اختي الوحيدة متغيرة عليّ ارجوكم ساعدوني

[سـندريـلا]

السلام عليكم ورحمة
اسعد الله جميع اوقاتكم
حبيباتي اول موضوع لي في هذا المنتدي واللي شجعني بصراحة تناول البنات للمشاكل والمواقف بطريقة حلوة
في البدايه حابه اعرفكم على الوضع اللي انا عايشه فيه
احنا ثنتين بنات في العايله انا متخرجة من الكليه الحمد لله واختى اولى كليه
بصراحة كنت ولازلت احب اختي اللي تصغرني باربع سنوات
مشكلتي او بالاصح مشكله اختى انها ماتتحمل مني شي وماتحب نتناقش بشي
وغالبا ماتنتهى نقاشاتنا بمشكله ونروح متهاوشات
يابنات والله العظيم ماكنا كذا
كنا مثل السمن على العسل ماعمري زعلتها الا وراضيتها باي طريقة وهي كذالك
هذي الايام ماتحب اكلمها بشي
وحتى مرة من المرات كنا متهاوشات وقريت مذكراتها وياليتني ماقريتها
كاتبه انها تكرهني وتتمنى يجي اي شي ياخذني من الوجود
وقالت لي هالكلمة في وجهي وانا في حياتي ماقد قلتها لها اوهي قالتها لي
فترة من الفترات تحلم احلام غريبه ... تحلم بالجن
كعادتي فضوليه اتفقت معها وفسرنا
وطلع تفسير الحلم ان علينا حسد او سحر
خفنا في البدايه ولكن الحمد لله اختى ماتتأثر من القراءة وعادي تسمع قرآن وتقرأ اذكارها
جلست مع واحد من اخواني وقلت له جيب شيخ يقرأ علينا قام هو وجلس مع اختى و سولف معها وقالت له انها تحافظ على اذكارها واذا ماقدرت ترقي نفسها يجي هو ويرقيها
طبعا اخوي ماهو مقتنع بفكرة الحسد نهائي وقال لي .. هي مزاجها مقلوب .. ومو لازم تسولف معك <<<<عرف طبعي ثرثارة
مشكلتي انا عرفتها .. انا احب اسولف احب اي حاجة عندي اقولها وافضفض لها ....
لكن هي ماتعاملني بنفس الاسلوب
اذا جيت سألتها .. وش جديدك وش فيك متضايقة تقول ولا شي
واذا نشبت لها تنافخ علي
يابنات وربي يشهد لى كلامي
انا استغرب منها روحها حلوة وعسل وتحب تسولف .. بس في المنتدى وع المسن مع البنات
ومعي انا تقول لاجديد
حتى مناسبات انا اروح مع امي واطلع زواجات هي ماتوافق تطلع تقول مالي نفس.!!! ولمن تكلمها زوجه اخوي تغير رايها

طفشت ياخواتي
لمن اتضايق من شي نفسي الاقي اخت تسمعني .. تحس فيني
والله العظيم انا اكتب الحين وخانقتني العبرة
عايشين مع بعض وكل وحدة لها خصوصيات ممنوع الثانيه تعرفها .. او حتى تسأل فيها
ابغى تنصحوني
انا اش صلح مع تؤام روحي

 

[حنانوو]

الله يخليكم حق بعض ويرجعكم مثل بعض
صدقيني مردها وترجع لك

 

[سـندريـلا]

الله يسمع منك يالغاليه

 

[lolo...]

