احس مشكلتي عويصه ومحتاجه دهاء لحلها

  • بادئ الموضوع بادئ الموضوع sweet.1
  • تاريخ البدء تاريخ البدء
S

sweet.1

New member
إنضم
2011/08/22
المشاركات
11
صباح الخير

وربي يتقبل منا ومنكم صيامنا وقيامنا ويجعلنا من عتقائه في هذا الشهر الفضيل

وبعد

انا جديده في المنتدى بس جدتعبانه ومحتاره ومحتاجه احد حكيم يساعدني ويدلني

كيف احل مشكلتي

باحكيلكم قصتي من البدايه

انا عمري 30 سنه تزوجت وعمري 19 سنه

وعندي ثلاث اولاد ولله الحمد والمنه وربي يحفظهم لي

وانا ما كملت دراستي معاي متوسط بس

وكنت انسانه ضعيفة شخصيه مع زوجي ومع اهلي ومع الناس كلهم

سهل استغلالي وسهل التحكم فيني

ما احد يحترمني ولا يقدرني مهما سويت

تعودت من يوم كنت صغيره اكون مطيعه واسمع الكلام

واخاف واموت رعب من انه احد يكرهني او يزعل مني

كنت اموت الف مره اذا صار بيني وبين اي احد مشكله حتى وان كانت تافهه وما تسوى

والمشكله اتزوجت وانا على هالحال تعبت في زواجي

وتعبت من تطاول اهل زوجي علي و قلة احترامهم لي وكنت اسكت

على كل شي يصير لي

ما كنت ادافع عن نفسي حتى مع زوجي كنت انسانه سلبيه الى ابعد حد

مع انه كان يهني ويتطاول علي بالكلام

وكانوا الكل وحتى هو يقولون شلون زوجناه وحده مو جامعيه

ما كان كلامهم يتعبني لانه صار دافع لي اني احسن من نفسي ومن ثقافتي

بس كان يتعبني انه لي يتعاملون معاي كذا مافيه سبب ابد

بصراحه وبدون مبالغه

انا انسانه جميله جدا وملامحي حاده وطولي وسط وجسمي بعد وسط

وزني متناسق مع طولي انا طولي 165 ووزني ******


وشعري طويل جدا الى الارداف

هذا ايام زواجي ما اقول اني صرت مو حلوه لكن احس الهموم والحزن غيروني


المهم انهم وعلى الرغم من جمالي يحسسوني دائما اني اقل من ولدهم

مع ان زوجات اولادهم الكبار كلهم مو متعلمات كلهم حدهم ابتدائي

ما اقول اني افضل لكن ليه انا الوحيده اللي يهاجموني بهذي القوه

ليه انا مو مناسبه لمستواهم وزوجات اولادهم الباقين كويسات

حتى رجالهم مع انهم جامعيين وفي وظائف ومراتب عاليه

من اول ما اتزوجت وهم يكرهوني بدون سبب ودائما يقولون عني لزوجاتهم اني مغروره

مع اني اكثر الناس تواضع

دائما يحاولون يحطموني حتى زوجي

دائما خواته يقولون لي انه زوجي ماكان يبي يتزوج لانه مافيه سعوديه جميله

ودائما يحاول يحطمني بمدح الفنانات والممثلات

في اول خمس سنوات من زواجي اتحطمت وذبلت وحزنت وتعبت

ومرضت نفسيا وجسديا ارهقت تماما


الهم اكل روحي والحزن سكني

لدرجة انه كل اللي يشوفوني اول مره يقولون لي وهم مايعرفون عني شي

يقولون انه عيوني فيها نظرة حزن

ما ادري وش احكي ووش اخلي وقدر لي الله بعد سنه من زواجي وانجبت طفل من ذوي الاحتياجات الخاصه

