اجل ليه نعرس

ا

ام الغاليين**

New member
إنضم
2008/03/19
المشاركات
180
هذا الله يسلكم عنوان وحدة من البنات كاتبة موضوع عن الجفاف العاطفي من قبل الازواج عاد ان قريت رد واحد معصب وحبيت انقلة لكم
فعلا انا معك
مانعرف نقول كلام حلو ورومنسي لأننا ماتعلمناه في صغرنا ومراهقتنا ولا فيه امل نتعلمه الحين ولاعمري سمت ابوي يقوله لامي وبالتالي مستحيل نعلمه لعيالنا
يعني انسوا مسأله الحكي الزين في الحاضر والمستقبل
لكن انتم اكبر همكم الكلام؟
يعني هل الزواج عندكم قرق في قرق
مافيه مهام كثير جداً بين الزوجين بعد الزواج غير الكلام والمدح
حنا الرجال مانحب احد يمدحنا في وجيهنا وبالتالي مانعرف ولا نبي اصلاً نمدح احد في وجهه خاصه القريبين منا
اذا رجال طول وعرض كريم مع زوجته وعياله يكد الليل مع النهار مايخلي عليهم قاصر امن لهم بيت واثثه لهم وحرم نفسه من اشياء كثير في سبيل توفيرها لزوجته وعائلته طيب القلب والمعشر لاينقصه شي من الصفات الجميله اللهم فقط انه لايعرف ان يتغزل بزوجته
الزوجه تنسى هذا كله ولا تقيم له وزن
ويصير بعد هذا كله كخه؟ ولا يصلح زوج؟ وفرقاه عيد؟
انتم ماتشبعون من الحكي؟ حياتكم كلها حكي في حكي؟
مايكفي فاتحين افاميكم طول اليوم بتلفون البيت والجوال في العزايم والزوجات اللي يجلس بين حريم كأنه جالس في منحله هذا
انتم ماتوجعكم روسكم؟
ماتوجعكم روسكم
انتم مالعب فيكم الا المسلسلات التركيه
لاعاد تتابعون مسلسلات وربي يرزقكم
ترا كل اللي في المسلسلات تمثيييل
ترا في حياتهم الطبيعيه خيانات من كل الطرفين
احمدوا ربكم يوم رزقكم الله برجاجيل مثلنا راضين بالقدر خيره وشره​
 
هلئ عالمثال يلي ضربوا الرجال يلي مو مقصر الا بالغزل
اكيد مافي احسن من هيك
ومافي مشكلة اكيد حشوف تعبو محبة وغزل
 
ههههههههههههههههههههههههه هعععععععععععععع
من جد معصب الرجاااااااااااال
بس والله لو قبل الزواج مايقول هالكلام تلاقين الكلام الحلو يطلع منه بدوووووون شعور
بس الحمد لله مافيه وحده تجحد اي شي مسويه لها زوجهااااا
 
والله يا بنات بعد كلام صرت اتعاطف مع الرجال مدري لية احس احنا فاضيين وهم مشاغل وهموم العمل بس لا تهاوشوني
 
ام الغاليين** قال:
والله يا بنات بعد كلام صرت اتعاطف مع الرجال مدري لية احس احنا فاضيين وهم مشاغل وهموم العمل بس لا تهاوشوني
أنقر للتوسيع...


فديت اللي خاااايف .. ويقوووووووول لاتهااوشوني..

بس بيني وبينكم.. كلام .. هالريااال فيه من الصحه الكثير ..

عندكم ريلي.. كلااااااام حب قحط مااافيه .. هههه.. بس استوى شوي يمدحني

يعني طبخي.. وكشختي .. واهتمامي .. فيه .. ههههه ماابغيناااا

بس انا اشوف كل شي في افعاله .. يعني .. ماايقول بسوي لج وبسوي .. لا . . لا .. كله افعال

عكس ريل اختي .. يشبعهاااااااا ... كلام حلوووووو وروماانسيه وغزل .. عمره مانسى يوم ميلادها

او عيد زواجهم .. لكن فعل ماااافيه .. بربره على الفاااااااضي ... بس اقلها .. يعطيها .. كم كلمه ترد الروح

وريلي افعااااااال .. وافعاااااااال .. ماايقصر علي وعلى عيالي .. بشي .. يحرم نفسه عشااااانا ..

تعتقدون .. منو الافضل فيهم >>>>>>> اختي لو قرت ردي بتعصب ههههههههههههههه

انا اشوف ريلي .. واللي على شاااكلته .. ريلي شمالي .. واختي ريلها جنوبي ..

وموفقين ..
 
طيب والي طايح مغازلة في بنات العالم الا زوجته هذا ايش نقول عنه كمان مايعرف يتكلم ولا يتغزل
 
اممم .. هل فعلااا نحن النساء نحتااج إلى كلاام حلوو من رجل ...؟؟
مثلاأأ انا لا انتظر من رجل ان يمدحني او يتغزل فييني ..!!؟ لا اشعر بهذا الميوول
لكن في نفس الوقت (للمتزوجاات) مب حلوه ان يتغزل في خلق الله ونااسي زووجته في البييت ..
 
