****احترت مدري وين الصح قلت اخذ راي الاغلبيه ****

[$دمعه غلا$]

السلام عليكم
كلنا نبحث مع ازواجنا عن الحب الدائم والرومانسيه والاشتياق ومسجات الحب والوله
طيب لو متزوجين من اكثر من خمس سنوات اكيد بهالفتره بيصير روتين ملل طيب كيف ترجعين ذيك الايام ايام الحب والدلع والرومنسيه اكيد تشعرين باشتياق لذيك الايام ونفسك ترجع طيب كيف؟
تقولين البسي وتكشخي وتعطري وغيري بغرفة نومك ومن ذالكلام الي كلنا عارفينه وعلى طول نسويه بس بعد احس من جوه احس ملل وفتور في العاطفه والحب يعني بصراحه اسمع حبيبتي كأني اسمع هاتي مويه ماعادت تجذبني ولا تحرك فيني شي
ولا مسج غزل عاااااادي برود فضيع
اخر شي توصلت انه لازم نبعد شوي عن بعض يعني اخذ اجازه من زوجي شوي لو لمدة اسبوع اروح لاهلي اجدد مشاعري الي ضيعتها مدري وين راحت
نقطه اختلفنا فيها منا المؤيد ومنا المعارض
الي تقولي لا ماني معاكي ابد لاتعودينه يتعود على بعدك اكيد بعد كذا راح يتعود على غيابك
والي تقول بالعكس روحي وريحي والله انها تجدد المشاعر وتحسيك مشتاقتله مدري الصح مع مين
انا عندي نموذجين
الاول اخوي وزوجته متزوجين من عشرين سنه كلمة حق زوجة اخوي حلوه وشيك ودائما متجدده كل سنه تشوفينها بلوك جديد بس احس حياتهم الزوجيه ملل وفراغ عاطفي ايام تروح وتجي زي بعضها اصلا اخوي مايروح من البيت الا قليل
النموذج الثاني خالتي متزوجه من اكثر من عشرين سنه للان زوجها يعشقها وهي كذلك حب صراحه ماشفته يموت عليها وهي اكثر اقول ماشاءالله قيس وليلي بس زوجها رجل اعمال مايجلس في البيت ابد تغريبا عند النوم انا قلت يمكن ذا السبب
احترت والله وحبيت اشوف ارأكم الحلوه انتم مع ايش بالضبط
مع الي لازقه ماتفكه لااجازات ولاغيره ولا مع الي تروح وتسافر وتجلس اسبوع اسبوعين بعيده ولا ايش بالضبط
يالله ياحلوات كل وحده تدخل لاتخرج الا وقايله رايها حتى لو تقول مدري والله ماعندي خبره

 

[الورده الشرقيه]

قرأت مره للاستاذه ناعمه الهاشمي
تقول لااؤيد ابد الاجازات الزوجيه
لانه الزوج وقت الاجازه يروح يبحث عن حبيبه
>>>مو كل الازواج بس الاغلبيه
يقضي معها وقت فراغه
وانا لو تبين وجهه نظري
لاتكوني قدامه اربع وعشرين ساعه باليوم
خليه يطلع ويروح لربعه ويستانس وينبسط
ويروح لاهله
لاتكون رجلك على رجله كل الوقت
وانتي بعد روحي لاهلك وكلمي خوياتك وكذا
يعني لاتلصقين فيه
ولاتهملينه وتتركينه
والحب والعشق وانه مايفارقها هذا شي مختلف من رجل لاخر
على حسب طبيعته ومزاجه
هل هو يحب الالتصاق او لا
لانه الشمالي يكره الالتصاق
والجنوبي عادي ماعنده مشكله
والله يوفقك ويسعدك ويسخر لك زوجك​

 

[$دمعه غلا$]

مشكوره يالغاليه بس البرود الفضيع الممل اش الي يكسره مع العلم ان لكل واحد حياته الخاصه اهليمو فى المنطقه بس لى صاحبات وجيران وكثير نزور بعض وهو اصلا قليل مايجاس بالبيت بحكم عمله اعمال حره بس برووود ومللل موطبيعي نفسك كذا ترجعين زي اول ولا حتى ربع اول

 

[ذكريات صعبه]

و الله بصراحه هاي ترجع للرجل و مكانة زوجته عنده.......و كمان لطبيعته(يعني جنوبي ولا شمالي) و اعرف نماذج كثيره اللي زوجها يظل مقابلها معظم الوقت..و اللي زوجها يغيب عنها بالاشهر,,,,,,,و رغم ذلك حياتهم كثير مستقره و حلوه.
صدقيني يرجع للاساسات اللي بنو عليها حياتهم.......و اهمها الاحترام.
و دمتي بخير

 

[swiet]

انا مع الاجازة لو يوم واحد بس ارتاح من شغل البيت تعبت مافي غيري حتى لو كنت مريضة ايش اسوي الولد يضيع والله تعبت نفسي باجازة ضروري جدا ابغى فتره نقاهه اخ بس متى الله يعين

تحياتي​

 

[**sunset**]

طيب والحل مع اللي لاصق لي زي الغرا؟؟
تعيت منه وتعبته مو فاهم
ابي اهههههههههجججججججججج
طقيت منه ذا اللصقة الله يعيني
والله لا شغل يطول فيه ولا روحات ولا اصحاب طقيت
ياناس فيه احد مثلي ولا انا حالتي غريبة ؟؟؟ كرهته والله العظيم
دعواتكم​

 

[حورية زوجي]

كل البيوت يصير فيها ملل وروتين هذا عادي وامر طبيعي فترة وتمر ثم ترجع الايام الحلوة .. انا مع الاجازة لان بعد الاجازة يصير اشتياق ووله..

 

[ღ لحن الحياة ღ]

الملل والروتيــن شيء طبيعي في الحياة الزوجيـة

لكن لاتجعليه شغلك الشاغل ,,, لكي تبعدي عن التفكير السلبي ,,,

أضيفي على حياتك شيء من تغيير الأجواء من تمشيات عزيمة لمطعـم

من ذهاب للصالون وجلسات مساج ...ايضا الدخول في نادي صحي والدخول بدورات مفيدة حتى في النت

والانشغال بالابناء من لعب معهم ووو...الخ

كل هذي الامور وامور اخرى تساعد على تجديد الحياة ... لاترتبط سعادتي بوجودي معاه

الانسان يمل من نفسه فما بالك من الزوج ...لكن المرأة الجيدة هي التي تتدارك ذلك بالتغيير والتطوير



​

 

[رحـى]

صباحكِ ورد و ياسمين,,
سبحان الله,,هذه الحالة تختلف من رجل لآخر,,
وبالنسبة للملكة,,الأفضل لها إنها تشغل وقتها و تطور ذاتها,وتواصل الدعاء لرب
العالمين بأن يديم المحبة والمودة بينهما,,
وسعادتي ليست مرتبطة بشخص ما,طالما أنا راضية و سعيدة مع ذاتي,,
رعاكِ الله دوماً,,وسخرلكِ زوجك الغالي بكل جوارحه,اللهم آمين,,

 

[ادور حلول]

لا افراط ولا تفريط وعلى كل حال انتي جربي الاجازه وغيرها ما احد يشبه الثاني
حبيبتي انت الى تحددي من قنعاتك

 

[لمى الحب]

تبغي الصراحه والله الرجال دولامابينعرف لهم انا عن نفسي اول ماتزوجت كان زوجي يخليني عند اهلي يومين ثلاثه وانا كنت احب ارجع له ولبيتي لكن هو عااادي فحسيت انه هالشي يريحه ويجدد حياتنا لمن سرت اسويها الحين بعد كل فترة ساار مو عاجبه هالشي

مع انه اصلا مابيجلس بالبيت ....الالمن اكون خااارج البيت عاااااد وش تسمين هالشي


ابغى تفسير ؟؟؟؟؟

 

[فستاني ضاع]

مدري حبوووو مو متزوجة
بس انا اقول شدعوة شهالزوج المطفوق اللي في اسبوع بيدور حبيبة
انا ظروووفي بحكم اني بمدينة وزوجي بمدينة لازم ببات عند اهلي يمكن اسبووع ومخططة اني في هالاسبوع ارجع فترة الخطوبة ومخططة ان قبل مااروح ارجع له الدبلة بايده اليمين واراسله مسجات ومكالمات اخر الليل>>مو متزوجة للحين على بالها زي الخطوبة
هذا الوحدة اذا ولدت تبقى عند اهلها اكثر من شهر اجل يخونها زوجها :30:

 

[ياربي رحمتك]

شوفي من واقع انا عايشته الاجااازة تغير كثيير بس لاطول يعني اسبوع اسبوعين بيفقدك بكل شي وبكل زاويه في البيت راح يحس البيت فاضي


وانا مع كلام الاخت دموووع السحر لاتخلينه شغلك الشاغل اشغلي نفسك باي شي


والله يصلح مابينكم​

 

[jowree]

التغير حلو اوخر عنه يومين اسبوع احلا على قلبي انا ارتاح و اهوا يرتاح​

 

[الجرح والالم]

تصدقي انا عمري ما سويت اجازه من زوجي دخلتي الفكره براسي مع انه مايستغني عني لكني ابغى اجرب هذا الاحساس وانا اشوف انه ممكن تصير في اول سنين الزواج لكن بعد عشر سنين او اكثر صعبه مره انتي شوفي ايش الي كان يولد الشوق هذيك الايام وارجعي بذكرياتك لورا وحاولي التطبيق والا سترجاع ليها مع تمنياتي لك باسعاده

 

[سماالحريه]

جربي الااجازه ليوم واحد يكفي​

 

[بنت الهدا]

حبيبتي الملل والروتين شي طبيعي في الحياه الزوجيه بس ماله علاقه بالحب
بين الزوجين مستحيل يفتر ويذبل بس مجرد انه يبغاله شوية تجديد واهتمام ورعايه لان الحب زي الورده اذا اهتميتي فيها وسقيتيها بحب وحنان مستحيل تذبل وتموت

 

[اناالدلوعه]

صحيح جربي الاجازه انا بحكم اني ساكنه في بلدة غير الي انا فيها اهلي في ديره وانا في ديره يعني مسافه واروح وقت الاعياد الاجازه بس مااطول الاجازه كلها شهر منها بس لكن تعالي شوفي يزعل ماوده اني اروح بس يفكر يقول اهلك لهم حق يشفونك ويشفون العيال يخليني اروح وتعالي شوفي رسايل اتصلات ومتى تجون يزن ويالله انا الحالي وسهر على التلفون والله كاني بفترة الملكه وفي البيت عادي بس مو زي كذا ولما يجي ياخذني يحجز فندق ونروح نتمشى بعدين نرجع شقتي وبكذا غير نا جو من بعضنا احينا ههههههههه يقول اشتقتيلي اقول لالا توني اذا اشتقت دقيت عليك توني جايه من عندك تعذيب يعني جربي هالشي حلو والله يالغلا الله يفرج همك وهمي

 

[$دمعه غلا$]

و الله بصراحه هاي ترجع للرجل و مكانة زوجته عنده.......و كمان لطبيعته(يعني جنوبي ولا شمالي) و اعرف نماذج كثيره اللي زوجها يظل مقابلها معظم الوقت..و اللي زوجها يغيب عنها بالاشهر,,,,,,,و رغم ذلك حياتهم كثير مستقره و حلوه.
صدقيني يرجع للاساسات اللي بنو عليها حياتهم.......و اهمها الاحترام.
و دمتي بخير

هلا وغلا مشكوره على رايك وحياتنا مستغره واحترام وكله بس انا ابي للايام الاولي ترجع والا الي راح مايرجع

 

[$دمعه غلا$]

انا مع الاجازة لو يوم واحد بس ارتاح من شغل البيت تعبت مافي غيري حتى لو كنت مريضة ايش اسوي الولد يضيع والله تعبت نفسي باجازة ضروري جدا ابغى فتره نقاهه اخ بس متى الله يعين​

تحياتي​

هلا اختي وانا بعد رايي من رايك مشكوره علي المرور الحلو