اتصل ع يكلمها زوجي رايكم

[جرحني الزمن]

السلام عليكم خواتي اشحالكم....
اول شي لاحظته ان زوجي من فتره متغير عليه طبعا عرفت ان زوجي يكلم وحده وهو من يومين مسافر قلت خلنيادور في سيارته يمكن احصل شي وشفت البلاوي شفت اربع تليفونات في واحد منهم مسجات بينه وببن وحده معرسه وخذت الرقم و مسجات واللي قريته ان يطلع معاها و لا وعندها ولد ...
حسيت اني انا ولا شي في حياته بس يباني بشكاره عنده هاتي وسوي وبس والله مليت منه ومن سوالفه وتعبت منه تصدقون اني يوم اكلمه يقولي رقدي احسن ولا مابا اسمع منج شي ولا اسكتي هذا كلامه معايه وهذيج يطرشلها وينج وتولهت عليج اتصلي انا منقهره وابا اسوي اي شي فكرت اتصل ع الرقم بعدين قلت خلني اخذ رأي خواتي في المنتدى في خاطري اعرف منو هاي ..
واحس ان زوجي من النوع اللي يمل يعني كل يوم وحده يديده واحين طالعه موضه البلاك بيري والله اشوفه في ايديه اربع وعشرين ساعه...
ماحصلت حد يسمعني صديقاتي كلهم مشغولين بحياتهم....
شو رايكم احين يعني اتصل واشوف منو هاي ولا اتريا انا شاكه انها وحده من اللي يداوم معاهم...اسمحولي طولت عليكم

 

[**دلوعة بابا**]

لا تتصلي ولا شي

اصلا منتي مستفادة شي اذا عرفتي منو اهي

ودامة يمل هذا شي طيب وبصالحك يعني هذي علاقات عابرة موحب وعشق من جد

معناها الحين شغلي عقلك كويس

واهدي له باقات الدلع والحب والدلال

ودامة مسافر حاولي تغيري طلتك سوي نيو لووك

ولا تهتمتي بكلامة الجاقي

ترى ساعات رجال الخليج عموما يحسبون كلام الحب
والدلع مع زوجاتهم شي يهين الرجل او يضعفة

ويحاول يبين ان كل ها الكلام ما همة فيه

والسبب التربية الجافة اللي نشاؤ فيها


باختصار اكنك ما شفتي شي وراقبي من بعيد لبعيد

وانشغلي بنفسك وحاولي تشغليه فيك

 

[3AROOOOSA]

هلا اختي ...

انا مالي خبره ف هالسوالف ,,بس نصيحه مني ,,سوي روحج ماشفتي شي ولا عرفتي شي ,,!!

لكن اذا حسيتي انه قصر معاااج صارحيه قولي له ليش انا قصرت معاك وغيره ,,!!

بس دوم ذكريه ف ربه دووم وقولي له صليت ,,! قريت الاذكار ذكري كل شوي بربه ,,واباج تقولين له شي واحد ,,

كما تدين تدااان ,,!!

سوي روحج غبيه قولي سمعت من حرمه انه ريلها كان يرابع بنات لكن عقب طاح هالشي ع خواته والله بلاهن وانفضحن ,,سوي روحج بريئه قولي حرام شو يخص خواته بس يستاهل اللي يسوي شي ف بنات الناس يستوي باهله ,,

خلي يخااف ..ويداري وجودج ,,ويخاف يصير لج شي عرفتي علي ,,انتي اسلوووبج ,,واذا ماشي فايده انصحج جابلي عمرج واهتمي برووحج وبعيالج ,,

 

[شمايل]

الله يعينك وانا اضم صوتي مع صوت دلوعة بابا لانه لوعرف انك داريه عن الاعيبه بيسويها قدامك علنا وبعدين مايهمه شى

 

[روعة كياني]

حسبي الله ع هالرياجيل من تجربتي وقصص الخوات احساني خلاص تعقدت

 

[ملكة عرشي]

لا لا لا لا لا لا لا لا لا لا لا لا لااااااااااااااااااااااااااااااااااااااااااا
يومك اللي تتصلين بيها راح تعرفك وتكلم زوجك وبكده تحصل مشكلة بينك وبينه (انتي ايه اللي خلاك
تتجسي علي موبايلي وليه ما سالتيني قبل و و ....الخ )
وبعدين شنو حتعملي اكثرها تروحي بيت اهلك تزعلي لك يومين ويجي يصالحك ويقولك خلاص حرمت
وترجع ريمة لعادتها القديمة بعد بومين ويمكن لا يصالحك ولا شي ويقول هذا اخرها لا تقدر تعمل اكثر من كده ويظل يتحدث معهن بالتلفون وعلي عينك يا تاجر ولا عاملك حساب ما هو خلاص عرف شنو هي ردت فعلك
بس هو الان يكلمها من وراك يعني يعملك حساب لانه لا يعرف ما ستفعلين عندما تعلمي وهذا ما يخوفه
خليك كده بس راقبيه من بعيد لبعيد حتي تجمعي معلومات عنها اكثر وتعرفي هي بالظبط ماذا تريد منه
يمكن يعتيرها كاخت يمكن بيناتهم شغل الله اعلم حتي تتاكدي حاولي تمسكين عليها دليل قووووووي
وليس دليل واحد بل اجمعي ادلة كثيرة حتي تواجيه بيها عندما تكوني مستعدة له
ومن راي لا تواجيه ابدا بل الجاي لربك بالدعاء والقران والاستغفار وقيام الليل
وحاولي تغيري من نفسك شوية ليلتفت لك وابعدي عنه قليلا ليفتقدك واملئ يومك بالبرامج كملاقاة الزفيقات والذهاب للصالون والدورات التدريبية حتي تشغلي باله
اسفة طولت عليك لكن فكررررررررري كثيرا واعطي نفسك فرصة

 

[fofoah]

كلمه وحده باقولها لك
دعي المخلوق للخالق
والجئ الى الله بالدعاء
والله لن يخذلك ابدا واكثري من الاستغفار
ماصاره كلمه وحده



خخخخ

 

[الناعمه2009]

انا من رايي تاخذين الجوالات وتسكتين وكانك ماتدرين عن شي واذا سالك انكري وزيدي من التغير كل يوم حسسيه انك غير وغيري حتى اسلوبك وادعي الله قبل كل هذا وقولي حسبي الله ونعم الوكيل

 

[أحلى مدام]

الله يهددي زوجك ويهدي ازواااااج المسلماات ياااارب يااااااكريييييييييم

 

[كلمات مبدعة]

هلا اختي ...

