احب واحد غير زوجي لاتقسون عليا حطو نفسكم مكاني

الحالة
مغلق و غير مفتوح للمزيد من الردود.
استعيني بالله وادعي هالدعاء ؛



(((((اللهم اغنني بحلالك عن حرامك وبك عمن سواك )))))



ردديــــــــــــه ليل نهار ......

والتهي بعيالك ضميهم حبيهم بيعطونك الحب ... كوني صداقات مع حريم عاقلات .. وزوريهم لاتخلين وقت فراغ .... الزواج ماهو حب وبس .الزواج حفظ الزوج في غيابه وحضورة في غيرك اسوء منك وصابرة وربي سخر زوجها لها بصبرها

واصبرووو ان الله مع الصابرين...
 
بصراحه ومن الاخر من كلامك لايمكن تخلينه صار جزء من حياتك هذه عشرة سبع سنين
حرام والله حرام خلي زوجك على جنب مافكرتي في عيالك لو تنكشف الحقيقه والله ما يخفى عليهم وبتطيحين من عينهم طول عمرك ولا راح تكونين امهم اللي يفتخرون فيها بالعكس بتكونين ام منبوذه النظره لك نظرة احتقار لانك ماراح تشرفينهم ولا تقولين بكره بنفصل عنه بكره بنفصل عنه بكره بقطع علاقتي ترى تاجيلك نهايته كشف المستور وياويلك من بكره وتذكري كلمتي ياويلك من بكره لانك تماديتي بخيانتك لربك ولابوك ولزوجك واولادك اتمنى تاخذين قرارك وتعدلين المايل وزوجك راح تقدرين عليه ولاعاد تحطينه في مقارنه مع غيره وكل رجل له مفتاح وانا اومن بهالمقوله بان كل رجل له مفتاح بس الشاطره اللي تعرف كيف تجيبه لا تنسين ترى ربك يشوف وثقي تماما اقولها لك وانا صادقه والله ان تنكشفين واذا انكشفتي 1- طلاق 2- تخسرين اولادك وحياتك 3- حبيبك المزعوم اول من بيدير ظهره لك 4- سمعتك في التراب 5- خسارتك كبيره من ضمنها الثقه من قبل كل من يحيط بك خصوصا ان خطاك خطا امراه متزوجه يا انك بتعيشين عيشه الموت ارحم لك منها ليه تعطين لهذا كله فرصه ارجعي لزوجك ضميه واحضنيه وقولي له احبك حتى لو ما قال ترى اغلب الرجال ماينطقون حبهم بس يفعلونه زوجك مسكين وعلى نياته لانه وثق فيك والى الان انتي على ذمته
 
حبيبتي فكري اول انك مابتخوني زوجك الان انتي بتخوني ربك اول شي
وانتي لو تفكري بعقلك شوي ان هالاخ الي يكلمك ما يفكر انه يتزوجك
حتى لو قالك هذا بس كلا لان الاكيد حاطط بباله انك خاينه زوجك وطبعا زي ما خنتي زوجك راح تخونيه
الله يهديكي انتبهي لنفسك لانك اذا نكشفتي بتجيبي العار لاهلك اول شي
ولاولدك الحلو دايم للزوج والعار لك والاهلك والابنائك وش ذنب اهلك وخوانك تجيبيلهم العار
فكري بعقلك قبل قلبك
لو كلنا فكرنا بقلوبنا خربت الدنيا الله يهديكي ويوفقك
 