اصلا ماتحلى الحياة الزواجية
الا بالكلام الغزل والمدح
وليت الرجال يكون كذا يعني مايفكر الا بزوجتة وعياله
يعني ماعنه خراااااااابيط كان واللة نعذرة ومانتشرهة عليه
 
ياسلاااام هذا الرجال مغفل ولا يستهبل اصلا تكوين المراة العاطفي غير عن الرجل هو يتكلم بمنظوره لانه مو بحاجة لهالكلام بس من المنظور والاحتياج النسائي المرة ماتقدر تعيش بسعادة من غير كلام الحب والمديح والغزل هذا اللي يقوي انوثتها ويغذيها ومن غيره تموت انوثتها الانسان العاقل يعامل اللي قدامه حسب احتياجات الشريك مو بحسب احتياجاته هو
 
ايه والله صدقتو ياخواتي طايحين في غيرنا غزل وعندنا تعبانين ومشاغلهم كثيرة بالصدفة عرفت انو زوجي مشترك في منتدى مع وحدة من بنات الحرام الله لايوفقها يارب وها ت ياقصايد وكلام غزل ومسخررررررررررره مالها داعي والمصيبة انها مشرفة مميزة في المنتدى ولما فتحت مواضيعها ماسسسسسسسسسخة مالها داعي عن الحب والهيام وعن حبيبها اللي مايدري عنها الحمدلله والشكر هههههههههههههههههههههههه
 
الحين هالرجال مسوي فيلسوووووووووووووف علينا
يعني الكلام الحلو صار قرقره وكلام مسلسلات ؟؟
اصلا لو فكر صح راح يلاقي الكلام الحلو لزوجته راح يؤجر عليه
يعني عصفورين بحجر اجر وكمان يكسب حب زوجته
بس مااقول الا مالت على هيك رجال ههههههههه
 
اشك والله اعلم ان هاالرجال خربوطي ماعنده سسسسسسسسسالفه
مافي احد مايعرف يتغزل خص نص شباب هااليومين
تصدقوووووون اول اذكرو اسم الله
ان جدي يتغزل بجدتي الله يحميهم من كل عين ويخليهم حق بعض
يعني اللي ماعندهم شهااااادات يعرفو
والبنت كلمة احبك يكفيها اعتقد هاالشي مافي صعوووووووووبه
صح يابنات ولا اباااااااااالغ
 
ياليت جاءت على الكلاااام الحلو احنا كنا صبرنا زى ما احنا صبرنا عليهم..... اذا ما تعلم فى البيت زى مايقول الاخ كماااان ما تعلم ودرس فى المداراس كيف الرسول صلى الله وعليه وسلم يتخاطب وكان يتعامل مع الامهااات المؤمنين وكيف اوصنا على الابتسااام فى وجه اخيك المسلم... وموتدخل على زوجتك واهلك كانك متهواش واذا واحد من ربعك دق على تلفون تبسم وتضحك وتسولف وبس تسكر الخط ترجع ذاك الديناصور !!! ومعليش لا تحط اخطاك على الافلام يااخى ولا ما اعتقد الرجل التركى او المصرى او التونسى يعامل زوجته زى ما تعاملها !!! ترا الدين اخلاق والخلاق قدمه على العلم.
 
كل هالهذره وما يحب الكلام اجل لو يحب يتكلم ايش يقول !
 
الحل الوسط افضل شي بس والله مرررررررره انصدمت في كلامه بس نحنا منبغى كذا ع طول لازم يكون الزوج دبلوماسي شوي مو كل الوقت تعبان ومرهق ويمن ع عياله انه يتعب ويكد عليهم حتى الزوجه المسكينه تتعب وتحتاج انه يمدحها ويعبر عن حبه لها .والله يعين ويوفق الجميع
 
يابنات

ناعمة الهاشمي قالت غيريه بانتقاء الكلمات

وغير كذا رجالنا من جد مايعرفون ومن احنا صغار عيب احد يتغزل بزوجته ونستحي من هالاشياء
والبعض خايف من الحسد ماتحب زوجها يتغزل فيها ولاحتى قدام عيالها
لان بنظرهم عيب
صدقوني في حريم ازواجهم اتغيروا منهم هم انفسهم اول شي الروقان وماتعصبي انه مايتغزل

وانت تغزلي بس بحدود عشان يستمتع بالكلمة ويحتاجها وبعدها هو راح يتغزل فيك بالتدريج اهم شي يابنات انه الكلمة الحلوة تكون صادقة وطالعة من القلب لانها بتدخل
القلب مباشرة وبيكون لها اثر على ابو الشباب اما الثرثرة بس عشان ينقال كلام حلو ومجاملة اكيد زوجك ماراح يحبها منك
جربي نظرات العيون راح توصله معلومة انه تحبينه افضل من انك تقوليها

وخلي شعارك
لايأس مع ابو الشباب في سبيل حياة سعيدة
لاتستعجلون على رزقكم وربي بيرزقكم


 
يجب تسجيل الدخول أو التسجيل كي تتمكن من الرد هنا.
عودة
أعلى أسفل