احس اني خاينه وحقيرة و كارهه نفسي

[مدري من انا]

السلام عليكم ورحمة الله وبركاته
اول شي انتو غريبين عجيبين
انا كاتبه الموضوع الساعه 2 الفجر
لما كنت متظايقة
وطب علي زوجي فحاولت اصكر الموضوع قبل ما يقراه
لان السالفه لين اللحين سر في سر
و اللحين جيت اكمل طلع الموضوع مغلق
هههههههههههههههههههه
من كثر اللقافه الله يهديكن المهم
اليوم بكمل السالفه وما ابغي الا النصيحه لوجه الله لاني متلخبطه حيييل

اليوم يا بنات بحكي لكم قصة وابغي حكمكم فيها لاني وااااااايد محتقرة عمري
انا لي لي خال اكبر عني بعشر سنوات واااايد كنت احبة واحترمة
ويوم تزوج فرحت له من كل قلبي
مع اني في البداية كرهت مرته لانها وايد متشدده في الدين (سامحوني بس هالكلام كان على ايام مرهقتي )
بس يوم كبرت فهمتها وحبيتها وااايد
المهم مرت 12 سنه على زواجها هي وخالي وصار عندهم خمس اولاد
المهم مع الايام كانت حالة خالي الماديه تسؤ كل يوم اكثر من اليوم الثاني
وصار مديون لكل شخص يعرفة تقريبا
وانتقل من بيته الحلو
الى جحر فيران عشان يخفض من الاجار
وساءت ظروفة لدرجة ان طلع بنته الكبيرة من المدرسة لمدة عام عشان يخفظ تكاليف المدارس
وحط اولادة في مدارس مسائيه خيريه
يعني تقدرون تقولون حالته كانت مزرررررررريه
بس ابدا ما كان يقصر على اولادة من اكل وشرب ولبس
ومع كل هالضروف كان ما يمر اسبوع بدون ما يعزمنا عندة ويحلف علينا نبات بيتهم
وكنت واييد اضايق لانه البيت حتى تهويه ما فية بس شو نسوي كنا نحاف نجرح مشاعرة
واكثر ش كان يبهرني صبر زوجته
ابدا ما كانت تشتكي لحد
وكله تقول الحمد الله
تعلمت منها معنى الصبر والتضحية
كانت تحرم نفسها من كل شي عشان توفر المتطلبات الاساسية لعيالها
و بعد فترة توزجت اختي
بولد ناس الحمد الله الله معطيهم
وكان عنده اخت
اقل ما نقول عنها داهييه
قدرت تكسب الكل في جيبها
حتى انا وايد كانت تعجبني سوالفها وشخصيتها القويه
وصارت تتقرب مني وايد وصرت احبها و اعتبرها مثل اختي واعز
وانخطبت وجا موعد العرس
واشوفها داخله علينا بفساتين بنات صغار من اغلى الماركات وطلبت من امي تعطيهم لخالي كمساعده منها لان ظروفة صعبة بس بشررررررررررررررررررررررط
زوجته لا تدري
لانها تحس انها ما تحبها ويمكن ما تقبل الهدايا
و يوم خالي قبلهن
تمت تطرش له هدية ورى هدية هدية ورى هدية
وكلهم على اساس حق عياله
وامي تقول ماشاء الله عليها من بنت
كريمة وفيها خير
بس انا قلبي نغزني منها
ولاحظت نظراتها لخالي وتصرفاتها قدامه موطبيعية
يعني من تشوفه تصير مثل الفراشة (لان نطلع البر وايد)
تسير وترد وتخم وتنظف (كانت تستغل ان زوجة خالي كسولة نوع ما عشان تلفت انتباهه
المهم المهم
حذرت مرت خالي منها بشكل غير مباشر
وهي فهمت وقالت لي انها حاسه بشي
لين جاء ذاك اليوم
وناداني خالي وقالي
بكرة بكمل تعبت

 

[بااااتي]

مدري من انا
كملللللللللللللللللللللللي

 

[زوجة المسافر]

!!!!!!!!!!!!!!!!!!!!!!!!!!!!!!!!!!!

