لسلام عليكم
مشكلتك اختي اثارت حفيضتي .... شنو هالمستوى الي حماتك وصلت له ؟
فعلا حثالة .... اذا انتي ما تقدرين تردين عليها وفيك شي من الخوف ايا كان سببة
ففي جميع الاحوال الله ما يقصر هو المعين
توجهي له بالدعاء انه يلهيها بنفسها عن نفسك
ادعي بالسجود ( اللهم اني مظلوم فانتصر )
وفي عندي لك بشرى سارة
هالاشكال يجي يوم ترد عليهم الاعمال السيئة بالدنيا قبل الاخرة
راح يجي يوم تقولين فيه اللهم لا شماته
وتكسر خاطرك مرررررة
اهم شي انك ما تكوني ظالمة احد وان يكون اعتمادك على الله
تصدقين ذكرتيني بوحدة كانت تضايقني ببداية زواجي وكانت لها حضوة عند الكل وشاطرة وقوية
ولسانها طويل وما توجب وكانت اهي وعيالها قوة جبارة وكانو اكبر من اولادي
تسلطهم علينا ولا تردهم عن الغلط وكنت اموت واحترق لما اكون معاهم لانها لابد تكون موجودة
يعني كل اجتماع نكد وحرة وحسرة والم
وعندها المال والسيارة والمعارف
وانا كنت جمبها صفر ولو تكلمت قالوا غيرانه منها
ولازم ما احط راسي براسها ... ليش ما اصير احسن منها؟
المهم اللهم لا شماته انا الحين اعيالي مراهقين وعيالها شباب
الحمد لله عيالي يحبوني ومتفوقين وما يرضون علي
وشخصياتهم قوية ويصلون ومحد يقدر يأثر عليهم غيري انا وابوهم
قولوا ماشاء الله
اما هي فالعزوة الي عندها منحرفين جريئين عليها وعلى ابوهم
يعاملونها بنفس الاسلوب الي علمتهم انه يعاملون الاوادم فيه
البنت من مشكلة لي مشكلة وانتو اعلم بمشاكل البنات الشابااااات
والولد يسهر برات البيت وما يرد على امه وابوه الا بالسب والجحود
وعادي يخاصمهم بالشهر والشهرين
وهي خايفة عليه من اولاد الحرام الي بالشارع واللي يفضلهم على اهله
الحين الجمال صار ذبول والضحكة صارت دموع
وللعلم ماقط دعيت عليها والحين ادعي لها
تعور القلب وتكسر الخاطر
فلا تزعلون من الظلمة الايام تدور
والله مايطق بعصااااااااااااا
