احترت معاه00ما اعرف وشلون اتصرف0

  • بادئ الموضوع بادئ الموضوع شموووخ
  • تاريخ البدء تاريخ البدء
ش

شموووخ

New member
إنضم
2007/01/30
المشاركات
16
احترت معاه00ما اعرف وشلون اتصرف00
مايبي يلتزم فيني ابددد يبي يتخلى عن جميع مسؤولياته تجاهي وتجاه اطفاله00زوجي هذا يبي يعيش نفسه بفندق0 برنامجه اليومي دوام الى العصر ويجي تعبان طبعا انا بهالحاله اعذره فأتجهزله واستقبله احسن استقبال وانومه بحضني ومايقوم بعدها الى بعد المغرب0000يقوم رافع خشمه يضحك مع اطفاله ويتقهوى واعلطول يطلع للاستراحه الى الساعه وحده00(صدقوني ايام يعترف لي انه جالس بالحاله وضايق صدره)0اما ايام اجازة نهاية الاسبوع فالى الساعه خمس ست000
واذا كنت معزومه عند احد طبعا في نهاية الاسبوع يحطني عندهم قبل الموعد ولاياخذني الى بعد الفجر (وعاد شوفو الاحراج على اصوله)0000اما اذا وداني لاهلى يحطني عندالباب واول ماانزل يقوووول شوفيلك احد يرجعك00طبعا قمة الذل وانا اتوسل لاي احد يوصلني لبيتي واذا رجعت واتصلت عليه اقوله مالقيت احد يرجعني يقول نامي عند اهلك انا ماني ملزوم فيكم حتى وهو يعرف اني ماجبت اغراض واغراض اطفالي0000اهم شئ مايبي احد يخرب عليه وناسته0
اذا مليت وحن قلبه علي ويبي يوسع صدورنا يحطني عند باب اي مول ويقول كلمته المعروفه دوريلك احد يرجع بعدها اضطر ارجع باللموزين واخززياه0واذا رجعت اقعد بالبيت استنى منه تلفون يطمن بس احنا رجعنا ولااحنا انشالله بستين داهيه ولاكن ما يطري على باله00000باله مشغول دايم باصدقائه ولايماشي اكثر شئ الا عزوبيه ماتزوجو اما اذا اتصلت عليه وهو عندهم تعالو شوفو انواع الفضاضه والغلاضه حتى ادا قلت شلونك يقول( لاحول نعم)0
هذا عنه هو وانا اعرف بتقولون اجذبيه وسوي حركات وغيري شكلك وووووووو بس انا اقول والله عطيته اكثر مما يستحقه0
اهو يموت على اطفاله ويدلعهم بس على غير سنع اول مايحس انه بيننا حتى لو هو بقمة الضحك يناظر الساعه ويتغير وجهه وينطلق لهم0000حتى احتياجاتي ومواعيدي لاتلبى الا بعد مااموت صياح 00ولايمكن ينزل معي داخل اي محل0
وللااسف لنا الحين 15 سنه زواج ولااني عارفه وشلون اتصرف معه00وانا متااكده انه يحبن واذا زعلت تسود الدنيا بوجهه بعدها يقعد اسبوع اسبوعين بالكثير ويرجع زي ماكان00وهذا الطبع من اول ماتزوجته لكنه الان من سئ لاسواء والله احس بالتعاسه ماقدامي الا هالي شايف نفسه على غير سنع ولما اشوف الرجال غيره وشلون مع حريمهم اقول بس ليت من غيره0000واحسافتي عليك0
ابكم تعلموني ودلوني انا اشلون اتصرف فشلني عند اهلي واهله ولاعليه من احد وعسى الناس كلهم يكرهونه مايهمه اهم شئ انه هو مرتاح ومستانس حتى لو اهلي له سنه ماسلم على احد منهم00000واااااو جنني مادري وشلون اربيه؟
 
تقدريين اطنشييييه.......لاتسوين له سالفه ابدا وحاولي انج ما ادلعيه.....ولا تسوين له شي اذا ما طلبه ...يعني لازم يطلب عسب تسويينه لاتكونييين طييبه وايد ...الطييبه هالايام تضييع الانسان.....وقصري عليه اشوي ...خلييه ينشغل فيج اشوي....واطلعييله بلوك جديد مب في الشكل بل بالشخصيه...اذا كنت طييبه صيري اشوي وغده وكلمييه من طرف عيينك ,,حسسيه انج وحده ثانيه.....خلييه يركض وراج...مب حبا فيج...بس لانج مجننتنه حتى بالشيين
لان ريلج ما يجييبه الزين بيجييبه الشيين

وجدتها....وجدتها....وجدت سعادتي بالصلاة على النبي
 
الله يعينك اختي بس انتي اللي من الاول غلطانه كان وقفتيه عند حده
وحطيتي له حدود ما يتجاوزها
بس صابره كل ذا السنين وجايه اللحين تبين حل الله يعينك وحاولي اكثر من مره
كثر الدق يفك اللحام
 