وبديت معاه رحلة تعب مالها حد كان زوجي لاهي بتكوين نفسه ماديا وتركني حايسه مع

الولد في مستشفيات وتعب ومرمطه مايعلم بها الا الله

قصتي طويله وصعب احكيها كلها اللحين

المهم في الموضوع بعد 6 سنوات وافقت اني اجيب الطفل الثاني

وشلت اللولب المهم

في حملي يمكن في الشهر السابع صارت بيني وبين زوجي مشكله وكبرها مره

مع انها ما تستاهل

وتطاول علي في الكلام وطردني من البيت انصدمت وبكيت وترجيته

انه مايطلقني من الصدمه ما فكرت في شي بس جلست اترجاه واطلب منه يسامحني

مع اني ما غلطت في شي
وكان الموضوع مجرد سوء تفاهم لا اكثر

المهم بعد تهزيئ وسب واهانات وافق اني اجلس في البيت

وبعدها طلع من البيت وجلس اسبوع ما يكلمني

تعبت وكرهت نفسي لاني صحيت واستوعبت اللي صار

استوعبت اني اهنت نفسي وقللت من قيمتي وسمحتله يهيني ويسب اهلي

بس سكت لاني لو تطلقت وين باروح

اهلي حالتهم الماديه في ذيك الفتره مره تعبانه وسيئه الى ابعد حد

ما كنت ادري وش اسوي

المهم

بعد ولادتي بديت استوعب انه زوجي حقق كل شي يبيه

صار عنده راس مال كبير واشرى فله وسياره فخمه له

و عنده بزنس خاص فيه غير عمله الرسمي

التفت لنفسي لقيت اني محلك سر ويمكن تراجعت كثير عن اول زواجي بالشكل

لقيت اني دفنت نفسي وانا حيه ارزق

انحرمت من كل شي يعيشونه الزوجات

انحرمت من الحب والحنان والاحترام

انحرمت من اهتمام زوجي لاني ما كنت اشوفه الا وقت النوم

كنت زوجه مع وقف التنفيذ

حتى النومه معاه انحرمت منها والحجه التعب والسفر وغيره

انحرمت من اللبس والطلعات والوناسه

كنت محرومه ماديا وعاطفيا وجسديا

كنت شايله مسؤولية البيت والعيال لحالي

كانت صدمه كبيره لي لانه كان حريص جدا اني ما اعرف عنه اي شي

من الناحيه الماديه ولا حتى راتبه

كان يسافر في السنه الوحده اكثر من سبع سفرات ويقول انها كلها رحلات عمل

التفت ولقيته ربح كل شي

زوجه مغفله وضعيفة شخصيه ومتحمله عنه مسؤولياته

واولاد مايدري عنهم ولا احد يحاسبه على تقصيره معاهم وعدم جلسته معاهم

وماشاء الله ثروه ماليه ما ادري كم لكن متاكده انها مو قليله

بحكم سياراته والفله اللي شراها لنا وسواق وشغالات

وغير كذا شراكته مع اخوانه في اعمال تجاريه

ووظيفته الكبيره في شركه اجنبيه كبيره

وظيفته مدير تنفيذي وكلكم تعرفون المدراء التنفيذيين كم رواتبهم

وانا ما استفدت اي شي





انا من حقي استفيد لي حق في الاموال اللي سواها لاني تخليت عن امور كثيره

في حياتي عشان هو يكون نفسه

وبعد المشاكل اللي صارت بيننا مؤخرا بينت له اني ما جنيت شي من زواجنا غير الهم والغم

والتعب وقلة القيمه

بعد مشاكل وبعد ما طلبت منه الطلاق واصريت عليه احسه انصدم

واحسه اتغير كثير

واعترف لي انه من حقي انه يسويلي مشروع يعوضني فيه على الاقل

لانه ما يصرف علي الا القليل جدا

يعني بس اساسيات البيت

وحتى اولاده مقصر معاهم وبصراحه انا من زمان شاكه انه يخوني

واحس انه يقصر علي لانه يصرف على غيري

وما ابي تعب السنين يروح هدر

ابي ادافع عن حقي وحق اولادي

بس مشكلته جنني بالمماطله دايما يحط حجج واعذار عشان يتهرب

وانا ابي طريقه اجبره فيها يسويلي اللي وعدني فيه

بس بدون مشاكل وبدون طلاق

ابي اضمن حق عيالي من الحرمان طول السنات اللي فات

حرمانهم وحرماني من ابوهم ومن فلوسه بدون عذر



تكفون بنات ابي وقفتكم وارائكم ونصايحك

ودعائكم بعد
 
الله يعينك
مدري شاقول قصتك كأنها قصة بمسلسل
بس انتي امسكيه وتكلمي معه بثقه وقولي له انه وعدك والرجل لاوعد اوفى
ومن هاالكلام واصري حييل وقولي عيالك كل هالعز موباين فيهم وانت مقصر بحقنا قولي له انه مقصر بوجهه
واكيد الخوات بيفيدوك ماعندي خبره
 
أول شي لازم تعرفين اللي صار معك مع زوجك واهله هو بسبب الغيره مافي مبرر ثاني لهم لأنه سلفاتك اقل من مستواك الدراسي ليش إنتي بالذات صار معك هالشي لأنك جميله وكانوا خايفين تشوفين نفسك عليهم حتى زوجك خاف وبسبب ضعف شخصيتك وسلبيتك ساعدتيهم إنهم يوصلون للي يبون الحين لازم الكلام يصير بين الرجال يجي واحد من اهلك يتفاهم معاه عشان يعرف إنه وراك سنـد ويحسب لك حساب تحطين كل شروطك وتطالبين بحقوقك وياليت لو تكملين دراستك وتشوفين نفسك وتنسين زوجك لفتره عشان تستعيدين ذاتك اذا ماكان عندك رجال يتفاهم معاه جربي طريقة التخويف إنك تجمعين اغراضك بشنطه عشان تحسسينه إنك جاده بموقفك وتقولي له ابي اروح بيت اهلي مالقيت ولا شي من اللي وعدتني فيه بإذن الله طالما المره الاولى حاول يهديك معناه إنه مايبي يخسرك و راح توصلين لحل معاه بس انتبهي عزيزتي مو كل شوي بروح بيت اهلي ترى كثرة الدق تفك اللحام يعني بيجي وقت يقولك يلا البسي انا بوديك انا اقولك جربيها مره من باب التخويف طالما إنه متمسك فيك وقولي له بخلي العيال في البيت بروح لوحدي انا اتحملت مسؤوليتهم فتره طويله الحين مسؤوليتك وإن شاءالله ربي يحنن قلبه عليك
 
ممتاز عرفتي خطأك بحق نفسك....الحقي عليها ودلعيها وناظريها بس بالذكااااااااااااء النسائي..اقري قصة ام الوليد وام بسمه وشوفي وشلون صاروا رجالهم ..وتعلمي...
 
الله يكون بعونك انا من رائي انك اتركيه ولا تتكلمين معا بالموضوع ابد بس طالبيه بزيادة المصروف واعتني بنفسك ودلعيها قصي شعرك بالعيد وسوي لك لوك جديد وكملي تعليمك واذا ماتبغي[/SIZادخلي دورررات طوري نفسك ادخلي على قسم الزوج والزواج فييه مواضيع مره مفيدة لك انتي عشان تكون عندك ثقة بنفسك خليه يشوف ان نفسك عزيزه عليكي وانك تحبي نفسك ولما يشوف هالتغير صدقيني راح يتغير ويهتم فيكي بس لازم بالأول تحبي نقسك وبعدين انا لاحظت من كلامك انك متنازلة عن زوجك وكأنكم انه هووماله تروح لحريم غيرك ليش ماتهتمي بنفسك وتثقي بنفسك وتدلعينه عشان يرجع لك هو وماله كله لأنك ضيعتييييه كثير ونتي الاحق فيه مو بنات?..وبعدين اعرفي نمطه عشان تعرفي تكسبينه وتجذبيه لك وابدي بدايه قويه ولاتكوني ضعيفه واذا محتاجه مساعدة اواذامافهمتي شي قولي وحنا نساعدك حنا هنا مثل الخوات الله لايغيرعليناE]
 
وانابعد من رائي الجدة الصغيرة ضرررروي تقرين قصة ام الوليد وام بسمة لانهم مثل قصتك وصدقيييني راح تستفيدي وقبل كذا لازززم تعرفين نمط زوجك لانه راح يسهل عليكي كثير بعدالله في حل مشكلتك
 
