معلومات راجيه الرضا
- إنضم
- 18 فبراير 2017
- المشاركات
- 14,547
- مستوى التفاعل
- 9,646
- النقاط
- 113
احذر هذا مع طفلك .....مشاعر اطفالن
بلاش كل ما الطفل يتخبط ولا يقع ويتفتح في العياط تجري تقول:
"إخص عليك يا كرسي يا وحش.. كده تخبطه؟، طيب أنا هضربك جامد يا وحش"
وتضربه وتخلي الطفل يضربه.
الموقف ده موروث ثقافي بيعلم الطفل الآتي:
1- إنه ينفس عن غضبه بالضرب، فما تستغربش لما بعد كده يغضب من أخوه فيضربه.. أنت اللي علمته!
2- بيتعلم إنه لازم لما يحس بالأذى ينتقم لنفسه، ما ينفعش يتعامل مع الواقع إللي حصل له بدون انتقام، فما تستغربش لو أخوه خبطه من غير قصد -أو بقصد- فضربه أو زقُّه بدون تفاهم.
3- بتعلمه رد الفعل العنيف، وقدام شوية هيستخدم العنف ده كفعل مسموح، لأنك أنت إللي علمتهوله.
4- بتعلمه إسقاط مشكلته على غيره، يعني بدل ماهو ياخد باله ويحاسب، لا.. الكرسي غلطان إنه ما وسعلوش!، ودي بداية تكوين الشخصية إللي مش بتعترف بخطأها حتى قدام نفسها!
طيب إيه البديل؟
1- احتوِ الطفل وقدّر مشاعره باهتمام.. هو ده كل إللي هو محتاجه، وبلاش تستخدم مباشرة أسلوب الإلهاء "بص العصفورة" بالعكس تماما.
2- أوصف إللي حصل وأوصف مشاعر الطفل باهتمام لكن بدون مبالغة عشان ما توهموش.. "أنت كنت بتجري واتزحلقت فوقعت وقعة جامدة على الأرض.. معلش بتوجعك..أنت اتخضيت كمان.. تعالى ندلّكها عشان تخف".. وتحضنه.
3- تصبر عليه لما يهدى وبعدين ممكن تناقش سبب الحادث، عشان ما يتكررش، من غير أسلوب التبكيت لكن بأسلوب التقرير "الشراب بيزحلق على الأرض.. ممكن تقلعه عشان ماتقعش تاني".
4- سيبه يخرّج مشاعره وما تستخفش بها، بالعكس ساعده يعبّر عن مشاعره وما يكبتهاش، كده بتعلمه ما يستخفش بأوجاع حد، لأن أنت بتديله مَثل طول عمره في مراعاة واحترام مشاعره وأوجاعه.
5- بعد شوية لو لسه مطوِّل في العياط، حاول تفهم منه هو ليه لسه بيعيط.. "أنت لسه موجوع؟.. ولا زعلان بس عشان وقعت؟ طب إيه رأيك أروح معاك تغسل وشك وتشرب مياه عشان تهدى وترجع تكمل لعب تاني؟ أو نعمل كذا مع بعض؟"، وهكذا..
[SIZE=6]منقول[/SIZE]
"إخص عليك يا كرسي يا وحش.. كده تخبطه؟، طيب أنا هضربك جامد يا وحش"
وتضربه وتخلي الطفل يضربه.
الموقف ده موروث ثقافي بيعلم الطفل الآتي:
1- إنه ينفس عن غضبه بالضرب، فما تستغربش لما بعد كده يغضب من أخوه فيضربه.. أنت اللي علمته!
2- بيتعلم إنه لازم لما يحس بالأذى ينتقم لنفسه، ما ينفعش يتعامل مع الواقع إللي حصل له بدون انتقام، فما تستغربش لو أخوه خبطه من غير قصد -أو بقصد- فضربه أو زقُّه بدون تفاهم.
3- بتعلمه رد الفعل العنيف، وقدام شوية هيستخدم العنف ده كفعل مسموح، لأنك أنت إللي علمتهوله.
4- بتعلمه إسقاط مشكلته على غيره، يعني بدل ماهو ياخد باله ويحاسب، لا.. الكرسي غلطان إنه ما وسعلوش!، ودي بداية تكوين الشخصية إللي مش بتعترف بخطأها حتى قدام نفسها!
طيب إيه البديل؟
1- احتوِ الطفل وقدّر مشاعره باهتمام.. هو ده كل إللي هو محتاجه، وبلاش تستخدم مباشرة أسلوب الإلهاء "بص العصفورة" بالعكس تماما.
2- أوصف إللي حصل وأوصف مشاعر الطفل باهتمام لكن بدون مبالغة عشان ما توهموش.. "أنت كنت بتجري واتزحلقت فوقعت وقعة جامدة على الأرض.. معلش بتوجعك..أنت اتخضيت كمان.. تعالى ندلّكها عشان تخف".. وتحضنه.
3- تصبر عليه لما يهدى وبعدين ممكن تناقش سبب الحادث، عشان ما يتكررش، من غير أسلوب التبكيت لكن بأسلوب التقرير "الشراب بيزحلق على الأرض.. ممكن تقلعه عشان ماتقعش تاني".
4- سيبه يخرّج مشاعره وما تستخفش بها، بالعكس ساعده يعبّر عن مشاعره وما يكبتهاش، كده بتعلمه ما يستخفش بأوجاع حد، لأن أنت بتديله مَثل طول عمره في مراعاة واحترام مشاعره وأوجاعه.
5- بعد شوية لو لسه مطوِّل في العياط، حاول تفهم منه هو ليه لسه بيعيط.. "أنت لسه موجوع؟.. ولا زعلان بس عشان وقعت؟ طب إيه رأيك أروح معاك تغسل وشك وتشرب مياه عشان تهدى وترجع تكمل لعب تاني؟ أو نعمل كذا مع بعض؟"، وهكذا..
[SIZE=6]منقول[/SIZE]
اسم الموضوع : احذر هذا مع طفلك .....مشاعر اطفالن
|
المصدر : الأمومة والتربية
