اتعبني عناد زوجي؟

[التين الشوكي]

مساء الخير انا ولله الحمد متزوجه من ثمان سنوات والى الان لم اعرف مفتاح الدخول لزوجي عنيد جدا حتى على حساب نفسه مشكلتي انني اسكن مع اهله هم في شقه وأنا في شقه
مهما رحت او جيت لازم يعرفون فين رحت وفين جيت ومع هذا كله زوجي في يد امه ريموت كنترول لدرجة ما تتخيلون اي شي تطلبه منه اعطها اياه وانا ما يعطيني الين ابكي من القهر اقسم بالله انه اهدها غرفة نوم كاملة كانها عروسة جديدة وانا الله اعلم بغرفتي ابي حل كيف اكسب زوجي صفي لتلبية رغباتي بدون عناد منه وصياح

 

[ملكة بعيونه]

حبيبتي اكثري من الاستغفار وقيام اليل والدعاء ان الله يصلح حاله
وتوددي له وحدثيه بوقت يكون مروق عن الي لك والي له
وياليت الموضوع ينقل لقسم الاشتشارات الزوجيه ليلقي
اكثر مشاركات ونصح البنات وهم مايقصرون بالنصح
موفقه

 

[وزيره]

ينقل للمكان المناسب

 

[تشكرات]

شوفي عيوني أغلب الرجال عنيدين بس بنعاملهم زي معاملة الاطفال في عنادهم ونسكتهم بشئ يحبوه فشوفي انتي زوجك ايش يحب وأعطيه طبعا باللين والحنان ..ولا تنسي الاستغفار وصلاة الليل ..مجربه

 

[ام البنات6]

الله يهديه لك


بس لاتقولي تخيلو عطا امه وانتي شايفتها كبييييييييييييييييييييييره الغرفه

لو يعطيها عيووووووونه قليله عليها

يعني حاولي تكسبي زوجك بس ماتكرهينه بأمه او تبينه مايعطي امه او تكبرين الشي الي لهاا

هي لهاا عيونه وعمره قبل ماله

 

[آنهيآر]

/

آعرفي نمطه وآتبعي اللي يرشدك عليه ..!
بس حبيبتي في نقطه مهمه لاتناقشي مع زوجك او تجيبي طآري المقآرنه
مع آمه يمكن ذا الشي يقسي قلبه عليكـ آكثر ..!
آصبري ورآح تلآقي نتيجه بس آعرفي آيش النمط ..!
وآذآ كآن شمالي شرقي فآغسلي آيدكـ مآيهتم للهدآيآ ولايهدي وتعودي ..!​

 

[تؤام روحي وقلبي]

هذي امه المفروض انك تنبسطي

 

[التين الشوكي]

اشكر جميع من رد على في هذا الموضوع لكن والله اني ما أكره أمه لكن أهتمامها فيه زايد عن حده وهذا ومعها غيره مو بس هو اللي تاعبني مقدم اهله على في كل شي وأنا أخر شي كل أخوانه متزوجين ويروحون مع زوجا تهم إلا أنا وين ما روح أمه معاي في أي مكان والله تعبت متصرفاته وتصرفات أمه معاه والشغله صارت عناد في عناد

 

[حلوى المساء]

ليه ما تفكرين تكسبينه من خلال امه من دلع وحركات وهدايا

وطبخ وغيره واعزيمها عندك كثير المهم لنها تحس انك بنتها مو

زوجة ولدها وبعد كذا هي اللي ممكن تطلب منه ينفذ لك كل اللي تبغيه ​

 

[التين الشوكي]

الله يعطيك العافيه ياحلوى المساء من كثر ما دلعتها حتى الذهب اشتريته لها مو مره وحدة أكثر من مره بل العكس تمردة علي زيادة لدرجة انها من كثر ما تمردة تعزم ولدها عندها للعشاء وانا والله عندي عادي اذا راح
لكن الى يقهرني اذا كان مثلا مشغول ولا راح ارسلت له عشاء واذا جابته ما تعطيني ايها تدخله بنفسها المكان اللي ولدها فيها لازم تعطيه في يده وزيدك يوم كل الجمعة اصحى بدري وسوي القهوة والفطور وبخر البيت وقبل الصلاة بساعة تتصل عليه وتقول اصحيك خايف تنام عن الصلاه لان زوجتك راقدة بالله وحده زي هاذي وش اصلح معها ولله الحمد ومن فضل الله علي انني اجيد الطبخ فموت من قهري منها الاجازة مقسومة بيني وبينها هذا وانا معها طوال السنه علما بان لديه اولاد متزوجين غير هذا

 

[بنت ملوك]

استغرب من الي تقارن نفسها بام زوجها ياحبايبي هدي امه والجنه تحت اقدامها اكسبيه عن طريق امه والله يسخره لك