ياليت تدخلي على هذا الموضوع تلقينه بنفس منتدى الاستشارات عشان تشوفي تجارب البنات وكيف غيروا من انفسهم لاننا كلنا مثلك ومرينا باللي مريتي فيه
[/ موضوع مميز:ياريت كل واحده تتفضل هنا وتكتب قصتها.. ودور منتدي بلقيس في تغيير حياتها!!
COLOR]
 
هذا الرابط للموضوع
http://www.niswh.com/vb/showthread.php?t=349679
 
الحل هو أن تكملي دراستك وتطوري من نفسك فأنت لا تزالين صغيرة
 
الله يساعك انتي عرفتي وين اخطائك والحين عليكي التغير اول شي بنفسك انت تغيري جذريا
قلبا وقالبا غيري شخصيتك نفسيتك شكلك مظهرك كل كل شي فيكي كوني انثى اخرى
اسلوبك كلامك ضعفك كل شي غيريه هالحل بيدك انتي ...
تقدري تسترجعي زوجك بس يشوف انك استقيلتي عنه وبنيتي نفسك وقويتي شخصيتك
وكبري طموحك وخدي تعويضه منه وسوي لك مشروع باسمك ولاتخلي زوجك اكبر همومك
ابدأي رحلة التغير وادعي الله يساعدك وكمان معروف الزوج اللي مايصرف ع زوجته يصرف ع غيرها
لازم هالشي يكون بصالحك وفلوسه تكون كمان لك نصب منها انتي وعيالك وتمتعي فيها والله يوفقك
 
لازم تضمني حقك يا اختي انت ضحيتي بشبابك وربيتي عيالك لوحدك وجاء الوقت اللي تضمين فيه حقك لان الرجال مالهم امان كملي دراستك اولا عشان ما تخلي احد يقلل من قيمتك وخلي زوجك يعطيك نسبه من الفلوس وابدأي فيه مشروع تضمني فيه حقك وقوي شخصيتك ولا تخلي احد يأخذ حقك 00 ​
 
السلام عليكم
اختي الكريمة قصتك جدااا واضحه ولله الحمد وسوف يحلها رب العالمين ولكن:
اولا: انتي راااائعه جداااا بهذه المواصفات نسأل الله لك الثبات..
ثانيا: من قال انك ضعيفة الشخصية و و و هم من حولك فلا تكوني ضحية اسقاطات من حولك حتى ولو كان اقرب الناس اليك لانه ليس دائما الشر يأتي من العدو بل الانسان احيانا يكون عدو نفسه ولكن هذا فهمهم ومفهومهم للحياة او لما حولهم ...الخ
ثالثا: اجزم مليون % ان كل من شارك هنا وابدى رأيه بانه صادق ويحب لك الخير ولكن في الاخير تبقى هذه نتاج ثقافاتهم وعقولهم فربما يصلح لك شيء منها لايصلح لغيرك والعكس ...فتنبهي..
رابعا: لاتبدئي بتطبيق اي حرف مما قاله او اقترحه عليك اي احد وليس بالضرورة ان السبب هو خطأ الاقتراح او فساده لا والله بل ربما يكون هو الدواء النجع ولكن قصدي اوصل لك رسالة مفادها انك صبرتي كل هذه المده و و و و فلا تغيري مسارك بتعجل بل بروية فاقرئي ثم اقرئي واستعيني بالله اكثر واكثر واكثر فان الله لايمل حتى تملوا..وصدقيني ستاتيك الفتوحات الربانية ...
خامسا : انا لي جلسة قادمة لك في هذا الموقع المبارك وسوف نغوص سويا انا وانتي وكل من في قلبه مثقال حبة من ايمان وخلق وعقل ولن يضيع الله جهدنا واعمالنا فثقي بالله وبنفسك وبوعد الله فان مع العسر(هذا في اللغة معرف وهو يكون شيئا محددا ) اقول فانه مع العسر يسرا( وهنا نكره وهو يدل على ان سبل ومفاتيح وحلول سوف ييسرها ويسخرها الله لمن احتاجها) هذا في ما معناه كلام عن الامام احمد رحمه الله عند كلامه او تعليقه على قوله تعالى(فان مع العسر يسرا)
والحين استأذنك لاننا معزومين ولي عودة قريبا بعون الله
دمتن بود جميعا
 
