اخواتي ساعدوني لو بكلمه...

[قاتوة]

سلام اخواتي كيفكن جميعااا
من اين ابدا همي وكيف ابدا ! مشكلتي الاولى والاخيره زوجي والوضع المالي ..سوف اسرد قصتي واملي من الله ثم منكم ان تجدو لي حل في اقرب وقت,,,زوجي انسان طيب وحنون على الناس كلهم وهذه ميزه حسنه لكن العيب هو وضعنا المادي قليل 3000 ريال في الشهر يادوب يكفي اغراض البيت وتصليح سياره وووو ؟المهم لااطيل عليكم يتصل اخوه ارسل لي 1000 ريال علما بان اخوه مسجون ويريد ان يشتري جوال وعنده بنات واولاد لديهم رواتب تحفيظ القران والضمان الاجتماعي ,,وكمان يجب على زوجي قضاء البنك 1000 ريال يعني مابقى الا 1000 انحرمت من شوفة اهلي من سنه لسبب الوضع المادي واحتراما لزوجي من سنتين وانا صابره على هالوضع وبعت ذهبي كله من اجله والى الان لم يرد لي شئ منه , وكنت احلم بعمره وعدني نروح وفضل اخوه عليا, انا متضايقه حيييييل واحس اني ماعاد اطيق ناويه اخربها معه واخرج كل الي في صدري تكفووون شورو علي

لا تتركوني؟؟
​

 

[سمراء وافتخر]

السلام علييكم
اختي الغاليه اولا اذكري الله والجئ له ما راح تخسرين ابداوصلي قيام الليل واقري سورهه الواقعه كل ليله لانها تبعد الفقر وتجيب الرزق باذن الله واول ما تتدخلين بيتك من بره او مشوار بعد السلام اقري سوره قل هو الله احد قرايتها في حديث معناه انها تبعد الفقر عن اهل البيت وانتي حاولي تشوفي لك هوايه او مصدر دخل وانت في البيت مثل تطريز او تجاره بالنت وخلي احد يشاركه انت بالمجهود مثل واحد من اهللك او صديقاتك والاستغفار مهم جدا والله عارفه شنو معناه انه لازم تسوين اشياء وايده وخاطرج في اشياء وايد وتحسن انج ما تقدمتي خطوه وحده هونا وتهوين والله يفرج همك ويسر امرك انت وزوجج واتمني اكون افدتك وطمنينا عليك

 

[قاتوة]

مشكورة اختي سمراء وافتخر الله يفتح لك ابواب الرزق

 

[نوف وبس]

الجئي الى الله والصبر طيب وانتي تقولين اخوة مسجون وهو مسؤل عن اخوة
دعواتي لك

 

[طيف اليقين]

لا يا أختي أنتي كان واجب عليك مساندته في محنته .. انتي لما ساعدتيه كان لرضى ربك وزوجك مش عشان يجيكي يوم وتمني عليه .. اذا تكلمتي امامه يا أختي انتي اللي راح تخسري راح ياخذ عنك فكرة غير اللي حاطه لك بباله .. راح ينصدم فيكي .. واذا ما ساعد أخوه واهله راح يساعد مين .. يا أختي اذا ما مكان في خير لأهله ما راح يكون فيه خير الك وعيالك ..

انا اقترح عليكي انك تحاولي تعملي الك اعمال بسيطة وتدر عليكي ربح ... ممكن تعملي بحوث لطالبات المدارس انتي عندك انترنت وممكن تساعديهم .. ممكن تخيطي .. ممكن تشري قطع وملابس اطفال وتبيعيهم بارباح ..

وصدقيني فوق كل شيء الاستغفار .. والصدقة لا تقولي انك ما عندك لا يا أختي الصدقة تكون بالكلمة الطيبة .. تزوري مرضى لوجه الله ,,, وممكن تعطي شخص ريال راح الله يعوضك عنه بعشرة ..

احتسبي لله واصبري وعسى الله أن يفرجها عليكم وتأكدي ما في زوج يقصر على أهله وأولاده اذا كانت ظروفه تسمح ..

عليك بمساندته ورفع معنوياته وأسأل الله لكم السداد والتيسير من الله..

 

[قاتوة]

اخواتي""اسال الله لكل من ردت على موضوعي اودعت لي في ظهر الغيب ان يجعل لها من كل ضيق مخرجا وان يوسع لها في رزقها يارب ياكريم

 

[$شجن$]

والله يا اختي اولنا مكانك مااااااا تضايق ابدا لانهاصدقه وان شاء الله انها تدفع بلا عنكم ولي مافيه خير لهله مافيه خير الناس

 

[@فرحه وانتهت@]

حبيبتي صادقين البنات تراها مثل الصدقه وعاد شوفي فضايلها تزيد بركة المال وتزيد المال وتدفع ميتة السوء
وتعطي نور بالوجه ومنجاة للعبد والله اعرف وحده عايشه هي وزوجها وولدها ب500 ريال والسبب امه تتسلف وهو يسدد عنها بس ربي فاتح عليه ورازقه من حيث لا يحتسب واللي يشوفهم يقولون ذولا راتبهم 6الاف يزيد ماينقص...
وادعي ان الله يبسط الرزق لزوجك ويرزقكم من حيث تحتسبون ولا تحتسبون ورددي دائمااللهم اغننا بحلالك عن حرامك وبفضلك عمن سواك................................

