احترت معاه

[نزف الحنين]

السلام عليكم ورحمة الله وبركاته,,,
اخواني اخواتي,,,انا عضو جديده بالمنتدى قريت موضوع شدني عن التعامل مع الزوج وقت الملكه


انا ملكت من شهر تقريبا وصار بعد الملكه توقعت انه بيكلمني بس لللاسف ماافكر انه يتصل

صار لي موقف معاه خلاني اتصل فيه غصب ,, وندمت كثير كلمته مو من جوالي عشان مايفكر غلط لو دقيت عليه من رقمي بعدها تعرفت على خواته وكلمتهم وصرنا مع بعض باتصال بس هو ماافكر يدق علي, او حتى يرسل,,,سألته وحده من قريباته قالت لها انت تكلم خطيبتك قال لها لا,,,قالت له ليه ؟ قال لها ابي اثقل عليها!!
ماعليه خله يثقل بس مو بالطريقه هذي اقلها يتطمن علي او يرسل رساله ,,خصوصا بعد ماكلمته المفروض انه يدق علي ,,براسي اشيا كثير وخايفه من اشيا كثير

الله يخليكم ساعدوني افيدوني هو ثقيل ويحب الثقيله <<مع انه وقت الملكه ولتصوير كان مره خفيف ولما قابلته مع امه بعد الملكه كان اسلوبه طبيعي ومو ثقيل بالعكس انا الثقيله <<

ابي ناس خبره تفيدني
وشكرا

 

[2010 lulu]

انتي كمان اثقلي عليه واكيد اذا حس انك ثقيله راح تلاقيه يجري وراك ربي يوفقك ياقلبي

 

[سعوديـــه]

كلام عين العقل

 

[سديم العنزي]

اثقلي عليه ياقلبي .. ولاتبينين له انك متضايقه من هالشي

/

موفقه اختي ربي يسعدكم

 

[ام فارس 2012]

خليك ثقيله
واذا في مناسبه ضروريه مثل العيد او دخول شهر رمضان
ارسلي مسج​

 

[صفاء القلووب]

بسم الله اذا هو الرجال ماارسل ولا كلم اهي تطمر وترسل وتكلم يختي يمكن هم طبعهم كذه اهل زوجي يقولون لي تصدقي ان السوريين والمصرين يكلمون الرجال بعد الملكه والله ماقدرت اقولها ان في كل مكان يكلمون من كثر ماهي متهوله من الموضوع
خلاص هم تربيتهم كده وشيفين ان كذه صح ليه نفرض طباعنا وارائنا على الناس ويمكن زوجك من هل نوعيه
ويمكن مايبي يصير بينكم مشاكل وقال كده افضل ويمكن ويمكن ويمكن بس انت لاتصيرين مثل المهبوله تدقين وترسلين وهو مايبي صدقيني لو يبي مو مستنيكي ترسلين او تتصلين

 

[Sقلبي كبيرS]

بسم الله اذا هو الرجال ماارسل ولا كلم اهي تطمر وترسل وتكلم يختي يمكن هم طبعهم كذه اهل زوجي يقولون لي تصدقي ان السوريين والمصرين يكلمون الرجال بعد الملكه والله ماقدرت اقولها ان في كل مكان يكلمون من كثر ماهي متهوله من الموضوع
خلاص هم تربيتهم كده وشيفين ان كذه صح ليه نفرض طباعنا وارائنا على الناس ويمكن زوجك من هل نوعيه
ويمكن مايبي يصير بينكم مشاكل وقال كده افضل ويمكن ويمكن ويمكن بس انت لاتصيرين مثل المهبوله تدقين وترسلين وهو مايبي صدقيني لو يبي مو مستنيكي ترسلين او تتصلين

فعلا كلام عين العقل

 

[Queen-Q8]

السلام عليكم ما شاللة عليك شتبين بالمكالمات وعوار الراس وين رحتى وين كنتي عيشي حياتك
وبعدين المكالمة قبل الزفاف تخليك ورقة مكشوفة جدامه خاصة احنا يالبنات حيل طيبات
حماى يكلم مرته قبل الزفاف كل شو يتهاوشون على اتفه الاسباب اثقلي واتكني يا بنيه:2:
جهزي لعرسك وضبطي نفسك كلللللللللللللللللللللللللوش

 

[القلب المهجور]

الله يعينك ياأختي

 

[ام حمودي111]

حبيبت ليه مستعجله على القلق بعدين ليه يطمن عليك منتي في حضن امك وابوك
يمكن مو حاب المكالمات لان بعد الزواج يسير كل شي عادي بينكم وهو حاب يفرح بنفسه بعد الزواج ويعيش ايام العرس صح الله
يهديك هذا في صالحك