 

[الدندوشة11]

مدري ويش تحسون فيه لمن تنزلوا نص المشكله مو كامله
يعني نوع من التشويق مثلا؟؟؟

 

[مدري من انا]

جاء خالي يسألني عن هاي البنت
و من طريقة كلامه شكيت انه حاط باله عليها
بس ما سويت سالفه قلت في نفسي مستحيل يصير بينهم شي
اولا لان الفرق المادي بينهم كبير ثانيا لانه ما عنده فلوس تكفي مكالمات غراميه حتى
بس انا عرفت قصدة وعشان اخلص ذمتي نهرته
وقلت له ان زوجته شيخة الحريم
وما بيلقى مثلها
وان لو هاي البنت مكانها كان من زمان راحت عند اهلها لانه مش فقير بس تصرفاته كلها غلط في غلط
ما يعرف يتصرف لدرجة خلته في هذا الوضع المزري
بس هو عصب علي
تخيلوووووووووووووووووووووووووووووووووو شو قال
قال: انا الي صابر عليها
هاي الغبيه الي ما تفهم
اصلا هي سبب ظروفي الزفته
ما تعرف كيف ترتب امور زوجها
وانا استغربت منه وقلت له هي لا تلبس ولا تكشخ وحارمه نفسها حتى من ثياب العيد عشانك شو تباها تسوي بعد
قال الحرمه هي الي تبني زوجها
طبعا انا ما فهمت نفس الوقت بس بعد يومين كانت في بيتنا
وسمعتها بالصدفة تكلمه من تلفون امي
(الاخت كانت مداومه عندنا ومن تشوف رقمه في تلفون امي ترد ) وسمعت كلامها
كانت تفهمه انه حرمته لازم تضحي و تظغظ على نفسها اكثر
وانها لو كانت مكانها كان سوت وسوت
فهمتو طلعت تكلمه على اساس النصيحة
لانه بعد الهدايا الكثيرة كلمها عشان يشكرها
ولحين صار يطلب نصيحتها
والاخت ما قصرت فهمته ان سبب المشكله كله من زوجته العايثة
الي ما شرت يوم لنفسها ثياب العيد

 

[ظبي الشمال]

حسبي الله عليها..

 

[صمتي قهر غيري]

مدري من انا
بانتظارك ...

 

[ظبي الشمال]

كممممممممممممملي

 

[مدري من انا]

وقبل عرسي بيومين​

تطوع خالي يوديني الصالون ​

و تطوعت هي بنفس الثانيه ​

تجي معاي ​

ورحنا ​

وطول الدرب نظرات وغمزات ​

زبعد الصالون ​

عشا ​

وطبعا هي الي عزمتنا بحكم ان خالي مفلسسسسسسس​

حطت له ظعف الفاتوره ​

و رفظت رفظ قاطع انها تاخذ ولا فلس ​

ويوم جا العشا ​

حسيتهم معاريس بشهر العسل ​

يحلف عليها تاكل وهي ما ترضى على اساس مسويه دايت ​

(مستغلة ان حرمته شوي متنيه)​

ويحلف لو ما تاكل هو ما بياكل ​

وانا والله لو شرت ما درو عني ​

تدرون شو يعني ​

ممسوحة من الوجود ​

هاي انا ​

المهم صارو ياكلون من نفس الصحن ويشربون من نفس القلاص ​

يمكن وحدة فيكم تقول ​

يوم هو حافي و منتف شو تبى فيه ​

بقولكم صح هو حافي ومنتف ​

بس حلييييو وجذاب ​

وطويل ودمه مثل العسل​

والاخت تقدرون تقولون عنها عاديه الجمال ​

و كبيرة شوي بالعمر ​

المهم ​

وصوني ما اتكلم على اساس​

ابوها واخوها لو عرفت انها جت معانا المطعم بيذبحونها ​

بس الصدق انا الجيت معاهم ​

المهم المهم ​

تميت ساكته و اسوي عمري غبيه ​

و اغمض عيوني عن حركات تحت الطاوله و احبس الدمعه لانه زوجته صدق صدق ما تستاهل يخونها ​

​

 

[مدري من انا]

وطبعا عرفت بعدين ان يكلمها ​

وسويت عمري غبيه ما اعرف شي مووول ​

تعرفون ليش لان ابوي من النوع العصبييييييييييييييييي​

يعني لو تدخلت وخبرت زوجته وصارت مشكله عادي يذبحني ​

ومرت الايام وبعد شهرين ​

قرر خالي يسفر زوجته واعياله عند اهله​

لانه خلاص مب قادر يفتح بيت ​

و على اساس يطرش لهم مصروف كل شهر ​

و عيبني لهم بيت ​

وبعد سنتين ثلاث يرجعهم ​

(ترى امي من بلد و ابوي من بلد عشان جي هو سفر عياله عند اهله )​

طبعا كلنا صعقنا من الخبر ​

هو ما فكر يسفرها ​

يوم ظروفه كانت مستحيله ​

واللحين يوم شوي تسهلت اموره مصر انه يسفرها ​

المهم المهم ​

سرت اودعها وشفت في عيونها دموع ​

كانت تصارحني وتقول خالج متغير ​

خالج مب الاول وانا ​

من داخل احترق اخبرها ولا ما اخبرها ​

بس هي من النوع العصبي مرة تضاربت ويا بنت اخوه عشان راوت صورته حق ربيعاتها​

كانت تعشقه بجنون ​

وتغار علية بشكل فضيع فما قدرت اقول شي ​

لانه تعرفون المشاكل كلها بطييح على راسي ​

وسافرت ​

وتمتيت انا اكتم المي و احتقاري لنفسي ​

بس كل ما اتخيل المصايب الي بتصير لو عرفت مرته اقو لانا ما يخصني ​

لانها للاسف ما تتصرف بحكمه في هاي الامور ​

 

[الحياهـ ماشيه]

يااالطيييييف
هُزلت
××××​

 

[الحياهـ ماشيه]

ايه صح خبري أمكـ
وهي بتتصرف
او كلمي البنت اللي تبي خالك نفسسها
وقوولي لها ابعدي عن الرجآآل
لاتندمي بعديين ××××

 

[نسايم ربيع]

لا حول ولا قوة الا بالله

 

[مدري من انا]

ومرت سنه ​

وبعدين سنه ​

واللحين تخيلو ​

بعد ما سدد كل التزاماته ​

و بنى بيت صغير لهم ​

بس باقي التشطيبات​

سافر مرتين عند زوجته الاولى وكان يرجع وهو مشتاااااااق لها ​

صارت اجرب انصحهم ​

اقوله حرام تظلم بنت الناس ​

هي متعوده على العز و انته يالله يالله تصرف على بيتك وعيالك حرام ​

و مرتك يا بت لك خمس عيال مب زين جي تسوي فيها ​

وسير اقولها ​

ترى والله ما يخطبج يالس يقص عليج ​

هو ما عنده يفتح بيت بيفتح بيتين ​

وبعدين انتي تكلمينه من سنين متى بيخطبج ​

بس قاعد يتسلى فيج ويشفط منج فلوس ​

قالت بكل ثقه اصلا هو يبى يخطبني بس انا ما ارضى عشان يكمل ديونه ويبني بيته ​

قلت لها عشا جي يقول بيخطبج ولا هو يقص عليج ولو تبين شوري قولي له تعال وشوي كيف بيتهرب ​

انا في الاساس قلت خل اهلها يدرون ​

عشان يرفظونه و نخلص من هاي السالفه ​

لانه وايد اقل ماديا منهم ​

ولانه متزوج ​

ولان عنده خمس عيال ​

بس ​

تخيلو شو صار ​

خطبها ​

واهلها موافقييييييين ​

و ما طلبو منه مهر ​

ولا طلبو منه شي ​

و اثثو لها شقة ​

و بيسون لها عرس بسيط ​

واللحين باقي بس يحجزون القاعه ​

ويملجون ويعلنون الخبر ​

وانا ساكته ​

احس اني السبب لو ما انا قلت لها خليه يخطبج جان ما خطبها وصار كل شي رسمي ​

بس انا والله كانت نيتي شي من اثنين ​

يا يرفظونه ​

او يملجون ويسولفون بالحلال بد خرابيطهم ​

خلصت قصتي ​

بس قلبي مازال يعورني على خالتي ​

اكيد يوم بتعرف بتزعل مني ​

صرت اخاف تدعي علي ​

صرت اتخيل الله بيعاقبني وزوجي بيزج علي ​

شو اسوي اسكت ولا اخبرها والا ايش الحل ​

 

[حلى التوفي]

يممممممممممممه قلبي عورني
ليش كذا الرجاجيييل
حسبي الله ونعم الوكيل ..

 

[ملكه بزماني]

الله يهديها.

 

[الخط الفاصل]

لا حول ولا قوة إلا بالله..
سامحيني أحسك سلبية بحق زوجة خالك..ولا عندي نصيحة أقدمها لكني أدعوا الله بأسمائه الحسنى وصفاته العلا أن يصرفه عن هذا الزواج بصارف من عنده وأن يعود لرشده ويلم شتات أسرته
ممكن سؤال
زوجته جابها وسكنها بالبيت اللي بناه ولا بيحط الجديدة فيه؟؟

حسبنا الله ونعم الوكيل

 

[غرام انسانه]

يالله مدري وش اقول بصراحه ياربي على هالرجال مدري وش يبووووووون بالضبط حسبي الله ونعم الوكيل فيها الي خربت بيته
طيب خلي احد كبير يتدخل بالامر مثل امك اختك احد مقرب يعني على اساس لو صار ماصار
انتي تكونين بعيده عن السالفه ولاتكبر
بس يكون احد ثقه فهمتي علي,,,

 

[رازيا]

مع غرام نفس الكلام

 

[طموحي بعيد]

خلاص خلصتي والا باقي؟