احس بضيق في صدري ساعدوني

[shgo0on]

السلام عليكم

شخبارك يا اعضاء مملكة بلقيس عساكم بخير

بدخل في الموضوع على طول لأني جد متضايقه حيييل

انا عمري 20 سنه وتوني كملت شهرين من تزوجة
وزوجي عمره 29 سنه ..
امس بتحديد تنازعت ويا زوجي وقعدت اصيييح كل ما اكلمه في موضوع يفسر كل كلامي غلط وانه هو الصح بغض النظر في الشو يعني في كل شي .. جد وايد تضايجت .. يوم شافني اصييح ما قال براضيها وله شي زاد علي بكلامه القاسي قالي شي جد حزت في خاطري وااايد ( قالي إني ما اعرف شي عن الحياه الزوجيه ) قعدت اصييييح وطلعت ن الغرفه وقعدت في الصاله اصيييح ولا يوم يا عندي زاد علي قام يصرخ علي ويقولي كلام قاسي وهاذي اول مره يعلي صوته علي .. وربي ما كنت مقصره فيه بشي ..يمكن لأني كل ما يقولي شي اقعد اصيييح دمعتي بسرعه تنزل ما اقدر امسكها .. وبعد كل ألي سواه تأسف .. بس انـا ما رديييت عليه .. ما عرف شو اسوي ابي اقوله إني ابي اروح بيت اهلي ومره قول لا بقعد .. شو اسوي والله قلبي يعورني.. ناشه اليوم ومالي خلق في شي ..نظرتي له تغيرت!!

:tears::tears::tears:

ساعدوني بليز شو اسوي ..

 

[shgo0on]

وينكم؟؟؟

 

[مهجوله]

طيب وش السالفه الي تخانقتو عليها عشان نقدر نساعدك

 

[shgo0on]

ما في موضوع محدد كانت مواضيع عاديه ... مثلاً كنت اقوله في حركه سويتها وياي تضايجت منها وألي هي مره كنت طالعه وياه وويانا بنت اخته .. والله اشيا عااديه بس هو كبرها انـا بس بغييت انه هشي ما يتكرر .. كنت ابي آخذلي شي آكله وقالي إن شاءالله ويوم وصلنا سأل بنت اخته تبين شي قالت لا .. قال خلاص عيل ما بناخذ شي وراح .. يعني ألحين انـا يوم قلتلك ابي ما عبرتني في هالحظه سكت ما قلت شي وحطيت في خاطري من ألي سواه .. هذا كان موضوعنا انـا غلطت يوم قلتله؟؟ .. وفي مثل هالأشيا والمواقف

 

[ياربي انصرني]

توك مكمله شهرين وبتروحين لبيت اهلك لاتفكرين بهذا التفكير وتتخذين قرار انفعالي وماتدرين عواقب الامور بعد ذلك وبعدين زوجك بيمل من كثر صياحك الحياة الزوجيه فيها كدر وفيها صفاء ومستحيل تخلو من المشاكل وواضح ان فهمك للحياة الزوجيه قليلجدا ومو اي مشكله تحصل تتذمرين وتصحين ابحثي عن العلاج واعرفي سبب الكلام اللي قاله زوجك ربما يجد منك تقصير في بعض الامور تعتقدين انها بالنسبه لك عاديه ولكن زوجك ينظر لها بمنظور اخر حاولي تفهمين زوجك وتفهمين قصده يمكن انتي تفهمين الامور بحساسيه زايده

انصحك ان تعشين ايامك الاولى من الزواج وتمتعي باللحظات الجميله ولاتنغصين على نفسك وعلى زوجك

تصفحي المنتدى وستجدين مايفيدك وشوفي نمط شخصيتك وشخصية زوجك واقرائي مقالات الاستاذه ناعمه وايضا قسم الاستاذه موزه الخلفان واقرئي حلقات خالد وخلود بتفيدك كثير

 

[~أغلى الغاليات~]

اختي يمكن نسى حبيبتي الرجال ينسى بشكل مو طبيعي مو مثلنا احنا يالحريم نتذكر التفاصيل ..اختي زوجج كبير في السن والفرق واضح حبيبتي زوجج الحين يبي بنت عاقله متفهمه يبي الاستقرار ..اختي يمكن انتي اخترتي الوقت الغير مناسب لفتح الموضوع ..حبيبتي كان ممكن تحلين الموضوع في نفس الوقت وتقولين له حبيبتي نسيتني انا كنت ابي شي من هالمحل ..بتحرجينه وفي نفس الوقت بياخذ اللي كنتي تبينه..حبيبتي انتي توج ما شفتي شي لازم تتعلمين الصبر في الحياه الزوجيه والرجال يحب المراه اللي تتدلع عليه بعقل حتى لما تصيح وحاولى ما تصيحين طول الوقت يعني خلي دمعتج غاليه..عشان هو يحس انها غاليه..والله يوفقج ..ولا تروحين بيت هلج بالعكس قومي وسوي له شي يحبه اطبخي له او سوي له مفاجأه عشان يتحسف على موقفه معاج..

 

[shgo0on]

شكرا خواتي على ردوودكم إن شاءالله راح اسوي ألي قلتولي عليه..
:tears:

 

[أسماء زكي الدين]

حبيبتي هذا نتاج قلة الخبرة

وأنت مثل ما قالوا الأخوات دموعك لازم تكون عزيزة يعني ليس كل اختلاف بينكما تسيران معه حتى يصبج خلافا ..

وإذا كل مره بكيتي فيها سيصبح زعلك عنده عرض مستمر ولن يلتفت إليه

لذا احرصي على تخطية الكثير من الأمور والإشكالات بينكما حتى إذا حدث مرةوأظهرت زعلك منه يأتي إليك ويراضيك

ولا تكوني صعبة الإرضاء فيملك ...

فرج الله همك وغمك ورزقكما الشعادة في الدنيا والآخرة ​