اتمنى اتطلق!!!!

[القمرى]

مرحبااااا ياحلوات كيفكم انا متابعة معاكم من زمان بس قليل اشارك بردود

انا مشكلتي اني ابغى اتطلق بس ماني عارفة وشلون!!!!!!!!!!

بقولكم حكايتي من البداية تزوجت زواج تقليدي خطبني واحد من اقاربي
وتزوجت بدون تفكير الرجال مواصفاتة كويسة ومستواه التعليمي والمادي
جيد شجعوني اهلي على الموافقة المهم تم الزواج من اول ليلة اكتشفت اني
اختلف مع زوجي بكل شي يعني مافية شي نشترك فيه ابدا زوجي رجل طيب
وكريم مايحب كثرة الكلام ولا المشاكل في بداية زواجنا كنت اختلف معاه كثير
لكن الحين قلت المشاكل بس عجزت وانا احاول اني احبة ماقدرت احترمة واخاف
علية بس مااحبة اتمنى احس بمشاعر الحب نفسي اعرف وشلون يحبون الناس
وخصوصا اني قبل زواجي ماجربت الحب وتزوجت عشان احب زوجي بس ابدا مااحبة
ولا اشتاق له بتسأوني عنه ؟؟هو يقول انه يحبني بس صراحة مااحس انه يحبني
الحين لي اربع سنوات متزوجة وعندي ولد حياتي مملة لدرجة مااحد يتخيلها مافيها
اي مشاعر وخصوصا ان والدي ووالدتي متوفين وللأسف الزوج اللي كنت اتمنى
انه يعوضني ابدا ماهو حاس فيني
بنات الله يخليكم قولوا فيه احد مثل حالتي حياتي مالها طعم :icon1366:
ابغى اتطلق يمكن الله يرزقني بزوج يحبني واحبة صدق بس خايفة من الطلاق:in_love:

 

[خوية الــذات]

حرآآآ م عليكـ

تعتقدين هذآ سبب مقنع بنظركـ للطلاق أختي

عندك طفل

وزوجك مره طيب يكفي انه محترمك ولا يهينك ويضربك ويخونك وتقولين تبين تتطلقين

راجعي نفسك صدقيني انتي تحبينه بس مو حاسه بنفسك

بينكم عشره وضنا مااتوقع تهوووون

وصدقيني حتى لو تطلقتي وسويتي اللي برأسك راااح يكون زوجك الثاني يمكن تحبينه بس يعذبك

فكري زين مااحس عندك مشكله

 

[meme20]

صج ماعندج سالفه

تعوذي من الشيطان وسافروا في اجازة العيد

 

[توما]

صباح الورد,,
أقول لاتجيبين طاري الطلاق قلبي
لانك لو تطلقتي ماراح يتزوجك الا شااايب ,,,قلبو هذا لو جااا
حبيبتي الحين كثير نسبة العوانس
المهم انا اعاني بنفس الي تعانين منه
بس بالعكس
وراح اكتب موضوع عن زواجي وحياتي الممله انا طبعا رجال مو بنت بس هالمنتدى جدا روعه واحب اشارك فيه واستفيد وافيد
دمتي بخير

رجال؟:surrender:
مو مستوعبه؟؟؟؟



المهم لصاحبة الموضوع
ماتحسين زوجك يحبك؟
لانك انتي مو معطيته المجال حق يبين لج
لالا اختي لا تطلبي الطلاق عشان بس تحسين انه ما يحبك
انتي حاولي تتقربين له وتتوددين
ومو معقوله اربع سنوات وما لج اي مشاعر حقه
يكفي يكفي الاحترااام وهذا ولدكم الله يخليه شلون جاء على الدنيا؟
لازم بينكم موده ومحبه ويمكن تحبينه بس مو داريه لنفسج
لان فيه ناس جذي اختي وقت الفراق تطلع المشاعر وسأليييييييييينننيي :sad_1:
اذكري الله وادعي الله ان يسخر قلوبكم لبعض وترتاحون

 

[AUDI]

الله يصلحك , وش هالحكي ؟!!! زواج تقليدي كلنا تزوجنا على قولتك زواج تقليدي والحب يجي بعد الزواج ومع العشره يزيد ويكبر ...
ونصيحه شيلي فكرة الطلاق من راسك , حلوه ذي ربي منعم عليك بزوج طيب وكريم وموراعي مشاكل ولا بربرة ومعطيك ربي ولد زي الفل يعني مستقره والحمد لله وتهدمين هذا كله على ا مل انك تتزوجين واحد تحبينه !!!!!! طيب مدام عندك عواطف وطاقه حب وجهيها لابو ولد !!! مشكلتك انك مقتنعه انك ما تحبينه !!!
وصدقيني لو لا قدر الله يصير له شي او تسمعين انه بيتزوج غيرك كان تنهبلين !!!!