حبيبتي الله يصبرك ويعينك ... مالنا الا ندعي لك .. بس بصراحة بعد هالعمر كله أحس انه مستحيل يتغير الا بهداية الله مو

بين يوم وليلة .. وانتي ماشاء الله عليك صبرتي عليه هالسنين كلها .. حاولي دايما تدعين له بالذات في الثلث الأخير من

الليل ...حبيبتي حاولي تتكيفين على هالوضع .. وشوفي لك شي يشغلك عن التفكير فيه .. والله يخلي لنا النت يودينا

لعالم ثانيواحنا قاعدين ببيوتنا .. حاولي تتعلمين لك شي جديد .. والله يوفقك ويسعدك ويحقق لك كل أمانيك ..
 
ياأختي شموخ عليك بالدعاء فهو الشفاء بإذن الواحد الاحد والله انا
كنت مثلك مايجي البيت إلا للنوم وبس تخيلي يخرج الساعه سبعه الصباح
للمدرسه وبعد المدرسه يروح الإستراحه ويتغدى هناك وينام وبعد العصر يروح المعرض
حقه ويخرج الساعه تسعه ويرجع الإستراحه وما يجي البيت الا الساعه 2 وهذا كله وانا لوحدي حتى بعض
الاحيان ما القى شي آكله انام بجوعي وكنت اطنشه ولا اكلمه ولا كأنه موجود واحيان انام قبل يجي علشان يفتقدني
واوقات تجي واثور عليه ويخجل ومايتكلم وبعدفتره من التطنيش والدعاء تغير
لاتيأسي
 
حبيبتي وجدتها000انا فعلا محتاجه للموقف هذا وانا اوعدك انه هذا هو طريقي معه الى ان يتم التعديل0على انها مو شخصيتي هذي امي ربتني على انه لازم مايطلع مني الغلط او القصور00بس والله هذا اللي اتعبني
ان انت اكرمت الكريم ملكته وان انت اكرمت اللئيم تمردا



لؤلؤ بحري
شكرا لك عمري00بس والله كل هالسنين وانا احاول معه ولاتستهينين فيني ترى انا من النوع اللي مااحب الغلط ولااسكت عليه00بس كل ماكبرتها ووصلتها لحدها اشوفه يتحسف ويتعدل كم اسبوع0000بعدها يبداء يرد بالتدريج 00هذا سبب والسبب الثاني انتي مو عارفه وشلون اطفاله متعلقين فيه مايقدرون يعيشون بعيد عنه وهذي نقطة ضعفي وسبب تضحيتي كل هالسنين0


ملكه النعومه
فعلا اختي كلام جميل وانتي صادقه انا صايره انسانه ناجحه برى البيت ولي مشاريعي الخاصه وهذا كله من بركات زوجي الحبيب00وهذي قاعدتي (وراء كل امراءه ناجحه زوج لايستحق الاهتمام) وفعلا مالي الا اني ادعيله ربي يحنن قلبه علينا0
 
حبيبتي لاتقولين يا حسفتي عليه الرجال كلهم فيهم عيوب بس الحريم شاطرين مدح في رجالهم تدرين ليش لانهم يحسون بالنقص تدرين انا تزوجت من سبع سنين كان زوجي موتني يبي اهله يودني ويجيبوني وحتى لو رحت لهلي يقول نا مي او خلي احد يجيبك وهات يا سهر وسفر ويموت في ربعه بشكل جنوني
امي كانت تتحسر علي معه لاني جميله وفيني صفات كثير حلو وهو العكس بس وش الفايده
بديت انا ظر للحياة بايجابيه
ترى بعض الرجال ما يتحمل كل هالرعايه والحب
انا اقول كلام وجدتها زين طنشيه بس مو مره وضحي انك مو مهتمه لاتحرصين عليه
وضحي انك مستانسه واقري قصه ام الوليد فيها فايده حلو لك
 
مثل ما قالت الاخت وجدتها
غيري في شخصيتك
قدري ذاتك كثيرا كثيرا
اقرائي قصة ام الوليد بتستفيدين وايد
ركزي اهتماماتك على نفسك اولا ثم الاولاد ثم البيت
الزوج لما يشوفك تغيرتي بيتغير تلقائيا


تعرفين انتي السبب في اللي يصير لج
دلعتي ابو العيال زيادة عن اللزوم ، صار يتدلع عليج

بس الحين خلاص ، انتهت مهمتكي ، ان الاوان ان ينمو زوجك وينضج ويدلعك

اقرائي قصة ام بسمة ، وشوفي شلون سوت نيو لوك ، وغيرت من شخصيتها ، وبدت تتدلع على زوجها ، اشلون دلعها

