احلى سبا من افكاري

[فديت ريلي]

مرحبا صباااايا.. اشحالكم؟ ربكم الا بخير..
انا عضوه يديده.. وعندي لكم مشاركه وااايد حلوه..
حبيت اني اشارككم فيها لاني واايد احب افكااركم وارائكم..

وهاي فكرتيه بسويها لريلي يوم بيرد من الدوام قبل العيد ان شااااء الله..

"ريلي دوم يقولي سويلي مساااج .. ويحب يغايضني ويقول بروح اسوي مسااج.."

فانا حبيت اني اسويله هالشي عشاااان ينسى هالكلام ويعرف انه عنده احلى سباااا..

اول شي.. كتبت له هالمسسج وبطرشه له قبل لا ايي بيوم..

وهذا المسسسج من كلامي..

زوجي الحبيب..
أرحب بك غدا في
" وحطيتله اسمي.. يعني مثلا
فلانه سباااا"

أفضل سبا على مستوى العالم..
حيث تنعم بالاسترخاء والراحه
على ايدي أفضل خبيره في
أنحاء العالم..

وبعدين حطيت عنوان البيت ورقم التيلفون :msn-wink: .. ((اوونه حركات))


وبعدين الله يسلمكم سويت بالكمبيوتر

ويلكم تو " اسم السبا اللي حطيته في المسسج" .. واللي هو اسم الدلع مالي..


وبعلق الاوراااق بطريقه حلوه عند البااب مع كم من صوره للمساج..

ونزلت من الهموقع يزاهم الله خير موسيقى كلاسيكيه عشان اشغلها في السبا ماالي :shiny:

وهذا الموقع..
http://www.alshares.com/board/viewtopic.2395.html

وجهزت زيت بيبي جونسون عشان اسويه فييه المساااج وحطيت له طشوونه من المسك.. عشاان تستوي ريحة رووعه..


وطبعا مايحتاي اخبركم عن الشموع والزيوت العطريه اللي اتزينون فيها الحجره .. وانا اقصد الزيوت اللي في ذا بدي شوب اللي يطلعن ريحه حلوه..


وللحمام. خذت االي يسوي رغوه عشان بعد المسااج يكون الحمام جاااهز عشاان الاسترخاء بعد..
وبعد ما اترس المااي في الباانيو واحط الرغوه بنثر شويه من والورد عشان تعطي شكل روووعه

وبس ياحلويين هاي فكرتيه اللي اريد اسويها.. واتمنى انها تعجبكم وتعجب ازواجكم.. واللي عنده زياده يخبرنا يزااه الله خيير


ولا تنسوون ابا رايكم ودعواتكم..

والسموووووحه منكم..


اختكم..
فدييييييييت ريلي

 

[آه ياقلبي]

تسلمين الغالية على الافكار الحلوة
اكيد بيستانس ابو الشباب
مساج وحمام ورد
روووووووووووووووووووووووعه

 

[ليل الشتا]

لا خلاااااااااااااااااااااااااص أبدعتي
صارحة شي

 

[ام مرمر]

فكرررة رووعه

بس بسالج من وين خذتي رغوة البانيو؟ظ

بدي شوب عندهم؟

 

[ام ابرار]

::::::::::::::::::::::::::::::::::::::::::::::::::::::::::


حلوه الفكره عيبتني بصراحه ..

ولو عندكم جهاز تدليك للجسم بيكون حلو بعد .. ولو تاخذين له فوط يداد احلى بعد .. والله يهنيكم

وبعد هالسبا الحلو لازم يكون وراه مقابل حبيبتي قوليله مقابل

مثلا ..

عشا على حسابه فمطعم :bigsmile: ..

او الطلعه اخر الاسبوع بمكان انتي تختارينه ..

او اي شي بخاطرج هالفتره ..

::::::::::::::::::::::::::::::::::::::::::::::::::::::

 

[اسرار الطبيعه]

رووووووووووووووووووووعه موفقه ان شاء الله

 

[فديت ريلي]

اشكركم وااااااايد يا آه ياقلبي..
ووليل الشتا ع ردوودكم.. لانكم شجعتوني اكتب واشارك بصراحه..خاصه انه هاي اول مشاركه لي عندكم..

انتوا ومروكم الاروع..

 

[فديت ريلي]

اختي الغاليه ام مرمر..
ذا بدي شوب عندهم.. يعني سعره على شي وخمسين درهم اماراتي.. بس ماعندهم وايد روايح.. وحجمهم مب وايد كبير..
اللي عندي من الجمعيه رخيييييص وريحته صدق روووعه..
بتلقينه صوب الصابونات وهالسوالف.. حجمه كبير ومكتوب عليه بالانجليزي والعربي.. جربي الفكره وخبريني برااي ريلج فييها..

والله يوفقج

 

[فديت ريلي]

تسلمين يالغاليه ام أبرار على ردج وافكاااارج الحلوه..

استانست على افكارج وان شااء الله بسويهاا..


اولله يخليج ابرااار ويحفظها

 

[بسبوسه]

والله انك عسل يا اللي فديت ريلك:shiny:

فكرتك حلوة ومبتكرة وصادقة :icon30:

يعني اعتقد انه راح يتفاجأ بها ويفرح من كل قلبه

أدام ربي عليكم المحبة والعشرة


علمينا عقب بالنتايج الحلوة :msn-wink:​

 

[*غير الناس*]

سويتها حبيبتي وانبسط زوجي فيها بس حبيبتي الموسيقى حرام وإذا تدوري السعاده بالمعصيه ماراح تتوفقي ومن ترك شي لله عوضه الله خير منه يعني لو تركتي الموسيقى عشان ترك المعصيه ربي راح يعطيك سعاده أكبرمع زوجك وغير كذا هاذي تعتبر مجاهره بالمعصيه واي وحده من الاخوات سويت زيك تكسبي إثمها
حبيبتي والله كلامي من خوفي عليك كأخت ليا

 

[اشراقه]

ماشاء الله عليك الفكره كلها ابداع
ولازمممممممممم اجربها وراح
اعيطيكم النتائج تسلمممممممممممممين

 

[فراشة القمر]

ماشاء الله عليك
الله يهني زوجك فيك

انا سويت فكرة شبيهة لفكرتك لكن
انا اخترت مركز تايلاندي .... ههههه

 

[غيداء]

فكره رائعه ....مشكوره يالغاليه

 

[الدكتورة نبضة قلب]

فكره جميله
لو تدرون المساج واثره على الزوج ...لسويتوه كل يوم
يكفي التلامس الدافئ بينكم

احرصي عليه عزيزتي الزوجه

 

[نعومي]

فكره رائعه
الله يسعدك مع زوجك دوما
المساج رائع ويهدي الأعصاب كثيرا

 

[دلع وغنج]

فكرة روعه

بس يعني ايش سبا؟؟

 

[نبراس الخير]

بارك الله فيك أختي فكرة روعة ماشاء الله عليك مخططة لكل شيء
الله يديم المحبة بينك وبين زوجك

 

[ورده]

دلع وغنج سبا يعني مكان تريحين فين تسترخين فيه مثل اسمج فيه دلع وغنج يعني يسون لج مساج وفيشل و بيدي كير وحمام بانواعه انتي اذا من الامارات في سبا في الوافي روعه ..

 

[فديت ريلي]

أشكركم خوااتي على رايكم وردودكم..

واشكرج اختي ورده ع توضيحج لمعنى السباا.. شووري ماوضحت معناها في الموضوووع...

وبعد عدنا كذا سبا في بوظبي.. عندكم لوتس سباا.. واايد روووعه انا جربته واستاانست علييه..