اخوي يبغا يتزوج وحده عن طريق المسن

البنت اللي تتجراء تكلم ولد غريب
بتكلم ميه غيره
زيجه من بدايتها واضحه مايبيلها كلام
 
حرام عليك ليش تقولين لعابه ّ!!؟؟

هذي اعراض ناس

وبعدين هي ماسوت شي الا انه كلمته مسن بس

يعني حروف وبس

ولو لعابه اعطته صورتها وواعدته بشقه وووو...........الخ

اذا هو متأكد من مشاعره ليش لا

بس تدرين وش غلط اخوك ؟؟

غلطه انه خبرك ههههههههههههههههههههههههه

لاتزعلين

لاننا مهما رقينا بفكرنا وتطورنا تظل هالاشياء عندنا قلة حيا وادب ولو تزوجها بتنظرون لها نظره مو كويسه

عشان كذا اقول اني ضد انه خبرك
 
والله ياحبيبتي انا مااشوف انه غلط

يعنب يوم انه يسولف معها باللمسن وذا حرام ماقلتو شي

يوم يبي الستر ويبيها بالحلال تقولون لا ماتصلح

ان رائيي عين الصواب الي يسويها ومافيها شي صح انها غلطانه وحرام الي يسوونه

بس الاكيد ان الزواج هو الحل

ولو يحبون بعض لاتحرمونهم من بعض والله حرام

والاهم

الاستخااااره

والخيره فيما اختاره الله​
 
عادي حبيبتي انتي حاولي تتعرفين عليها ومهي مصيبه يمكنها بنت ناس ومحترمه مو شرط انها تكلمه ماسن مو كويسه انا مع الاخوات ويمكن اخوك حبها
لايكون تفكيرك سطحي
بلعكس اذا عاجبته احسن من انه ياخذ وحده مو مقتنع فيها والرجال ادرى بالبنات وشخصياتهم
الله يوفقه ويتمم له اذا فيه خير
 
/

ياخوفي البنات اللي ماتزوجوا يشوفون هالموضوع ويروحون يسوون صداقات على بالهم بيتزوجون بهالطريقه
انتبهوا ياحلوآآآآت ترى هذا اكبر حرام

حبيبتي انتي ادرى باخوك اذا هو عاقل والا طايش وهالبنت اللي يكلمها وش اللي حببه فيها بالضبط ؟؟
وبعدين قولي له انت الان في سكرة ماتعرف تفكر كويس بس بعدين بتصحى من غفلتك وتفكر وش خلاني اخذ بنت انا كلمتها وعرفت عنها كل شي قبل الزواج؟ ووش يضمن انك انت الوحيد اللي تحبه وانها وفيه ومافي عندها اولاد ثانين تكلمهم ؟؟ انسانه زي هذي طول عمرك بتعيش في شك معها وهي ماتصلح تربي عيالك وتامنها على بيتك ​
 
انا لا أؤيد هذا النوع من الزواج لانه فاشل محكوم عليه بالفشل
وان نجحت تكون نسبة النجاح قليله ونادره جدا
غير الشك والظنون والمشاكل يلي راح تصير بعدين بينهم
ما بني على باطل فهو باطل
عموما اذا اصر انصحيه يدعي بدعاء الاستخارة قبل الخطوبة ويعطي حاله فرصة للخطوبة اقصد تكون 6 شهور علشان يعرفها عن قرب افضل
راي صواب يحتمل الخطأ وراي غيري خطأ يحتمل الصواب
 
عادي مافيها شيء اخت صديقتي لها 8 سنين متزوجه من واحد متعرفه عليه قبل الزواج وهي قبيليه والرجل محترم ويحبها ويارب يوفقهم وصار الزواج بهذه الطريقه عادي ووالدي قال لأختي اذا حبيتي واحد لا تتهوري قولي لي وخليه يجي يقابلني وبابا ملتزم بس متفهم ومتوقع ان هذا شيء ممكن أي بنت تقع فيه ومو بالضرورة تكون سيئه وانتبهي يااختي لا تقذفيها وخليك متفهمه ترى الزمن تغير......
....................................................................
 