 

[إيمان2009]

عزيزتي حتى لو صارحتي زوجك بس بتضايقينه المسكين وهو أكيد مو بيده لو بيده لكان سوالك اللي الملوك ماسوه لحريمهم يكفي إذا كان يحس مرته صابره عليه وهو مابيده يسعدها يموت من الألم لكن مايبين ... عزيزتي حمدي ربك في ناس تعيش على ألف وألف وخمس وعايشين وانتي طيب حاولي تشتغلين تسوين اي شي تساعدينه لين الله يفرجها هو يروح يدور له على وظيفه بالليل تساعده والله يسرلك​

 

[قاتوة]

مشكورين اخواتي الله لايحرمني منكم
بس انا ابغى اشتغل لكن موبيدي انا خريجه بكالوريوس اقتصاد منزلي والى الان مالقيت و ظيفه والله نفسي تنوروني بافكاركم تكفوون تراني وحيده...

 

[رانيا شعبان]

اصبري ياختي الصبر مفتاح الفرج واللي قدمتيه لجوزك وشرفتيه قدام اهله ربك مش هينساه ولا جوزك هينساه بس الضرب فالميت حرام اسم النبي حارسه جوزك بس ده مثل عندنا بيتقال
يعني جوزك احواله ضيقه وكمان تتقلي عليه بالكلام وتزيده همه يعني تساعديه ماديا وتنكدي عليه نفسيا ؟ معقولة
خليكي عاقلة وكملي جميلك مع جوزك لحد النهاردة انتي ست الستات اللي واقفة جنب جوزها واللي ما بيفرطش باهله ما بيفرطش فيكي زعلانة على الدهب ومعاكي زوج اصفى من الدهب
ثمني جوزك هو اغلى والا اللي صرفتيه ؟ ها وبعدين قرري تتخانقي معاه عشان اللي خسرتيه وانتي عاملاه من طوع نفسك ووقفة ست اصيلة جنب جوزها ؟ والا تحمدي ربك عندك زوجك يسوى كنوز الدنيا

كبري دماغك يا ماما واعرفي تعيشي صح وماتزعلي ولاتندمي على جميل تعمليه لجوزك
ده هيقدرك وهيشيلك فوق راسه ايوة انتي فاكرة ايه

 

[**فرفر**]

لاتخربينها اذا انتي شاريه قربه ورضاه بس حاولي معه وفهميه بطريقه غير مباشره ان طلب اخوه كماليات وهو عنده ضروريات يقدر اخوه يجيب جوال ب500 او400 والباقي تستفيدون منه مواخوه مسجون ومبسوط وهو يكرف ( اللهم لا شماته) ويقنع اخوه بالمبدء
وانتي حاولي تدوري مصدر رزق لو بسيط مثل العمل اذا معك شهاده واذا ما معك ممكن بحضانه او دار تحفيظ اومركز صيفياي شي يدر عليك مدخول لو بسيط
والله يفرجها من عنده وتذكري ان فيه ناس ماعندهم دخل او عائل يكفيهم قوت يومهم
والحمد لله رب العالمين واكثري من الاستغفار فهي تجلب الرزق

 

[نبضات تحدي]

نصيحة الرجال اهم شي اخلاقه لاتخسريييينه ياما ناس اغنياء واخلاقهم زفته بس اخوه اذا كان زي ماقلتي عنده مصدر دخل حاولي بلطف توضحي له الي بقلبك اذاكان من النوع الي يتفاهم ويتحمل اما اذا كان لا الجئي لخالق الناس ورازقهم وعلى طاري الوظيفة تقدري تطبخي وتبيعي اعرف وحدة زي كذا وصارت ماشاء الله عليها تصلح الصينية على سبعين ريال واغلب الزباين مدرسات والي يشوفها كأنها مدرسة
دعواتي لك الله يفرجها عليك

 

[امراة مقهورة]

طيب شوفى اختى زوجك ده شريك حياتك يعنى زى ما بيقولو على الحلوة والمرة سوا
اتحملى ظروفه شوية ونتيجة صبرك هتبقى خير
بس بلاش تبينى له انك متضايقة من وضعه المادى لان ده فى حد ذاته جرح لكرامته
وبدون ما تشعرى هتخسرى جزء كبير من احترامه لكى وثقته بنفسه
وبعدين مين فينا كامل
الكمال لله
وبعدين احمد ربنا انه اصلا طيب وحنون وبيبر اخواته
وربنا هيجعلها فى ميزان حسناته وحسناتك لانك بتصبرى معاه على السراء والضراء
وحاولى تبينى له انك مش ناقصك اى حاجة وم حاسة ان فى ازمة مادية فى حياتكم
لانه هيبقى عارف انك بتعملى كده علشانه وهيحفظلك الجميل ده طول العمر
وهيجى يوم يقول مراتى كانت محرومة من حاجات كتير ومع ذلك كانت حريصة انها متجرحش كرامتى
ولما ربنا يفرجها من عنده باذنه تعالى هتلاقى كل اللى نفسك فيه بين اديكى ردا للجميل اللى بتعمليه معاه

 

[ارق واحزان]

الله يفرج همك

 

[قاتوة]

تسلمو يالغاليات بجد نصائحكم اثلجت صدري ,دعواتكم الاقي وظيفه وارتاح نفسياا ..