اختي بتمررضني مسكتها تكلم واحد :(

[الانسكاب]

السلاااام عليكمممم

انا جيتكم بس ماراح اشكي من زوجي

اختي عمرها 17 سنه رايحه لثالث ثااانووووي ..
مسكتها قبل زواجي تكلم ولد خالة امي .. واخذت منها الجوال اسبوع ووعدتني انها ماعاد تكررهااا .. ورحت كلمت الولد وترى عمره مثل عمر اختي 17 وقالي وعد ما اكلمهاااا
واليوم بعد مرور سنه كامله اكتشفت انهم يكلمون بعض
يا ناااااااس ما اقدر اقول لامي لانها بتنصدم وبيضيق صدرهاااا وانا ماعندي اخوان الا واحد اصغر مني وعمره 19 واربع وعشرين ساعه برى البيت وابووووي تعبااااان وانا ساكنه في منطقه بعيده عن اهلي وش راااايكم

والله من الحرررره عطيتهااا كففف على وجهها ماقدر امسك اعصاااااااااابي السالفه هذي ما صار لها ساعه بس احس يدي فيها حراره ...

وش رايكم وش اسوووي ...​

 

[@مالكة القلوب@]

كلمي إستشاري اسري هو ادرى مننا بهالمواضيع وعندهم حلول خطيييره

ثانيا: ما عندك خال تثقين فيه أو عم قريب منكم ومتفهم ؟؟؟قولي لها بخبرهم وانتي بكيفك

 

[Alamorah]

لازم تبلغين رجل ثقه علشان تخاف بس قبلها بلغيها واحلفي لها اذا مابطلت هالشي راح تبلغينه

الله يستر عليها

 

[الانسكاب]

عطوني رقم استشاااااري ..
بس مساله اني اكلم خالي او عمي مستحيييييييييييل
واللي قاهرني تقول امه تدري ان ولدها يكلمني استغفرالله يااااااااااربي
واذا هاوشتها قالت لي انتي كنتي تكلمين زوجك قبل تاااخذينه وفهمتهااا وضعي غير ووضعهااا غير
وربي لو يدري ابوووووووي انه بينجلط وامي بتطيح عليناااا ,,
والمصيبه علاقتنا بخالات امي بالذات ذولي موب زوووووود وطريقتهم في حياااتهم غلط تسيب ولبسهم غلط مافي مراعاة للدين والشرع ومايستحووون يعني عكسنااا تمامااااا ...
من الحرررررره اكتب وررربي ...​

 

[الانسكاب]

ويــنـكــــــــــــــــــــــــــــــــمـ ​

 

[رمش هيمانة]

علمي امك ...امكن توقفه ...وتراقب بنتها وتاخذها معاها وين ماتروح وتشغلها عن هالسوالف...


لاطاح الفاس بالراس ..بتلومك امك انتي مو اختك ..وانتي متزوجة ماراح تفضين كل الوقت لها


اتكلي عى الله وغيري لها رقمها... وترى ماينفع استشاري وخرابيط .... بعض البنات يبي لهم مراقبة عن قرب

 

[انثى تحت المطر]

علمي امك مارح تصيرين ارحم من امك لاختك
قبل مايطيح الفاس بالراس

 

[قلبي أسرهم*a+s*]

االه يعينك بس الافضل تبلغي امك عشان يكون في احد قريب منها يراقبها وينتبه لها وانتي انصحيها وقوليلها ان الولد اللي يكلم البنت مستحيييل يتزوجها واسحبي منها الجوال وخوفيها انها اذا مبطلت هالحركات انك بتعلمي اخوك او ابوك بس تخويف
انتبهي لاتضيع اختك اليوم تكلمه وماتدري بكره ايش يصير ..

 

[إحسآإس طفله]

لآ تقولي لأمك ولآ أحد بينكم ..
تكلمي معآهآ بهدوء وفهميهآ كل شي ..
إنه غلط ومآيجوز وحرآم وهآذي سمعه أختك يآقلبي مرآآآهقه
يعني بآلأسلوب آلحلو يمشي معآهآ ..
وتقربي منهآ إنتي
ربي يصلحهآ ويهديهآ​

 

[ياربي انصرني]

لاحول ولاقوة الا بالله 0000 لابد ان تخبرين امك
ولكن اذا اخبرتيها اطلبي منها ان تبحثون عن حل
لايضر باختك وتقتنع انه هذا خطأ
لانك انتي ساكنه في مدينه بعيده عن اهلك وامك هي المفروض ان تراقبها وتتنبه
لسلوكياتها لكن من بعيدلبعيد00
واختك اكيد عندها فراغ عاطفي حاولو ان تجدون لها البديل واشغالها في ماينفعها
ولازم تفهم ان العلاقه المحرمه نهايتها ضياع 000
وايضا اخوك لابد ان تكون له بصمه في الموضوع كونه رجل وفي مكان ابوك لابد ان يتحمل المسؤليه مع امك00
لابد ان تجدون حل انتي وامك واخوك لكن حاولي ان يكون الحلول بعيده عن التهور والمشاكل 00