السلام عليكم
ابي اعلق على كلامك كلكم بدون زعل اذا الرجال خان قلتو الشكوى لله اصبرو عيالكم وحياتكم بيتكم لا تخلينه تاخذه منك
والحين تلومونها عشانها ادور قلب حنون و ودور واحد يحسسها بؤنوثتها الله المستعان الناس ظالمين
ان مريت بنفس الي مرت فيه بس الحمدالله انا ماكلمت غير زوجي بس هو يكلم مليون غيري ومقصر معي فكل شي حتى المعاشره الزوجيه ياخذ حاجته وينام مايفكر فيني انا ماخنته زي ماخاني لاني خايفه من ربي ولاني خايفه يشوف مني شي واخسر عيالي وانا قلتله عطني عيالي وطلقني هي يمكن ما يهمها اذا اولادها معاها او عند ابوهم عشان كذا اقولكم هي ما سوت هذا الشي الا عشان تحس بوجوده بدنيا مو مدفونه بالحاة انا ما اايدها والا اعاتبها بس ابيكم تفكرون شوي بردودكم ليش ماتهاجمون الرجال الخاينين زي ماهاجمتوها اذا خان الرجال قلتو اكيد مقصرين دورو على التقصير الي فيكم واذا حرمه خانت زوجها قلتو ليييييييييييييييييييييه ليش مالها رب زيها زي الرجال الله يهديكم بس والله يعفي عنا ويسامحنى
 
الدنيا ما تسوى ترى .. ما تسوى عليك عاملة هالعمايل عشان كلمة وهمسة وجنس ..
الدنيا هدفها اكبر من هالشي .. صح انه احتياج لكنه شي تقدري تتغلبي عليه ...
تصوري تعيشي هاللحظات فترة وتعدي ويبقى كل شي عملتيه مسجل .. في لوحاً محفوظ ..
وكل اجزاء جسمك تشهد عليكِ... اتقي الله وخافيه قبل ما تفكري في نفسك .. استغفري على طول
كل مكان وزمان .. كل مرة يوسوس لك الشيطان .. تذللي لله وادعيه انه يصرف عنك كل شر وكل
نقطة ضعف ممكن تاخذك للهاوية .. حافظي على اطفالك .. ولو انك فعلا ما حابة زوجك ما خلفتي
منه 5!! يعني بعد 5 اطفال جاية تقولين زوجي مقصر ومقصر...! .. فكري وراح تعرفي ان الدنيا
دار عبور يعني كلها ايام ومودعين وما يبقى غير وجه الكريم... ​
 
اسيرة الخيانه مع احترامي لك لامجال للمقارنه بين الرجل والمراه من هالناحيه مهما خان الرجل لا يقبل من المراه خيانتها اولا كعرف مزمن بان الرجل حامل عيوبه والمراه كالثوب الابيض ثانيا المراه مدرسه ان اعددتها اعددت شعبا طيب الاعراق اتصور كلمة غرس تربيه كنسبه بين الرجل والمراه فالمراه عليها النسبه الاكبر فمكن المستحيل تقبل امراه مربيه وهي في نفس الوقت امراه خاينه للكل فلا مجال للمقارنه لاسباب كثيره
ليه انتي ماخنتي ليه مارحتي ودورتي للحب وللحنان كل رجل مليء بالحب والحنان بس للي تعرف تجيب راسه كون انك ماجبتي راسه فالخلل فيك مع ودي
عشنا وشفنا
 
اختي الكريمة .
مادامت الحياة مع زوجك فاشلة لماااااذا انجبت خمسة اطفال؟؟؟
شوفي العقل زينة الانسان وانت الغيت عقلك وعشت بالاوهام وان كانت مفرحة وتعينك على حياتك ولكن الامر بالغ الخطورة والحرمة اقطعي علاقتك بهذا الشخص وامضي قدما في حياتك وربي اطفالك كباقي النساء واخلصى لله عز وجل واوجدي الفرح والتفاؤل في حياتك بطرق اخري فهى موجودة ولكن الشيطان لديك كان اقوى انصحك بانهاء العلاقة فورا والاستغفار واشغلي نفسك بالامور الاخرى العادية والطبيعية على الاقل لتكوني مرتاحة الضمير ... قد تجدين السعادة والراحة في كثير من الامور وليس في كلمات يطلقها رجل لارضاءك فما دام انك واثقة وجميلة كما قلت فانت في غنى عن شخصص يطبطب على كتفك و يرضيك ببعض العبارات .
اجعلي الرضا والسعادة نابضا من داخل قلبك وليس امرا تستجديه من الناس او حتى من رجل صالح لانه لا يوجد رجل صالح ....
 
خواتي حبيباتي لا تقسو عليها
أختي محتاجة حبيب>> نحن كلنا محتاجين حبيب وأنا عندي حبيب وهالحبيب أفضل حبيب وجدته أو قد تجده أي فتاة بالعالم
حبيبي في متناول ايد الجميع لكني ما أغار عليه مثل ما تغارين على حبيبج
حبيبي خير من حبيبج
هل علمتي من هو حبيبي؟؟
انه ربي سبحانه وتعالى حبيب المسلمين
حبيبتي لا تشغلي نفسك بالتفكير بأي أحد سواه سبحانه وتعالى وسوف تلاقين الحب وربك سيعوضك عن حب حبيبك وحب زوجك
تقربي منه وتوددي اليه وأخلصي بالصلاة واشعري بكلمات الدعاء له
اخشعي بصلاتك وحسي بكل كلمة تتفوهين بها في الصلاة من التكبير وقراءة الفاتحة والسور القصيرة والتسبيح والصلاة الابراهيمية
وسوف تتغير حياتك رئسا على عقب
لا تقولي لا أستطيع تستطيعين ولكن مشكلتنا أننا نؤجل ونتكاسل
وفقك الله لبره وتقواه
 
حبيبتي انا حاسة فيكي بس ياقلبيهذاطريق خطاانتي تبررى خطا زوجي بخطاكي الجاي الربك باليالي انهو سمع مجيب ودعي ربك يحنن قلب زوجك ويكفيكي بحلالة عن حرامة وتاكدي اذا لجاتي بقلب صادق كل ليلة مايخيب رجاكي واكثري من الاستغفارواللة يافية حريم اصعب من حالتك بس استعانواباللة ربنا يفرج همك
 
الله يهديج يااختي الجأي الى الله واكثري من الاستغفار
بس عندي تعليق بعض الردرد كانت قاسيه جدا مو كذا النصيحه باالاسلوب كل شي يجي الله يهديكم بس تخلون الوحده تتردد كثييير عشان تحط مشكلتها كونوا راقين بردكم ولا لاتردون اسمحولي بعض الردود لو يسكتون احسن
انا مااقول كذا لاني اأيدها لا طبعا بس ماعجبني اسلوبكم بالنصيحه ابدا
الله يهدي الجميع
 
حبيبتي
ابشرك بالخير
انت بشر وما سجلتي معاناتك هنا الا لانك حاسه بذنبك وتبغي حل
اصعب شي على الانسان انو يلازم ذنب غصب عنه ما يقدر يتخلص منه بضعفه وقوة الشيطان عليه
تعالي حبيبتي
تبغي ربك يبدل سيئاتك هذي كلها حسنات
وغدراتك وذنوبك تنور صحيفتك
ما في شي بعيد عليك لان رحمة الله قريبه منك
بستره عليك وبامهاله لك
اول حاجه لازم تعمليها هي العزيمه الصادقه
انك تتخلصي من ها الذنب والاصرار والقوه وتعرفي انو الشيطان ضعيف لكن انتى اضعف منه !!!!!!
قال تعالى على لسان ابليس ,,وما كان لى عليكم من سلطان الا ان دعوتكم فاستجبتم لى فلا تلوموني ولومو انفسكم ..,,.
ثانيا
انا عارفه انو رح ترجعي في اوقات ضعفك ولو بعد سنين لكن احسسسسسسسسسن حل لذلك .
..الدعاء الخالص ...
اللهم اغنني بحلالك عن حرامك
ثم اتبعي السيئه الحسنه تمحها ..
يعني بعد المعصيه سوي حسنات كثير تمسح سيئاتك ومافي احد يقدر ينكر ذلك
قومي توضئي وصلي واستغفري مباااااااشره....
الزمي نفسك بالصلاة 20 ركعه او اكثر
صومي عشره ايام
تصدقي ب1000 ريال
يعني اعمال تعجيزيه لك وللشيطان
حتى يفر الشيطان لانه كل ما فكر يوسوس لك
يعرف انك بتعملي حسنات اكثر
وهذا ما يكرهه وبعدها يعرف انو انتى قويه ولا يقرب منك ....
والله الحركه هاذي مجربه لاصعب المعاصي
يقول الشيطان خليك فاضيه
ولا تعبي صحيفتك حسنات
بسبب معصيه اجبرك عليها
استمنحي من الله العفو والعافيه
واصري على استرجاع زوجك
لانه اعز ما على الشيطان التفريق بين الزوجين
وياطول باله الى ان يفرقكم
تعرفي على نمطه
وتعاملي معاه وفق ما يريد
وتدربي على الالفاظ الحلوه اللي تبغيها وعلميه بتكرارك لها
وتواضعي واطيعيه حتى يحبك ...
واي شي تبيه احنا معاك ..
الله ينزل على قلبك السكينه والنور
ويجعل اسمك يوم تلقينه
في سجل الطاهرين
دعواتى لك
 
