السلام عليكم ورحمة الله وبركاته
ياعزيزاتي انا في مأساة عظيمه واتمنى منكم تفزعون لي
بدايتاً / انا ساكنه في بيت اهل زوجي
ام زوجي متوفيه من قبل لا اتزوج وابوه من 10 شهور توفى الله يرحمهم جميعاً
زوجي هو اكبر اخوانه
وابو زوجي كاتب بوصيته ان البيت لزوجي
يعني من بعد العزى لازم يفضى لي انا وعيالي البيت لانه انتقل من حالة ( بيت الجد ) الى ( بيت الولد الكبير )
وماعنده الا اخت وحده و بيتها مررره قريب بيننا بس شارعين يعني تروح وترجع مشي ع رجولها
ومتزوجه وعندها عيال وبنات في الجامعه
من عرفت ان ابوها كاتب ان البيت يصير لنا انقلبت 180درجه صارت تكرررررهني
وخذت مفاتيح ابواب البيت كلها وخلتها عندها
وفضت لنفسها الدور الارضي كاااامل وصبغته وغيرت اثاثه من الى ع ذوقها وسوت لها حديقه بالحوش تجلس فيها العصر وفي الليل عيالها يلعبون فيها
والمقلط حطت فيه تلفزيون وبلاي ستيشن لعيالها وصارت من 12 الظهر الى 10 بالليل عندي ،، وانا مالي حق احكي ولا كلمه لانها معتبرته بيت ابوها
مع العلم ان عندها 4 اولاد اتغطى عنهم
وقامت تسوي ترميم في بيتها وبعدين وقفت وصارت تجي تجلس بعذر ان بيتها يرمم ووالله ان العمال لهم 6 شهور مادخلو بيتها بس مخليته عذر عشان مايجبرها زوجها انها تروح لبيتها
هو ساكت لها ويجي معاها ع اساس ان المسكين مصدق ان بيتهم يترمم
زوجي يعز اخته هذي كثير
بس المشكله ان اخته ماتبي البيت يصير لي وقامت تكيد من توفى ابوها تبي البيت ابوها يفضى لها
يعني من الاخير تبي تطفشني
المهم تهاوشت مع زوجي لاني كنت مغيره درابزين الدرج ودافعه فيه دم قلبي
وهي راحت نكايةً فيني وصبغت الدرابزين بلون سماوي !!!!!!
تخيلو درابزين لونه سماوي انا من القهر قمت ابكي قدامه
لما راح وسألها ليش ؟ قالت هذي جزاتي اصبغ لكم واعدلكم بيتكم وانا بيتي له عشر سنين ماشم ريحة الصبغه ،، يعني قامت تتمسكن
جاء زوجي حمقان وهزأني قال انتي تبيني اكره اختي تبين تشبينها بينا ونفترق عن بعض
رحت لاهلي وجلست عندهم شهرين
ولما رجعت حصلتها داخلها غرفتي ومغيره ترتيبها
وقايله لزوجي وشهذي زوجتك ماتعرف ترتب !!!!
لحد ما اخذ زوجي عني اني فعلا ماعرف ارتب
ودخلت المطبخ وحصلت كاس لبن يحتاج غسيل
راحت قالت لزوجي اورووووف ريحة مطبخكم عفن زوجتك تاركه مواعين ماغسلتها !!!!
وراحت جابت بخاخ تعطير جو وتبخ وتقول اف اف
الله يعينك كيف كنت متحملها هي ووساختها
ووالله يابنات ان بيتي زي الورده وانظف حتى من بيتها بس شوفو كيد الحريم كيف
ومره كنت حاطه حبوب حساسيه ع طاولة الطعام لان الدكتوره قالت حبه بعد الغداء ف حطيتها ع الطاوله عشان لما اخلص غداء تكون قدامي واخذها
جاء هذاك اليوم وادور حبوبي ماني محصلتها ماخليت مكان ما دورت فيه
واروح اسالها قلت شفتي كرتون عليه خط رصاصي
قالت ايه وحطيته بالزباله
قلت ليش ؟
قالت والله ماحب احط حبوب قدام عيالي
وغير هالمواقف كثير ، وانا مابي اذكرها لاني مابي اغتاب واجد ومابي اطفشكم
لان الغرض هو ان توصلكم الصوره بشكل واضح وتعرفون كيف تكيد من تحت لتحت !!!!!!!
انا جدا متضايقه منها ومتفاجأه في مكائدها لي
وفي نفس الوقت اهلي وصاحباتي ماقدر اعزمهم عندي بسبب سوء حالة المنزل من عفيسة اخت زوجي وعيالها لدرجة ان زوجها يطلع الساعه 4 العصر ويجي عندنا يتغدى ويجلس لحد الليل معهم
والله بيتها بس تنام فيه الطبخ والعزايم وكل شي عندي
حتى زوجي مره قلت له روح قول لها تروح لبيتها قال ايش اسوي اختي صعب اقولها اطلعي !