الله يخلي اختك ليكي ويخلي اختي لي يااررب

جربي اطلعي معاها انتي وهيا

لاتسوي دور الاخت الكبيره قدامها قوليلها خلينا نلعب دور التوينز واحنا برا
واستهبلو اضحكوو وحكيها مواقف تضحك لا تحطيها مواقف فيها نصيحه وكده عشان تتعامل معاكي كصحبه
مو كأخت اكبر منهاا وتحط حدود

والله يصلح بيني وبين اختي وبينك وبين اختك يارب وجميع المسلمين يارب

 

[سـندريـلا]

من عيوني ياعيوني
والله يخليك لختك ولا يحرمك منها
اشكرك

 

[الحنـونه]

هلا حبيبتي .,,,

انا اقووول لو تاخذينها كذا على جنب ,,,

وسولفي معها واضحكو مع بعض .. ولا تفتحين معها شيء

يعني لا تسألينها اش اللي مضيق صدرها ..

ولا كأن صار شيء :shiny:

وحاولي توصلين لها بصوره غير مباشره

ان اللي تسويه غلط !!!

يعني عطيها كتاب ,, ارسلي له مسج على الجوال فيه نصايح

يعني زي كذا !!!!!!!!

ومصيرها تعرف مع الوقت قيمتك

يمكن انتي داااايم تبغين تشوووفين وش فيها وحريصه بقوووه

<<<< وهالشيء حلووو بالعكس

بس يمكن تتغلى عليك وشايفه مكانتها عندك:in_love:

عطيها وقت تفكر فيه ! بشرط لايغيب بااالك عليها

والله يخلييييييييييييييييييييكم لبعض ياااارب :icon26:

​

 

[سـندريـلا]

على عيني اكيد راح اعمل اللي قلتي لي ياحياتي
والله يسمع منك



لكن يالغلا والله احيان اكون متضايقة ونفسي افضفض
وصعبه اروح اقولها تعالي ابي افضفض لك له
وهي اصلا ماتسألي وش فيني
امس كنت مشتاقة لامي وجلست وربي دمعتي على خدي وقافله على غرفتي
وماكلفت على نفسها تسألني وش فيني
ولمن احتاجت حاجة من الغرفة وشافتني قالت وش فيك << بس
طبعا شفتها اخذت الحاجة وبتطلع اضطريت اقول ولاشي <>>> مع انه واضح في البكا

 

[اعلامية طموحة]

احس ان السالفة سالفة تغير في الشخصيات يعني بداية الجامعة الشابة تبتدي تتبلور شخصيتها وتمر بعدة تغيرات

حتى الهرمونات تتغير في هذي الفترة

انا اقترح انك تبتعدي شوي علشان تفتقدك ..مصيركم لبعض اختي انتوا خوات .. ومن صوبك حصني نفسك والغرفة بالقران وسورة البقرة

وماعليكم الا العافية ان شاء الله

 

[سمراء الغربيه]

اسمعي حبيبتي اقترح عليك انك لاتسالينها عن خصوصياتها ولا تكلمينها فمواضيع جديه اعرف انه صعب بس استحملي بس لهاذي الفتره
يمكن هيا تبغى مساحه خصوصيه بحياتها ,,, صدقيني هيا بعدين بتفتقد روحك واسلوبك ,,بس كمان حاولي تقربينها يعني ماتحس تغيرك جفى,,وشوي شوي بترجعون بس المساله يبغالها وقت
وانشاء الله بترجعون احسن من اول وتسمعينا الاخبار الطيبه

 

[سـندريـلا]

احس ان السالفة سالفة تغير في الشخصيات يعني بداية الجامعة الشابة تبتدي تتبلور شخصيتها وتمر بعدة تغيرات

حتى الهرمونات تتغير في هذي الفترة

انا اقترح انك تبتعدي شوي علشان تفتقدك ..مصيركم لبعض اختي انتوا خوات .. ومن صوبك حصني نفسك والغرفة بالقران وسورة البقرة

وماعليكم الا العافية ان شاء الله

حياك الله اختى
هي فعلا ماتغيرت الا من دخلت الكليه
ان شاء الله احاول ابعد شوي عنها
مع اني احس لمن نبعد عن بعض كأننا متخاصمات
الله يعين بس

 

[سـندريـلا]

