اختي فرقتنا

[كاني ييت]

السلام عليكم اخواتي
اختي تكبرني ب5 سنوات وتغار مني ومن عيالي بشكل غير طبيعي علما بان الله عز وجل مرضيها من جميع الجوانب زوج وعيال واملاك بفضل من الله , دوم تحبطني وتحبط عيالي وتحاول تخلق مشاكل مع كل المحيطين فيني اراضيها على اشياء يشهد رب العالمين اني ما زعلتها عليها بس اقول الرسول صلى الله عليه وسلم حثنا بالوصل (صل من قطعك) ومؤخرا قاطعتني انا واخوي الكبير بالمرة بدون اسباب مني والطريج قررت واعلنت ونفذت , ماادري شسوي خربت العلاقات و الزوارة وفرقتنا بمشاكلها ,امي بتموت يحسرتها من فعايلها ساعدوني شسوي معاها.

 

[العجيبه]

الله يعينش عليها ..
بس لاتسكتين عليها خذي حقك منها ..الي زي كذ1 مرضين الله يشفيها .

 

[نور مملكه بلقيس]

ياربي على هذي الدنيا حتى الاخوات لا حول ولاقوة الا بالله
الله يعينكم ويصبركم ويساعد امك المسكينه
والله يهديها امـــــــــــــــين

 

[RedRose]

انا اقول تروحين تزورينها وتقربين منها

روحي لها لوحدك بدون عيالك واجلس معاها سولفي انت وياها لا تفتحين موضوع صلة الرحم ولا شي بس سولفي سوالف عادية

واستمري على زيارتك حتى لو حسيتي بمضايقة منها ,, شوي شوي ,, بعدين ناديها عندك في البيت قوليلها تعالي اشربي معاي قهوة ,, شوي شوي ان شاء الله وتتعدل

نفس الشي بالنسبة للوالدة ,, قوليلها تروح تزورها لوحدها وتقرب منا ,, بس بلحالها بدون اي احد ثاني

والله يعينكم ويفرج همكم

 

[محرومه من زوجي]

الله يصلحها ويهديها
بس لو تكتبين مشكلتك في قسم الاستشارات افضل

 

[وأزهر الياسمين]

لآ حول ولآ قوة الآ بالله العلي العظيم

للأسف في كثير أخوآت وأخوآن كذآ وأعظم بعد

أنآ خآلتي الكبيرة نفس أختك ويمكن أسوء..مبهدلة خوآتهآ وأخوآنهآ مررررررررة ومو لآ قين لهآ حل

من وجهة نظري أحسن حل التطنيش لين تطق من القهر

والله يعينكم ويصبركم

 

[نزف]

لا حول ولا قوة الا بالله
انا اقول يا حبيبتي كووووني انتي الاحسن
انتي تبتغين الاجر
وادعي الله يهديها
ادعي لها...
لا تقطعيها...لا تقطعيها كوني انتي الاحسن عند ربك

 

[أميرة الالماس]

الله يصلحها يارب

لاتخلي لاحد فرصة عليك ابد

 

[***الراسية ***]

ادعي لها بالهداااااية الله يصلح شأنكم بس لاتكونون سلبيين معها افضل شي تتخذون موقف بدون ما تقطعون خط الرجعة عليها انتم اهل مهما كان ولو ما تحملتوا بعض مين يتحملها ؟؟

 

[حب عذري]

يمكن عشان شافتكم مراعينها ومتحملينها زودتها شوي حاولى تشخصين حالتها وشخصيتها من خلال البوصله واعرفى كيف تتعاملين معاها
الله يصلح حالكم

 

[سر العشق]

الاشكال هاذي مريضــــــــــــــــــه الله لا يبلانا لاكن بما انها اختك صليها ولو لوقت قصيرجدا

 

[لا تحزن]

والله الله يعينك اختي
انا لو من قبل كان حلفتك بالله ما تقطعين رحمك وتحاولين تعرفين مشكلتها
وانه ما في بين الاخوان زعل
كنت مؤمنة فيه
لكن مثل مشكلتك اختي لو قريتي مشاركاتي تعرفين انها
من دون سابق انذار قررت تزعل مني وتعمل حالها انسانة عقلها كبير وما تتنازل تكلم ناس مثلي
على الرغم من انه هاي كلامي لكن سرقته علي
كنت دائما اقول الناس اللي ما تحترم نفسها ما احترمها و وكل واحد يتحمل اخطائه
\صارت تقوله عني واهي تعرف زين اني ما اخطات بحق احد
اساسا هي وامي كانوا يخبروني عن الاعيب هاي الناس
وفجاة صاروا يدافعون عنهم لما حسوا اني مرتاحة بحياتي خربوها
لكن ااكد دائما انا واخوي على ابن عمي وانا ابن عمي على الغريب
للاسف اهي
قلبته علي ووقفت مع الغريب
لو كان صح ما كنت ازعل لكن للاسف قلبي يحرقني لانهم عارفين اني مظلومة
وحاولت اصالحها اكثر من مرة للاسف انذل اكثر واكثر
وما اتوب اقول الهجران حرام لا تسمحيلها يمكن زعلتيها بشي
وكل ما طولت تاكدت انها مزاج بس عشان تكون بنفس كفة حريم اخواني ويناصرونها
الحمدلله والشكر
هاي من جد مريضة

 

[*همسة*]

الله يكون بعونك طيب اختي حاولي تكلمين اخوك الكبير وتعرفين اش اللي صار له ممكن يكون زعل منك من موقف
وانتي ماتدرين او ممكن يكون فهم موضوع منك بطريقة غلط
حتى اختك كلمها خليها توضح لك اش اللي زعلها ومضايقها
موفقة

 

[نهر الصمت]

اختي انا مثل حالتكاختي الله يسامحها تكلم فيني عند خواتي وانا اكبر ب4 سنوات منها واذا شكت من زوجها نصحتها

وراحت تقول لخواتي هذي تسوي نفسها طيبه نيتها مو زينه واحس انها مريضه نفسيا وصرت معها رسميه جدا جدا

وبيني وبينكم فاقده لمة الاهل والاخت المخلصه خليها علي الله هذا ابتلاء ربي يصبرني

 

[بنت إب]

الله يعينك
هي شكلها مريضه نفسيا
الله يشفيها

 

[بداية غير]

الاخوات اللي زي كذا الله يعين عليهم
بالنسبة لاختك اعتقد لو مررة تنفجرين بوجهها وتفهمينها اخطائها بدوون ماتسبينها لا بس اتكلمي ليش وليش وليش ؟؟؟؟؟
راح تزعل بس بتجلس مع نفسها على وتعرف خطاها اما اسلوب المراضاة هذا مايصلح اوقفي بوجهها وتكلمي بصراحه اما السلبية راح تخليها تسيطر على الاجواء وتتفرععععن هذا رايي بصراحة,,,,,,,