اخت حكاوينا مادري اللي سويته صح ولا خطا

[شوق الامارات]

السلام عليكم ورحمة اله وبركاته:icon26:
فالبدايه حبيت اشكر الاخت حكاوينا على اهتمامها لكل الاعضاء
بصراحه انا كتبت مشكلتي من اسبوعين وتتخلص فخيانة زوجي المستمره
والاخوات ماقصرن معاي بصراحه افادوني كثير وانا فعلا قمت اهتم بنفسي الفتره الاخيره حتى ان زوجي بدى يلاحظ هالشي وصار يعاندني
يعني اي شي ابيه اقولي بعدين (كأنه يبي اشوفني بسكت وماراح اهتم او .......)وصار يتاخر اكثر فطلعته واقولي احسج تغيرتي وما صرت تهتمين
والبارحه قهرني حييييل كنت انتظره عشان عندنا شغله انا وهو طنشني وراح عند ربعه وقالي خليها مره ثانيه انا تعبان انا عصبت خليته وما تكلمت وياه نهائيا وبينت له عادي
بس اليوم لما قالي يالله نروح قتله مارايحه قالي عادي خليها بعدين قتله مارايحه نهائيا معاك عصب وقالي انت كله تبي تزعلين وماتهمج راحتي وصايره كل وقتج عالنت ويا اليهال والله يابنات اني ماناستنه ومهتمه بكل شي يبيه بس انا تعبانه حيييل منه وماقادره انسى خياناته مادري اللي سويته معاه اليوم صح ولاغلط ياريت تفودوني شواسوي وياه هو عصب كثير لما عاندته لانه مو متعود علي اعانده افيدوني الله يخليكم
يا اخت حكاوينا لاتنسيني من نصايحج الثمينه
وعندي سؤال اقدر اكلم الدكتوره ناعمه على تلفون او عالخاص
ابي اعرف كيف اتعامل مع هالزوج واعيش معاه بسلام بدون اي شكوك وكيف اخليه احب بيته واهله:dunno:

 

[أم ريام]

الله يسعدك ويدبر لك الخير

 

[غدير الحب]

اختي اذا حسيتي انه حس بتغيرج اتمسكي بهذي الدرجة من التغير

وحاولي العناد تخفيفيه واذا ع مسالة ما تقدرين تنسين خياناته

فلازم تعرفي مافي احدكامل وصدقيني عيشي لحظات انج تغيرتي وهوبيبدا بعديتغيروعقبها بتنسى الي صار

دائمافكري انج لما تتغيري وتحاولي بعد انه يتغير انج تقاومي النزعةللانتقام والحقد على ماضيه

النقطة الجيدة انه بين ايدج يعني انتي بايدج تغيريه وتتغيري

خذي نفس يوغمضي عينيج وتخيلي لوانه هجرج اوسكن مع غيرج هل بتقدري ترجعيه

بس يوم هويحس بتغيرج ويحاول وياج احسن واسهل تشديه صوبج ؟؟؟

يوم بتشوفينه يقول انتي كله تعاندي اومن هالكلام ردي عليه انه السبب انت.. انا كلمتك بهدوءواتفقناوانت الي خلفت ولي الحق

واذا ودك مااعاندك عيل احترم كلامي ورغباتي ...

دايما تطعيه المبرر لتصرفج انه هو السبب والحل انه يعتدل معاج.. وعقب مشي السالفة

وحاولي تنسي ماضيه عسب تقدري تجذبيه ناحيتج

والله يوفقج

 

[نسائيات]

اختي الى الامام
مادام لاحظ تغيرج استمري فيه
ومثل ما قالت الاخت غدير الحب كلامها عين العقل
اختي لا تعاندينه وايد
وفهميه مثل ما انتي تحترمين رغباته لازم يحترم هو رغباتك ايضا
بس كوني قوية في طلب حقوقك لا تجرين وراه عشان يتغير بس غيري من شخصيتك اللي كل همها انها تصلحه
واذا طلب منك انك تتركين النت قول لا هذا وسيلة تسليتي مثل ما انت تسلى مع اصدقائك
و لا تراضينه ابداااااااااا بالعكس تصرفي انه ولا شيء صاير ولا كئنه زعلان عادي .....اساسا فيه سبب للزعل ... ابدااا
بس خلج قويه
على خياناته الزمن كفيل انه ينسج كل الالم
بس اهم شيء تعطين نفسك فرصه للنسيان ولا تركضين وراه تشوفين منو كلم وشو سوى لانه في النهايه ما راح ينضر غيرج
وبالتوفيق يا رب

خلي عندج استقلاليه وهذي الارض تحت رجوله عشان يحس
و مره كوني زوجه عسل في الفراش بس بعدها رجعلي لاستقلاليتج

 

[شوق الامارات]

اخت ام ردام مشكوره الغاليه عمرورج اخواتي غدير الحب وحكاوينا مشكورين الف شكر عنصايحكم الثمينه وكلامكم عين العقل وانشا الله احاول اثبت استقلاليتي وماراح اعانده
فعلا احس اني اتعلقت فها المنتدى واحب كل البنات اللي فيه واحسهم مثل خواتي الله يجمعنا على خير انشا الله ويرضي عالجميع

 

[هدأة الغسق]

أختي أنا جاية أحييك على التفوق والإنجاز السريع الذي ظهرت نتائجه سريعة ..

وأوصيك أن تتمسكي بهدوء الأعصاب ..

تحياتي .​

 

[قلب حر]

صح اللي سويتيه ...واضح كيف خلاه يهم ويسألك ويبي يعرف ا ش قصتك ؟؟

 

[شوق الامارات]

مشكورين يا خوات حمرة الود ويا قلب حر عاهتمامكم ومروركم وانا فعلا مستانسه وايد لاني صرت اهتم باشياء وايده غير تفكيري فيه وفسوالفه وبصراحه هذا كله من الاشياء اللي صرت اقريها فهالمنتدى الرائع فعلا احس اني بديت استفيد منه وايد اشياء واحس ان في اشياء وايد لازم اني اهتم فيها واول هالاشياء نفسي

 

[شوق الامارات]

مشكورين يا خوات حمرة الود ويا قلب حر عاهتمامكم ومروركم وانا فعلا مستانسه وايد لاني صرت اهتم باشياء وايده غير تفكيري فيه وفسوالفه وبصراحه هذا كله من الاشياء اللي صرت اقريها فهالمنتدى الرائع فعلا احس اني بديت استفيد منه وايد اشياء واحس ان في اشياء وايد لازم اني اهتم فيها واول هالاشياء نفسي
والله يا اخت قلب حر ان من امس والريال صاير رومنسي معاي حتى انه طلب مني اخلي اليهال عند امه وطلعنا انا وهو عالعشا اول مره يسويها من شهرين ومندون ما انا اطلب منه المهم استانست وايد بس لما ردني البيت وراح عند ربعه خليته ومادقيت له لحد ماجا وكانت تقريبا السعه 2ونص ولما دخل اتعمدت اكون يالسه عالنت عصب وقاللي بعدين وياج شوقصتج ويا هالنت اللي ماخذ وقتج قتله شو تباني اسوي انت من الساعه 10 برع وانا ملانه قلت اسلي عمري سكت ورقد زعلان خليته وقتله ان واثقه من عمري باللي اسويه (الريال شكله قام اشك خخخخخخخخخخخخ(واشوفه اليوم عادي ولاجنه صاير شي

 

[غدير الحب]

الله يوفقج دووم

ومثل ماقلنا لج خلج قوية وانسي الماضي واستمتعي بالحاضر


وبارك الله فيج وبعيالج وريلج