مرحبا انا رجعت
اقول موقف الواحد لنا يبي يكتب تضيع منه الكلمات
على العموم انا اتوقع والله اعلم اكون حسيه بصريه لكن سمعيه مستحيل ونشوف وريقات وش تقول
نجي على الموقف
امس الخميس صحاني زوجي بدري وصحيت رغم اني نعسانه وقالي نبي نطلع لاننا من زمان ماطلعنا بسبب خلاف كان بيننا وطبعا لما صحاني كانت الساعه بحدود 10.30 ولما صحيت جلسنا نتكلم شوي مع بعض بوقت هذا قربت صلاة الظهر فقلنا نصلي ونطلع المهم قمت اجهز نفسي وهو قالي ابي اقعد شوي بالسرير لما ياذن وتخلصين المهم اذن وصليت وصحيته لانه اخذ غفوه وقام وصلى ونزلت انا البس عبايتي وشوف الغيال لاني بتركهم اذا طلعت المهم لما شافني البس قال ابي اطلع فوق وانزل موضوع على الكمبيوتر وارسله وماياخذ خمس دقايق قلت ماشي بس لاتتاخر وللاسف تاخر اكثر من خمس دقايق وارسلت له ولدي الكبير يقوله اني انتظره وقال قول لماما شوي وشوي ماخلصت صراحه تضايقت من زمان ماطلعنا مع بعض ولما نطلع يجي الشغل المهم طلعت ابي اشوفه الا هو نازل ونزل وجلس كانه ماتاخر وجلس يقول ها تبينا تروحين وانا تضايقت مره ولما شافني عصبت قال يالله نمشي اقولك امشي وماتردين وقمت ولبست وانا متضايقه وهو يقول افرديها ماتستاهل بصراحه مره تنرفزت وجالس احاول اهدي نفسي وهديت شوي وبالسياره جلس ساكت والجمله الوحيده اللي كل شوي يعيدها ليه تضايقتني هدي شغل مهم ولازم ارسله وانا اذا تضايقت لو شوي تضيع مني الكلمات وطبعا كان كلامي قليل جدا وهوساكت نزلنا بكافي وجلسنا وطلبنا والاخ مواصل يرفع ظغطي مسك الجريده وجلس يقرا وانا ساكته ومعصبه ولما انتبه لي صار يحاول يوريني انه منتبه لي ومعهاي ولما تضايقت مره جلس يتكلم ويقول وش فيك ومافي شئ يستاهل وليه معصبه وانا ماعندي كلام وماادري وش اقول المهم انا خلاص وصلت لمرحله مااحس بشئ من القهر وتصرفت عادي بعد نقاش طويل شوي ورجعنا البيت وبس
اتمنى اكون ماطولت عليكي
على فكره زوجي شديد الملاحظه يعني لو دخل مكان فجاءه ولمح احد على طول يوصفه كانه شايفه اكثر من مره
ومايقاطع احد اذا كلمه