 

[basmah]

هذا تأثير المسلسلات التركيه وغيرها
التي تخدعنا وتمهمنا ان الحياه الزوجيه مبنيه على الحب ليس حبنا نحن الزوجات الطبيعيات لازواجنا
لا حبهم غير ويكبرونا وحركات وهمسات
صدقيني كله كذب فكري بحياتك عدل وتخيليه سافر او تزوج عليكي او لاقدر الله مات بعدين اوصيفيلنا شعورك
بتلاقي نفسك مو بس تحبيه الا تموتي بدبابيبه
الله يهديكي تعوذي من الشيطان

 

[أسيرة الوفا]

أختي ..

أنت والله في نعمة لا تقدري ثمنها سبحان الله ..إلا إذا فقدتها ..

قال تعالى ((َعَسَى أَن تَكْرَهُواْ شَيْئاً وَيَجْعَلَ اللّهُ فِيهِ خَيْراً كَثِيراً ))النساء19

أين أنت من قول عمر بن الخطاب رضي الله عنه لرجل أراد أن يطلق زوجته "لأنه لا يحبها"

: ويحك! ألم تبن البيوت إلا على الحب؟ فأين الرعاية وأين التذمم.

أختي ..

استغفري الله .. وتعوذي بالله من الشيطان الرجيم

وفكري ما هو الحب ؟!

إن أجبت على سؤالي سوف تتخطي كل تلك المشاعر التي تشعري بها ..

أسأل الله لك الهداية والصلاح

 

[ميرال2009]

لاحول ولاقوة الا بالله
يعني الطلاق صار هين لهذه الدرجه
خلاص صارت كل وحدة بمجرد انها ماتحس الحب تطلب الطلاق بكذا بنصير كلنا مطلقات الطلاق ياختي الطلاق ماهو هين انتي تدرين ان ابغض الحلال عند الله الطلاق كمان المصيبه ماعندك اي مشكله زوجك طيب ويحترمك والمصيبه العضمى عندك ولد وكمان تبغين الطلاق فين تبغين ولدك يروح تبغين ولدك يبقى مشتت بينكم او انك مافكرت في ولدك فكرتي بس في نفسك تخيلي لو تطلقتي واخذ ولدك منك اش بتسوين بعدين بتندمين ماعاد يفيد الندم تخيلي تزوجتي واحد يخبطك قايمه ويخبطك قاعده بتقولين ياليت خلاص ياليت ماعاد تنفع انا مااقول هذ الكلام الا لمصلحتك وسامحيني اذا كنت قاسيه عليك شوي بس كله عشان ابغا مصلحتك يااختي تعوذي من الشيطان هو الي يوسوس لك ويزين لك الطلاق حاولي تقربي من الله في اخر الليل واكثري الدعاء بعدين بتشوفين طعم السعاده تقربي لزوجك انتي حببيه فيك ولاتخلين الشيطان يلعب بافكارك

 

[*ام نوف*]

توقعت عندك مشكله
مع اني موشايفه اي مشكله انا مريت مثلك كنت كل شوي اتمشكل مع زوجي
ومااواطنه بعيشة ربي وجبت منه طفلين وكل مازعلت رحت قعدت عند اهلي اريح منه
ومافيه اي اتفاق بيننا لابالتفكير ولا بالعواطف بس الحين بعد 5سنين بالضبط بدينا نتعلق ببعض
ولايقدر على فراقي ولاانا بعد
ولاتعلقين حياتك على العواطف مره انتي شكلك رومانسيه بزياده يعني محتاجه تدليل شوي ومو محصلته مع زوجك دوري لك مدخل وحسني من جو البيت ودخلي له السرور ودام زوجك مومقصر معاك وكل مواصفاته حلوه ورزقك الله بمولود فانتي بنعمه فلاترفسينها برجولك تتندمين بعدها على فقدانك لها

 

[دانة_بوظبي]

حريم يمووتن في اليوم 1000 مره .. وينضربن .. ويتحملن خيانات ازواجهن عشان اولادهن ..
وانتي وينج عن هالحريم .. مافكرتي بولدج ...

ادعي ربج ان يولف بين قلوبكم ..


ولاتتسرعين وتندمين

 

[@غلا @]

كلمة طلاق مو سهله يعني لازم تفكرين مليون مره قبل لاتفكرين با الطلاق وبعدين مين منا مايشتكي من ها المشكله وبعدين فكري بولدك الله لايفركم عن بعض الله يحبب زوجك فيك ويحببك فيه آمين

 

[العيون الغرقى]

تبين ابادلك بزوجي الخاين اللي يمد يده علي وعلى عيالي ويخوني حتى مع الشغاااااالة السرلانكية وفي نهار رمضان ولا وازع ديني ولا خوف من الله (شرايك يا حلوة يمكن تحبينه !!!)

