اخت زوجي الصغيرة

[مريم المحمد]

السلام عليكم يابناات...
قبل اسبوع توفى ابو زوجي وام زوجي بحادث سيارة ....وعندهم 4بنات وولد واحد هو زوجي والبنات الثلاث متزوجين...بقت البنت الاخيرة عمرها16..وهي الوحيدة والصغيرة والدلوعة...وطبعا بعد وفاة ام وابو زوجي الله يرحمهم...زوجي ماقبل اخته تروح عند اخواتها المتزوجات وتنكشف على رجال غريبين...واجت تعيش عندنا طبعا انا فرغتلها غرفة لها لحالها...
بس المشكلة يابنات بالبنت من لما سمعت بخبر وفاتهم واهي تبكي بكاااااء مرررر حالها يصعب على الكافر....مابترضى تاكل وعايشة على المويا لدرجة علقنالها مغذي ومب راضية تاكل ولا راضية توقف بكي حااالهاا متعب قلبي...احس قلبي بينحرق عليها....احاول اسعدها بس مابتقبل تنسى وتجاملني بأبتسامة ارجوووووووكم ساااااعدووووني قلبي حارقني عليهاااا شلون اسعدها وانسيها؟ شلون اخليها توقف بكاء؟ ??????

 

[الحديقة السرية]

الله يعضم اجركم
ويرحم حمواك ويجعلكم من الصابرين
اختي مع الوقت بتنسى
بس اطلعوا تمشوا غيرو جو
ما اظن أنه فيه حل غير الزمن بينسيها
الله يكون معك

 

[Woody Rose]

عظم الله اجركم ..
اختي مستحيل تنسى ورجع عادي بدها وقت بس اعطيها حنيه واهتمام ..
موقف صعب الله يوقف معك ويفرجها عليكي .. 

 

[وردة الرحى]

إنَّا لله وإنا إليه راجعون
الله يرحم موتاكم وعظم الله أجركم
الله يعينك عليها ومأجورة بإذن الله
الله يصبرها إن شاء الله حاولي تصبريها بأن اللي صار قضاء وقدر وهذا يومهم وكلنا لنا يوم نموت محد يبقى على هالأرض والأيام كفيله تنسيها مصيرها راح تنسى بس حاولي تغصبينها عالأكل لأن بهالحاله راح تتعب وتمرض ..
والله يصبركم ويرحم موتاكم ويغمد ارواحهم أعالي الجنان ..
تقبلي مروري ودمتي بود ❤❤

 

[rwdaoo2000]

لا حول و لا قوة الا بالله
اللهم يا رحمن انزل السكينة و الهدوء على قلب هذه المسكينة و عوضها خيرا لا ينتهى

 

[سحر الليالي #]

عظم الله اجركم ...
مصابها صعب ابوها وامها في يوم واحد ... الله يعينها ويصبرها ويصبركم....
وقفي جنبها كوني امها واختها ... مع الوقت جراحها بتخف بس عمرها ما راح تنسى 

 

[ام سعد5566]

انا لا اله وانا اليه راجعون
الله يغفر لهم ويرحمهم يارب
الله يكون في عونها وصبرها يارب
هذه صدمة قويه في حياتها لاتلومنها
خلوها تروح عند اختها كم يوم تتغير نفسيتها ترى الأخت غير عن غيرها وان شاء الله انتي مافيك قصور
اقنعي زوجك يوديها عند خواتها كذا بتموت من دون اكل ولو صار لها شي ترى بيصير على راسك

 

[كارولينا 111]

عظم الله أجركم انا لله وانا اليه راجعون


لاتضغطون عليها خلوها على راحتها


بس المطلوب منكم تحسسونها بالامان


وتشوفون طلباتها ..


فترة وشوي وشوي بتتحسن


اعرضي عليها طلعة او شي اهي تحبه


بدون ضغط



الله يصبرها يارب ..

 

[داليا1]

عظم الله أجركم وجزاك الله خير ماقصرتي فيها شوفي  اقري لايات الاخيره من سورة البقره اقري حتى المعوذات وانفثي على جسمها وشربيها مويه زمزم تريح نفسها والله يصبرها ويصبركم ويشرح ربي صدرها يارب مافيه مثل القران يشرح الصدر