احبه ويحبني ولكن..

[قلبي للبيع]

السلا م عليكم و الرحمهـ


انا فتاه ف الـ 22 من عمري خليجيه

مطلقه..

احببت:icon26: لي شخص من 3 سنوات تقريبا

خليجي الجنسيه .. عمره 27 سنه:icon31:

يحبني و احبه
ولا اقدر على فراقه :tears:
حاولت ابعد عنه كثير و تعبت و مرضت و دخلت مستشفى
واهلي مو عارفين ش السبب

هو بعد حاول يبعد عني بس ماقدرت قعدت اترجاه يرجع لي
ورجعنا لبعض بعد 5 اشهر من الفراق .. و التعب..[ النفسي و الجسدي]

من يومين تهاوشت معاه و دخلنا في موضوع الزواج:sad_1:

هو من او ل ما عرفته كان يعاملني معامله زوجه
يحبني و يخاف علي و يداريني

قالي راح اتقدم لك بس اخاف اهلك يردوني لاني ما عندي وظيفه:busted_red:
:icon31:<<< مع العلم انه تاجر و مرتاح ماديا

و الوظيفه بالنسبه له مجرد شكل قدام اهلي عشان ما يقولون من وين بتعييييييشها

بس ومن ساعتها انا خايفه اقوله يجي و اهلي يردونه...؟؟؟:schmoll:

قالي القرار لك تبيني اجي بجيك

المشكله بعد اني خايفه اهلي يشكون بالموضوع
خاصه انه من دوله ثانيه :surrender:

انا متاكده من حبي له
وحبه لي و ماقاعدين نلعب علاقتنا واضحه من البدايه


اتمنى تفيدوني

ماني قادره انام خايفه و مابي اخسره :sadwalk:

 

[الريم 2008]

خلية يتقدم بس ماني متأكدة من نجاح هذا الزواج

 

[قطـــــريه]

اختي صراحه استغرب ان يقولج ماعنده وظيفه وهو على كلامج تاجر .. ليش هاي مب شغل ؟ وبعدين انتي شدراج انه تاجر ؟ وعنده تجارة ومرتاح ماديا ؟؟ وثاني شي معلوماتج عنه وشهي مصدرها ؟؟ اذا منه ! اسمحي لي انتي مينونه اذا صدقتيه من غير اثباتات .. لان النت مشكلته محد يقول الصج وممكن الواحد يقول عن نفسه غني وهو معدم .. الي مب مريحني انه قالج انه ماعنده وظيفه وهو تاجر يعني المفروض يقول والله انا تاجر ليش ما يقبلون فيني ؟ ليش التجارة بسيطه ؟ الا اذا كان تجارته اي كلام وخرابيط او تاجر شنطه أو بقاله او او او .. انتي تطلقتي مره وشكلج تبين تقطين نفسج في نار بتحرقج بروحج .. توج صغيرة والعمر قدامج .. وصدقيني لو تموتين فيه وتزوجتيه وطلع مب تاجر ولا مستواه ضعيف جدا بتكرهينه .. انا كنت مطلقة وتطلقت وعمري 29 وتميت سبع سنوات ارفض اي حد يتقدم لي لاني مابي اغلط مره ثانية واتزوج بس عشان اتزوج وقلت زواجي الثاني بيكون بعقل ويكون مريح مو متعب مابي اتبهدل اشحادني ؟ والحمد لله تزوجت وانا عمري 36 سنه .. زواج عقل وراحه ما قلت انا مطلقة وكبيرة .. وعندي ولد بعد .. لا تستعجلين والله بتندمين الحب مو كل شي لا تبهدلين عمرج مع انسان عرفتيه بالنت وبس وكل معلوماتج عنه منه هو .. الله يستر عليج

 

[روح الحياة]

خليه يتقدم و لكل حادث حديث

والله يجيب الي فيه الخير

 

[الاماسة]

ووفقكم الله لما يحبة ويرضاة--

 

[هزي يانواعم]

الرجل اذا بغى يلف ويدور يدور اعذار من اوله اخاف يرفضوني قولي تعال وماعليك ثم اسالي عن تجارته هل هي صحيحه او حقة ابوه عموما الي يحب صدق يدور وظيفه مهب رجال هو يدور ايش ورها اذا لقى يتم الزوج اذا مالقى شيلي الزوج من رسك

 

[dawn14]

احس اني مو مقتنعه بالفكره
الله يوفقك

 

[لاست بريث]

لا تثقي به

 

[القمر المنير200]

إذا تبين تعرفين انه جاد قولي له خليه يتقدم لك

و أهلك بيسألون عنه و عن نوع التجارة اللي يشتغلها

 

[انا اعترض]

استخيري الله .. وانتي بروحج بتعرفين الجواب .

