اختار بيت جديد ولا خدامه

[بـدويـه مـودرن]

بنات شوروا علي
انا ادرس وعندي مولود يمكن مايجي عمره 10 اشهر صغير
وحملت الان الحمدلله يارب
وزوجي كان بينقلني بنفس عمارة ابوه
بس مايقدر يؤثث لي اثاث جديد
لاني طالبه خدامه
قال لي اختاري الخدامه او
الشقه
الخدامه جدا جدا محتاجتها بسبب دراستي وبعدي عن اهلي وسبب حملي
والشقه محتاجتها بعد شقتي مره صغيره

شورو علي

 

[ام غلاوي2]

اكيد الشقة اهم من الشغالة لأن البيت اذا كان مريح تكون النفسية مرتاحة وولدك تقدري تحطيه بحضانة او عند اهل زوجك

 

[بـدويـه مـودرن]

لا لا اهل زوجي مره صعبه
مافيه غير عمتي وبنتها صغيره بالابتدائي
وماعندهم خدامه

 

[الحياهـ ماشيه]

استخيري والله يكتب اللي فيه الخير

 

[سكر زماني]

انا اقول الشغاله لان العماره لابوه


الحين او بعدين بتروحون فيها انشاء الله يعني مو طايره انشاء الله

موفقه

 

[نور القمرررر]

الله يستر مااحب الخدم من الجرائم اللي يسوونها
الله يكفيك شرهم ...
ولو جبتي الخدامه حطي كميرات مراقبه ...
والله اكرررررررره الخدم << من القصص اللي اسمعها والمقاطع اللي اشوفها ​

 

[فازل]

سوال ليش تعطين ولدك لام زوجك صعب والله انها اأمن من الشغاله والشغالات بلاويهم كثيره وحطي في باللك ان الاثنين صغار بالمره
وجهة نظري قولي لزوجك ننقل بالعفش القديم وشوي شوي ناثث والشغاله ضروريه ذلحين

 

[مييسو]

اكيد خدامة مع كمرات مراقبة وانقلي الشقة واثثيها على مهلكم

 

[جرحني من احبه]

جيبي خدامه وكل صباح وديها هي وولدك لعمتك وانتهينا

الله يوفقك

 

[بنت الدرر]

انقلي لبيتكم الجديد,,,,,وحطي نفس العفش ( عفشك الي ببيتك ذحين)


ويصير كل شهر او كل شهرين تجيبوا شي للبيت ...يعني بالعربي تأثثي على مهلك..


وجيبي الشغاله ...ويصير توديها عند ام زوجك ..او خليه بالبيت واستودعي الله في ولدك ...


يكون كذا كسبتي البيت الجديد والشغاله ....



والله يجيب الي فيه الخيييييييير​

 

[صمتي يناديك]

انا مع بنت الدرر


واذا ماآآره مافي الا واحد من الأثنين



الخدامه
أهم لأنك تدرسين وولدك صغير

وبيصير ان شاء الله فيه بيبي جديد

بتتعبين كذآآ لوحدك مع الدراسه

والبيت أن اشاء الله

يتيسر بعـــــــــــدين

 

[خلآص...!]

من راي الاخوات

جيبي الشغاله لانها ضرورية وانقلي بعفشك القديم

وخلي الشغاله وولدك مع ام زوجك قدام عينها

الله يهونها عليك​

 

[هلا الرياض]

الشغاله على الاقل تساعدك

 

[بـدويـه مـودرن]

اي والله
ان شالله اجيبها واخليها الصباح عند ام زوجي
تسلموني الغوالي
والله اني بحاجة الخدامه اكثر من حاجتي للشقه

 

[أمونا]

اكيييييييييييييييييييييييييد البيت
اهم من غث الشغاله

 

[اتعبني هواك]

ياقلبي صعبه شوي 10 شهور وعند خدامه والله لو ايش ماامنها عليه
بلاشغاله بلا خرابيك ضناك اهم شي بهالدنيا هذولا غرب ماراح تكون حريصه عليه كثرك انقلي فالبيت وتوكلي ع الله وخلي ولدك تحت عينك..

 

[red-rose 1]

انا اقول الشغاله لانه لما تجي الشغاله ويصير البيت صغير مرة عليكم عو لحاله رح يقولك خلنا ننقل
وكمان متل ما قالوا البنات العمارة لابوه يعني ما رح تطير
واحسن حل تنقلي للشقه الجديده بس بدون عفش جديد حاليا

 

[النفوس الحائره]

استخيري

 

[انين الزهور]

استخري وان شاء الله ربي يسر اموورك اختي ^ـــــــ^

 

[احتويني بحنانك]

رأيي انه تجيبي الشغاله لانك راح تتعبين بالدراسه بس ياريت تحطي الشغاله عند ام زوجك اذا طلعتي من البيت يعني لاتخليها بالبيت لوحدها مع النونو
موووفقه