ياعمري هذه مو ردوووووووود قاااااااااااااسيه هذه الحقيقه لازم تعرف خطاها وتعرف ويش العواقب اذا تمادت كلنا نخطي بس المصيبه لو تمادينا انا راح تفكيري لعيالها خلي الكل على جنب الا العيال والله لو تنكشف وبتنكشف اليوم او بكره راح تخسرهم نظرتهم لها بتكون غييييييييييييييييييييييييييير وحنا نخلف نرجيهم بكره نتمنى لهم وبهم بكره تخيليها والله ان يتمنى الموت وانه ما جاء على وجه الارض وان هذه امه
الرد لازم يكون قاسي لان فعلا قاسي جدا ولاتنسون هي تقول سبع سنين مو سبع اشهر
 
في متزوجات كثير نفس حالتك مع زوجك وانا منهم بس مستحيل ادور الحرام انا عارفه ان ماورى اصبر الا الفرج وري بيجازيني على صبري

استغفري الله ورجعي عن الي تسويه والتهي مع عيالك
 
قريت ردودكم وبعضكم مافهمني
انا ماقلت ابرر الغلط ولا حجة لغلطي
انا بس ابغى احد يقويني اسمع كلام
يصحيني خاصة


ان لي فترة ماكلمته وحاسة بفراغ
عشان كذا كتبت موضوعي

وانا ماتعديت حدود المكالمات بس
يعني ماله داعي الكلام القاسي والجارح
والدعاوي

لان زوج اذا عصب يجرح ومااتحمل انصدم
واروح اكلم يعني كني اقول لنفسي هذا يعرف قيمتي ولما اقفل اتندم

زوجي نمطه شمالي شرقي وانا شماليه غربية

وانا اسفة اذا البعض منكم تضايق مني ومن جرأتي
بس زي ماقلت لكم كنت ادور حافز
 
لا حول ولاقوة الا بالله
اللهم اجعل قرة اعيننا الحلال واعصمنا عن الحرام
 
كان الله في عونك طيب انتي تتوقعين لو تطلقتي حبيبك بيتزوجك لا واللهلانه يتسلى نصيحتي من ترك شي لله عوضه الله خير منه يمكن مشاكلك مع زوجه عقوبه من رب العالمين لك توبي لربك وانا اختك
 
افهـــــم شعورك

الله ستر علييك كم سنه؟؟

ولازال يتسر
تبين حبيب؟؟
الله اول واخر حبيب
الجأي له ومالك من البشر احد

لو الكل زعل وراح وانتي ربك بقلبك
والله ماتحسين بوحشه ولافراق لأحد

طيب ياغلاي .. الحين مثل ماشفت الباقيات
الله يسخر لهم ازواجهم..
يشكون من خيانه

والله ابصم لك بمليون اصبع لوعندي
حبيبك هذا لويتزوج!!

يسحب عليك سيفووووووووووووووووون
انتي دخلتي حركات مراهقات
بربك اسئلي نفسك وسؤالي للكل

سوالف فضايح البنات ليش؟؟
طيب هي نفس القصه تصير
تبدا اعجاب>حب>مكالمه>انتهى

السبب هو(حبيـــبي غييير)

لاموغير

الرجال واحد
انتبهي لنفسك وعسا الله يينير قلبك فالحب اعمى

وانتي ام..انتي قدوه..انتي راقيه

اتركي عنك حركات العشيقات

الله يعين الجميع

دمتم بود..غموض احساس
 
الحالة
مغلق و غير مفتوح للمزيد من الردود.
عودة
أعلى أسفل