احتاج لفته ...!

[سمارية_بوظبي]

السلام عليكم جميعا بنات وحريم ..

يضايقني حالي اللي وصلت له الحين !!
اكتشفت اني اخفي شخصيتي الحقيقيه واتظاهر بشخصيه ثانيه يصعب علي شرحها لكم !

لكن وحده من نواحيها اني انا ابين للناس وحتى القراب مني اني صاحبة شخصيه قويه وواثقه من نفسها والكل يشهد بهالشي لكــن في قرارت نفسي لاا انا غير ذلك ..

صرت احس بتعب في اني اخفي هالشي ! وما احب الناس تعرف نقطة ضعفي !
يعني دايما اكون صارمه في مواقف والكل يحناجني من صديقاتي وكلامي ما اغيره

بس صرت الحين احس بوايد مشاعر وفي نفس الوقت صرت عصبيه احس محد قادر يفهمني وبعد صرت الاحظ على نفسي اني انسانه انانيه واحب انا اجذب الانظار ! واذا حسيت انه حد ما سوى اعتبار لي اتضايق واااااااايد وارجع احس يشعور فقد الثقه !

مع العلم انا الحين عمري 23 يعني ابد مش مراهقه بس احس لازم تكون عندي شخصيه ثابته ومستقله !

اتقبل ردوودكم جميعا وشكرااااان من كل قلبـــي

 

[القايدة]

فديتج صار لج موقف معين؟؟ وسبب لج هالنوع من صراع
لنه من رمستج اكتشفي يعني من اول ماكنتي تدرين هالشي
بعدين اذ يضايقج شي فديتج طلعي بالي خاطرج اذ تبين اتقولين شي قولي
وبعدين لاتخافي محد اظني بظن فيج انه فيج ضعف شخصيه
حاولي تتحكمين بغضبج عسب جميع مايتركج وعقب تتندمين
وربي يوفقج يالغلا
تحياتي لج
((القايدة))

 

[ملكهـ بطيبتي]

حبيتي
خليك طبيعيه زي مانت لاتظهرين للناس بشخيه غير لانك تطلعين للناس بشخصيه وهي اصلا مو شخصيتك تعبتي نفسيا
تتوقعين ليه
مدري بس اتوقع انا هل حصل بطفولتك او مراهقتك شي هز ثقتك
ممكن هذا الشي اللي تسوينه رد فعلي وانا شخصا حصلي وانا دحين بنفس عمرك
بس حاولت اني اثق بنفسي والحمدلله الان انا واثقه جدا
كيف عالجت نفسي
اولا اكون في الجمعات الكبيره ساكته وهذه اصلا ميزه فيني يعني مستمعه فقط لانو لو بتكلم ممكن احد يقطع علي وكمان فيه اكبر مني احق باالكلام وقيسي انت على ذالك
ثانيا لا تحاولي تتراسي شي وتضربي الصدر وانت مو قادره كله عشان تثبت شخصيتك لا خلك عاديه
ثالثا انا صديقاتي يحترموني ليه لاني اتكلم بادب امزح على المعقول ماوصل اني اسخر فلاويه كمان
ثالثا تقربي الى الله تجدي الثقه الحقيقه ادعي الله كل يوم بما في نفسك اقري القران ابكي من خشيه الله
اذا انت فاضيه ماعنك شي ممكن تروحي مراكز تحفيظ القران راحه عجيبه
خلك طبيعيه
ويارب اكون افدتك
لك ودي وتقديري​

 

[}وردة{]

مدري...أحس انج تتوهمين أنج من داخل شخصيتج ضعيفة
حاولي تكونين مثل ما انت...لأنج بتكونين مرتاحة وتريحين اللي حوليج