اخد بناتي الله ياخده من الدنيا عاجل وليس اجل

لاحول ولاقوة الا بالله................. الله لايعطيه عافيه.. حتى الرضيعه ماسلمت من ظلمه، حارمها من أمها؟؟؟؟؟؟؟؟......... تحركي حبيبتي .لاتسكتين ...حاولي تدخلي احد من معارفك ،او معارفه ،ويكون له تقدير عنده ..... يكلمه .يرجعلك بناتك.......... ولاتنسين الدعاء ،ثم الدعاء ... الله يردهم لكم ،ويطمنك عليهم.
 
الله يردهم لك
ولا تسكتين عنهم لأنك أحق بحضانتهم بشرع ربي كيف يسوي كذا الدين ماهو على هواه حاولي بالطيب يجيبهم لك وإذا رفض ارفعي عليه قضية في المحكمة ​
 
الله يردهم لك ان شاء الله عاجل غير اجل ويفرح قلبك فيهم
 

الغاليه اتقولين 3 شهور ،، كيف ساكته اذا القطه حد قرب من عيالها اتهاجمهم اذا يوديهم عندها ويرجعهم ماعليه ويمكن فعلا هي طيبه وحنونه وتحبهم واذا لالا قومي اتحركي سيري اقرب مركز شرطه وشتكي عليه او اذا عندهم حد كبير بالعائله روحيله وخذ عيالج محد بيتحملهم غيرج .
الله يفرجه عليش ويجمعكم على خير
 
اخاف اشتكي يطلقني ماعندي احد يوقف بمحاكم اخدهم من امس صدري متحجر يارب يارب يارب بهذه الساعه المباركه انك ماتقومه من نومته هذه يارب انتقم من كل وحده تحرم ام ضناها يارب استودعتك اغلى ماعندي ادعولي يابنات ادعولي مايردهم الا ربي الله ينتقم منه عاجل وليس اجل
 
بسش ماعندج احد يوقف بالمحاكم يا اختي انتي اوقفي بالمحاكم ربج واقف معاج على من ضلمج لا تتصوري نفسج ضعيفه انتي مضلومه وربج معاج تقوي برب العباد وان شاء الله يرجعلولج بناتج
بس ليش اخذهم من امس يعني بالغصب لو اخذهم يربيهم؟ وبعدين انتي عندج اهلج طالبه الطلاق لو تريدين رضوة لو تريدين يرضى بشروطج؟
 
الله يفرج همك ويرد لك بناتك
الله يلين قلبه عليك وعلى بناتك ويرجعهم لك ادعي الله ويوم الجمعه تحري ساعة الاستجابه
واقضيها في الدعاء ويارب مايجي الجمعه الا وهم نايمين بحضنك
حبيبتي حااااسه فيك ومجربه
ادعي وادعي وانا بعد بدعي وربي ياااااارب مااااراح يخيبنا
 
حبيبتي لا تضعفي قوي نفسك عشان بناتك ارفعي عليه قضيه وخدي بناتك
بزات الصغيره قوليلهم انها ترضع
قوي نفسك ولا تنكسري
الله يقويكي
 
انت لا تسكتي له وخذي بناتك منه هو ما له اي حق يأخذهم في هذا السن 00 والله يكون في عونك 00 ​
 
من لا يرحم.. لا يُــرحَـم...

اعوذ بالله من بعض القلوووب...

حبيبتي لاتسكتين وماله اي حق بحضانتهم.. احنا بقطر العيال مع امهم طول العمر الا ف حالة زواجها او ما كانت اهل لتربيتهم... فقط... وانتو اتوقع لين 7 سنين.... وربي ما ينامون بعيد عني ليلة وحده الا ع جثــتــي... لو طلع سابع سمــاا..

روحي اخذيهم لاتخلينهم.. الرضيعه المفرووض ماتفارق حضنج ابد...

ربي يفرج همج.. يارب والزمي الدعاااااااااء بجمعج بهم عاجلا غير ىجل..​
 
حسبي الله ونعم اوكيل
الله يرجعلك اياهم اليوم قبل بكرة
اكثري من الاستغفار والالحاح بالدعاء
 
اشتكي الى الله في الثلث الاخير من الليل وان شاء الله يرجعون لك
الرجاء يااختي اذا رجعو لك باذن الله انك تطمنيني ولو على الخاص
 
ياحبيبتي انت مطلقة والا لا
وايش السبب اللي دفعه ياخذهم
عزيزتي حكمي عقلك ولاتتهورين
صدقيني البرود والتطنيش وقت العناد اسلم حل
يااااليت توضحين موقفك
اكثر
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل