احذرواااااا من المسجات

ا

المعلمة

New member
إنضم
2008/08/11
المشاركات
18
مرحبا : حبايبي بغيت انبهكم لشغلة يمكن كثير منكم مو منتبه لها
((( المسيجات )))​


ليش احنا لما نعصب ونزعل نحط حرتنا بالمسجات القوية ونقعد ندز مسجات مالها اول ولا تالي لازواجنا ونقول فيها كلام يسد النفس وما ينقال ولو الزوج قدامنا لا يمكن نقول هالكلام بوجهه.​


تدرون ان هذي المسجات خربت بيووووت وانا وحدة من الناس اللي انخرب بيتي وتطلقت بسبب المسجات .​

كنت احترم زوجي وما اتكلم لما يعصب علي بس اول ما يطلع ابتدي ارسله كلام يسم البدن وكان يرجع بدال ما يراضيني انا اراضيه لاني اكون خايرتها بالكلام ويصير الحق علي . ​

وتكررت معاي السالفة كثييييير لين ما زهق الرجال ودش واخذ التلفون واكسره .​


عشان جذي اللي نفسي تحط حرتها بالمسجات نصيحة نصيحة لا تسوي جذي مرة ثانية.​


واذا طلع الرجال من البيت معصب لاتحاولين تتحرشين فيه لا بالمسجات ولا بأي شي ثاني .​

والحين كل وحدة تقرا الموضوع ترد علي هل هي مثلي اذا طلع زوجها معصب تراسله بالمسجات القوية او تخليه لين يرجع وتتفاهم معاه ؟؟؟؟؟ وشنو اقوا مسج دزيته وتحسفتي عليه​
 
هلا والله .. تصدقين انا نفسج ماعرف اقووووله الكلام فيس تو فيس لازززم مسجات ومسجاتي وايد قووويه بس الحمدالله هو ينسى الموووضوع .. يسوي نفسه ماشاف شي وانا قلبي يعورني واحس بالذنب :(
 
الصراحه انا اذا عصب لا ادزله مسج ولا اكلمه
وهو اذا رجع يرجع ولا كأن شيىء صار
اللهم لك الحمد والشكر
 
ام عواشي : ديييييييري بالج وصدقيني ماراح يسكت على طول بيجيله يوم وينفجر بس حاولي تتغيرين قبل لا يجي هاليوم
 
انا الصراحة اذا عصبت احاول افهمه وجهة نظري بكل هدوءوبعدين اسكت ولو حتى هو كان يتكلم اسمعه وما احاول اني اعلق على كلامه عشان ما يعصب زيادة بس اهم شي اقول البخاطري وبكل هدوء ومو طبعي ادز مسجات ولا شي:bye1:​
 
المسجات حلاوتها بالتصالح مو بفشة الخلق .....


انا بصالح زوجي بالمسج مو بحكي الي ما بحكي بوجهه


شكراً للتنبيه تقبلي تحياتي ...
 
انا عصبيه وساعات انقهر لما
مايكون عندي رصيد
عشان اطرش مسجات
وعقب ماتهدا الامور
احمد ربي ان ماكان
عندي رصيد..
ومن خلال دورات
أ. ناعمه الهاشمي
المسجات حق تراضين زوجج
وتطلبين منه وحق الشي الزين
بس مو مثل مانستخدمه ياحظي،،​
 
الله يعينج...

عن نفسي انا وريلي 90% من نقاشاتنا الحاده بالمسجات... لاني اعرف عمري عصبيه وبطول حسي وهو بعد اذا تكلمنا.. فهو بعد مثلي ويمكن هو عودني ان اي شي في خاطرنا نطرش حق بعض مسجات ونطلع حرتنا في بعض لووووول..

بس انا عموما احاول الحين ابتعد نهائيا عن النقاشات الحاده خير شر لا بمسجات ولا كلام فعلا انا الحين احاول ان اتجنب المشاكل وايد بس ما اتركها اكيداحلها بس بطريقه ثانيه..


شكرا..
 