 

[RedRose]

مارح تستفيدي اي شي اذا علمتي امك اواي شخص ثاني. ولا تظلمين اختك ولا الولد. يمكن هو يبغى يتتزوجها واذا غرضهم زواج مافي مشكلة ان شاء الله خاصة انه يقرب لكم يعني مو شخص غريب.
وعموما اذا تبينها تترك المكالمات مارح تفيد ابدا القوة لازم اللين والمسايسة والاقناع باسلوب لطيف. اذا ما اقتنعت مافي شي رح يقوفها حتى لو قفلتي عليها الباب بالمفتاح.
والله يصلحها**

 

[الانسكاب]

انا قلت لأمي من شوي بس طلبتهاا انها ماتزعل من اختي بس تنتبه لهاااا

وتبون الجد انا راحمه اختي ماودي اسحب الجوال منهااا ودي ارجعه لهاا
بس تكون تحت المراقبه وامي تقول خذيه معك لبيتك يعني مابيها تحس بالنقص وكل بنات خالاتي وصديقاتها معهم جوالات لاني حطيت نفسي مكانهااا وانكتمت بجدد
وش رايكم وش الحل ارجع لها جوالهاااا واخلي امي تراقبهااا ويكون اغلب الوقت مع امي ولا كيف ؟!!!​

 

[RedRose]

انا اقول ان الحرمان والتقفيل عليها وسحب جوالها مارح يؤدي الى اي نتيجة بالعكس رح يزيدها عناد ويمكن تجيب جوال من وراكم محد يدري عنها. اللي في راسها شي بتسويه.
لازم تقنعيها بالمخاطر اللي ممكن تواجهها اذا استمرت بالمكالمات وباسلوب حلو. اسلوب وحدة خايفة على اختها مو اسلوب صراخ وهواش.

 

[قشوووطه]

الله يستر عليها
اختي كل شئ بتفاهم ينحل
اذا هي ناقصه عاطفه وانتي تتعاملي معها بقساوه كذا بتزييد
فهميها ان هذا لو يخاف عليك مارضى لنفسه ان يكلمك
خوفيه من رب العالمين
وقولي لها قصص تخوفها وذكريها انها خلفت الوعد من الاول وماعاد تثقي فيها

 

[الانسكاب]

وهذا اللي سويته معهاااااا
حرااام ودي احضنها بس استحي ههههههههههههههههههههههه
واخاف نقلبهااا صياح ..
المهم انا قلتلها اني احبك واخاف عليك وما ارضى الناس يتكلمون عنك بكلام مو زين ..​

 

[دنيا الأمومه]

والله ياقلبي مافيه احسن من الام هي عندها في البيت على الاقل تدري اللحين قبل لا يصير شي اكبر من كيذا وتمادي اختك لأنه عارفه انك بعيده عنها في ديره ثانيه
مو لو عرفت امك
يعني هذا لو اول مررره قلنا بينك وبينها وخوفيها بالله بس هذي ثاني مرررره وأكيد تعلقت فيه

 

[دلع الخليج]

سهله اخذي الموبايل منها وكسري الشريحة مالته وخلص واذا رفضت او طولت صوتها عليج قولي بخبر امي عن سوالفج ولاتنسي اهي بفترة مراهقة ولازم تكوني حدها وتابعيها ولا بيلعب براسها الشيطان
وربي يسهل امووورها وامووورج قلبووووووووو ​

 

[مشتاااقه]

لازم تكلمين امك يا قلبي
واذا نصدمت اهم شي بنتها ماتطيخ في غلط ابكر بعدها لا ينفع صدمات ولا ندم

كلميهاااااااا وقوليهاااااا يمكن تقدر تتصرف معهاااا​

 

[حرم عادل]

انا انصحك تاخدي الجوال لان حتى لو مامتك تراقبها هي بتسوي اشياء ام مارح تنتبهلها وتعرفين حركات البنات
ولاتجي معاها بالطيب لانها بتتساهل بعدين بتقول بيحننون علي
اللي خلها تكلمه بيخليها ترسل صورتها ويمكن الولد لعاب خصوصا انك تقولين علاقتكم مع بعض موزود
عارفه قلبك يعورك عليها بس صدقيني بما انها ردت وقالت اش معنى انتي كنتي تكلمي زوجك

مارح تتأدب الا بالعقاب والشده عشان تخاف
ادا اديتيها الجوال متاكده بترجع له

هذا رايي بصراحه

 

[ل@و@ل@و@ه]

حاولي تتفاهمين معاها وتبيني لها الصح من الخطأ وبهدووووء حسسيها انك مو بس أخت أنك صديقه لها وقوي علاقتك معها واذا فشلت كل محاولاتك أخبري والدتك بس لاتهملين الموضوع ترى وضعها خطير وممكن يتطور للآسوأ لاسمح الله.
بالتوفيييييق