ربي يعطيكم العافيه وويفقكم لما حبه ويرضاه

ماتدرون شكثر ردودكم جبرت بخاطري وريحتني وخلتني احس ان لي خوات في الله

يفهموني ويحسون فيني

وممكن الجالهم بعد الله سبحانه وتعالى

ربي يحفظكم ويسعدكم

بس حبيت اوضح كم نقطه انا ما كتبتها في قصتي

انا فعلا اتغيرت من خمس سنوات تقريبا من بعد المشكله اللي صارت بيني وبينه ايام حملي

وصرت اقوى شخصيه واطالب بحقوقي حتى مع اهل زوجي صرت اوقفهم عند حدهم اول باول

وانا حاسه انه مشكلتهم معاي انا بالذات

لان سلفاتي اللي قبلي كلهم شهاداتهم اقل مني واللي اتزوجو بعدي ثنتين جامعيات

مع ذلك ماسوو مشاكل معاهم ولا حاربوهم مثلي

بس الان ما هموني ابد

مع انهم لحد اللحين يسبون فيني ويحاولون يتدخلون في حياتي

ويحسدوني حسد بين مايحاولون يخبون ابد

عيني عينك يحسدوني لما نكون جالسين ف جمعه للعايلهدايما يتكلمون عن لبسي

وعن لبس اولادي

مع انه اقل من لبسهم

انا افهم في الماركات زين اعرف الماركات العالميه والماركات الصغيره

واعرف في المجوهرات وافرق بين الاصلي والتقليد

العايله كلها يلبسون ماركات عالميه وانا لبسي انا وعيالي عاديه جدا

بس الفرق في الذوق

ودايما يحكون عن لبسي ويضنون انه انا اصرف كثير على نفسي وعلى اولادي

مع انه ربي العالم بحالتنا

اما بالنسبه لزوجي هو اساسا يتعمد انه ما البس كويس ولا يعطيني مصروف

يكفي عشان ما اقدر اجمع فلوس

هو دايم يخاف انه يكون عندي دخل خاص فيني

اكثر شي يرعبه اللحين اني اطلب الطلاق

يقولي في اخر مشكله صارت بيننا انه موتي عنده اهون من انه يطلقني

عشان كذا انا ابي طريقه اطالب فيها بحقي غير الطلاق

وانا ما قلت انه انا متخليه عنه لكن بصراحه احس اني يأست

واحس ماعاد فيني حيل لاي شي جد احس اني تعبت من كثر المشاكل وارهقت من

من مرض ولدي الله يشافيه

احس انه طاقتي انتهت تماما ماعاد اقدر اقاوم اكثر بس ابي ارتاح

والبنات اللي نصحوني اغير في شكلي ربي يسعدهم صادقين

انا احس اني اهملت نفسي كثير

اللحين انا غيرت حياتي و قدرت نفسي اكثر واعتنيت بنفسي وبشرتي وصحتي

احس صرت افضل بكثير

من زمان كان نفسي اقص شعري بس لانه كان يرفض كنت اتراجع

وكان نفسي اسوي زمام وتركته عشانه ما يحبه

وكنت احب اصبغ شعري بالوان غامقه بس ماكنت اتجرا لانه يحب الشعر الاشقر


بس من فتره ركنت كل اراءه على الرف وصرت اسوي اللي ابيه واللي احبه واللي اشوفه يناسبني

