اختكم تبي رايكم ؟؟؟

[lulwa-8]

اشكر كل اخت خذيت من وقتها علشان تقرا موضوعي

باختصار انا متزوجة مرتين ولي ولد من الزواج الاول و3 من الثاني

كان زوجي ملتزم صلاة وصيام وقراءة قرآن مايتابع افلام ولايسمع اغاني

واشرطة دينية وعلى هالاساس وافقت عليه والا كنت رافضة الزواج مرة ثانية حفاظا على مشاعر

ولدي وقلت لنفسي الله بيعوضني في الحياة الجديدة وفعلا شفت احلى ايامي معاه بس في اول 5

شهوروبعدها تغيرت احوالي معاه بشكل متسارع وغريب في البداية اكتشفت خياناته مع كذا بنت

وبعدها بفترة اتضح مهب بس مكالمات بعد كان يقابلهم وينام مع بنات هوى انصدمت وتشتت افكاري

وآخر شي الصدمة الكبرى صار يشرب خمر تخيلوا انا في هالحالة صارلي معاه 3سنوات ونص

عذاب والله انقلبت حياتي فوق تحت ورفعت قضية طلاق لأني ماشفت منه رجا انه يتغير دخلت اهلي

واهله لكن بدون فايدة صدقوني انه ماصبرني عليه الا هالصغار حتى ولدي الله يحفظه متعلق فيه

بس في الفترة الاخيرة فقدت صبري معاه واحس لو بعيش بروحي مع عيالي ارحم من العيشة معاه

تصوروا كل المسؤليات علي وهو حتى الدوام مايداوم والله احس بغصة في قلبي اقول لنفسي بطنشه

بس ما أقدر مليت وتعبت من حياتي معاه ايش رايكم خواتي ؟؟؟

الله يجزاكم خير وبحفظ الرحمن:icon26:​

 

[نجد33]

ربي يعينك اختي

احسن حل التجئي الي الله بالدعاء والاستغفار

وعيشي حياتك مع عيالك وحملي مسؤلية طلبات البيت

وربي يفرج همك

 

[areem18]

الله المستعان
جربي اتحطين له شريط ديني في السيارة بدون ما ينتبه

 

[بنت الشفاء]

الله يعينك على مابلك بهذا الرجال وعليك بدعاء له بالهدايه

 

[القلب المهجور]

الله يكون في عونك ويفرج همك

 

[طيف الروح]

وه وه يناس وين عايشين

كل مشاكل الحريم خمر وخيانه وسهر ومادري شووو

اجل مابقى احد يريد الجنه كلن لاهي بدنياه شووو صاررر باخر الزمان


لاحول ولاقوه الا بالله

تصدقين اليوم قريت بالجريده

موضوع يقووووووول الشباب يتسارعون للزواج من كبيرات السن

وتركووووووووووااا البنات والمطلقات والارامل لا اله الا الله

السبب لانهم فاهمات وواعيات ومتعلمات

استغرب من هالمقال

الله يفرج همك ياختي اذا ماتعدل

وتسريح باحسان

ربي يفرجهااا عليكي حاولي تغيرينه طيب

واصبري منشان تدخلي جنه عرضها السموات والارض اعدت للمتقين والصابرين

الله يزيدك صبر

 

[لـو بيـدي !]

`السلام عليكم ورحمه الله وبركاته

أول مشاركه لي هي الرد على موضوعج صراحه الله يقويج ويعينج ويصبرج

بقولج حبيبتي انتي مافي فيدج الا حل واحد اول شي اذا هو يشرب ويسوي كل الي تقولين عنه

بس مايمد يده عليج ولا على عيالج ! يعني يسوى كل هاذيه برع فأن اقولج اقعدي

مع عيالج وركزي عليهم وخليهم اهتمامج الاول ولا يهمج خليه يطلع ويرجع بكيفه ممكن

تنصحينه بين وقت وثاني ودعيله وحاولي اتروين انه مب مهم في حياتكم انتي وعيالج

ممكن يحس والله يهديه ويرجعلج وترى وايد حريم ذاقو الويل من ريايلهم بس عاشو معاهم

عشان اعيالهم ...
:icon26:
الله يسخره لج ويهديه​

 

[لامش معقول]

سبحان الله مغير الأحوال ومقلب القلوب صدمه من إلتزام إلى ما ذكرت أكيد إنك مو قاصرك شي
بس إستمري إذادخل البيت خليك في أحلى هيئه لبس ومكياج ناعم وإرتياح البيت نظيف ومرتب
أولادك نظافة ولبس واجبك نحوه وفيه واستغفري واستغفري واستغفري ولا تيأسين وراح تستانسين
وذكريه بين الفينة والأخرى الخوف من الله وأيها أطعم مذاق حلاوة الإيمان أوبشاعة المعصية
وقد جرب الإثنتين بكلام لطيف يشعر من خلاله أنك تحبيه وتريدين له الخير

 

[دبدوبه حيل]

الله يحمل قلبك الصبر ....
شوفي حياتي يا انك تصبرين وتصلين وتدعين من الله انه يرجعه لصوابه وتستغفرين او انك تطلعين من البيت لعل وعسى انه يحس بغيابك
وعليك بالصلاه والدعاء تالي الليل والله يعينك على ما اصابك.

 

[زوجي روحي]

الله يعينك ويصبرك ويقويك

اول شيء واهم شيء التجيء بالدعاء لله ماتدرين يمكن هذا اختبار لك ولك الجزاء الاكبر باذن الله ان صبرتي
وثاني شيء .. استعملي معه الدعوة بالمعروف ..
امسكي ورقة وقلم .. واكتبي انا حلمت انك تكون طريقي للجنه انت كنت وكنت وكنت ..
اكتبي له عن شعورك انت وعيالك يوم يغيب عنكم وانكم محتاجين له ..وعن مشاعر ولاده اذا شافوه سكران
قولي له كل للي كان يسوية وبطله .. خوفيه من ربي .. وان ربي يمهل ولا يهمل .. واساليه وش اللي خلاه يصير كذا ؟؟؟

حاولي تعرضونه علىشيخ يمكن يكون مسحور والعياذ بالله لان مافي احد ينقلب فجاة بدون سسبب

 

[lulwa-8]

جزاكم الله خير خواتي على مشاعركم والله يحفظكم من كل شر والله ان كل كلمة كتبتوها لي مثل

البلسم على جرحي وربي اني ادعي رب العالمين ان يفرج همي وكل مهموم وانا الحين ما افكر

في نفسي قد ما افكر في العيال تسلمون على كل حرف ومن كل قلبي اشكركم ويجزاكم الجنة:icon26:​