المشكله ماتخليني اصيد عليها شي
قدام زوجي تمسك ولدي وتبوسه وتوديه المطبخ وتعطيه عصير
ومن يطلع زوجي تكفخ ولدي واسمعها تقول انقلع عند امك
وانا والله مابي مشاكل لا معاها ولا مع غيرها انا انسانه مسالمه والحمد الله الى الان قادرة اصبر واتحكم في اعصابي
بنات ارجوكم انصحوني
هل هناك سور من القران تكفيني شر الظلم ، او تنصر المظلوم على الظالم ؟
وهل هناك ادعيه معينه تقراء في الصلاه تكفيني شر مكائدها ؟
ياعزيزاتي انا في مأساة عظيمه واتمنى منكم تفزعون لي
بدايتاً / انا ساكنه في بيت اهل زوجي
ام زوجي متوفيه من قبل لا اتزوج وابوه من 10 شهور توفى الله يرحمهم جميعاً
زوجي هو اكبر اخوانه
وابو زوجي كاتب بوصيته ان البيت لزوجي
يعني من بعد العزى لازم يفضى لي انا وعيالي البيت لانه انتقل من حالة ( بيت الجد ) الى ( بيت الولد الكبير )
وماعنده الا اخت وحده و بيتها مررره قريب بيننا بس شارعين يعني تروح وترجع مشي ع رجولها
ومتزوجه وعندها عيال وبنات في الجامعه
من عرفت ان ابوها كاتب ان البيت يصير لنا انقلبت 180درجه صارت تكرررررهني
وخذت مفاتيح ابواب البيت كلها وخلتها عندها
وفضت لنفسها الدور الارضي كاااامل وصبغته وغيرت اثاثه من الى ع ذوقها وسوت لها حديقه بالحوش تجلس فيها العصر وفي الليل عيالها يلعبون فيها
والمقلط حطت فيه تلفزيون وبلاي ستيشن لعيالها وصارت من 12 الظهر الى 10 بالليل عندي ،، وانا مالي حق احكي ولا كلمه لانها معتبرته بيت ابوها
مع العلم ان عندها 4 اولاد اتغطى عنهم
وقامت تسوي ترميم في بيتها وبعدين وقفت وصارت تجي تجلس بعذر ان بيتها يرمم ووالله ان العمال لهم 6 شهور مادخلو بيتها بس مخليته عذر عشان مايجبرها زوجها انها تروح لبيتها
هو ساكت لها ويجي معاها ع اساس ان المسكين مصدق ان بيتهم يترمم
زوجي يعز اخته هذي كثير
بس المشكله ان اخته ماتبي البيت يصير لي وقامت تكيد من توفى ابوها تبي البيت ابوها يفضى لها
يعني من الاخير تبي تطفشني
المهم تهاوشت مع زوجي لاني كنت مغيره درابزين الدرج ودافعه فيه دم قلبي
وهي راحت نكايةً فيني وصبغت الدرابزين بلون سماوي !!!!!!
تخيلو درابزين لونه سماوي انا من القهر قمت ابكي قدامه
لما راح وسألها ليش ؟ قالت هذي جزاتي اصبغ لكم واعدلكم بيتكم وانا بيتي له عشر سنين ماشم ريحة الصبغه ،، يعني قامت تتمسكن
جاء زوجي حمقان وهزأني قال انتي تبيني اكره اختي تبين تشبينها بينا ونفترق عن بعض
رحت لاهلي وجلست عندهم شهرين
ولما رجعت حصلتها داخلها غرفتي ومغيره ترتيبها
وقايله لزوجي وشهذي زوجتك ماتعرف ترتب !!!!
لحد ما اخذ زوجي عني اني فعلا ماعرف ارتب
ودخلت المطبخ وحصلت كاس لبن يحتاج غسيل
راحت قالت لزوجي اورووووف ريحة مطبخكم عفن زوجتك تاركه مواعين ماغسلتها !!!!
وراحت جابت بخاخ تعطير جو وتبخ وتقول اف اف
الله يعينك كيف كنت متحملها هي ووساختها
ووالله يابنات ان بيتي زي الورده وانظف حتى من بيتها بس شوفو كيد الحريم كيف
ومره كنت حاطه حبوب حساسيه ع طاولة الطعام لان الدكتوره قالت حبه بعد الغداء ف حطيتها ع الطاوله عشان لما اخلص غداء تكون قدامي واخذها
جاء هذاك اليوم وادور حبوبي ماني محصلتها ماخليت مكان ما دورت فيه
واروح اسالها قلت شفتي كرتون عليه خط رصاصي
قالت ايه وحطيته بالزباله
قلت ليش ؟
قالت والله ماحب احط حبوب قدام عيالي
وغير هالمواقف كثير ، وانا مابي اذكرها لاني مابي اغتاب واجد ومابي اطفشكم
لان الغرض هو ان توصلكم الصوره بشكل واضح وتعرفون كيف تكيد من تحت لتحت !!!!!!!
انا جدا متضايقه منها ومتفاجأه في مكائدها لي
وفي نفس الوقت اهلي وصاحباتي ماقدر اعزمهم عندي بسبب سوء حالة المنزل من عفيسة اخت زوجي وعيالها لدرجة ان زوجها يطلع الساعه 4 العصر ويجي عندنا يتغدى ويجلس لحد الليل معهم
والله بيتها بس تنام فيه الطبخ والعزايم وكل شي عندي
حتى زوجي مره قلت له روح قول لها تروح لبيتها قال ايش اسوي اختي صعب اقولها اطلعي !
المشكله ماتخليني اصيد عليها شي
قدام زوجي تمسك ولدي وتبوسه وتوديه المطبخ وتعطيه عصير
ومن يطلع زوجي تكفخ ولدي واسمعها تقول انقلع عند امك
وانا والله مابي مشاكل لا معاها ولا مع غيرها انا انسانه مسالمه والحمد الله الى الان قادرة اصبر واتحكم في اعصابي
بنات ارجوكم انصحوني
هل هناك سور من القران تكفيني شر الظلم ، او تنصر المظلوم على الظالم ؟
وهل هناك ادعيه معينه تقراء في الصلاه تكفيني شر مكائدها ؟