لالا انا بعمري مارسلت له لا بزين ولا بشين يقول هذا اسمه كلام مراهقين واذا عصبت عليه احرق نفسي بروحي او اقوله في وجهه لان طريقة المسج ماتصلح لانه طالع من البيت عشان ينسا وانا اذكره مايصلح يابنات انتبهم
 
ياما ارسلنا رسايل تسم البدن

وجت على راسنا .... هههههههه

بس في الاخير تعلمنا
​
 
بنات بارك الله فيكم هو طالع بعد ما اشتد الحوار بينكم حته ما يصل الموضوع الي ما لا يحمد عقباه

أنتي المفروض تهدي نفسك حته لما يرجع يحصلك اعصابك بارده ونفسيتك زي العسل هو من نفسه بيغير رايه وبسمع كلامك مجرب الحياة تحتاج طنش تعش تنتعش ههههههههههههههههه
 
انا اذا كنت زعلانه منه اطرش له مسج يعني عن الزعل 00000000انا اول ماكتشفت خيانته لي تدرون شنو دزيت له 00دزيت له مسج يحزن كتبت فيه ((فيني الم مامر في قلب مطعون 00وفيني حزن مامر في عيووون الايتام00 ((حبي كيف ماتبيني ازعل وانا اكتشفت الخيانه من ملك 000))بس والله يابنات طرش علي مسج يبين لي حبه ويوم جاء عندي بعد نص ساعه بوس يديني وتعذر مني يعني المسجات المفلروض ماتكون قويه يعني سب بسب لا المسجات المفروض تكون عتاب حب زعل شوق بس
 
والله اني نفس الشي اقول كل اللي في نفسي في المسجات لكن بعدين ارجع اندم عليها وربي الى حد الحين ساترها عليه لكن الله يعينني وابطل هاعاده قبل تخرب بيتي.
ومشكوره اختي والله يجزاك خير على التنبيه.
 
الصراحة ارسل له مسجات بس مو اللي تخليه يعصب لا مسجات عتاب شاعري وفيها حب وود
ويسلمووووووو
 
اى والله أنا أكره نفسى من كثر ما طرشت مسجات حتى انها صارت من كثرها مالها قيمه

وأنا ملاحظه المسج اللى فيه رقه وعتب هو اللى يوصل للقلب ومفعوله قوى

اما اللى فيها إهانات ما تجيب إلا البلاوي وزيادة المهانه
 
انا عن نفسي هذي الطريقه الوحيده الي اعبر فيها عن كل الي في داخلي من غصه وحره وقهر وكل الي يخطر على البال وتنرفز بعد مرات احصل رد عليها ومرات لبسنك ومرات بوس واسف ودلع من الي يحبهم قلبج حتى لو كنت انا الغلطانه وعايشين حياتنا ولله الحمد من ست سنوات ........................................................................................
 
المسجات صارت وسيله للتعبير سواء بالغضب او الحب لانه في اشياء ما نقدر نقولها مباشره ونكتبها اسهل واريح
وان عن نفسي لما ازعل واحس انه معصب اسكت ولا اتكلم ولكن ممكن اطرش مسج اقول له الله يسامحك ومن هالكلام وهو يرد بالسبب الى ان يهدى ويرجع وكانه ما فيه شي
خواتي استخدموا المسج بطريقه ايجابيه وابعدوا الشيطان عنكم وغازلوا ازواجكم وتدلعوا بالمسجات والله يوفق الجميع ويهدي الانفس ويوفق المتزوجات ويزوج البنات والمطلقات
 
عمري ما أرسلت له رسالة تسم البدن ( ياريت مرة أسويها )
بس تخيلوا مرة كان معصب من العمل وأرسلته رسالة أبغاه يهدى
وختمتها بكلمة ( يا قلبوا امواااه ) زعل وقال إنتي تشمتي فيه
 
:icon1366: أنا كذا
بس هو السبب ..ما يسمع لي ...ابدا.
وفعلا المسجات تزيد المشاكل دائما .
 
خواتي حبيباتي : خلو مسجاتكم حب وغزل وبس وبس وبس وصدقوني الرجال ما طلع عشان الا عشان يبتعد ويهدا ولازم انتو بعد تقعدون بروحكم لين تهدون - - - واهم شي لما يرجع يلقى احلى استقبال --- والله يوفقكم كلكم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل