احتاج مشوره منكم

[طموحي]

بسم الله الرحمن الرحيم
السلام عليكم ورحمه الله وبركاته



انا زوجي مره طيب وحبوب لاكنه فيه غرور مو شوي بجماله

واهو يحبني وانا احبه بعد لكن المشكله انو اذا عصب ما يفكر بعقله ابدا

ويعيب و يجيب اخطائي وعيوبي من الاول للتالي وزلاتي كلها

والله اني انجرح وانصدم بس احاول امسك روحي وافكر بعقل

مابي زوجي يكرر هالشي ابيه يندم انو سواه معاي

ومابي اظل اسكت ابدا لاني ما ارضى بالقهر

جزا الله الف خير للي توجهني
مابي اخليه يترك هالشي بضعفي<<<اعني اكسر خاطره وابكي واقول لاتسوي جذي اذا تحبني



الله يخليكم لا تخلوني​

 

[طموحي]

انتظر ردودكم بفارغ الصبر

للمعلوميه انالسى ماتزوجت انا اكلمه بس بالتلفون

وابي اكون قويه بعينه

 

[رموش نمله]

مادري هاذا لسا ماتزوجتي يطلع عيوبك من الااااااااا
اذا قالك عيوبك اضحكي قوليله وانت خالي من العيوب نسيت كذا وكذا اذكري عيبه بس بسلوب ضحك

خليك واثقه من عمرك اكثر يعني اذا ذكر عيب واحد لا تصرفينه لا قولي سويته عشان كذاوكذا يعني حطي عذر مقنع لو كذب عشان يقفل مايذكر شئ ثاني انشاء الله فهمتيني

 

[طموحي]

مشكوووووره من كل قلبي على نصايحك

الحلوه بحاول اسوي مثل ماتقولين بس المشكله ان اللي يعيب علي فيه
تصرفاتي واشياء كنت اسويها >>>مقدر ارقعها اشياء سويتها بغباء


مدري شصرفها


مشكووووره رموش بجد

 

[محرومه من زوجي]

حبيبتي...اذا قال انه فيك عيب كذا..قولي ليش انت ملاك...وضحكي ضحكه سخريه..وحاولي تجيبي عيب وتقولي انت فيك كذا...
حتى تصرفاتك على ماقلتي تصرفات غبيه...اذا ذكرك فيها...قولي ابشرك..استفدت من تجارب الحياه...واتحداك تلقى احد احسن مني..
يعني باي حال لاتسكتين..بس مو معناته تقولين كلام بالغضب..لا...قولي كلام استهتاري...

 

[الفقيرة الى لله]

يبدو أنك في الأول تصرفت معه بدون عقل عاطفة فقط . تغيري سوف ستغير معك.أما نقطة غرور بجماله نصيحة احسميها قبل الزواج.

 

[طموحي]

مشكوووره محروومه بصراحه مره شجعتيني


كثر الله من امثالك في طيبتك لانك رديتي

شكرا

 

[طموحي]

معك حق الفقيره بس تعدلت


ونقطه الغرور كيف احسمها

اهو مغروووور بالحيل بجماله وكل اللي حوله يقولون له انتا حلو

مو عارفه شسوي اهو بجد حلو بس انا دايما اقول له مو مهم عندي الشكل اهم شي اخلاقك وقلبك



شكراا من اعماق قلبي لك الفقيره

 

[الحص المنقا]

قولي له (يامنان لاتطري عيوبي وتكبرها ..قولي له ياماسكت عنك ولكن انت ماتستاهل الحشمه)) عطيه عين حاره شوي

 

[الحص المنقا]

قولي له ابي رجل بفعله ماهو بخده وش ابي بخده اتمنظر فيه!!!

ابي رجل يحسسني برجوله الشهامه والمرؤه ولا جمال لخد لنسوان

وقولي :وربي اتمنى عبد شهم ولا حر مغتر بجماله
((عطيه كاش))

 

[طموحي]

لاااااا ماقد اخاف اجرحه<<<<(أحب لأخيك ماتحب لنفسك)


واهو طيب ومافيه شي بس ها عيبه
مشكوره الحص المنقا على هالتفاعل القوي والشهم منك
بس ماقدر اقوله جذي
لانه حساس بس انو مايحس لما يعصب

مشكوووره

 

[طموحي]

بس اهو مايغتر بجماله بكلامه

لا بس تصرفاته واهتمامه الكبير بشكله وانو ما يلبس الا ماركه

ومره يهتم براي الاخرين بشكله وكلش مايحب احد يقول له على شكله شي

لانه مثل مايعتقد اهو الجميل والرائع والفريد


ومافي احد زيه


شكرا لجميع من رد

 

[ورودة حالمة]

حبيبتي بالنسبة لجمالة

لا تنكرينة عليه بل ع العكس امتدحية بس بذات الوقت اعطي رايك ان الرجولة لها صفات تانية ومو من ضمنها الجمال واذكري منها الشهامة وكذا وان بعضها موجودة فيه ولهذا تحبية


وبالنسبة لذكر عيوبك لا تستحين ابد

ولا تضعفين بس ببساطة لا تسمحين له نهائي

وبكل هدوء ردي عليه انا ما اسمح لك هذا وانت المفروض ستري وغطاي الا جاي تذكرني باخطائي


ترى اذا على الاخطاء كلنا مليانين عيوب واخطاء بس ما يسعدني اسردها لك ... والحين بعد اذنك بروح تراني صدعت


وروحي وخلية يتصل كم اتصال ولا تردي عليه وان رديتي ردي بثقل


بعدها بيحرممممممممم

 

[قوية الساس]

قولي له ابي رجل بفعله ماهو بخده وش ابي بخده اتمنظر فيه!!!

ابي رجل يحسسني برجوله الشهامه والمرؤه ولا جمال لخد لنسوان

وقولي :وربي اتمنى عبد شهم ولا حر مغتر بجماله
((عطيه كاش))

بسم الله شو هالكلام !! من اولها عير حاره و كلام قوي و ابي رجل بفعله !! ليش هي قالت انه هو مب رجال بافعاله ؟؟ ..
شو فايده ((عطيه كاش)) يمكن يطلع هو عنيد و يكبر السالفه و يصير الطلاق لا سمح الله او ينفصلون وهم يحبون بعض .. شو بتستفيد البنت من النصيحه هذي بعدين ؟ الله يهديج اذا انتي ماتعرفين اسلوب الولد عدل لاتعطينها مثل هاي النصيحه لانج ماتعرفين اذا بتنفع مع زوجها او لا !!!!!! الله يهديييييج بس

عزيزتي صاحبة الموضوع ..
هدي بالج و ريحي اعصابج واشربي عصير بارد :blush-anim-cl: ومايصير خاطرج الا طيب ياالغاليه
كلمي ريلج بعقل قوليله ياحبيبي اللي بيكون بينا عمر مب يوم ولا يومين .. انا فيني عيوب وانته بعد .. بس الفرق اني احترمك و اتغاضى عن عيوبك عشان ما اضايقك وانته تسوي فيني العكس .. اذا من الحين تمسك الزله عليه شو بتسوي بعدين ؟ و قولييله من هالكلام اللي يحنن القلب و يخلييه يتلوم شوي عشان يحس باللي سوااه .. ونصيحتي لج انتي اذا شفتيه عصب لاتكلمينه و ابتسمي خلييه يهدا بعدين ناقشو الموضوع او اذا شفتيه بيبدا يغلط اطلعي من المكان اللي انتي فيه عشان ماتسمعين كلام يزعل او سكري التيلفون قوليله مع السلامه بكلمك بعدين .. و انشاءالله مع الايام يخف هالطبع اللي فيه :blush-anim-cl: ترى عادي انا اخويه جييه طيب واااااااااااااااااااااايد و حنوووووووووووووووووووووووووووووووووووووووووووووووووون بس اذا عصب يتحول انسان ثاني و يقول كلام يخليج تكرهين عمرج .. و اول ما يهدا يلوم نفسه على اللي قاله لانه يعرف عمره يوم يعصب مايقدر يسكت

دعواتج لي

 

[قوية الساس]

بس اهو مايغتر بجماله بكلامه

لا بس تصرفاته واهتمامه الكبير بشكله وانو ما يلبس الا ماركه

ومره يهتم براي الاخرين بشكله وكلش مايحب احد يقول له على شكله شي

لانه مثل مايعتقد اهو الجميل والرائع والفريد


ومافي احد زيه


شكرا لجميع من رد

و عن الجمال احمدي ربج انه ما يغتر بالكلام

دام انه يحب يكشخ و عنده فلوس عشان يشتري ماركه يعني مافيها شي
خلييه يلبس و يكشخ بالعكس والله وايد حلو جييه .. مب احسن من ما يكون شكله مب مرتب و شعره منكوش و اللحيه مب عدله و هو عااادي عنده و يمشي عدالج فالسوق ؟

انه الله جميل يحب الجمال

دايما اقول اللي عنده و قادر لايبخل على نفسه و يكون دايما باحلى طله

مبروك و الله يسعدكم انشالله

 

[ناناسي]

الله يهديه ويسخره لج

 

[طموحي]

مشكوووووووووووووووووووووووره يقلبي ياورووود من جد كلامك عسل


وينقط درر وعقل

شكرا على نصيحتك الي احسها وايد بتفيدني

 

[طموحي]

قويه الساس



من كل اعماق قلبي شكرا

درر اللي تقولينه


وبقول لكم بعد اني كلمته وسويت اللي قلتولي عليه


والله المضوع صار تمام التمام


وبالعكس قبل ما اتكلم اهو تاسف مني مثل ما قلتي قلبوو قوية


والله يبارج لج ياربي

 

[طموحي]

شكرا ناناسي على الدعاء الحلو

واجمعين يارب

 

[ورودة حالمة]

عسى الله يوفقك يارب


ويهدي بالكم وسركم آآمين


بتمنا لك كل السعادة والحمدلله ان النتائج كانت معك ايجابية

عسى الله يسعدكممممم