اتعرفين اختي بقول لج شي .. اموووووووووووووووووووووووووت قهر يوم حد يقول لي ((هو من او ل ما عرفته كان يعاملني معامله زوجه
يحبني و يخاف علي و يداريني ))

انزين يوم يحبج خليه يتفضل واذا اهلج ردوه وهو يحبج بيحاول يقنعهم ..وبيتقدم لج بدل المره الف .

 

[توما]

الاسباب الي قالها مو اعذار بتاتا

هو لو يبيك وشاريك يجي ع طوووول يتقدم وبعدها لكل حادث حديث


كلنا حبينا وافترقنا ومرضنا وتعذبنا بعد لكن الحمدلله الله عوضنا باللي أحسن


خل يتقدم لك اختي وبعدين تبان نواياه ...



الله يوفقك

 

[اميرة الورد2]

الاسباب الي قالها مو اعذار بتاتا

هو لو يبيك وشاريك يجي ع طوووول يتقدم وبعدها لكل حادث حديث


كلنا حبينا وافترقنا ومرضنا وتعذبنا بعد لكن الحمدلله الله عوضنا باللي أحسن


خل يتقدم لك اختي وبعدين تبان نواياه ...



الله يوفقك

السلام عليكم
احب ان اقراء المواضيع وليس الردود فقط

 

[المملوحه 2]

استخيري الله .. وانتي بروحج بتعرفين الجواب .

اتعرفين اختي بقول لج شي .. اموووووووووووووووووووووووووت قهر يوم حد يقول لي ((هو من او ل ما عرفته كان يعاملني معامله زوجه
يحبني و يخاف علي و يداريني ))

انزين يوم يحبج خليه يتفضل واذا اهلج ردوه وهو يحبج بيحاول يقنعهم ..وبيتقدم لج بدل المره الف .

كلام الاخت صحيح خليه يتقدم لك والله يوفقك

 

[بناتي دنيتي]

مهدي لامك وصارحيها اذا قدرتي وخليه يقول انع تقدم عن طريق احد من جيرانكم القدامى وشوفي صادق بيجي ولا كذاب لاتعلقين نفسك بوهم الله يوفقك

 

[فورسيزنس]

ابد لايشكون ولا شي قولي من جماعة زميلاتي بالدراسة او اذا انتو من النوع اللي تسافرون برة ان تعرفتي على اختة واعجبت فيك اي شي الكذب في هالحالات جائز لانة يجمع راسين بالحلال وهاللة هاللة بالاخلاق الزينة قدامة لان كل حركة تسوينها محسوبة عليك الان لانك بتكونين زوجة المستقبل وشوفي عن تجربة كثري الاستغفار وشوفي نتائجة المريحة واللة يوفقك

 

[عيون عزيز]

الريال شكله يلعب عليج ....اتركيه عنج ...

 

[خزامى 1]

الله يكملك بعقلك يالقطريه وان مازيد عليه

 

[Wise Woman]

انا مع كلام اختي حبيبتي القطريه...الله يكتب لك الخيره..بس انتبهي من الطريق الخطأ..الي بدايته خطأ الله يستر من نهايته....

الله يعفو عنا وعنكم يارب

 

[الجواااان]

وشلون تتزوجين واحد وانتي على علاقه معه ماتخافين اللي خلاه يكلمك يكلم عشر غيرك ؟؟؟؟؟؟؟؟

 

[عابـــرة سبيل]

الله يكتب اللي فيه الخير

نصيحتي لكي (( لاتتعلقي بالمخلوق تعلقي بالخالق ))
أجل تدخلين المستشفى عشانه ... الله يعينك بس