حبيبتي روحوا لاهل البنت وتعرفوا وشوفوا البنت يمكن يكون فيها خير

ما تعرفي وين ربي كاتب النصيب

زوروهم وشوفوا

واستخيروا وربي يختار الخير للجميع
 
غريبه احس زواج وحده مكلمته من قبل مصيره الفشل وانتي ادرى باخوك
 
صح لا تظلمون البنت والرجال لايمكن يختار شريكة حياته اذا شك بطهرها وعفتها لو 1%
لانه بيعرف ولا يغرك الرجال هالايام ماعندهم الحب اعمى بس هالسوالف عند البنات ياحليلهم
المهم اثنين من قرايبي تزوجوا عن طريق النت واسعد عوائل شفتهم واحد منهم خلف منها للحين 6 ماشاء الله
وعن جد حبوبين حيل
ادعيله بالهداية والتوفيق والستر وربي يكتب له الخير حبيبتي
 
شوفي حبيبتي انصحك ان تتعرفي عليها اذا كان اخوك مصر على الزواج منها مع انني ضد هيك علاقات عن طريق المسن اولا لانه سوف تنعدم الثقة بينهم واقل مشكلة سوف يعايرها بانه تعرف بها عن طريق المسن وثانيا اي شخص سوف يعرف بهيك علاقة سوف تخلف نظرتهم لها لاننا مجتمع لنا عاداتنا وتقاليدنا مهما تعلمنا ومهما كانت ثقافتنا وانا صراحة ضد هيك امور ولو وصفت بلرجعية فلا يهم فلصح صح والغلط غلط
 
هاي خيتو
حاسه فيكي ,, وانا مريت بتجربتك ..
اخويه كدا تعرف على بنت ..
اشوف باخويه الجديه وقال حبها .. وانا قعدت موقفه الموضوع لسنتين .. امكن خوفا من الطريقه الزواج .. خوفت من اشياء كتيرهـ
المهم قولت طيب نتعرف على بعض اكتر .. والبنت كانت مساعدهـ ليا كتير والله ,, وتبادلنا ارقام الجوالات ,, وحبه على حبه روحت لهم في بيتهم رغم انهم بمدينه واحنا بمدينه بس روحت محد يعرف الا اخواني ,,,
ودارت الايام ,, ودحين ملكو على بعض وزواجهم بدي السنه كمان ,,
كان حبهم اقوى ,, والبنوته راح يحفظها طيوبه وربي اقول لاخويه اخاف على البنت منك >> متشائمه من الرجال ...
والله يوفق اخوكي واخويه
دامو يحبها لاتوقفو عثرهـ بطريقه ..
من تجربتي الخاصه ,, باقولك الحب اعمي .. وحتى لو خطبتولو وحدهـ غيرها راح تظلموها لانو قلبو مع وحدهـ تانيه
 
حبيبتي اخوك مقال كذا غير لانه رجال ومايبي يلعب ببنات الناس
وبعدين في فترة خطوبة انتو اعرفو مين اهلها واسئلو عنهم وعن البنت
وشوفوها
واذا صار نصيب بيكون ربنا كتب لهم هالشي

شوفي قصص البنات كل وحدة تقول زوجي كان له حب قديم خمس سنين والا سنتين والا سنة
وماقدر ينساها
وماتزوجها علشان اهله
بالاخير تخرب حياة 3 اشخاص ويمكن اكثر لو صار فيها اولاد
خليه يجرب حياته معها علشان مايجي يوم يلومكم ويقول انتو سبب تعاسته
 
انا لو مكانك صراحه مستحيل اسمح لاخوي يتزوج وحده عن طريق النت بس اذا مصمم والله مدري وش اقولك بس هي مثل مالمته عن النت اكيد بتكون مكلمه وحده غيره
الله يوفقهم اذا في نصيب وربي كاتب بس وش رايك تقوليله انا بختبرها وانتي تاخذين ايميلها وتختبريها يعني تضيفيها وتحاولي تجرجريها بالكلام يعني مثلأ لما اخوكي يكلمها بالمسن انتي تفتحي ايميلك وتضيفيها وتحاولي تتعرفي عليها وشوفي ردت فعلها اذا عطتك وجهه ولعبت معاكي اكيد بتعرفي وش عليكي تسوين
مثلأ وش رايك اليوم او بكرا لما اخوكي يفتح ايميله وانتي جالسه جمبه ضيفيها عشان البنت تتأكد ان الي اضافها مو اخوكي وكذا بتعرفين اذا هي لعابه ولا لا
وبرضو اخوكي بيعرف
بس ابي اقولك شي لو ربي كاتب نصيب بيصير حتى لو كل الدنيا رااافضه والله يوفقهم لما فيه خير لهم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل