلع رجال وشته
طلع له قرون وينه هاتي إيميله
كنسلي مسنجرك
قالت له والله لويضيفني تريليون رجال غيرك مابي ولاأشوف

أرضت غروره
لما تلاقيه عالنت تجي تسولف معه حتى لومالها نفس
وماتتعمد النظر للجهاز غضي نظرك عن الجهاز هوبيحاول يخبي المحادثه
تجاهلي كنك ماشفتيها
أستمرت على هالحال

كان يطلع من عندها مشوار
وتعرف إنه طالع يكلم
ماتتصل عليه تتركه ياخذ راحته كنها مادرت
لوتأخر تتصل حبيبي وش فيك تأخرت
(ماتقول معاك إنتظار)
ويرجع يلاقيها بأحلى صورة

أكتشفت إنه مسجل بمواقع الزواج
لأنها أسهل طريقه لصيد البنات
جت قالت له بعد أيام
حبيبي فيه موقع سجلت فيه أسمــه كذا كذا
أنهبل يوم عرف إنها مسجله فيه
لاعبته لاعبته لاعبته

كره هالموقع نهائياً و ماعاد دخله

الصبر وطولة البال كل وحده تعرف زوجها ومداخله ومخارجه لاتقولون مانعرف
تعرفون وش يلفت إنتباههم وش يشدهم
بس يحتاج منكم لفترات طويلة وكفاح حتى تنتشلوهم


ممكن حتى تجي على نفسك وتقولي عادي تكلم بنات
بينهبل لوقلتي كذا

بينجن ليه ماتغارين علي
ردي عليه إذا ماخفت على مشاعري ليه أغار ؟

أجرحي و داوي
أجرحي و داوي

أسلوب الصراخ والمشاكل
والله يابنات ماينفع معهم النتيجه
جوالات ماتدرون عنها
مكالمات في أوقات طلعاتهم وحتى بالعمل
موكل مره زوجك بيكلم من جواله
ولاكل مره بتصيدي رقم ثاني
لهم طرقهم ومداخلهم
وأبواب الشر لين أنفتحت أنفتحت صدقوني

مكالمتك للي يكلمهم بتفتح لك أبواب
ليه تنزلين نفسك لوحـــــــده قذرة ؟
ممكن حتى تجرحك بالكلام
ممكن عناد فيك تتقرب له أكثر
أثقلــــــــــــــــــــــوا
إللي تبي تحافظ على بيتها و زوجها تثقل وتحكم عقلها وتقرب من الله
والله ماتندمون

بكره يجيبها لبيتك ماتدرين
بكره يسوي بلاوي مادرين
خلك نبيهه تابعي بحذر
حتى تكوني عارفه بكل الأمور
موتبقين على عماك
لين يدخل يابيده وحده متزوجها من علاقه
يامنومها في غرفتك
و أنتي عند أهلك مواعد بالعربي

لاإتصالكم بالهيئه بتنفعكم
أما بيرميك فبيت أهلك بحجـــة أتهمتيه و فضحتيه وشوهتي سمعته
والرجال لين حقد حقد
ولاطلعتكم لأهلكم بتنفع
ولاخناقك بينفع ممكن يطق بوجهك
ويقولك خلاص هذا أنا عاجبك هلا
ماعجبك طقي راسك بالجدار
(وأنتم أخبر ببعض هماجة الرجال وعنادهم وبجاحتهم)

أثقلوا و حلوا أموركم بذكاءكم وكيدكم
إللي تبي فعلاً تحافظ على زوجها وبيتها تتحمل وتصبر
حتى لوزوجك عاقل فيه بنات يبلونه في نفسه
إن زان الرجال مازانوا البنات
مايخلون أحد بحاله
والدليل روحي معه لأي سنتر
وشوفي كيف يحلى في نظرهم
لمايشوفونه مع زوجته وتبدأ حركات الإستفزاز
حنا يابنات يامجروحات في زمن الفتن و الشدائد كل يوم يمر نشوف أعظم
هل نخرب على أنفسنا و لانحل أمورنا

أنتي لما تطبخين طبخه ياترى بتطلع تمام لوعليتي النار عليها وطبختيها بدقايق ؟
ممكن تحترق ويروح تعبك وتخسرين

ولاتخليها تتسبك على نار هاديه
حتى لوميته من الجوع ؟
وتطلع زي الورد

العاقله بتفهم كلامي مضبوط
الله يعلم إني ناصحه لكم و متألمـــه للألامكم
موكل زوج ملتزم يخاف الله و يتقيه
ويوم مايلاقي إن زوجته ماتكفيه بيتزوج ثانيـه
ولاكل زوج بيراعي مشاعر زوجته
ولاكل زوج يعشق زوجته ومابيهون عليه يظلمها
حرقة قلبي عليكم
خلتني أكتب لكم اللي بخاطري
فهمتوني يابنات ؟
الموضوع منقــوول بعد ماشفتكم تشتكون من الخيانه
الله يبعد الخيانه عن بيوتكم و يسعدكم يارب

 

[رازيا]

أول شي أكلمك عن خبرة وتجربة الرجل لا يحتمل ولا يرضيه أن زوجته تطلب منه ترك شيء مهما كان

ولو كان محرما (للأسف )لكن شطارتك أو قصدي شطارة المرأة تكمن في الطريقة التي تحتوي فيه زوجها

وتعيده للصواب والطريق الصحيح 00000صدقني الرجل كالطفل وكالجبل نعم ضدان في وقت واحد

إن أتيتيه بأسلوب وطريقة محببة لنفسه تجدينه رجلا بإحساس طفل 00وإن أتيتيه بالقوة فيسيكون

بشموخ الجبل ولو عرف في داخل نفسه أنه مخطيء0000000000000000000000شوفي أنتي لا تستصعبين

الأمر ولا تهملينه في الوقت نفسه اجعلي نفسك طويلا لمواجهة المشكلة 00000000لا يحس زوجك بتضايقك

من وجود النت ؟؟ كيف ؟؟ اطلبي منه حاجات من النت كأنك لا تعرفين أنه يدخل مواقع غلط ,,, حاولي تشغلي وقته

أكثري من مدحه ,,ارفعي قدره ,,اجعليه وأنتي امامه أنه محشوما من دخول ما ينزل قدره ,,,ازرعي فيه أنه

مراقب لله وأنه يعرف الصح من الغلط ,,,لا تكون هذه المشكلة نهاية 00بل اجعليها بداية لمرحلة

من حياتك الزوجية 00000000000000000فتشي بنفسك ما ذا ينقص زوجك ؟؟ ووفريه له

000000

 

[متزوجه ولكن]

مابعرفه
اكتبي بقوقل وشوفي وش يطلع لك

 

[أم الهام]

هذا برنامج زي طريقة الفيس بوك
لاكن ذا البرنامج مو زين وهولتبادل الروبط والصور والتعليق عليها
أسال الله ان يهدية ويصلح حالة اللهم أمين

 

[مرافي الصمت]

رازيا انا الحمد الله موفر له كل الي يبغاه اصلا هويقول والله لوالف لدنيا ما القلا مثالك لكن لقول انا تعودة عليها من قبل لا اتزوج

 

[امدحك ولا اجرحك]

هلا اختي انا اقدر اقرا الرسايل اللي تطرشينها طرشيلي الايميل وبطرش لس رابط برنامج بالعربي يحجب هالبرنامج يعني يقدر يمنع انه يتحمل على الكمبيوتر لاكن لو فرمته ممكن يتحمل مره ثانيه
والله يجززاس خير على الدعوه