احب واحد غير زوجي لاتقسون عليا حطو نفسكم مكاني

الحالة
مغلق و غير مفتوح للمزيد من الردود.
معليش على الرد بس والله هذا الحق ولازم ينقال
 
مشكووووورين بنات على الدعوات هذا اللي احتاجه
وانا دايم اغير رقمي بس انا اللي ادق عليه وحتى لو بعد سنين ارجع وادق هو مايضغط عليا وعارف انه غلط بس يقول ماابغاكي تزعلي
 
حبيبتي الله ساتر عليك طووول هذه السنوات..لانه ينتظر عودتك اليه.قوليلي ماذا استفدتي من الكلام الحلو الذي سمعتيه من ذلك الشاب على مر السنين الماضيه.لاشى..غيري رقمك وامحي رقمه من عقلك وتفكيرك..وعودي الى من ينتظرك انه الله اخضعي بين يديه واطلبي منه الرضا والسماح..هيا قبل فوات الاوان..توبي الى ربك وعاهديه بالا تعودي الى المعصيه..ياعزيزتي اعلمي ان من ترك شيئا لله عوضه الله خيرا منه..
 
صحيح في هذا الزمن القابض على دينه كاالقابض على الجمر

يعني تبينا ننصحك بما يرضي الله او على قولتك
لانقسى ليك

ايش يعني نقولك مثل خليك معه وكلميه

تقولي حطو نفسكم مكاني

والله لو انامكانك ما اقدر اغمض عيوني من خوف الله اولا وثانين من ضميري على خيانة زوجي

تخيلى لو زوجك يكلم واحده متزوجه زي الى تسويه مع عشيقك

ايش كنتي قلتي عليها

الله يهديكي بس
 
اهلا بك في هذا المنتدى الرائع

غاليتي .. قبل ان تقدمين ع المكالمه اما تذكرتي ربك!!
ماتخيلتي انك ام لخمسة اطفااااال؟؟!! وتبغين تربينهم !!!!
عفوا جبتي 5 منه مااااقدرتي تغيرينه !!!!!!!!! نوعتي في الاساليب وفي طرق النصايح له............!" الحياه ليست طبخ ونفخ واطفال.....الحياه مشاركة هموووم ومشاعر !!!!!!
في البداية انا تزوجت زواج تقليدي
يعني قبل الدخلة لاشوفة ولامكالمات
بعد الزواج ب3ايااام تركني وراح لصحابه يعني حتى شهر العسل مارحت وكان وقت اجازة وماديته كويسة وسكت وصار كل يوووم يطلع
وانا لحالي بالشقة واهلي بمنطقة ثانية انصدمت بالزواج وانا كنت حاطة امال وافكااار وحركات
أنقر للتوسيع...


عفواااا هذه شماعة اخذتها بعض النساء والفتيات في هذا الزمان .......

نصيحتي لك جددي علاقتك مع الله
عليكي بالاستغفار
اوصيكي بقياااام الليل
قوي صلتك لربك
ابعدي عن سماع الاغااااني
اجلسي جلسة مصارحه مع زوجك وقولي له مايدور في خاطرك وكيف تريدينه واساليه عن سبب اهماله وتوقعي ان تكون منه عصبيه زااااااايده ولكن تحملي ذالك حاولي ان تبعدي عنه فتره لاتزيد عن اسبوعين وارجعي له كاول ايام الزواج

اعتبري "....." مات وانسي منه وبدئي حياتك مع الله ثم مع زوجك

اسال الله لك هدايه صادقه صالحه لوجهه الكريم
الله يهديك ويرد لك زوجك احسن من اول وتعيشين انتي وابنائك بسلام وايمان

​
 
محتاجة حبيب قال:
وانا ماناقصني شي مهتمة بنفسي وجميلة اللي يشوفني يقول عروس دوبها تزوجت ودلوعة واحب اضحك واسولف
أنقر للتوسيع...


وييييييين مهتمه بنفسك ودلوعه وانتي صاكه ب خمس عيال في سبع سنوات > شو قطاوه احنا

احمدي ربي ما انحاش منك زوجك وتقولين زوجك يعتبر الحرمه للطبخ والبيت والعيال وانتي خليتي فيها رومانسيه وحب وجنس مدهره حمل وولاده ومغازل وين حسن التبعل ؟ اصلا انتي ما بذلتي مجهود مع زوجك عشان تجيبين راسه وترى اسخف واحقر حرمه على وجه الارض الي تقارن بين زوجها وبين الحرام هذي الخيانه تمشي بعروقها عشان كذا تبرر لنفسها قبح فعلها .......... ماعندي كلام اكثر من كذا اذا الامومه ماردعتك وخلتك انسانه واعيه وش بيدنا نقول ونسوي ... وتذكري انك قاعده تخونين زوجك بماله الي يعطيك وتدفعينه لهذا الخسيس . لو عاش معك تحت سقف واحد عرفتي انه كلب اجرب قاعد ينهش في لحمك.
 