سويت زمام والكل انجنوا عليه حتى خوالي وعماني يقولون انه طالع مميز علي مره

وقصيت شعري وصبغته بني متوسط وطلع شكلي غييييير مره

بس اللحين جد انقهر يوم اشوفه يرمي اللالاف هنا وهناك من غير حساب

وانا وعياله مالنا فيها نصيب

وربي لو حالته الماديه صعبه او انه مو مقتدر ما اهتميت

انا ما تهمني الفلوس لكن قهر جد قهر انه يكون ماديا مقتدر وعنده فلوس بالهبل

وانا وعياله مالنا نصيب فيها ولا فيه هو حتى

بنات تكفون حسوا فيني انا مو قصدي الفلوس لكن مقهوره يوم اشوف غيري

يتمتع بفلوسه وبوقته وحنا مالنا نصيب

ربي يغير الحال بس ويفرجها علينا اللهم امين
 
ممتازة :c011: برافوا عليك إنك وعيتي لنفسك وشوفتي تقصيرك تجاهها قبل فوات الأوان:c014: ,,,, الآن حبيبتي لازم زوجك يحط لك مصروف شهري ( مبلغ مالي معقول ) ولا تتنازلي عنه , وبعدين إنشغلي عنه وإهتمي بنفسك وإجعليها هي الأولى بإهتمامك , كملي دراستك , وبعدها سوي لك مشروع خاص فيك إثبتي فيه شخصيتك , أما أهل زوجك فلا تعطيهم أكبر من حجمهم وطنشيهم ولا تنزلي لمستواهم ( يعني لا تسبيهم وتعامليهم بالمثل بل ترفعي عن الرد عليهم ولا تعطيهم أي إهتمام إلا عندما يتجاوزا حدودهم ,,, ساعتها على نفسها جنت براقش) ربنا معاك .
​
 
رائئئئعه يايكفيني دفى حبك وكل كلمه قلتيها صح وياليت تطبقين اللي قالته
 
يكفيني دفا حبك

ربي يسعدك حبيبتي صادقه في كل كلمه قلتيه نفسي اولى باهتمامي ووقتي

وانا كان نفسي اكمل دراستي عشان نفسي مو عشانهم هم

عشان اقدر الاقي وظيفه ويكون لي دخل اعتمد عليه بعد الله لكن للاسف

القوانين هنا ماتسمح اكمل دراسه صباحيه والمسائي مالها مستقبل ما احد يوظف

بشهاده ثنوي مسائي بنت خالتي تعبت وحفت رجولها وهي تدور ومالقت ولا قدرت

تدخل جامعه لانهم مايقبلون شهادة مسائي

الله يكون بالعون بس

واهل زوجي معطياهم اهميه لكن للاسف ماتركوني بحالي حاطيني اكبر همهم

وكل مره يعبون راس زوجي علي

انه هو يتعب ويشقى وفي الاخير انا بس اللي استفيد وانه هو مسكين ماله فايده

من تعبه مع اني ما استفيد ولا شي غير التعب والهم


والمشكله انه مصدق هو بعد شي يبط الكبد

وانا ودي اسوي المشروع اللي ببالي لكن مو عارفه كيف اخليه يعطيني راس مال ابدا فيه

حيرني معاه وربي وتعب نفسيتي

ودي اعيش مثل خلق الله ودي اطلع اتمشى واصرف على نفسي وعلى عيالي

ودي اسافر واغير جو النكد اللي انا فيه

ودي البس والبس اولادي احس ما استمتعنى بحياتنا لا انا ولا هم طول الوقت

بس اركض ورا رضاه و ورى مشاكله ومسؤلية البيت اللي هي المفروض انها مسؤوليته


وانا يا بنات مو مقصره على نفسي حاولت اطور نفسي واتعلم واثقف نفسي

انا اتكلم انجلش بطلاقه من غير ما ادخل دورات ولا شي

وكنت اتكلم فرنسي لكن للاسف اهملت شوي واللحين نسيت اغلبها بس باحاول ارجع اتعلمها

مره ثانيه اساسا مو صعب الفرنسي

بس مو عارفه كيف اخليه ينفذ طلباتي والمشكله اني كلمته ووعدني بس كل مره يتحجج بانه عنده

التزامات ماديه وما اعرف ايش وانه السيارات كلها بالاقساط و انه المصاريف كثيره

وكلام واعذار كثيره ودي طريقه اخليه ينفذ وعوده لي



بصراحه فكرت اسوي دراسة جدوى للمشروع وبعدين احطه قدام الامر الواقع واقوله

ابي تحدد لي وقت معين تعطيني فيه راس المال ولازم تلتزم بالوقت

يعني بعد سته شهور او سنه اللي يحب بس مو اكثر من سنه وبعدها يدبر راس المال

باي طريقه

ولا وش رايكم كذا كويس ولا لا ابي اكلمه هذي الفتره

عطوني ارائكم بليز
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل