قبل تقريبا ثلاث اسابيع كنا مسافرين انا وزوجي واولادي وفي رحلتنا تذكر زوجي اغراض نحتاجها من محل كبير للأواني واقترح اننا نروح ونجيب اللي نبغى ودخلنا المحل ورحنا ندور على جهاز معين قال لنا العامل انه انقطع من السوق لكن فيه بديل نوعيه ثانيه غير معروفه شاورني زوجي وقلت له لاتستعجل خلينا ندور عليه بمكان ثاني يمكن احد المحلات يكون عنهم بالمستودعات , وقلت له ابغى الف بالمحل اجمع اغراض احتاجها وخليت الاولاد معه(بنت 8سنوات وولد 4 سنوات وبنت 7شهور) وانا دخلت اخر المحل وانا قاعده اجمع اغرضي سمعت صوت بنتي الصغيره تبكي بكاء شديد حسيت انها صار لها شي لاني تركتها جالسه بعربيه التسوق اللي تبع المحل , ورحت اركض باتجاه الصوت لاني مااشوفهم لان المحل ممرات طوليه وفي هالاثناء جاء ببالي ان ابوها بيشيلها من العربيه وطاحت منه ولما وصلت لقيت البنت شايلها ابوها و تبكي ياعيني , وزوجي يخاصم ولدي اللي عمره 4سنوات والولد يبكي , وانا اسألهم خير ايش صار واخذت البنت منه قال انه جاه اتصال من اخته ولهى عن الاولاد شويه بالمكالمه و الولد يحاول يركب بالعربيه مع اخته فمالت العربيه على الرف وضرب رأس البنت بالرف لكن الحمد لله جت سليمه مجرد كدمات بسيطه بالجبهه والاذن والحمدلله على كل حال .
واحب اقول لك اني من انوع اللي مايركز ابدا وزوجي عكسي من النوع الدقيق اللي ينتبه لادق شي ماشاء الله, وبعد لما اشوف ناس مثلا وارجع للبيت احاول اتذكر ايش لابسين مااذكر الا نادرا .
ولما اسولف مع زوجي يسألني عن تفاصيل الحدث اللي دائما اجاوبه بماادري او ماانتبهت وانا مااهتم للتفاصيل كثير
واخيرا اود اشكرك على مجهودك ومحاولتك مساعدتنا جزاك الله خير.
