حبيباتي زوجي مواعدني ويا العيال بسفره خارجيه وش تتوقعون ناوي عليه ممكن عشان خاطرنا ولا يسكتنا عشان مايصير لنا حجه ولا نسى موضوع زواجه الثالث
وش رايكم
حبيبتي الله يسخر لك زوجك
بس أبقولك حاجة لاحظتها في زوجي ولا تقارنين
عموما يقولون الرجال خلاص صار نص ولازم الحرمة ترضى وتحس بنقصه عن أول
زوجي وعدنا بسفره ببداية زواجه بعد سفره معها وقال نسافر بعدها عشان نقعد ونطول
هي سافرت اسبوع وحنا يوم تمينا اسبوع الا الرجال واضح ان وراه شي جابنا طايرين وحنا ما حنا مصدقين وين كلامه ولا فكر فينا
بعدها حرمت السفر لا والله ابسافر وهي تسافر أنا يوم ما سافرت العام الماضي ما سافرت هي تخسى ما يقدر أنا اللي أمنعه بعدم روحتي هههههههههههه ( إن كيدكن عظيم )
والسنة هذي بالمثل ما فكرت أصلا ما دريت إلا هو جاي يقول خلونا نسافر خمس أيام هههههههه
خمس أيام سفر لا وين لمنطقة قريبة من منطقتنا السفرة هذي ما هي على خبرنا
الاسبوع نقص والمناطق السياحة ما فيه الله أكبر أنا أروح لها المنطقة ولا زينة ولا شي ممكن بالخميس والجمعة بالدراسة نروح لها كتغيير جو
وش ناوي عليه يسكتنا ولا يسكت الناس عشان يقولون شوفوا ابو فلان ودى حرمته والله حليل لو ما هو مهتم فيهم كان ما وداهم وخصوصا أبوي وأهلي
على مين يا قلبي أنا نظرتي بعيدة أبفرح والله ما أفرح ولا أبيها ما يمدين افتح عيوني واغمضها الا حنا راجعين ولا ناوي يوديها هي مكان احسن منه
هو يثبت للناس وانا بعد اثبت لهم عكسه
لا تقولين احمدي ربك شي احسن من لا شي ... لا أنا عارفة وش وراه
وجلسنا والحمدلله
لا تقولين تغير خلاص أكيد التغير هذا بعده فرج عظيم
أخيتي أحس إننا متقاربين بالتفكير مع بعض الاختلافات