اسمعي حبيبتي اقترح عليك انك لاتسالينها عن خصوصياتها ولا تكلمينها فمواضيع جديه اعرف انه صعب بس استحملي بس لهاذي الفتره
يمكن هيا تبغى مساحه خصوصيه بحياتها ,,, صدقيني هيا بعدين بتفتقد روحك واسلوبك ,,بس كمان حاولي تقربينها يعني ماتحس تغيرك جفى,,وشوي شوي بترجعون بس المساله يبغالها وقت
وانشاء الله بترجعون احسن من اول وتسمعينا الاخبار الطيبه

الله يسعدك وع راسي والله كلامك

ولكن اكون معك صريحة انا والله مازعل لمن تسالني عن اي حاجة وبالعكس اجاوبها وماتضايق
ولكن احيان تكون ع الاب توب وتجلس تتضحك اقول ضحكيني معاك تقول حاجة هنا
انا بهالوقت يزيد فضولي اعرف مع مين تسولف وش يضحكها
والغريب اني لمن اكون بغرفة التلفزيون اشتغل ع النت تكون هي تشتغل بغرفتها
وبمجرد اجي الغرفة بشتغل عندها تروح هي لغرفة التلفزيون هالحركة تذبحني وخايفة عليها <<<طبعا امي مسافرة لظروف جدي الصحيه
كنا اول ماندخل اي منتدى الا وتعرف الثانيه وش النك نيم تبع الثانيه
والحين بعد ماقللت اسألتي واحتكاكي فيها
المواقع اللي كنا فيها سوا قل دخولها لها
انا ماقول اننا نهائي ماناخذ ونعطي .... لكن قليل جدا

اخاف ماعاد اسولف معها نصير بعيدات اكثر واكثر

 

[نجمه مضئه]

اختي فعلا انا احس البنت لما تدخل الجامعه تتغير شوي
انتي لا تسألينهاا عن خصوصياتهاا ولا تنافشينهاا في شئ
خليهاا اهي بتطخ من نفسهاا وترجع خلى كلامك ذا الفتره ضحك وبس وسوالف عامه
حاولي تبتعدين عنهاا اذا طلعتي ورجعتي لا تروحين لهاا اتركيهاا مره مرتين اهي بتجئ من نفسهاا .
خل تشتاق لك صدقيني بترجع
الله يخليكم لبعض ولا يفرقكم .

 

[سـندريـلا]

اختي فعلا انا احس البنت لما تدخل الجامعه تتغير شوي
انتي لا تسألينهاا عن خصوصياتهاا ولا تنافشينهاا في شئ
خليهاا اهي بتطخ من نفسهاا وترجع خلى كلامك ذا الفتره ضحك وبس وسوالف عامه
حاولي تبتعدين عنهاا اذا طلعتي ورجعتي لا تروحين لهاا اتركيهاا مره مرتين اهي بتجئ من نفسهاا .
خل تشتاق لك صدقيني بترجع
الله يخليكم لبعض ولا يفرقكم .

حاضر ومن عيوني يحاول
ولكن يابنات والله العظيم احيان اتمنى اسولف مع احد
اخواني صغار وامي مسافر لظروف جدي الصحيه واخواني الكبار متزوجين
ومو كل شي ينقال لزوجة الاخ

يارب عفوك

 

[$بسمه أمل$]

سؤال..أختك حسااااااسه؟

 

[سـندريـلا]

بسمة امل
اهلين حبيبتي
وشلون احكم عليها انها حساسة
وهي نفسها لم نتكلم بموضوع او اقولها سالفة حصلت معي وضايقتني تقولي انت حساسة <<تقصدني

 

[اعلامية طموحة]

ايوا صح بالعكس انتي اللي حساسه

انتي نفس اختي تحب التلصق وتحب اشاركها في كل شي .. بس الفرق ان اختي متزوجه وعندها عيال يعني تتحسس بس عندها اللي يلهيها

والحين صاروا عيالها مثلها والله ما اكذب عليك بالبيت يتحركوا مع بعض ويجلسوا مع بعض ما كأنها هي وعيالها 3 اشخاص كأنهم شخص واحد