ان اوان التغيير لنا ، للنساء جميعا، لازم نتغير علشان احنا نرتاح
وماننسى ندعي لاختنا واستاذتنا ناعمة اللي دفعتنا للتغيير نحو الافضل لنا

اللهم اسعد ناعمة في حياتها ويسر لها امورها ،
واعطنا القوة والارادة لتغيير انفسنا
اللهم امين
اللهم امين
اللهم امين
اللهم صل على محمد وعلى اله وصحبه اجمعين
 
تعلمي السياقة وخذي لك رخصة وخلي يشتري لك سيارة اذا مو فادر يلبي طلباتك واهتمي بنفسك ولا تعطيه وجه شكلك معطتنه وجة زيادة طنشيه وخلي نفسك انك مو مهتمه فيه لكن عاد ما تطنيش وديك في دهيه تنطيش الدلع والله الموفق
 
شكرا خواتي على ردودكم ونصائحكم
والله كلامكم معطيني امل حتى لو اني متاكده انه المشكله اللي يعاني منها مشكلة تربيه0
بس جربت اهتم فيه وما فاد والحين اجرب اهتم بنفسي وباطفالي زي ماقلتو وماقالت اختي ام العبابيد00
 
الله يصبرك بس تاكدي انه مو زوجك لوحده كذا... هذا نسخه من زوج اختي وقريييييييييييييييييييييب من زوجي بس انا

غير اختي احاول اظغط على نفسي كثيييييييييير واحرم نفسي كثيييييييييييييير عشان اعوده على طريقتي وحسيت

انه صار اهون شوي من زوج اختي ...

يعني قبل مايوديني لاهلي اسأله اذا بيقدر هو يرجعني والا لا اذا قال ما اقدر اقوله اخواني مثلا مسافرين والا

معزومين والا بيباتون برا او اي عذر اخليه يلتزم فيني واذا قال نامي عند اهلك اجيب اي عذر اقول مثلا ابو عنه مناوبات

واستلام في الشغل وتعبان يبغى هدوء عشان ينام ويعصب اذا كان فيه ازعاج وعيالك مايقصرون هواش وطقاق
 
الله يصبرك بس تاكدي انه مو زوجك لوحده كذا... هذا نسخه من زوج اختي وقريييييييييييييييييييييب من زوجي بس انا

غير اختي احاول اظغط على نفسي كثيييييييييير واحرم نفسي كثيييييييييييييير عشان اعوده على طريقتي وحسيت

انه صار اهون شوي من زوج اختي ...

يعني مثلا قبل مايوديني لاهلي اسأله اذا بيقدر هو يرجعني والا لا اذا قال ما اقدر دوري لك احد يرجعك اقوله اخواني

مثلا مسافرين والا معزومين والا بيباتون برا او اي عذر اخليه يلتزم فيني واذا قال نامي عند اهلك اجيب اي عذر اقول

مثلا ابو عنده مناوبات واستلام في الشغل وتعبان يبغى هدوء عشان ينام ويعصب اذا كان فيه ازعاج وعيالك

مايقصرون هواش وطقاق ..وابوي يتضايق ويعصب علينا كلنا وتصير الضحيه امي يحط عليها من التهزئ عشان الازعاج..

وبعدين بيقولي خلاص اجل مافيه روحه لاهلك ذا الاسبوع فأظطر اني احرم نفسي عشان يلتزم فيني وهكذا الا ان

يتعود.....

وعموما اللي فيه طبع مايزول تماما لكن يتعدل شوي.....

والله يعينك..ويسخرلنا ولك ازواجنا........
 
اعتذر عن الخطأ نزل الموضوع قبل مايكمل لاتقرون ردي الاول اقرأوا الثاني....


soryyyyyyyyyyyyyyyy
 
الله يعينج اختي على زوجك
الصبر الصبر مفتاح الفرج وادعيله بالهداه عسى الله يهديلج
والدعاءيخلف المكتوب
 
في هذا العمر اختي صعب التغير

لكن مو ميؤس منه

لكن لا تتوقعين انه بصير مثل ما انت تبغينه

الحل ..المحاولة والتأقلم على طبعة

تحياتي
 
وين اهلك ما يكلمونه وينصحونه يتعدل
ترى احس الاخوان يملون من اختهم اذا نشبت فيهم فانصحك حاولي تغيرين زوجك حتى لو حرمتي نفسك وعيالك من الطلعات بيحن على اولاده وبيرحمهم خاصه اذا عندك بنات خليهم هم اللي يحنون على ابوهم وبتشوفين اذا ما تغير

بس عندي ملاحظه
ما ذكرتي بالرجال ولا صفه ايجابيه هل هو سيء لهذا الحد ؟
 
كلنا تقريبا على هالحال

السؤال ليش الرجال صاروا كذا؟؟؟؟
ليش اغلبهم ما يبون الالتزامات ؟؟ويدورون التملص منها؟؟

الله يكون بعونك حبيبتي ويفرج همك ويهديه وازواجنا آآمين
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل