اخر اخباااااااري

[حطمني زوجي]

اخر اخباااري
زوجي جالس في جهه وانا في جهه من البيت ولا يجي للجهه اللي انا فيها وارسلت له رساله اذا يبغى شي اومحتاج شي رد وقال لا شكرا ورجعت ارسلت له انا نفسيتي تعبانه وودي اروح لاهلي كم يوم ورد علي قالي تجهزي ساعه وبوديك وبعد اسبوع بالضبط من اليوم بجي اخذك واتمنى ان اللي صار بينا مايطلع لاي شخص مهماكان....
وانا الحين عند اهلي وجالسه اقرى البقره واستمع للرقيه الشرعيه وحصلت وصفة وهي اغتسال بالماء والملح والسدر وماادري مدى صحتها اللي تعرف تقولي واخر طلب تنصحوني ارسله رساله واقوله يصلح الخلطه وانا بصلحها ولا اسكت لحد ماارجع ونصلحها مع بعض انا ودي يصلحها هالايام لعل وعسى ان يهدى اللي بينا شوي
واكرر شكري لكل اخت ردت عليه

 

[لاتعلمني]

ياحبيبتي انا ~

زين سويتي ~ مع الدعاء والاستغفار كل شي يتصلح


لاتقولي له لحد ماتروحي له وسووها مع بعض ~ لان الرجال كسولين

وش رايك تشغلين سورة البقره في بيتكم يوميا ~ تبعد العين والحسد واسمها المانعه

ولاتتركي طوووووول العمر خلي الشريط في المسجل وكل يوم ~ وتجلب البركه

وان شاء الله خير ~

ودي :icon26:

 

[حطمني زوجي]

لاتعلمني جزاك الله كل خير

 

[عذراء حائل]

خليك مع خلطة الشب والملح لين ترجعين بعدها سووها سوا
وعسى الله يفرج كربك وبدل حزنك وهمك بفرح انشالله

 

[انا والمجهول]

السلام عليكم
انا مشتركه جديده
ابغى استشير الدكتوره اومساعداتكم ياخوات
انا مغتربه مع زوجي في امريكا عشان الدراسه
لكن زوجي ربي بلاه بشرب المسكر مع انه انسان طيب ومن عائله محترمه وانا احبه وعندي بنت عمره ثلاته شهور
لكن انا مااني قادره اصبر على الشي الي هو يسويه في نفسه وفي اهله
فكرت ارجع عند اهلي واتركه لكن راح اخسر بيتي ومدرستي
احنا لنا الحين حاولي ثلاثه اسابيع كل واحد في غرفه عشان انا كلمته في موضوع الشرب
قام ضربني وقال كلام ما عهده منه
بعدها دقيت على ابوه وفلت له احجزلي ما عادر اقدر اعيش مع ولدك
لكن ابوه هدء الوضع مع انه مو عارف وش السبب
وزوجي الي زعله اكثر اني دقيت على ابوه
وان محتاره وش اسوي مابغى اخسر بيتي وانا احب زوجي
تكفون بابنات ارفعو الموضوع لدكتوره
يمكن القى عندها حل او عندكم
وانا جديده على المنتدي ولا اعرف شي عن المنتديات
تكفون ساعدوني
املي في الله ثم فيكم​

 

[زهرة ايار]

حبيبتي عذراء حائل ايش قصدق بوصفة الشب و الملح و ل ايش تتستعمل و كيف؟؟؟

 

[يالله يالله]

بنات وش بلاكم وش هالخرابيط خلطات ماخلطاات هذي كلها بدع حبيبتي عليج ياللجوء والتقرب لله تعالى بعمل الطاعات والعبادات مثال قراءة القران وبذات سوره البقره واذكار الصباح والمساء والصلاه بوقتها وبخشوع والدعاء في السجود وبين الاذان والاقامه وقيام الليل ولو بركعتين واتركي اي شي يغضب الله مثل النميمه وسماع اغاني او مشاهدة افلام او مسلسلات مالها داعي تقربي من الله فقط والله راح يكون معاج وراح تسعدين بحياتج وزوجك راح يمووووووووت فيك انا جربتها واشكر ربي دووم

 

[ياربي انصرني]

خلطة الشب والسدر والملح هذي خلطة للشيخ الرومي تستخدم للعين والحسد والسحر ونفعت بأذن لله لناس كثيرين

وتجدينها جاهزه عند العطار ومكتوب عليه طريقة الاستعمال----


وايضا لوحبيتي تكتفين بالسدر تأخذين 7 ورقات من السدر وتدقينها او تخلطينها بالخلاط مع ماء وتسكبينها

في اناء يكفيك للاغتسال ويكون الماء مقري فيه اقرئي المعوذات واية الكرسي وخواتيم سورة البقره وايات السحر000

واغتسلي فيه يوميا لمدة اسبوع خارج دورة المياه وتخلصي من الماء المقري عليه في السطح او الحوش او
اسكبيه في الحديقه اهم شي تخلصين منه في مكان بعيد عن النجاسه


وعليك بقيام الليل والدعاء ---واجعلي لك ورد يومي لقرأة القران جزء وايضا سورة البقره000


وعليك بالرقيه الشرعيه اقرئي على نفسك افضل ---ان شاء الله بتشوفين خير----

 

[حنونة وااايد]

حبيبتي حطمني زوجي الله يجمع بينك وبين زوجك على خير ويبعد عنكم كل ضر وشر. أختي اناوالمجهول لا ترجعين اصبري شوي حاولي تهدين زوجك بس شوي شوي يعني الحين خلك عنده بس لا تكامينه وخلك زعلانه لغاية ماأيجي يرضيك و وقتها فهميه بحب انك تحبيه وتخافيين علية وعشان كذا زعلتي من موضوع الشرب وذكريه ان الشرب مش بس أغضاب لربنا لا بعد بيضر صحتة وبيأثر على دراسته بس حاولي أيكون أسلوبك حلو ومقنع وبالتوفيق غاليتي.

 

[حطمني زوجي]

جزاكم الله كل خير وانشاءالله بستمر على الحلطه والرقيه
اختي انا والمجهول اكتبي مشكلتك في موضوع جديد عشان يتمكنون البنات من مساعدتك

 

[غدير الكويت]

الله يفرج همج يااارب

 

[ملااااذ الصمت]

الله يفرجك لك

 

[دلع ليلكي]

اللهم الف بين قلبها وقلب زوجها كما الفت بين قلوب المهاجرين والانصار

 

[وجع الايام]

لاحول ولاقوه الا بالله قريت قصتك وبصراااحه واضح فيكم حسد او عين وشوفي موقع منير عرب الراقي المعروف خذي طريقة الرقيه الشرعيه صح
منه واستمري وسورة البقره عجيبه لمعالجة السحر او العين مع الاستمرار عليها اربعين يوم
والظاهر العين في زوجك سبحان الله الناس ما تخلي احد يتهنى اقري على المويه اللي يشربها وحطي عليها موية ورد
وجيبي زيت زيتون مقري عليه وسوي نفسك بتسوين له مساج ومسجيه فيه جسمه كامل
والله يككم من كل شر بس انتبهي مره ثانيه لا تبينون سعادتكم لاحد والله يوفقكم

 

[دبدوبه حيل]

الله يفرج همك يارب ويعافيك ولا يبتليك

 

[غناة الكون]

طمنينا عنك

 

[غناة الكون]

بسم الله الرحمن الرحيم

هذي وصفه من الدكتور جابر القحطاني

نصائح لمرضى الخراج




1ـ في حالة وجود خراج سطحي ضع عسل النحل على المكان المصاب فالعسل يقضي على البكتريا والفيروسات عن طريق سحب الرطوبة منها .


2ـ تناول الأناناس الطازج يومياً حيث أن الأناناس يحتوي على أنزيم البروميلين الذي يكافح الالتهاب ويساعد على الشفاء بسرعة. ​