وانا طبعا على طرف النقيض الثاني .. ما احب التلصق ولا احب احد يسألني شو تسوي بالذات حركة النت هاذي اكرهاااااااااااااااا ان حد يقولي شو تسوي وشو يضحكك وااااااي ذكرتيني بنفسي

ونفس الشي لما تدش اختي الغرفة انا احاول اطلع مش عشان شي ولا اني اتضايج منها بس انا احب تكون عندي مساحتي الخاصة ووجود اختي بالغرفه ما يوفرلي هالمساحه يعني المشكله عندي انا مش عندها

انا اختي مثل ماقلت لك متزوجه وعندها عيال علشان كذا ماتفرق عندها كثير السالفه

حبيبتي مثل ماتوقعت اختلاف شخصيات لا أكثر دونت ووري الهي نفسك انتي بأشياء أفيد لك من مراقبة اختك شو سوت وشو ماسوت لان الحين تحسك كاتمه على نفسها وماقادره تكلمك بس اذا ابتعدتي بتقدر انها تتواصل معاج

 

[نجمه مضئه]

حاضر ومن عيوني يحاول
ولكن يابنات والله العظيم احيان اتمنى اسولف مع احد
اخواني صغار وامي مسافر لظروف جدي الصحيه واخواني الكبار متزوجين
ومو كل شي ينقال لزوجة الاخ

يارب عفوك

عارفه ياعمري مقدره شعورك بس ماعقوله ماعنك صديقه ؟؟ الله يعطيك صديقه تمونين عليهاا توئم روحك .مثل صديقتي توتو ياارب طيب فيه طريقه تسولفين فيهاا وتطلعين اللي بقلبك
اكتبي كل السوالف اللي تبغين تقولينهاا اي شئ بخاطرك سواء حلو مو حلو اي شئ
في ورقه اذا خلصتي وحسيتي نفسك مرتاااحه ومكتوب في الورقه اشياء ودك تنسينهاا
احرقيهاا وشوفيها وهي تحترق وانتي تكونين مقرره انك تنسين .. سمعت الطريقه من الدكتور النجار تبع لون حياتك كيف تنسين الاشياء المولمه
انا وضفتهاا لطرفين منهاا تفضفضين ومنهاا تنسين في النهايه بترتاحين اكيد
الطريقه مجربه اناا مجربتهااا

 

[دلال العيسى]

واااااااي اختك كأنها انا

دايم اسولف واضحك بالنت ومع البنات وتسالني

اهي ودها اني اسولف وياها

واقعد وياها بالغرفه ونحضر فلم مع بعض

بس مادري ليه ماااااحب

واربع وعشرين ساعه نتهاااااااوش

حتى امي خايفه علينا ليكون فينا عين ولا شيء

وانا اوقات احس بكرهـ لاختي

بس الحقيقه غييييييييييير

اختي انتبهي لعمرك

وحاولي تقعدين وتسولفين مع صحباتك وتقللين القعده وياها
وصدقيني بتتعدل اوضاعكم

يعني بعد فتره قولي لها سالفه حصلت بالمسن

بتلقينها لا اراديآ تسولف لك عن سالفه شبيهه

والله يحفظكم لبعض

 

[سـندريـلا]

ايوا صح بالعكس انتي اللي حساسه

انتي نفس اختي تحب التلصق وتحب اشاركها في كل شي .. بس الفرق ان اختي متزوجه وعندها عيال يعني تتحسس بس عندها اللي يلهيها

والحين صاروا عيالها مثلها والله ما اكذب عليك بالبيت يتحركوا مع بعض ويجلسوا مع بعض ما كأنها هي وعيالها 3 اشخاص كأنهم شخص واحد