اقوووول احمدي ربك واقضبي ارضك ولو تبوسين رجول زوجك اللي هذي مواصفاته ماتلحقين جزاه
اقري وردك وارقي نفسك لاتكونين محسودة عليه..
اسال الله ان يلقي حبه في قلبك ويلقي حبك في قلبه ويرزقكم من فضله

 

[حبيبة فيصل وبس]

صراحه ماعندي كلام اكثر من اللي قالوه الاخوات
الله يجزاهم خير كفو وفو

 

[دلع المدينة]

اتقي الله هذا سبب غير مقنع للطلاق انتي ماتشوفي البنات يبغون زوج بس يبغون يعفون انفسهم من الحرام الله يهديك انا اقولك كيف تحبي زوجك خلي الاستغفاردوم ع لسانك بنية ان الله يضع حبه في قلبك وحبك في قلبه كل ليلة قومي بسورة البقرة اربع ركعات واذا ماتقدري اقرإيها كل يوم حتى لو تجزئيها بعد شهر اتمنى تكتبي ايش صارلك والله نصيحة ونصحت فيها كثير وتحققت كل الي يبغوا ودائما ادعي بسجودك اللهم اجعله قرة عين لي واجعلني قرة عين له وجملني في عينه وقلبه وجمله في قلبي وعيني والله يهديك ويحببك بزوجك وانتي عيشي حياتك بدلع وشياكة وخلي عطورك نفاثة لزوجك ترا الرجل يحب التغيير وغيري ديكورات غرف نومك وسوي حركات انتي ادرى وها المنتدى مليان افكار وحركات حلوة الله يجزاهم خير لاتخلي الشيطان يضحك عليك وشيلي فكرة الطلاق من راسك واحمدي ربك انو عندك زوج ورمضان فرصتك لاتضيعيه لاتزعلي من كلامي لو كان قاسي ولاتغرك المسلسلات والله كلها خراب للبيوت وغزو داخلي احنا غافلين عنه واسال الله ان يسعدك ويوفقك امين وادعيلي بزوج صالح ترا انا ببيت اهلي واعاني الله المستعان

 

[عطر العشق]

لا حول ولاقوة الابالله

لاتفكؤري بالطلاق عشان سبب تافه

 

[Oofaa]

حرآآآ م عليكـ

تعتقدين هذآ سبب مقنع بنظركـ للطلاق أختي

عندك طفل

وزوجك مره طيب يكفي انه محترمك ولا يهينك ويضربك ويخونك وتقولين تبين تتطلقين

راجعي نفسك صدقيني انتي تحبينه بس مو حاسه بنفسك

بينكم عشره وضنا مااتوقع تهوووون

وصدقيني حتى لو تطلقتي وسويتي اللي برأسك راااح يكون زوجك الثاني يمكن تحبينه بس يعذبك

فكري زين مااحس عندك مشكله

انا معها 100%

 

[بحر الحنين]

حب والله انتي انسانة فاضية بتيتمين ولدك بحياتك عشان ايش مااحس اني احبو لاوبعد يتيمة يعني بتروحين وين عند اخوانك الي اذا ماتزوجو بعد كم سنة بيتزوجون يعني بتكونين الطوفة الهبيطة الى اقعدي يوم شفتية يحبك قلتي ابغى ادور على الحب انتي وحدة فاضية وايش دراكي انك راح تتزوجين تذكري يااختي دعوة المضلوم

 

[بحر الحنين]

سامحيني والله حبيت افوقك بس

 

[أمة الودود]

الله يلهمك التفكييير الصائب أسال الله أن يرزقك محبة زوجك مع أن العشرة الطيبة والاخلاق الحسنة تولد الأنس المودة الرحمة السكن وهذه مظاهر الحب.

 

[ام صوبي]

بصراحه انا كنت زيك احس ان حياتي مافيها حب كنت افكر بالطلاق كل يوم بس والله من يوم دخلت هالمنتدى تغيرت نظرتي للزواج والحياة وفهمت شخصية زوجي وصرت احبه واحمد الله على نعمته بان جعله زوجي واب لاولادي خصوصا لما اقرأ مشاكل الاخوات
لا انكر اني تنتابني حاله من النفور احيانا لكن اتدارك نفسي بالرقيه الشرعيه والدعاء والاستغفار لاني اكتشفت اني محسوده والان اعالج نفسي دعواتك لي بالشفاء وان يرد الله عني وزوجي وابنائي كيدالحساد ويبعد عن شياطين الانس والجن
ونصيحتي ارقي نفسك واقرئي المواضيع المتعلقة بالزوج والزواج وتذكري ان المرأة اذا طلبت الطلاق بلا سبب تحرم عليها رائحة الجنه