والله قولي لزوجك يابن الحلال ياتتعدل انا ابغى وابغى وابغى وابغى والا ببيت اهلي موجود وروحي لهلك
 
ما قول غير الله يصلح حالك رغم اني تعاطفت معاكي جدا جدا بس دا مايعطيكي الحد لخيانة زوجك ،، اصحي تراه مجرد مكالمات وهو مو حاطك في بالله غير انك مجرد وحده متزوجه وتلبي رغباتها لا اكثر ولا اقل ،،نصيحتي اصبري ع زوجك وحاولي معاه ولا تيئسي ولا تحاولي تعوضي النقص بالحرام الله ساتر عليكي لكن تأكدي ان ستر الله عليكي لن يطوووووول وادا انكشف امرك قدام زوجك ايش حيكون مبررك؟؟ ايش حيكون موقفك قدام زوجك واهلك وابنائك ،،والله موقف صعب جدا ،،حبيبتي حاولي تنسحبي من الوهم الي انتي فيه واستغفري ربك وادعي الله انو يهدي زوجك ويسخرلك في قلبو واتركي طريق الشيطان وماتدري يمكن يكون هو كمان متزوج ويتسلا عليكي وانتي ماتدري ،،الرجال مو ثقه يقدر يضحك عليكي بكم كلمه تأثر فيكي لانو عارف انتي ايش محتاجه وقدر يسحبك لحبالو،، نصيحتي انسيه وتوبي وعيشي حياتك ،، والله يهديكي ويسخرلك في قلب زوجك ويحننو عليكي وتأكدي ان كل دا كذبه لن تستمر
 
ملكة صراحة اسم عاى غير مسمى مالك نفس لاتكتبي ترا تحسب اربع ولادات لاني جبت توام ومنظمة وقتي كل شي بوقته وبيتي هادي الحمدلله
وانا ماسجلت الا ابغى ابغا حل مو يجرحني انا مو ناقصة

ورجاء بنات اللي معصبة لاتكتب
 

/

طيب عارفه انه حراااام وش تبين نسوي لك ؟!!!

تبين شي عملي ؟؟ روحي ارمي نفسك في القبر وشوفي تقدرين تستحملين الوحشه والا لا ...!!

ربي ساتر عليك كل هالسنين ويوم من الايام بينزل العذاااب

الله يمهل ولايهمل ​
 
محتاجة حبيب قال:
ملكة صراحة اسم عاى غير مسمى مالك نفس لاتكتبي ترا تحسب اربع ولادات لاني جبت توام ومنظمة وقتي كل شي بوقته وبيتي هادي الحمدلله
وانا ماسجلت الا ابغى ابغا حل مو يجرحني انا مو ناقصة

ورجاء بنات اللي معصبة لاتكتب
أنقر للتوسيع...


يعني عشان ردي ما عجبك صرت اسم على غير مسمى >> ما اسمحلك اسحبيها لو سمحتي انا اسم على مسمى خليك انتي مثلي بعد ’’رغم الصعاب ’’ ........وبعدين انا مش معصبه انتي الي مروقه المنجا بالمرره مع حبيبك هذا

الي ابفهمه بالمنطق وبالعقل اذا الوحده انشغلت عن زوجها واطفالها قرة عينها والتفت لشخص برى بإسم الحب والحرمان يعني هالشخص اش فيه زوود واش عنده من فتنه رجال زي اي رجال لو عشتي معه قررفتي منه وعرفتي مساؤه و وساخته ونذالته على ايش حبيّبه الأخت والله هذا قلة دين وعقل وبس .
 
حبيبتي كثيرين الي تزوجو زواج تقليدي وأنا وحده منهم ونصدمت فيه وكنت ابكي وقول في نفسي ليش ياربي سويت فيني كذا
ليش بعد ماصبرت على اهلي الي قلوبهم اقسى من الحجر وأنا عندي أمل ياربي انك بتعوضني بزوج حنون يعوضني عن قسوة أهلي
عطيتني هالشخص الي مايفرق عنهم وكنت دايمآ احس أني استاهل أحسن منه بس والله ماقدرت أخونه مو عشانه عشان نفسي ماقدر أخسر نفسي واذا كنت مأخذت الي نفسي فيه في دنيا لحكمه الله وحده هو الذي يعلمها فأنا عندي أمل أن هذا ابتلأ منه سبحانه عشان يكرمني على صبري في الاخره ولازم تكوني متأكده ان الله عند ظن عبده به ان خيرآ فخير وأن شر فشر وبعدين ليش متشوفين نعم الي عندك ويتمناه غيرك وهي تستحق الحمد عيالك صحتك وصحة عيالك ستر من رب العالمين عليك كل هذي الفتره فكرتي ليش وصدقيني هذاشخص الي تكلمينه يكلم غيرك كثير وخاصه وانت تقولين هو يدرس في امريكا حبيبتي أنا عشت فتره هناك وشفت الشباب السعودي الله يهديهم فاضحينا غلبهم طبعآ مو كلهم هو يتسلى معك بلاش ولايمكن يقبل فيك زوجه مستحيل تقدرين تطلقين اذا مو قادره تكملين مع زوجك بس لاتفكرين ان حبيبك راح يقبل فيك زوجه أو حتى يفكر فيك يكفي انك ام خمسه عيال حبيبتي ابعدي عن زوجك فتره وقطعي علاقتك المحرمه وخلي العيال مع ابوهم فتره وانفردي بنفسك وفكري بهدوء ولجئي الى الله بدعاء وبكي بين يديه فهو الوحيد الذي يستحق ان تضعفي بين يديه ادعي ليل نهار واستغفري الله وصدقيني سوف ترين نور قريبا وسوف تذهلين عندما تعرفين كم أن الحل كان سهلآ ولكنك كنت غبيه لنكي كنت تجهلينه وأسف على الاطاله
 
الله يهديك .. الي تسوينه حراام اكيد وانتي عارفه هالشئ .. فاهمه عليك بس ابدن مو حل الي تسوينه

لازم تلجأين لرب العباد الي خلقك وخلق زوجك وخلق كل الناس وانعم عليك بنعم كثيره

اشكريه على النعم الي انتي فيها ... الصحه والجمال و الذريه ..

داومي على صلاة الليل وادعي ربي انه يقوي قلبك ويقوي ايمانك .. ويهديك .. راح تحسين برااااحه مابعدها راحه وادعي وقولي يامقلب القلوب ثبت قلبي على دينك .. واللهم اعني على ذكرك وشكرك وحسن عبادتك ..

اذا صار قلبك عامر بذكر الله هالشئ كفيل انه يبعدك عن الحرام ..

كمان استغفري طوال الوقت وادعي ربي ان يهدي زوجك ويسخره لك ويجعلك ملكه بعيونه .. ومايمنع تتفاهمين مع زوجك تقوليله انا احتاج حنانك وقربك مني واحضنيه وشبعي نفسك وصدقيني زوجك مو صعب بس حاولي والله يهديك ويسخر زوجك لك والله يخليك يا اختي اتركي هالشخص الي انتي تكلمينه وابدي صفحه جديده بحياتك وبدايه نظيفه ... انتي معاك اطفال لازم تخافين الله فيهم وتربينهم على طاعة الله عشان يحترمونك ويحبونك ويبرونك ...

اتركي الماضي وابدي من جديد ..
 
حبيبتي هداك الله
اخ بس
حاسه فيك انتي تزوجتي عشان تسمعين الكلام الحلو وعشان يكون في شخص تهمه سعادك ويريحك
بس مو عشان مالقيتي من زوجك هذه الاشياء تروحين تتعلقين بواحد
طيب هذا لا بيقدر يتزوجك ولا رح يجلس طول عمره بدون زواج
تعلقتوا ببعض عى الفاضي
نفسيتك رح تدمر اذا تزوج
من غير ان هذا شي مايرضي رب العالمين
كان الله في عونك
حبيبتي الجئي الى الله وصلي وادع ينسيك هذا الرجل ويقنعك بحياتك
تقربي من الله وابعدي عن الحرام بقدر المستطاع
انا اعرف انك تحبيه والحب صعب بس اظغطي على قلبك
حبي ربك اكثر من اي مخلوق على وجه الارض وابحثي عن رضى ربك
موفقه
 
الله يهديك بس ماعندي رد غير كذا
لكن لاتنسين ان الله قااادر على كل شي يعني ممكن الله يعاقبك في اغلى ما عندك وياخذ منك اطفالك واحد تلو الاخر لاسمح الله
ووقتها ماراح ينفع الندم,,,​
 
اختي الغالية فكري انك اغلى من انك تكون لأحد حتى لو مكالمات واوجه كلام للي يلومونها انا ماأيدها على خطأها لكن من منا لايذنب وخير الخطاؤن التوابون وياما ناس لاموا الآخرين على اخطائهم ووقعوا في نفس الاخطاء الحل لهذي المشكلة انك تقوي صلتك بربك اول شي التزمي بأذكار اصباح والمساء دايما رددي اللهم اني اعوذ بك من الهم والحزن والعجز والكسل ..........الخ ودعاءاللهم اني عبدك ابن بدك ابن امتك ناصيتي بيدك........الخ كلها تلقينها في كتيب حصن المسلم لاتستهين بالاذكار راح تقوي الصله بينك وبين الله وراح تحسين بالراحة وتستصعبين الذنوب وتدريجيا تتركينها
 
بما أنك طرحتي الموضوع فأنتي بدأت مرحلة التغييييير ..

ياحبيبه ...

الأمور لانعالجها بهذا الأمر ..

يقينا لاينقصك حب من أي طرف كان حتى تحتاجي لغيره ..

لكنك تعاميتي عنه وانجرفت خلف الوهم ..

ياغاليه اليس لك والد ووالده واخوة واخوات .. لو حكيتي لهم همومك انسووووك مانت فيه من حرمان

والله محبة الأهل تغني عن أي محبة من الناس حتى الزوج ..

لأنهم اكثر الناس خوفا ورحمة بك وتعاطف ويفدونك بما تريدين ..
ثانيا اليس لك اخوات في الله إذا لم يكن فالتحقي بدور التحفيظ تجدي اسمى الحب ..

والذي جعله النبي من اوثق عرى الإيمان .. وعاقبته في الآخرة منابر من نور ..

واما عن زوجك ..
فهو يحبك
يحبببببك كثيرا لكنك لم تفهمي قلبه ..

الرجال بافعالهم يعببرون حتى من ظننتيه حبيبا لك لو عاش معك فعل مثل زوجك ولكن لاحيلة له الا الكلام فعبر بالكلام ..

زوجك لو لم يحبك لما كان معك على فراش ولم تنجبي منه هؤلاء الأطفال ..

فالعلاقة الجنسيه اقوى تعبير لمحبة الزوجة لما لاتستمتعين معه فيها .. ام انه يعكر عليك ذكرى من تحبين ..

لو لم يحبك لأذاقك انواع الهجران ومرارته كما تتذوقه الكثيرات اعانهن الله ..

لو لم يحبك لما وفر لك مالا فعلتي به مافعلتي ..

ولكن انتي لم تدعي لنفسك مجالا لتفهميه أكثر ..

أطفالك اتساءل اين وقت الفراغ الذي يشعرك بالحرمان ...

لي طفلين واشقى معهم طوال اليوم ..

بالكاد أجد الفراغ الذي اقضي فيه بعض هواياتي ..

وياغاليه ..

القلوب كالأسفنج تشرئب ماتراه وتسمع

ابتعدي عن المسلسلات ورؤية المقاطع الكاذبه التي تزخرف الحب بقوالب لاتمت للواقع بصلة ..

انهم ياغاليه يقومون بدور تمثيل ..

هو وقت وينقضي ..

والإنسان كما وصف الله في كبد في هذه الحياة ..


هل قرأت القرآن بتدبر ..

هل فهمتي خطاب الله ..

في نداءه وقوله ياعبادي وتلطفه بنا ..

ياغاليه الله تودد الينا بعم عظييييييييييمه

بالليل والنهار لايسعنا ان نخرج في غمضة عين من لطف الله ورحمته بنا ..

اكثري من مشاهدة مآسي المسلمين لتشعري بحجم النعم التي تحيط بك ..

زوري المرضى

انظري للأرامل ..

اعرف واحدة ذات جمال وكل مايتمنى الرجل ..

مرت بها ظروووف قدرها الله فكانت تقول اتمنى لو نصف رجل المهم اني اشعر أني امرأة ولي ابناء ..

فها أنتي ملكتيهاكلها ..

فلا تجعلي النعم تذهب عنك بشؤم المعصيه

وانصحك أن تسمعي للدكتور محمد راتب النابلسي ع اليوتوب في شرح اسماء الله الحسى

فله وقفات تجعل البدن يقشعر


وفقك الله يغاليه

وللخير سددك

ونحن هنا اخواتك ...


متى احببتي ان تبوحي بما يضايقك فقلوبنا تتسع

وان كان قسى عليك بعضهم فلأنهم يحبونك ولايريدون مكروها لكي


فالمؤمنون نصحه والمنافقون غششه


حفظك الله وجعل قرة عينك فيما يحب ويرضى


وطمئنينا عنك ِ
 
الحالة
مغلق و غير مفتوح للمزيد من الردود.
عودة
أعلى أسفل