انا مالي خبره ف هالسوالف ,,بس نصيحه مني ,,سوي روحج ماشفتي شي ولا عرفتي شي ,,!!

لكن اذا حسيتي انه قصر معاااج صارحيه قولي له ليش انا قصرت معاك وغيره ,,!!

بس دوم ذكريه ف ربه دووم وقولي له صليت ,,! قريت الاذكار ذكري كل شوي بربه ,,واباج تقولين له شي واحد ,,

كما تدين تدااان ,,!!

سوي روحج غبيه قولي سمعت من حرمه انه ريلها كان يرابع بنات لكن عقب طاح هالشي ع خواته والله بلاهن وانفضحن ,,سوي روحج بريئه قولي حرام شو يخص خواته بس يستاهل اللي يسوي شي ف بنات الناس يستوي باهله ,,

خلي يخااف ..ويداري وجودج ,,ويخاف يصير لج شي عرفتي علي ,,انتي اسلوووبج ,,واذا ماشي فايده انصحج جابلي عمرج واهتمي برووحج وبعيالج ,,

كلامك عين عين العقل

 

[رشة فانيليا]

الله يكون بعونك حبيبتي

بس نصيحتي لك إنك تصيرين غبية قدامه بس

ومن وراه تجيبين سابعها هالمره وتخلينها تمشي بالشارع مصمخه

واستفيدي من القصص اللي تقولها الأستاذه ناعمة

وبنفس الوقت اهتمي بنفسك وتزيني وخلي روحك قوية

ترى الرجال بشكل عام يحب شخصية الحرمه القوية

ولا تنسين الدعااااااااااااااااااء خليه سلاحك الأول والأخير

والله يوفقك ويسخره لك ويسعدكم يارب ياقوي ياعزيز

 

[روح الطهر]

ياختي اغلب الرجال على هذا الحال الله يسخر لنا ولك ولبنات المسلمين

 

[جرحني الزمن]

تخيلوا البارحه متصلي يتضارب معايه ليش مخليه تلفونج في الغرفه وانتي حماره ما تفهمين ما فيج مخ...
والله زعلت وايد وهو دايما يقلل من قدري جدام اهله او يوم بروحنا احس انه حتى ماله خاطر يكلمني او يسولف معايه...
يمكن عشان هو شمالي شرقي وانا جنوبيه غربيه ..
وبعدني مب قادره افهمه عدل..
شكرا خواتي ع الردود

 

[متيمه بحب الله]

تبين الحق طنشيه واهتمي بنفسك وتعلقي بربك وواوصيك بقيام الليل وصدقيني ماوراهم الا عوار الراس والتعب ولاتسألين عن امر ان عرفتيه اساء لك وتفتحين على نفسك ابواب وانت في غنى عنها

 

[ملاك هادئ]

الله يهديه ويسخره لك

الله يجعلك الوحيدة و اجمل نساء الدنيا في عينه وقلبه

الله يفرج همك
امين

 

[أحلى فراشه]

الله يهديه ويسخره لك

 

[عزاه ياقلبي]

اقول ياملااااااااااااااااااااااا القطع يازوج جرحني الزمن
والله مايعرف الحياء بس طنشيه وانا اختك طنشيه بس

 

[مملكه الحب]

حبيبتي انا صار معي نفس الشي وارسلت لهالبنت من جوال زوجي تهديد ان ماابعدت عنه والله لاكلم الهيئه(هيئه الامر بالمعروف والنهي عن المنكر) طبعا وهددتها انه راح اخليهم ياخذوها هي ويجرجروها من بيتها مثل الكلب وتنفضح قدام اهلها
طبعا انا متوقعه انها كانت ميته من الخووووووف

وطبعا كانت علاقتي من زوجي جدا عاديه ومابينتله شي ابد وقعدت استعبط كاني مو داريه بخرابيطه

وخلاااااااص انتهيت من المشكله كل مايدق عليها زوجي ماترد وبعدين ردت مره وحده الظاهر قالتله باللي صار

وبعدها مادق عليها ولاحظته بهذاك الوقت صار يناظرني بنظرات غريبه وانا بنفس الاستعباط كاني ماسويت شي
حسيته صار يحترمني اكثر
وبس الله يوفقنا واياك
ويهدي ازواجنا وازواج جميع المسلمين ----امييييييين

 

[الكنز الموجود]

الله يصبرك

 

[غزال شارد]

الله ينتقم منها هالصايعه اللي ما كفاها زوجها
الله العظيم حاسه فيج حبيبتي بس شو راح تقولي لها ,,خليها تولي
وفاجئي ريلج بتغيرج في شكلج وبيتج وخليج رومنسيه واااااااااايد معاه لين يودرها وتغاظي عن اي شي يزعلج منه لين تسلبين عقله باسلوبج الحلو ,,الله يبعد عنه بنات الحرام يااااااااااااارب وما يشوف فعينه غيرج