وانا طبعا على طرف النقيض الثاني .. ما احب التلصق ولا احب احد يسألني شو تسوي بالذات حركة النت هاذي اكرهاااااااااااااااا ان حد يقولي شو تسوي وشو يضحكك وااااااي ذكرتيني بنفسي

ونفس الشي لما تدش اختي الغرفة انا احاول اطلع مش عشان شي ولا اني اتضايج منها بس انا احب تكون عندي مساحتي الخاصة ووجود اختي بالغرفه ما يوفرلي هالمساحه يعني المشكله عندي انا مش عندها

انا اختي مثل ماقلت لك متزوجه وعندها عيال علشان كذا ماتفرق عندها كثير السالفه

حبيبتي مثل ماتوقعت اختلاف شخصيات لا أكثر دونت ووري الهي نفسك انتي بأشياء أفيد لك من مراقبة اختك شو سوت وشو ماسوت لان الحين تحسك كاتمه على نفسها وماقادره تكلمك بس اذا ابتعدتي بتقدر انها تتواصل معاج

اهلين حبيبتي
حساسة نعم
مساحة خاصة وعلى عيني
ولكن اتلصق اعذريني انا مو من النوع هذا ولا احبه
والدليل اني مو كل شوي عندها واطل على لاب توبها وقول وش عندك وش ماعندك
انا لمن قلت اني اقول لها ضحكيني معاك اقصد اني افتح موضوع او حتى تقولي السالفة واتونس معها لااكثر والا اقل
ووقت ماكون في الغرفة ترى ماروح رأسا واتلزق جنبها لا والله بالعكس اقولها تعالي نتقهوا سوا ونشتغل __كل وحدة لها جهازها
تقول طيب وتجرد بي ساعة او اكثر انا يكون بهالوقت خلصت شغلاتي من النت وبردت القهوة او الشاهي
وغالبا اروح لغرفتنا وقت النوم وهي تطلع منها لغرفه التلفزيون

وطبعا انا بعد هذا الموقف الي يضايقني
خلاص صرت اتأقلم اني اتابع برامج لحالي واشتغل على النت لحالي واتقهوا لحالي
وما احتك فيها الا اذا هي جات وطلبت مني شي او فتحت موضوع

 

[سـندريـلا]

عارفه ياعمري مقدره شعورك بس ماعقوله ماعنك صديقه ؟؟ الله يعطيك صديقه تمونين عليهاا توئم روحك .مثل صديقتي توتو ياارب طيب فيه طريقه تسولفين فيهاا وتطلعين اللي بقلبك
اكتبي كل السوالف اللي تبغين تقولينهاا اي شئ بخاطرك سواء حلو مو حلو اي شئ
في ورقه اذا خلصتي وحسيتي نفسك مرتاااحه ومكتوب في الورقه اشياء ودك تنسينهاا
احرقيهاا وشوفيها وهي تحترق وانتي تكونين مقرره انك تنسين .. سمعت الطريقه من الدكتور النجار تبع لون حياتك كيف تنسين الاشياء المولمه
انا وضفتهاا لطرفين منهاا تفضفضين ومنهاا تنسين في النهايه بترتاحين اكيد
الطريقه مجربه اناا مجربتهااا

نجمة مضيئة
اهلا بك عزيزتي
والله ياغلاااي اكون صادقة معك انا قد جربت في حياتي وسولفت باللي بقلبي لصديقة وبنت عمي وهي الان زوجه اخوي
وتحسفت على كل كلمة قلتها
لذلك الوحدة اما ان تقول اللي بنفسها لوحدة تثق فيها كثقتي باختى او تخليها بصدرها
صديقاتي صحيح بيني وبينهم اتصالات ولكن ماحب اسولف لهم عن الللي يضايقني ولا سيما اذا كان ظروف خاصة في البيت
وطريقة الورقة انا سمعت عنها وان شاء الله اجربها
ولو اني ما احب اكتب في مذكراتي الا الحاجات الحلوة عشان لمن ارجع اقراها اتونس

اشكرك من كل قلبي على تواجدك